يوميات حسنات الدلالة

يوميات حسنات الدلالة 9

مع التشويق والإثارة والجديد،💗💗

💗 يوميات حسنات الدلالة💗

💗 بقلم أمل الملواني ...مولي💗

💗 الحلقة. التاسعة(٩)💗

بسم الله والصلاة والسلام على رسول الله

.....؟

مثل اليوم....ولا يحيق المكر السيء إلا بأهله

.........

مهما طال المكر لابد له ان ينكشف او يطال صاحبه

حسنات ..تستيقظ لتصلي الفجر فقد رأت منام افزعها لتستعيذ بالله من الشيطان الرجيم

وتجلس تستغفر الله ثم تقف وقبل ان تذهب لتتوضأ تذكرت السيده فتحيه فذهبت لتطمئن عليها ولم تكن تعلم أنه الوداع الأخير فقد شعرت هذه السيدة الطيبة بدنو أجلها ولهذا طلبت من حسنات أن تطمئن عليها

فهي معها مفتاح للشقة حتى تدخل في أي وقت فهي تجلس وحيده

دخلت حسنات لتراها نائمه على سجادة الصلاه ظنت أنها نامت لتوقظها

حسنات...كده يا أمي بردوا تنامي على السجاده زمانك ختي برد قومي الفجر أذن

يا أمي ياحبيبتي إنتي نايمه لسه ولا إيه ليدخل الرعب لقلبها وتمسك يدها فتجدها مثل الثلاجه ماما إنتي بتخضيني ليه بلاش الهزار ده ياماما انتي أكيد بتشوفي غلاوتك عندي صح والله إنتي عندي اغلى من نفسي وتهزها فلا تتحرك

حسنات...لا يا أمي اوعي تسبيني أنا محتجاكي أوي مقدرش يا أمي ابتدي يومي من غيرك ومين اللى هينصحني لو غلطت ومين هيقف جمبي في افتتاح المحل وتظل تبكي وتتكلم

أمي هتسبيني لتاني مره والاقي نفسي وحيده

طب اقولك هشرب القهوه مع مين

طب بلاش كده الأولاد هيقولوا لمين تيته

ومن هياخد باله منهم ومين هيوبخ ابراهيم لما يزعلني بلاش كل ده مين هيدعيلي في كل صلاة ..بالله عليكي يا امي متسبنيش واصحي وقولي انك بتهزري معاي بس هزار تقيل شويه طب تعالي على رجلي ونامي برحتك بلاش الأرض ناشفه عليكي وتضمها لحضنها لتنزل دموع حسنات على وجه السيده الطيبه ثم تحاول رفعها لتضعها على السرير فهي غير مستوعبه إنها ماتت وأن هذا هو اللقاء الأخير او الوداع الأخير وتضعها على السرير بعد عناء وتضمها إلى صدرها انا نقلتك يا امي اهوه قومي بقه وبلاش دلع الفجر هيفتنا وترجعي تزعلي مني وتقولي اني مقصره والبركة هتروح من البيت مش ده كلامك

هو انتي زعلانه مني طب انا موافقه على أي حاجه اقولك قومي اضربيني طب خصميني بس متسبنيش بلاش حضنك يفارقني إنتي الأمان والحنان قومي يا أمي طب أنا هنام جمبك وازعلي مني لما الفجر يروح مننا إحنا الاتنين والدموع تنهمر من عينيها وكأن الدنيا والحياة تعاند فيها وتصر ان تبكيها كيف لها أن تتحمل كل هذا في هذا الوقت القصير من لها بعد الله الموت حق والفراق صعب