مع التشويق والإثارة والجديد،💗💗
💗 يوميات حسنات الدلالة💗
💗 بقلم أمل الملواني ...مولي💗
💔الحلقة الثانية والعشرون 22💗
بسم الله والصلاة والسلام على رسول الله
في صباح يوم جديد
تستيقظ حسنات مثل كل يوم وتفيق اولادها للذهاب للمدرسة ثم تحتسي المشروب الدافئ
خاصتها ثم تجهز للذهاب للعمل
وهي في طريقها للعمل يرن الهاتف فترد حسنات.... لتجدها بدريه لتسالها عما تريد
بدريه... عايزه اتكلم معاك
حسنات... قولي في ايه
بدريه..... لازم اشوفك ممكن اجي لك البيت حسنات... للأسف انا رايحه الشغل دلوقتي بدريه.... خليها وقت ثاني
حسنات..... في ايه حصل حاجه ثانيه من ابراهيم
بدريه.... للأسف الوضع زي ما هو ما فيش تغيير ولا تجديد
حسنات... قلتي ليه على العمرة
بدريه... ملحقتش حصلت مشكله خلتني مقلتلوش
حسنات.... في ايه حصل
بدريه..... عبده مات تعيشي انتي
حسنات.... لا حول ولا قوه الا بالله بس ازاي بدريه..... جرعه زياده مخدرات اهو ريح وارتاح
حسنات....ازاي تتكلمي كده اذكروا محاسن موتاكم
بدريه.... معلش اصله كان بديقني فالكلام خرج غصبن عني
حسنات.... خلي دائما كلامك طيب الكلمه الطيبه صدقه
بدريه.... احاول ان شاء الله
حسنات... كنت عايزاني في ايه
بدريه..... مش انت قلتي انك هتساعديني حسنات.... ايوه
بدريه..... طيب هنعمل ايه كنت عايزاك عشان اعرف منك اعمل ايه
حسنات..... معلش انشغلت شويه حاضر افكر لك واقول لك
بدريه..... بس انا لازم اقعد معاك حاضر بس افكر الاول واشوف ابحث هنعمل ايه بدريه تمام بس ياريت يكون في وقت قريب مش بعيد حسنات..... ان شاء الله
في اقرب وقت وتغلق معها الهاتف وتقول ودي مشكله جديده مش عارفه اعمل فيها ايه
يافتاح ياعليم وتدخل الى المول لتتفقد العمل وتتفقد البضائع و تفقد كيفيه تزيين المول و كيفيه رص البضائع حتى تظهر للزبائن في ابها صوره ثم يأتيها اتصال
فترد على الهاتف فتجده احد التجار الكبار التي كانت تتعامل معهم سابقا ومازالت تتعامل معهم الان وقد طلب منها طلبيه مفروشات كبيره ستذهب الى الإسكندرية وانه فتح سوق جديد للبضائع التي ينتجها احمد وسعديه في محافظات عده و بكميات وفيره لتبتسم حسنات وتسعد لهذا الخبر الجميل ليتبدل مزاجها بعد ان ضايقتها بدريه فهي لا تعلم لما يضيق صدرها كلما تكلمت معها لتحاول ان تنساها اتصلت بأحمد وسعديه لتخبرهم بهذا الخبر الجميل
احمد..... والله انت وش السعد والخير علينا ربنا يبارك فيكي فكره انت السبب في اننا نكبر كده فاكره عملتي ايه
حسنات..... كلها خطوات ربنا كتبها لينا
أحمد..... عمري ما انسى تعبك معانا ولفك على التجار لغاية ما عرفونا ووثقوا فينا
حسنات..... اربع سنين فاتو كأنهم ايام انا اصلا مش مصدقه حاجه من اللي احنا عملنا ولا اللي بقينا فيه الحمد لله كله بفضل الله ثم بفضل تعبكم وتعبنا طبعا كلنا مع بعض
احمد اكيد طبعا
لتغلق معه حسنات وترجع بذكرياتها الى البدايات
فلاش باك
احمد......الانتاج هيبدأ اول الشهر ومش عارف هاعمل ايه
طبعا جزء هنعرضه في المحل عندك ياحسنات لكن الباقي هنوديه فين
حسنات..... خلينى افكر نعمل ايه
لترد سعديه... سريعا انا اخذ جزء أعرضه في الشغل عندي
احمد..... برضه مش كافي
حسنات..... ايه رايك عندي فكره كويسه
احمد.....ياريت ايه هي
حسنات.... اخذ جزء او عينه من الشغل وأعرضه على التجار اللي انا بتعامل معاهم
احمد.... بس تفتكري بيبعولك هياخدوا منك حسنات... وليه لاء
احمد.... تفتكري
حسنات.... سيبها على الله انا احاول وان شاء الله فيه الخير يكون
احمد.... يا رب لأني لو كده الشغل هيقف ومش هيكفي مصاريف المشغل ولا رواتب الموظفين
حسنات.... قلت لك ارمي حمولك علي الله ثم على و انا اتصرف و تأخذ عينه من البضائع وتذهب بها للتجار وتمتدح الخامات والتطريز والشغل ل يتهافت التجار على شراء كميات كبيره منها طبعا كانت حسنات ذكيه جدا لأنها نزلت السعر شويه عن السوق وذلك الحافز للتجار وتأخذ عينه بعد ذلك فقط مع سيارة وضعت البضائع وبدأت تذهب لكل التجار وتعرض عليهم بضاعتها ولأن لسانها طيب و كلامها طيب كان الناس دون نقاش يأخذون منها ثم جاءتها فكره بعد ذلك انت وتذهب الى المحافظات وتعرض هذه البضائع فهي مختلفة عن كل ما في السوق الخامات جميله وعالية الجودة والاسعار ارخص لتفتح سوق البضائع وبذلك يتوسع البيع والترويج للبضاعة
عوده للحاضر
حسنات الحمدلله التعب توج بنجاح لينا كلنا
ليرن الهاتف
حسنات...ترد السلام عليكم
اسامه....حبيت اصبح بس وافكرك عشان تقليلي الناس هتيجي امته انا سايب المفتاح مع البواب
حسنات تمام خلاص انا ابعت ناس النهارده يعينه ويشوفوا هايشيله ايه
اسامه.... تمام
حسنات.....بس لازم تكون موجوده عشان تعرف هم ما يأخذوا ايه
اسامه.....حاضر انا اكون موجود ان شاء الله بس تعرفيني يعني الميعاد ان شاء الله
حسنات....طبعا لازم تكون على علم قبلها بالميعاد عشان ظروف حضرتك
اسامه......واخبار القهوه ايه
حسنات. هههههههههه😂 تحت امرك طبعا
اسامه.....بس النهارده عندي محاضرات للساعه اتنين بعد الظهر
حسنات....مكتبي مفتوح لحضرتك اي وقت
اسامه... تاني حضرتك ما فيش فايده
حسنات.... والله ما قصدت بس غصبن عني على حسب ما تعودت ان شاء الله احاول يا اسامه
اسامه.....ايوه كده بقلك ممكن طلب
حسنات.....اتفضل طبعا
اسامه.....ممكن اعزمك على قهوه عشان ارد القهوه بتاعتك
حسنات.....بس انا عمري ما خرجت مع حد
اسامه.....بس انا مش حد غريب
حسنات.....اعذرني بس مفيش حاجه تربطنا ولا حضرتك يعني من قريبي
اسامه.. وهو سعيد بردها...ده مكان عام وبعدين اعتقد انك تعرفيني كويس واظن ان احنا ناس بالغين ونفهم كويس بنعمل ايه
حسنات.....بس انا بعتذر منك مينفعش
اسامه.....عامة برحتك بس العزومه قائمه لو غيرتي رأيك فى أي وقت اقلك اعتبريها عمل ياستي مش انا طالب منك شغل
حسنات.....ايوه بس لو كده يبقى حضرتك تتفضل عندي في المكتب
اسامه.....خلينى واضح اكتر المكتب عندك ناس داخله وخارجه وبصراحه مبعرفش اتكلم
وغير كده عشان اكون صريح اكتر مش عارفه اقلهالك ازاي بس انا معجب بيكي
حسنات... رغم سعادتها الا أن الكلام نزل عليها كجبل من الثلج معقول ليخرج صوتها
معقول
اسامه....هو ايه اللى معقول
لتضع حسنات يدها على فمها
اسامه...حسنات انا دكتور و متعلم ومتهيالي يعني اني مش بهزر ولا بهرج وفي احساس عندي احساس اني انت كمان حس بيه وان تفكيرنا قريب من بعض جدا و متهيألي يعني انه ممكن يكون ربنا بعثنا لبعض
نعوض بعض عن الفتره اللى فاتت من عمرنا بصي انا مش بتكلم كثير لان لازم بجد اشوفك عشان نتكلم وزي ما قلت لك انا مش واحد صغير لسه انا عارف انا بقول ايه و بيعمل ايه حسنات يا ريت ترد علي و بلاش الصمت ده لو انا احساسي غلط يا ريت تقولي لي وانا حتراجع فورا ولوفي فرصه 1% اديني فرصه انا اشرح لك واتكلم معاك و افهمك
حسنات.... بجد مش عارفه اقول لك ايه بس فعلا انا إما بشوفك بكون سعيده و ما بنتكلم معاك بكون مبسوطه وبحس انك تفهمني بس في حاجات كتير لازم تعرفها والفرق اللي بينا فرق الاجتماعي يعني اللي بيننا هل يؤثر ولا لاء انت عندك حق لازم نتكلم الاول وبعدين احنا لازم نتقابل النهارده شوف حضرتك الميعاد انت عايزه
اسامه.... حضرتك ثاني حسنات تضحك اسفه يا اسامه
اسامه.... خلاص الميعاد الساعه اتنين بعد الظهر وابعث لك ابلكيشن بالمكان او اقول لك ايه رايك اجي اخذك ونمشي سوا
بقلم امل الملواني....مولي
حسنات.... لا خليني اجي لك احسن بلاش تيجي انا هاجي عرفني المكان وانا اجي على طول احسن وتغلق معه الهاتف و هي لا تصدق نفسها معقول يكون الحظ ابتسم لي مرة اخرى تاني معقول اعيش واتجوز تاني انا مش مصدقه نفسي وتجلس تفكر امن الممكن ما تشعر به وانها ممكن تحب وتتجوز وتعيش سعيده ثم تتذكر اولادها وهل سيوافقون على هذه الزيجة وهل إبراهيم سيتركها في حالها
لترد على نفسها وليه لاء هو كمان أتجوز وعاش وشاف حياته ليه انا كمان معش واشوف حياتي وتكون دي فرصه جديده لحياه جديده تعوضني اللي فات وخصوصا انه انسان محترم وخلوق ومتعلم يعني في صفات تقبلها اي ست او بنت كفايه ادبه واخلاقه
ليطرق باب المكتب عليها حسنات.... تفضل يتقدم رجل يحمل باقة زهور كبيره ورود حمراء وبيضاء وفي وسطها ورود بنفسج
ليعطيها الرجل الدفتر لتمضي بالاستلام
حسنات....من مين ده
الرجل معرفش يافندم بس في كارت معلق على الورد وينصرف
لتقوم حسنات وتمسك الكارت الموضوع داخل ظرف و ملصق على الورد فتأخذه وتفتحه لتجد مكتوبه فيه
ارسلت اليك باقه الزهور لتعبر لك عن ما بداخل قلبي وما لا يستطيع لساني التعبير عنه الورود الحمراء هي حبي لكي والورود البيضاء صفاء نيتي ونيتك ام ال ورود البنفسج فهو حزن شديد اذا رفضتي ورودي
حسنات...وهي دي تترفض بردوا انت بجد انسان مرهف المشاعر
حسنات....تمسك الهاتف تتصل ب...د/ يسرا
السلام عليكم....ممكن اتكلم معاكي شويه
د. يسرا..... طبعا
حسنات....اجيلك فين
يسرا....انا في البيت
حسنات....خلاص اجيلك الوقتي
لنذهب حسنات.....ليسرا
يسرا تستقبلها بترحاب وتأتي لتدخل الفيلا
حسنات...لا بالله عليكي خلينا هنا انا مش عارفه انسى اللى حصلي قبل كده جوا
يسرا....تضحك والله انا منا عارفه انتي بتتكلمي على ايه اصلا مفيش حاجه
حسنات.....خلينا هنا وبلاش كلام في السيره دي الله يخليكي سلام قول من رب رحيم
يسرا....حاضر ياستي ثواني ورجعالك
لتقف حسنات....لا وربنا منتي متحركه من هنا انا اقول الكلمتين واروح علطول
لتضحك يسرا عندما رات الرعب في عين حسنات لتجلس وهي لا تستطيع تمالك نفسها من الضحك
حسنات....بتضحكي على ايه بس
يسرا.....من مش فاهمه ايه اللى رعبك كده
حسنات....بصي انا جايه اخد رايك في موضوع لأني محتاره وانتي ما شاء الله عليكي
يسرا....وهي مازالت تضحك قولي ياستي
حسنات......مش عارفه ابتدي منين
يسرا....من مكان ما تحبي
حسنات....تمام بصي انا من فتره كده عملت حادثه بالعربيه
يسرا....محدش قالي وحصل حاجه
حسنات....لاء الحمدلله العربيات بس
وطلع اللى خبط لي العربيه وتقص عليها كل ما حدث من وقت الحادثة والتطور السريع في هذا الموضوع
يسرا.....وبعدين
حسنات.....انا خايفه
يسرا...من ايه
حسنات....ولادي... الناس ... طليقي
يسرا....عودي نفسك مادام مبتعمليش حاجه غلط ولا تسألي في حد مش ده اللى تخافي منه في حاجات اهم
حسنات...زي ايه
يسرا....لازم تتأكدي انه بيحبك لشخصك مش لغرض تاني
حسنات...ودي اعرفها ازاي
يسرا...هيبان الفتره الجايه محدش بيعرف يمثل كتير
ثانيا وده الاهم.....لازم تحكيله كل حاجه عنك علشان بعد كده
ثالثا...لازم تعرفوا بعض كويس وتشوفي هيقبل ولادك وولادك هتتقبله ولا لاء لان دي نقطه مهمه ولازم تعرفيهم لبعض وتشوفي الدنيا هتمشي ازاي
بس قبل كل ده حلو ان انتوا قررتوا تقعدوا مع بعض وتشوفي انتي فعلا هو ده الرجل اللى ينفع تكملي معاه حياتك وتتسندي عليه
وفي نقطه في صالحه
حسنات....ايه هي
يسرا....هو دخل البيت من بابه
الرجل ملفش ولا دار دخل دوغري وده لأنه محترم وغير كده مركزه مرموق وانتي هتروحي تشوفي بيته اللى اظن والله واعلم خلاكي تختاري كل حاجه عشان تكون لكي
بس في حاجه عايزه انبهك ليها
حسنات....ايه هي
يسرا....شكله معجب من زمان بس مكنش في فرصه
حسنات....ازاي وانا وهو متكلمناش الا من يوم الحادثه بس
يسرا....مجرد تخمين ممكن كان معجب بيكي ايام الدراسه بس وضعه ومركزه منعوه يتكلم
حسنات....تفتكري
يسرا...مجرد تخمين كل اللى اقدر اقولهولك جوازه كويسه وفرصه حلوه لحياه جديده ومستوى تاني انتي وولادك قبلك محتجينه
حسنات... ربنا يقدم الخير كنت عارفه انك مش هتبخلي على برايك وبالنصيحه ربنا يعلم بحبك قد ايه
يسرا.... احبك الله الذي أحببتني فيه وبجد فرحت ليكي ربنا يوفقك
حسنات.... تسلميلي ياقلبي اروح بقه لأني اتاخرت عليه
يسرا....تضحك ربنا يوفقك يارب
حسنات....ويحفظك ويسعدك يارب
يسرا...وهي تودعها ابقي طمنيني
حسنات...تجري طبعا وتشير لها بيدها وترحل
لينتهي يوم من يوميات حسنات
انتظروها مع الجديد والمثير واحداث اكثر تشويقا
بقلم....أمل الملواني.....مولي
