مع التشويق والإثارة والجديد،💗💗
💗 يوميات حسنات الدلالة💗
💗 بقلم أمل الملواني ...مولي💗
💔 الثانية والثلاثون والاخيره32♥🌺
بسم لله والصلاة على سيدنا🌼 محمد وعلى آله وصحبه وسلم🌺💔
.............
النهارده.....هنبتدي علطول لكثرة الاحداث
تذهب حسنات وسعديه الى بدريه ليقفوا متسمرين فقد رأوا بدريه يمسكها اتنين من العساكر وقوات امن ولكن شكلها ما اوقفهم متثمرين شعرها منكوش وعماله تقاوم
وكل اللى على لسانها انا مقتلتوش وبنتها بتشد في جلبيتها وتصرخ امي متسبنيش
وبدريه تبكي وتصرخ وبنتها متعلقه في طرف جليبيتها في مشهد جعل الجميع يقف ويبكي بدريه اول ما شافت حسنات انا مقتلتوش والله
هو اللى مات دنا اديته اعشاب بس حسنات
انتي حقك خلص خلي بالك من بنتي واوعي تعقبيها بذنبي ابراهيم مات ياحسنات سبني وسابك وتضحك وتبكي وشعرها منكوش لتقترب منها حسنات وتسحب طرحه على رقبتها وتلبسها لها وتحاول مسح دموعها
بدريه.......تنظر لها انتي مين انا مقتلتوش
حسنات......تأخذ البنت وتحاول اخذها ولكنها تتمرمغ في الأرض وتبكي ليبكي جميع الحاضرين
بدريه....حسنات اللى موتته كان بيحبها
إبراهيم تعالي شوف ابراهيم فين هههههههه إبراهيم مات وترجع تبكي ثانية لا ابراهيم ممتش عنده مغص بس اه والله وهو خد شوية اعشاب عشان يبقى طوعي ليسحبها رجال الشرطة الى البوكس وهي مازالت تهرتل بالكلام
لتأخذ حسنات بنتها بالعافيه وتصعد لشقتها وتظل تنظر حولها ثم تدخل غرفة الطفلة وتحضر لها بعد الملابس وهي مازالت تبكي
سعديه....اهدي يا حبيبتي ماما هترجع متخفيش
حسنات.....ياله بينا ياسعديه وتغلق الانوار وتغلق الشقه وتأخذ المفاتيح معها وهي نازله دموعها على خديها تغرقهم فمشهد بدريه ارعبها واحزنها ومنظر الطفلة متعلقة بأمها ولم يعد لها احد أبوها مات وامها حبست لتصير يتيمة الابوين
وتأخذها حسنات وهي تبكي وحسنات وسعديه
يبكون ثم
سعديه....هنعمل إيه مع بدريه متنسيش ملهاش حد
حسنات.....هنودي البنت للعيال تعد معاهم ونروح النيابه نطمن عليها وهكلم اسامه يجبلنا محامي كويس لها
سعديه....انا اقعد مع العيال وانتي روحي
لها عشان مسبش العيال لوحدها ومتنسيش اني حامل
حسنات.... تمام وخدي مفاتيح بيت بدريه معاكي عشان لو احتجتوا حاجه للبنت
وتذهب حسنات. للقسم وتتصل في طريقها بأسامه وتطلب منه محامي
اسامه...... خير في ايه
حسنات...تقص عليه ما حدث
اسامه.....لا حول ولا قوة الا بالله..... ولا يحيق المكر السيئ الابأهله......
هجيب المحامي واجيلك حاضر ياقلبي
لتبتسم حسنات ربنا يباركلي فيك وتغلق معه
وتذهب لتجد بدريه في غرفة التحقيق
وتظل تنتظر ليأتي اسامه ومعه المحامي ليدخل المحامي يحضر معها التحقيق
وبعد وقت ليس بقليل من التحقيق
يخرج المحامي وبدريه لتقترب منها حسنات
بدريه....تضحك انتي مين هاه لتنظر لها حسنات مش عرفاني
بدريه....هههههههه ابراهيم جاله مغص
بدريه حطتلوا اعشاب ابراهيم راح هههههههه
وتظل تعيد نفس الكلام لتحتضنها حسنات ربنا يعافينا يارب وتبكي
ليسحبها العسكري وهي عندها حاله هستريه
المحامي...للأسف موقفها صعب لأنه ثبت ان الاعشاب والحبر اللى دوبتهم قتلوه والاعشاب غير صالحه للاستخدام الادمي الجهل سيطر علي الناس وطالع حمله الوقتي تفبض على العرافة اللى ادتها الاعشاب وبدريه هتتحول للأمراض العقلية للكشف على قواها العقليه لان وقت تتكلم عادي ووقت تخرف
حسنات....لا حول ولا قوةالابالله ربنا يلطف بيها
يعني هي كده هتخش مستشفى الأمراض العقليه
المحامي..... لاء هيكشفوا عليها وتفضل تحت الملاحظة شويا الاول ممكن من الصدمة وبعدين وكيل النيابه يحدد
اسامه..... هتعملي ايه
حسنات هروح اشوف بنتها حالتها صعبه اوي وهي محتجاني اوي الوقتي
اسامه.....ربنا يعينك يارب وولادك هتعملي ايه
حسنات....لازم أعد معاهم وأشوف دماغهم فيها ايه أكيد في حاجه غلط
اسامه....صح كده واعملي حسابك لازم اقابلهم
حسنات....بلاش الوقتي خليها اودام شويه لغاية ميهدوا واعرف مالهم
اسامه....اللى تشفيه بس انا محتاج أعد معاكي نتكلم
حسنات....بليل هكلمك بس خروج اليومين دول بلاش انت شايف الوضع عامل ازاي
اسامه.......عندك حق ماشي بس انا عملت اشتراك النادي ايه رايك تخديهم يغيروا جو وسبيني اتعرف عليهم بطريقتي
حسنات.....والله فكره حلوه بس كمان يومين كده عشان اشوف بدريه هتعمل ايه واتكلم مع الاولاد
اسامه.....تمام بس قبل ما تمشي لازم تكلميني كل يوم وتعرفيني هتعملي ايه
حسنات....حاضر متقلقش انت عارف انا أقدر ادير أي ازمه وربنا يعني ويقدرني
ويرحلان وكل واحد ركب سيارته وهو يفكر ماذا يفعل
اسامه يفكر كيف يكسب الاولاد في صفه
وحسنات.... تفكر كيف ترجع اولادها الى حضنها ازاي
وتصل لبيت سعديه وتصعد لتطمئن على الأولاد
وتطرق الباب وتفتح لها سعديه وهي تبكي
حسنات....وانتي مالك انتي كمان
سعديه....منظر بدريه مش مفارق عيني
حسنات...عندك حق والله وبنتها عامله ايه
سعديه.... مبطلتش عياط بس حمتها وغيرت
هدومها ونامت من التعب
حسنات...ربنا يصبرها طفله زي دي وتيتمت
بدرى الله يكون في عونها
سعديه.....تمسح دموعها تعالي بقه عرفيني ايه اللي حصل وهي قتلته ازاي
حسنات....الجهل راحت لعرافه ادتها اعشاب عشان يكون طوعها وورق مكتوب عليه والحبر مع الاعشاب عمله تسمم ولأنها اعدت تديلوا اربع ايام للأسف معرفوش يلحقوه
عاشت جاهله وخدت جزاء جهلها
سعديه.... عندك حق وهي فين الوقتي
حسنات.... حولوها مستشفى الأمراض العقليه للكشف على قواها العقليه شكلها اتجننت
بقلم امل الملواني.....مولي
سعديه...... لطفك يارب ياعيني يابدريه خدتي نتيجة طمعك وحقدك كنت ديما بقول اللى زي دي اخرتها ايه
حسنات......ربنا يلطف بينا ويرجعها لبنتها
سعديه....يرجع ايه دي لو خرجت من مستشفى المجانين هتروح للمفتي
حسنات.....والله منا عارفه بس انا طلبت من المحامي يتابع قضيتها ويبلعني بكل مستجد
سعديه....والله اللى زيك انقرض من زمان ربنا يقويكي ويقدرك على فعل الخير هو في واحده بعد كل اللى حصل معاها تبص في وشهم تاني وتعمل كده وهتعملي ايه مع بنتها هدوري على اهلها
حسنات.....لاء طبعا هتتربى مع اخوتها انا ربنا مرزقنيش ببنات وهعتبرها بنتي دي وصية إبراهيم وبدريه ولو موصونيش كفايه اللى شافته لا يمكن افرت فيها
سعديه...تحتضن حسنات وتدمع عيناها ربنا يبارك فيكي ويهدي لكي اولادك
لم تكن حسنات.....تعلم ان اولادها يستمعون لكلامها ليجري عليها الاولاد ويحتضنوها سامحينا ياماما ظلمناكي وسمعنا كلام طنط بدريه انك انتي اللى موتي بابا
حسنات.....تحتضن اولادها انا اموت حد انا ممكن أأذي حد ليه فكرتم في كده وليه سمعتوا كلامها
ادم....عشان انتي عورتي بابا وسبتينا ومشيتي وقبل ما يموت بيوم دخلنا نشوفه قلنا اللى عورني كده مش البانيو أمكم ضربتني وكانت عايزه تموتني بس ربنا لطف بي وقلنا انك مش عايزه ترجعي ليه وعايزه تتجوزي واحد تاني وهترمينا له بعد ما تتجوزي
لتبكي حسنات الله يرحمك يا إبراهيم ويغفر لك
والوقتي عرفتوا الحقيقة
الاولاد....ايوه وينزلون ويقبلون قدم أمهم و يبكون سمحينا ياماما
سعديه....بطلوا بقه خلتوني اعيط تاني هو يوم باين من اوله
حسنات....تبكي وتحتضنهم ربنا يخليكوا لي ويفرحني بيكم
بعد مرور ثلاثة اشهر على ما حدث
تجلس حسنات.... بالنادي والاولاد يلعبون حولها وبنت بدريه بدات تتأقلم مع الوضع وتحب حسنات التي اعتبرتها بنتها وكانت في بادئ الأمر تنام معها حتى جعلت لها غرفه مستقله وظلت تحبها فهي تحتويها وتحاول بقدر الامكان تنسيها ما حدث
الاولاد.....يأتون مع اسامه
ماما....ده دكتور اسامه بيعلمنا التنس وصديق لينا
حسنات....وكان استاذي بالجامعة كمان فقد تقرب اسامه من الاولاد بالاتفاق مع حسنات
لترى هل سيحبونه ام لا واتفقت معه لو الاولاد متقربوش منه ستتركه وتظل لأولادها
ووافق اسامه على هذا
الاولاد....بجد ياماما كان استاذك بالجامعة خلاص بقه تتغدا معانا احنا بنحبك اوي يا انكل اسامه
لتبتسم حسنات... وتفرح لحب اولادها لأسامه
اسامه.... بس اخاف اضايق والدتكم
حسنات.... لا ابدا يا دكتور اتفضل ده شرف لي
ويجلس معها وبعد وقت يلعب الاولاد ويتركوهم بمفردهم
حسنات..... الاولاد بيحبوك قوي ملهمش سيره غيرك وكل شويه عايزين النادي عشان يشفوك
اسامه.... وانا بحبهم قوي وبحب امهم بس هي ترضى بس
حسنات..... تنكسف ويحمر وجهها لتنظر للطاولة خجلا منه
ليرن هاتف اسامه فيرد فيجده المحامي
المحامي الحكم في قضية بدريه كان النهارده
اسامه..... والله نسيت والوضع ايه
المحامي.... حطوها في مستشفى الأمراض العقليه لثبوت عد م اهليتها اهو احسن من الاعدام لو شفتها النهارده في القفص تصعب عليك حالتها ساءت جدا عقلها رافض يقبل موت زوجها
اسامه.... لا حول ولا قوة الا بالله شكرا ليك
المحامي..... شكر ايه بس يا اسامه دحنا اصدقاء عمر
اسامه.... تسلملي يا حبيبي يارب ويغلق معه الهاتف
حسنات.....مين حبيبك ده انت لك حبيب غيري
اسامه...لاء طبعا انتي الحب كله مليش غيرك ياقلبي
النهارده جلست النطق في قضية بدريه
حسنات.....ياربي كان لازم أحضر حصل فيها ايه
اسامه.....يقص عليها كل ما ذكره المحامي له
فتدمع عين حسنات....لا حول ولا قوةالابالله
بس لازم ابقى اروح ازورها
اسامه...وماله بس رجلي على رجلك هخطبك من عيالك النهارده
حسنات....اوعي لسه شويه العيال لسه مصدومين
حسنات...عايزه منك طلب
اسامه...انتي متطلبيش انتي تؤمري علطول
اطلب من المحامي تقيم ثروة بدريه وابراهيم وحطهم لبنتها وللأولاد انا مش عايزه حاجه من فلوس إبراهيم
اسامه...بس كده عيوني بس هنتجوز امته انا خللت
حسنات....اسكت بقه بتكسفني بقه
اسامه.....هههههههه اموت فيكي وانتي مكسوفه بس بردوا مش هسكت هنتجوز امته
حسنات....في حاجه عايزه اسألك عليها
اسامه....قولي كلي اذان صاغيه
حسنات... الاولاد مش هيكونوا عبأ عليك
اسامه.....ليه بتقولي كده انا بعتبرهم ولادي ومسؤلين مني قبلك انتي متعرفيش في الفتره القصيره دي انا اتعلقت بيهم قد ايه
على فكره بقه...هما بيتصلوا بيا كل يوم مش يوم النادي بس
حسنات...من وراي ماشي طب وبنت بدريه انا عمري ما هسبها
اسامه....ومين قالك سبيها اللى متعرفهوش بردوا اني عملت ليها اوضه لوحدها كمان وجهزت البيت ومستني تشرفيه بيكم بس تنوروه
حسنات..... وابنك هتقله ازاي
اسامه....يضحك بعلو صوته ابني عارف من اول يوم اتفقنا فيه صحيح ميعرفش تفاصيل بس عارف ومرحب وفرح جدا وقالي انا كده اطمنت عليك ربنا يسعدك
لسه عندك اسئله تانيه
حسنات....بس
اسامه....بالله عليكي ما تبسبسي كفايه اسئله وخليني اقلك كلمتين قبل الاولاد ما يرجعوا
حسنات...تضحك قول يابعد عمري
اسامه.....اهو كده مش هاعرف اقول ولا كلمه بعد الكلام الجميل ده بس هو سؤال ليه بعد عمرك
حسنات....مش هقلك
اسامه....كده هزعل منك قولي بجد ليه
حسنات....لان عمري مش كفايه ادهولك فالي بعده كمان لك يا عمري كله لك
اسامه....لا وربنا ده كلام كبير قوي اقول انا ايه بقه
حسنات....قول اللى كنت هتقولوا
اسامه....نسيت وينظر لها بمكر
حسنات....كده مخاصماك
اسامه......اوعي اموت فيها انا وعدتك عمرك ما تزعلي مني ولا ازعلك ابدا
يابعد عمري
حسنات....بتغش كلامي وتقوله
اسامه.....اصله حلو قوي
ليرن هاتف حسنات
لترد.....لتجدها سعديه الحقيني انتي فين
حسنات.....في النادي
سعديه.....اه ياختي ناس في النادي وناس بتبوس الأيادي
حسنات...في ايه
سعديه....لسه هتسالي بولد الحقيني ياختي الرجل عضيته بعد عني ورافض يقرب مني الحقيني بسرعه وتصرخ لتغلق معها حسنات
حسنات.....تضحك ولا تتمالك نفسها لازم امشي حالا الاولاد فين
اسامه....خير في ايه
حسنات....سعديه بتولد وعضت جوزها وخايف يقرب منها تاني
ليضحكان الاثنان
اسامه......تقوم بالسلامه ان شاء الله بس شكلها صعبه قوي
حسنات.....سعديه دي مصيبه وكتله من الكوميديا
اسامه....ثواني انادي للأولاد
لتتصل حسنات بالداده
لترد عليها.... خير يامدام
حسنات....هجبلك الاولاد واروح لسعديه المستشفي اصلها بتولد
بعد مرور ست شهور
سعديه تحمل ابنها واولادها البنات ماسكين فيها
وحسنات.....ترتدي فستان افوايت واسامه يرتدي بدلة سوداء واولاد حسنات لابسين بدل جبها لهم اسامه زي بدلته بالضبط وبنت بدريه ترتدي فستان جميل احضرته لها حسنات
ويتم عقد قران حسنات واسامه وسط فرحة الجميع
سعديه.....تحضر صاروخ واول ما ينتهي كتب الكتاب تشعله وترميه تحت الكنبة التي يجلس عليها المأذون
واول ما انفجر نط المأذون من مكانه استر يارب ليضحك الجميع ويهدونه ويظل يضحكون في تجمع عائلي جمع سعديه وزوجها واولادها واولاد حسنات ومنستش تعزم ام اسماعيل التي بكت عقب كتب الكتاب
حسنات.... تذهب لها مالك يا امي
ام اسماعيل..... دي دموع الفرحه يابنتي ربنا يسعدك ويرزقك الزوج الصالح اللى يعوضك
عن كل اللي شفتيه وقاستيه انتي تستهلي كل خير
لتنحني حسنات وتقبل يدها وتحتضنها لتدمع أعينهم جميعا ثم يضحكون فور تقدم سعديه وقولها العشا برد هنتعشى امته
احمد....بطلي كسفتينا ياشيخه ويضحكون جميعا عليها لتنتهي يوميات حسنات
في سعادة وفرح وهتوحشوني استنوني في روايه جديده...ويارب تكون عجبتكم هستنى رايكم.......بقلم أمل الملواني.....مولي
