مع التشويق والإثارة والجديد،💗💗
💗 يوميات حسنات الدلالة💗
💗 بقلم أمل الملواني ...مولي💗
💗 الحلقة. الرابعة عشر (١4💗
بسم الله والصلاة والسلام على رسول الله
..........
.....وعلى رأي المثل.....اتلم القرد على النسناس والاثنين ماشين يجيبوا في سيرة الناس
.......
في المستشفى
تجلس حسنات ومازال هناك صداع يمسك في رأسها
لتدخل عليها سعديه..... صباح الفل ياقمر عامله ايه دلوقتي طمنيني عليكي
حسنات.... تنظر لها وكأنها تحاول التأكد من شيء
سعديه.... عارفه إنك خايفه مني لأنك
مش فكراني بس يشهد ربنا إني بحبك في الله
ومليش عندك أي غرض من قربك
حسنات... تشير لها تعالي قربي
سعديه.... تقترب منها نعم
حسنات..... أنا فعلا حاسه إنك بتحبيني وعشان كده عيزاكي تقليلي كل اللى تعرفيه عني وعن حياتي
وأول حاجه الناس اللي كانو هنا امبارح
سعديه.... عيوني بس كده اسألي وانا أجاوب علطول
حسنات.... حلو الأولاد اللى كانو هنا قطعوا قلبي
سعديه... دول ولادك ياحسنات وهما فعلا عندك اغلى من الدنيا كلها
حسنات... بجد طيب والرجل والست
سعديه...... بصي هو الرجل اسمه إبراهيم وجوزك فعلا والحربايه دي مراته فعلا
حسنات....بس أنا مش مرتحالهم هما الاتنين
سعديه....والله منا عارفه اقلك ايه
حسنات...تعتدل في الجلسة بصي قليلي كل صغيره وكبيره عنهم لأني مش عارفه حاجه أنا ورقه بيضه أكتبي كل حاجه بالتفصيل
وأوعي تكذبي أنا بفهم وبحس باللي بيكذب
سعديه....دنتي حبيبتي أكذب عليكي ازاي
وتجلس بجوارها وتقص عليها كل ما تعرفه بالتفصيل
حسنات....بقه كده انتي ربنا بعتك لي في الوقت المناسب
لتجد شاب يدخل عليهم وعلامات الاعياء والتعب والارهاق تبدو على وجهه وذقنه
حسنات....تميل على سعديه مين الواد ده كل يوم يجي
سعديه....ده حكايته حكايه هحكيها لكي بعدين
بس مبدئيا ده اللى انقذك مرتين
حسنات....ازاي مرتين
سعديه....هقلك بعدين
ليرد...أحمد بهدوء ممكن أعرفها أنا بس الاول حمد لله على السلامة
سعديه....هو انت سمعتنا عرفها على ما اروح اشوف شغلي وارجع ليكي تاني
حسنات......انتي راحه فين ولكن كانت سعديه رحلت
أحمد....انتي خايفه مني ياحسنات اسف ياست حسنات
لتنظر له حسنات تتفحصه
انت تعرفني
أحمد.....احنا اتربينا سوا بس الدنيا تلاهي انا اتجوزت وانتي كمان وامي فضلت جارتك وحبيبتك كمان لأنك اتجوزتي في شقة اهلك
حسنات.....على كده تعرفني كويس
احمد.....أكيد
حسنات.....الأول قلي ازاي أنقذتني مرتين
أحمد....حاضر هقلك انا كنت نازل من البيت ولقيتك مرميه في الشارع والدم مغرقك. اتصلت بالإسعاف وروحت معاكي ودي المره الأولى
المره الثانية..... احتجتي دم لأنك نزفتي كتير وللأسف فصيلتك نادره بس من حسن حظي أنا نفس الفصيلة اتبرعت لكي ومش كيس ولا اتنين اربعة أكياس يعني صفيتي دمي
حسنات.....بكسوف كتر خيرك يعني أنا مديونه لك بحياتي
أحمد....ولا دين ولا حاجه إنتي خيرك سابق علينا
حسنات.....أنا
أحمد.....طبعا كفايه رعايتك لو لدتي قبل ما تموت وبعد الموت كمان
حسنات...هي والدتك ماتت الله يرحمها
أحمد......من حوالي شهر واسبوع بالضبط
الله يرحمها ويبكي
حسنات.... معلش الموت علينا حق
وبجد متشكره لوقفتك جمبي لولاك كان زماني معاها
احمد..... طولت العمر ليكي تسمحيلي ابقى اجي اشوفك أصل معتش لي حد
حسنات.... مش بتقول متجوز
أحمد.... للأسف كنت الوقتي خلاص معتش عت وحيد
حسنات.....ربنا يقويك بس زوجتك راحت فين
أحمد....مش عايز ادوشك كفايه اللى انتي فيه
حسنات....قول انا دماغي فاضيه وحابه املاها
أحمد.....حاضر
فلاش باك
بعد ذهاب أحمد من عند حسنات ليلة العزاء وقص على زوجته ما حدث ووصية أمه
زوجته....ايه الكلام الفارغ ده وانت واخوك سكتوا كنتوا خدوا منها المفتاح غصبن عنها وتبيعوا الشقه اهم قرشين لابنك ينفعوه حتة ورقه مكتوبه تأخذوا بيها
أحمد....خلاص يا نجلاء أمي اتبرعت بيها وانا متأكد ان الست حسنات هتعمل زي ما امي قالت ليها
نجلاء.....ده كلام فارغ ياتروح وتجيب فلوس الشقه دي يا اما هاخد موقف
أحمد.... مش فاهم كلامك ده اعتبري مفيش حاجه واحنا حالتنا الحمدلله تمام ليه ندور على وجع الدماغ
نجلاء.... ده مش وجع دماغ ده حقك وبعدين مين قالك ان الورقه مظبوطه ما جايز حسنات دي هي اللى كتباها
أحمد...لاء طبعا واخوي كان معاي ورضا وخلاص وبعدين هروح اخد الفلوس من الدفتر وأجبهالك ياستي متزعليش بقى
نجلاء....فلوس ايه دي ملاليم انت باين عليك اتجننت وأقلك آخر كلام هتروح تجيب الشقه منها ولا لاء
أحمد.....لاء مش هروح وقفلي على الموضوع ده ومش عايز كلام تاني ويتركها ويدخل البالكونه ويظل يتذكر امه وكيف أهملها رغم رعايتها لهم وحتى المال اللى ورثته من أبيه لم تأخذه قسمته بينه وبين أخيه كيف لم يحضر دفنها كيف لم يودعها كيف تقف جارتها وأنا وأخي لاء ظل هكذا ساعات من تقنيب الضمير
حتى وجد زوجته تخرج وتحمل ابنها وتهم بالرحيل
أحمد.... انتي رايحه فين الوقتي
نجلاء...سيبهالك وانت حر ده حق ابني
أحمد..... يعني أنا غلطان اني حكتلك
نجلاء ....لا غلط ولا صح وتفتح الباب وتخرج
ليجري أحمد....ورائها فيحاول اعادتها ولكنها تركب دماغها وترحل هي وابنها وتسرع في خطوتها
ليقف احمد مكتوف الايدي ماذا يفعل ثم يقول اوصلها لبيت اهلها وهي حره بعد كده
أحمد.... نجلاء استني هاجي اوصلك
ولم يكمل الكلمه لتأتي سيارة مسرعة تخبطها هي وابنه أمام عينه ليجري فيجدها تخرج في الروح وابنه مش عارف يأخذ نفسه ليتجمع الناس ويتصلون بالإسعاف وعند وصولهم للمستشفى كان السر الالهي طلع الام والابن
ليجلس أحمد...يبكي ثم يقول لنفسه ذنبك يا أمي ربنا خد حقك مني احساس صعب قوي
آه قلبي وجعني قوي
البيوت جدران وحيطان وكل بيت جواه اسرار
عوده
حسنات.....ياه صعب قوي ربنا يكون في عونك....فعلا.اللى يشوف مصائب الناس تهون عليه مصيبته
وهو إنت عملت ايه في أمك عشان يكون ذنبها
أحمد...... معلش هستأذن لأن وراي مشوار وأكيد لنا قاعده تانيه وأحكيلك كل حاجه او تفتكري انتي
حسنات....ياريت عامة بالسلامه وخلي بالك من نفسك
أحمد.....يمسح دموعه ويرحل وهو حزين فمنظر الحادثة لا يفارق عينيه أبدا
حسنات....الدنيا دي صعبه قوي ربنا يعين كل واحد على بلوته
تمر الساعات
بدريه...تتصل يابراهيم ولادك مبطلوش عياط وزن ومش راضين يكلوا أعمل ايه أنا
إبراهيم....معلش سيسيهم على ما أروح أشوف في المستشفى هيرضوا بالزياره ولا لاء
بدريه....بس انجز أنا صدعت
إبراهيم....حاضر ويغلق معها ويذهب للمستشفى ليجد الاستعلامات تطلب منه الدخول للأطباء أولاً
ليدخل إبراهيم.....للأطباء
الطبيب..... اتفضل
إبراهيم..... خير يا دكتور
الطبيب.... أقعد بس الأول
إبراهيم..... يجلس خير في حاجه
الطبيب....... طبعا انت واعي الوقتي لحالة زوجتك
إبراهيم.....أكيد
بقلم أمل الملواني....مولي
الطبيب.....احنا هنكتب لها على خروج
بس هتجبها لدكتوره امتنان هتعمل معاها جلسات وفي علاج لتقوية الذاكره
ده الجانب الطبي اما الجانب الانساني المفروض متعرضوهاش لأي صدمه واي خبر او معلومه تكون بهدوء وبلاش ضغط عليها
إبراهيم.... حاضر وهتخرج امته
الطبيب....تقدر تاخذها دلوقتي بس زي ما فهمتك
إبراهيم......حاضر ويذهب لغرفتها ليجدها تجلس تفكر
إبراهيم....السلام عليكم ورحمة الله وبركاته
حسنات....بهدوء شديد وعليكم السلام ورحمة الله وبركاته
إبراهيم....الدكتور قالي اخدك للبيت
حسنات....اه منا عارفه وجاهزه
إبراهيم....حمدالله على سلامتك
حسنات....الله يسلمك
ويذهبان سويا للحي ليجتمع النساء والرجال يسلمون عليها ويطمنوا عليها وهي لا تعرف أحد ولكن إبراهيم يعرفها عليهم ثم تصعد لشقتها وكأنها تراها أول مره ولكنها مرتاحه نفسيا للمكان وكأن لها ذكريات به ولكنها مازالت لا تتذكر
إبراهيم....اروح اجيب العيال ولا نرتاح هنا النهارده ونجبهم بكره
حسنات....فقد فهمت مبتغاه لاء روح هاتهم يمكن افتكرهم
إبراهيم...بضيق متأكده
حسنات....اه متأكده
ليتركها ويذهب يحضر الأطفال
اما نساء الحي يجلسون على عتبه عالية لبيت أحدهم
احد النساء....تفتكري مين اللى عمل كده في حسنات
امرأة اخرى...ما جايز ابراهيم شاف حاجه عليها وضربها
واحده تانيه....انتوا شفتوا فتحت محل مره اتحرق ورجعت عملته تاني ومليته بضاعه ياختي في ثانيه
امرأة ثالثه....والله منا عارفه بتجيب الفلوس دي منين
لترد الآخرى.....عندك حق وتلاقيها لا ناسيه ولا حاجه
لترد آخرى...عندك حق ده كهن ستات ياختي
بكره كله يبان ياما تحت السواهي دواهي
ام اسماعيل...عند سماعها هذا الحوار تملأ سطل مياه بارده وترميه عليهم وهي تقول
عالم فاضيه ملهاش شغله غير القال والقيل انتوا مبتخفوش ربنا اطلعي منك ليها على بيتها بلاش مسخره وقلة أدب
النساء....ينفضون هدومهم وواحده منهم والله لولا إنك ست كبيره كنت عرفتك مأمك بس نقول ايه ست خرفانه
ام اسماعيل....وانا لولا روحت بيت ربنا كنت رديت عليكي بس اقسم بالله لو شفتكم متجمعين كده تاني وبتجيبوا في سيرة اي واحده لكابه عليكم ميه مش نضيفه المره الجايه ياله كل واحده على بيتها بلاش قلة أدب
الحريم....مهي لازم تعمل كده مش شريكتها والخير هيعم على الكل
أم اسماعيل....لا حول ولاقوة الابالله
ربنا يهديكم او يهدكم ستات مبتختشيش ولا عندهم دم حاجه ارف
وتدخل بعد ما غرقت الستات وهي مبسوطه ياله استحموا يمكن ينضفوا نسوان فاضيه لا شغله ولا مشغله
حسنات.... تجلس تنتظر اولادها وتفكر كيف تتصرف مع ابراهيم بعد ما عرفت كل حاجه من سعديه وخصوصا انه هو بيستهبل وكأن مفيش حاجه والعيشه كانت تمام بينهم
حسنات لنفسها شكلك كنتي طيبه ياحسنات بس انا لاء وإبراهيم ومراته لازم يستووا على نار هاديه إما وريتكم أنا بقه حسنات الجديده
نقف عند هذا الحد وانتظروا حسنات تانيه خالص ووجه أخر لم تعرفوه من قبل
مع الجديد والمثير مع حسنات الدلالة بقلم امل الملواني......مولي مع تمنياتي لكم بقراءة ممتعه
