مع التشويق والإثارة والجديد
يوميات حسنات الدلالة
بقلم أمل الملواني ...مولي
الحلقة...الرابعة (٤)
بسم الله والصلاة والسلام على رسول الله
مثل اليوم...... من طلع من داره إتقل مقداره…..
حسنات ....تصيبها حمى بعد رجوعها من عند فيلا د/ عماد
وما حدث لها اصابها بالمرض ليس فقط ما راته في فيلا عماد بل ما حدث لها بعد ذلك جعلها تفقد السيطرة على نفسها
فلاش باك
بعد خروج حسنات من الفيلا وقراءة القرأن
وطلبت من السائق تشغيل القرآن
ووصلت للحي التي تسكن به ونزلت من السيارة ولم تكن تعلم أن هناك أعين تتربص لها وتلاحقها لتعرف أخبارها
عند دخولها للحارة تجد النساء مجتمعين ولم تكن تعلم انها هي موضوع حديثهم
ليأتي ابراهيم زوجها عيزك ضروري
ويصعد معها للبيت لتجد اولادها يشاهدون التلفاز فتطلب منهم الدخول لغرفتهم
ابراهيم ...عربية مين اللي كنتي نازله منها
وازاي تجرأي تيجي في عربيه
حسنات....وياترى بتسألني بصفة ايه
ابراهيم....يضحك ضحكة استهزاء انتي لسه مراتي وعلى زمتي ولا نسيتي
حسنات ...لا منستش بس انت اللي نسيت اني طالبه الطلاق
ابراهيم ...ردي على عربية مين ومين ده
حسنات...والدموع تتحجر بعينيها انت بتشكك في انت فاكر كل الناس زيك انا لا يمكن اكون كده كل الموضوع كنت عند سيده هشترلها بضاعه وخلت السواق بتاعها يوصلني
ابراهيم....ومفكرتيش في سمعتك وأنك في مكان شعبي والناس ممكن تتكلم عليكي
حسنات ....مفكرتش لأني معملتش حاجه غلط
ابراهيم .... للأسف ياهانم سمعتك على كل لسان انا لما سمعت كلام عنك مسدأتش لكن لما شفتك بعيني نازله من عربيه كل حاجه ممكن اصدقها بعد كده
حسنات ...وقد تمكنت منها الحرارة العالية وبدأت الرعشة تتملك منها وابراهيم يواصل الضغط عليها لتقع مرة واحدة دون كلام ولا حراك فيحملها ابراهيم إلى غرفتها ليجدها ترتجف بشده وحرارتها تزيد في الارتفاع فلا يعلم ابراهيم ماذا يفعل ايتركها ويذهب ليحضر طبيب ام يظل بجوارها فهو لا يعلم ماذا يفعل
ليطرق احدهم الباب ليجدها سعديه
سعديه...هي حسنات فين لتجد عيناه حمراء وتنحبس بهما الدموع لتفزع سعديه وتدفعه بعيدا انت عملت فيها ايه انطق وتجري مثل المجنونة تبحث عنها لتجدها على السرير نائمه لا تتحرك لتقترب منها وتفحصها لتجدها ترتجف بشده وحرارتها مرتفعة فتغطيها سريعا
وتنظر لزوجها هي مالها
ابراهيم ...كنا بنتكلم ووقعت على الارض ده اللي حصل ومعرفتش اتصرف هو ده كل اللي حصل
سعديه ...هاتلي كباية ميه حرام عليك وقعت قلبي
ابراهيم ...حاضر ويحضر الماء
سعديه....اعملها كمدات ميه بفوطه وميه بارده لغاية ما انزل اجبلها علاج وٱجي علطول
ابراهيم ....حاضر ويجلس ابراهيم يعملها كمدات لحين رجوع سعديه
وظل بجوارها ولم يتركها لحظه حتى خرج الاولاد فقد طال انتظارهم بغرفتهم وعند خروجهم وجدوا امهم نائمه وأبيهم يجلس بجوارها ليجري الأولاد على امهم ظنا منهم أن حدث لها مكروه
فيحزن ابراهيم ...حزنا شديدا لابتعاد أولاده عنه ولفقده هذا البيت الدافئ
ولكن سريعا ما عادت سعديه ومعها الدواء
لخفض الحرارة واتصلت بدكتور عماد الذي ارسل طبيبة من عنده لتراها وتكشف عليها
اعطتها سعديه الخافض وطلبت من ابراهيم النزول لإحضار الطبيبة فهي لا تعرف المكان
وبالفعل نزل واحضرها وعند الكشف على حسنات وجدت عندها حمى ووصفت لها محاليل ودواء
ليذهب ابراهيم لإحضارهم فورا
الطبيبة...لسعديه لازم رعاية شديده والتزام بمواعيد العلاج
سعديه...حاضر ياد كتوره بس وتصمت
الطبيبة ....بس ايه في حاجه
سعديه...اصل هي ملهاش حد غير الولدين دول ولم تنهي كلمتها
حتى دخل إبراهيم وسمعها وأنا روحت فين أنا مش هسبها ركبي لها المحاليل وقليلي مواعيد الدواء وانا سأعطيها لها
سعديه...بس ازاي وانتوا ولم تكمل
ابراهيم...حسنات لسه مراتي احنا منفصلناش
سعديه ....الحمدلله
لتستأذن ..الطبيبة لترحل فيذهب ابراهيم ليعطيها مال
الطبيبة...للأسف مينفعش اخد منك سعديه تهمنا
سعديه ...بوجه بشو ش كتر خيرك ياد كتوره وتذهب لتوصلها وتشكرها لأنها لم تذكر دكتور عماد
الطبيبة....انا كمان من حي شعبي وافهم الاصول وأن ممكن الناس تفهم غلط رغم أن مفيش غلط بس العقول الصغيرة للأسف تفسر كل شيء على هواها ولأني عارفه كويس دكتور عماد وحبه في مساعدة الناس ولأجل ذلك متاخرتش وجيت علطول انا بتعلم منه ربنا يبارك فيه ويكثر من امثاله في حب الخير
سعديه....ربنا يبارك فيكي
الطبيبة....لعلمك دكتور ...عماد قالي لو الحالة تستدعي افضلي معاها لغاية ما تقوم بالسلامه واعطاني الظرف ده عشان اعطيه لها بس انا هديه لكي وانتي ادهولها بمعرفتك
سعديه... ربنا يبارك في حضرتك وفي دكتور عماد وبجد ربنا يكتر من امثالكم
تعود سعديه وتقوم بتركيب المحاليل لها وتجلس بجوارها
ابراهيم....اتفضلي انتي وانا هفضل هنا جمبها
سعديه....لاء اتفضل انت لان في محاليل ولازم اركبها انا روحت البيت وعرفتهم خلاص. وتعالي الصبح عشان اروح ارتاح شوي
وانت تكون موجود بدالي على ما أجي تاني
ووافق ابراهيم على هذا الرأي فهو لم يعلم بدريه بشيء وبالفعل ذهب لبيته
وجلست سعديه ترعاها هي والأولاد
عوده للواقع.....
حسنات ...مازالت مريضه لا تعلم ماذا اصابها احزنها من كلام زوجها ام من ما شاهدته بالفيلا ولكن الأكثر زوجها الذي عاش معها سنين طوال ويعلم ما هي كيف يشك بها
وهل هي مازالت تفكر به ولما وقف بجانبها وهي مريضه هل مازال يحبني
امسكت رأسها ايه كم الأسئلة المتكررة في رأسي
لتدخل عليها سعديه....مالك تاني انا ما صدقت ان الحرارة نزلت واتحسنتي
حسنات....تعبانه قوى ياسعديه وكل حاجه ملخبطه في راسي
سعديه....وتضع صينة الطعام امامها كلي وانتي هتبقي كويسه علطول
حسنات....انتي مكلفه نفسك خالص من يوم ما عيت
سعديه ...ارتبكت قليلا ثم قالت ولا تكلفه ولا حاجه كله من فضل الله كلي عشان في ناس جايه تزورك النها رده
حسنات...... مين
سعديه...هتعرفي حالا
ليطرق الباب وتذهب سعديه لفتح الباب
وتدخل الضيوف
حسنات ... تتفاجأ معقول وتريد النهوض من السرير انا مش مصدقه نفسي دكتوره يسرا بنفسها
يسرا....نعمل ايه ياستي منتي نمتي واستحليتي النومه.. وكان لازم اجي اشوفك لأمرين وتنظر لسعديه والطبيبة اللي كشفت على حسنات سابقا
فيخرجون من الغرفة ويتركوهم بمفردهم
يسرا....اولا الف سلامه عليكي ثانيا محدش هيجبلي فرش البيت غيرك ثالثا وده الأهم
بصي ياستي انا عايزه اشاركك
حسنات...تشاركيني ازاي
يسرا.... هديكي مبلغ تجيبي بيه بضاعه وتبيعي والمكسب بالنص والنص بتاعي هتوزعيه على المحتجين بس ده بعد ما تشغلي المبلغ شويه ويكبر وعيزاكي المساعدة تكون للعرائس
حسنات ....بس ده مسؤوليه وأنا مش عارفه هكون قدها ولا لاء
يسرا ....انتي عايزه تفضلي على قدك انا عيزاكي تكبري متفضليش بياعه صغيره خصوصا بعد ما عرفت كل اللى جرالك
حسنات .....بس خايفه مكنش قد المسؤولية
يسرا ....انتي قدها من يوم اللى عمله جوزك وانتي قصريتي تقفي على رجليكي
بعد ما عرفت كل حاجه عنك بجد حابه اقف جمبك واساعدك بس بشرط
حسنات .....تنظر لها باستغراب
يسرا....تطمنيني عنك كل فتره
حسنات.....ازاي
يسرا.....مش معاكي تليفون هديكي رقمي
حسنات.... للأسف مينفعش
يسرا....ليه
حسنات .... لأن مش معاي تليفون للأسف
يسرا....تفتح حقيبتها وتخرج منه هاتف بعلبته وتقلها وده هديه مني لكي وعليه رقمي كمان مينفعش تشتغلي ومعكيش تليفون وميتفعش اثنين شركاء وميتصلوش ببعض
حسنات....تبكي وتنزل دموعها انهار.... لو... لي اخت مش هتعمل معاي اللى بتعلميه حضرتك معاي
يسرا ....وانا عملت ايه بس وكده هتزعليني منك ولو فضلتي تعيطي هعيط انا كمان
حسنات....لا ربنا يفرحك ومينزل لكي دمعه ابدا بس مش هقدر اجيلك الفيلا تاني انا بخاف
يسرا ....ولا يهمك اي حاجه هحجتجها هابعت السائق لكي
حسنات ....لا السواق مينفعش اهل الحته ظلموني لما لقوني نازله من العربيه
يسرا ...حيرتيني طب الحل
حسنات...عارفه اني بتقل على حضرتك بس ممكن وامري الى الله اجي بس في الحديقة وخلاص والله المستعان
يسرا....اوكي اتفقنا وتخرج من حقيبتها مبلغ كبير
حسنات ....دول كم ده شكله مبلغ كبير قوى
يسرا ...عيزاكي تشوفي محل ولو في حتتك مبدئيا وتشتغلى منه بلاش تروحي البيوت وتبهدلي نفسك والمبلغ ده بدايه ولو احتجتي اي حاجه معاكي تليفوني
حسنات ...حاجة ايه بس ده كتير قوي
يسرا ...تفف خلي بالك من نفسك وعايزه اسمع عنك اخبار حلوه قريب
حسنات...ممكن قبل ما تمشي تقرصيني
يسرا ....ليه
حسنات ....حاسه أني بحلم وخايفه اصحى منه
يسرا ....تضحك لا متخفيش انا هنادي دكتوره منال تطمن عليكي قبل ما نمشي وشدي حيلك عيزين شغل بجد وزي ما اتفقنا بالنص
حسنات ....ربنا يبارك في حضرتك ياد كتوره ويبارك في اولادك واحفادك يارب ويكتر من امثالك
يسرا....يارب ويوفقك وتخرج من عندها وهي سعيدة لما فعلته وما قامت به
ودخلت د/منال تطمئن على حسنات
منال.....لا عال بقينا احسن خالص يوم كمان وتقومي تشوفي اشغالك وعلى فكره انتي اكيد طيبه عارفه ليه
حسنات....ليه
منال....لأنه حطك في طريق دكتور عماد وزوجته الدكتوره يسرا الخير اللى هما فيه من الخير اللى بيعملوه على فكره خدي رقمي معاكي لو في اي حاجه انا تحت امرك بتبصيلي ليه بحاول اتعلم بجد منهم .... من يرحم... يرحم الرحمة فوق كل شيء صح ولا ايه
حسنات... كلامك كله صح
منال... الف سلامه عليك و تقومي بالسلامه
حسنات... ربنا يبارك فيكم ويكثر من امثالكم
وتتركها منال وتخرج لتأخذ دكتوره يسرا
ويذهبان ويودعان سعديه بعدان أوصوا علي حسنات
سعديه.... انت محظوظه اوي يا حسنات ربنا بعث لك الناس الطيبه دي يلا يا ستي ولعه معاك ربنا يوفقك انت تستاهلي كل خير وترى الهاتف وكمان هاتف لا يا ستي احنا عدينا و هاتف حديث كمان
حسنات... ربنا يوسع رزقهم ويكرمهم
وانتي كمان اللى عرفتيني بهم ناس محترمه جدا و يبارك فيك يا سعديه لأني انت كنت سبب في كل اللي انا فيه
سعديه الارزاق بيد الله انا كنت سبب فقط وللعلم انا معي ظرف الدكتور عماد كان بعته لكي من مده وكنت خايفه اعطيه لكي لا تزعلي ولا حاجه بس على فكره انا صرفت منه شويه قلت اجيب شويه حاجات في البيت كانت ناقصه تمام يا حسنات
حسنات....انا بجد مش عارفه اقول ايه سعديه ممكن أسألك سؤال
سعديه ...اتفضلي
حسنات....هو انا صحيه بجد وده حصل ولا نايمه وده حلم
سعديه....لا ياقلبي صحيه ومفنجله كمان ويضحكون سويا
ليطرق الباب فتذهب سعديه وتفتح الباب
لتجده ابراهيم ويظهر عليه الغضب
ويدخل على زوجته المريضة رغم قلقه عليها الفترة الماضية الا انه متضايق جدا وذلك لأنه شاهده السيارة التي احضرت حسنات قبل ايام ولم يلاحظ السيدات التي نزلت من السيارة
يدخل ابراهيم... علي حسنات ويظهر عليه الضيق
حسنات..... خير في حاجه
ابراهيم ....مين اللي كان عندك الوقتي
لتسمع سعديه وتدخل في الحديث دكتوره يسرا و دكتوره منال اللي كشفت علي مراتك من كم يوم المفروض تدخل تقول سلامات مش تدخل تحقق معاها وبعدين سبها دي تعبانه
حسنات تضع الغطاء على المال والهاتف حتى لا يراهم زوجها
فيحرج ابراهيم...ويقول إنتي كويسه الوقتي
حسنات... الحمد لله
ابراهيم....طب محتاجه حاجه
حسنات ...كتر خيرك
ابراهيم...بدريه بتسلم عليكي وكانت عايزه تيجي تطمن عليكي
لتغضب حسنات....وانا مش عايزه اشوف وشها وكتر خيرك انا بقيت كويسه
ومش عايزه حاجه من حد ربنا بيوقفلي ولاد الحلال
ابراهيم...عايز اتكلم معاكي لوحدنا
لتهب سعديه بالخروج فتنادي عليها حسنات راحه فين
سعديه ...هسبكم لوحدكم شويه
حسنات.... أنتي مش غريبه
سعديه...هطمن على الأولاد وٱجي علطول
وتخرج وتتركهم
ابراهيم ...انا عايزك وعايز ارجع بيتي واكون وسط زوجتي واولادي
حسنات ..تضحك باستهزاء منتا كنت بينهم وسبتنا خلاص للأسف معتش لك مكان بينا وزي ما قلت لك قبل كده حقك تشوف عيالك وتطمن عليهم
ابراهيم بلاش تفضلي كده ومنشفه دماغك وخلينا نبقى سوا وهتندمي لو فضلتي على رايك لأني مش هطلق يا حسنات
ويتركها ويرحل
وتمر الايام وتتعافى حسنات
وتقوم وتتابع اعمالها وبيتها فقد اهملته ايام مرضها
ولكن في نفسها لن تنسى معروف سعديه معها
تنزل حسنات لترى اعمالها وتذهب للتجار لتسدد ما عليها وتشتري كل ما تريده دكتوره يسرا ولكن عند نزولها وجدت جارتها ام اسماعيل فتحت البقالة. وجالسة بها فقد اغلقت من وقت ذهبت للعمرة
حسنات....ازيك ياست ياطيبه
ام اسماعيل ...تحتضنها وتقبلها فهي تحبها وتعتبرها ابنة لها
انتي اللى عامله ايه طمنيني عنك يابنتي
والله وانا في الحرم وعند رسول اللَّه معرفش ليه جيتي في بالي واعت ادعيلك من قلبي بالستر والرزق
حسنات....ودعواتك استجابت والله تسمحيلي اقلك يا أمي
ام اسماعيل....ياريت
حسنات ...تحتضنها...ربنا يباركلي فيكي يا امي... استأذن منك الوقتي عشان اجيب بضاعه
ام اسماعيل.... انا عيزاكي ضروري
حسنات.... خير يا امي في حاجه
ام اسماعيل... انت عارفه اني ست كبيره ومعتش اقدر على الشغل وعشان كدا قررت لو تخدي المحل وتشتغلى في و نبقه شركات فيه انا بالمحل وانت بالبضاعه و تشتغل فيه بدل مرمطك مع الناس
لتخر حسنات ساجدة في الأرض اللهم لك الشكر كما ينبغي لجلال وجهك
وتتذكر الآية الكريمة... قال الله تعالى: {وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا} [الطلاق: 2- 3]؛ أي أن الذي يتقي الله يـدفع عنـه المضرة، ويجعل لـه مخرجا من أي كرب ...
........
ينتهي يوم حسنات بس السؤال هنا تفتكروا ان السعادة اللى هي فيها هتدوم وهل ممكن تعود لزوجها وتوقعاتكم عن اللى هيحصل معاها
بقلم امل الملواني ....مولي
انتظروا الجديد مع حسنات
