مع التشويق والإثارة والجديد،💗💗
💗 يوميات حسنات الدلالة💗
💗 بقلم أمل الملواني ...مولي💗
💗 الحلقة. الثانية عشر(2 ١)💗
بسم الله والصلاة والسلام على رسول الله
.........
مقولة اليوم
...........
ابراهيم.... طمني يا دكتور حسنات مراتي عامله اية
الدكتور..... هي حالتها مستقره بس للأسف الغيبوبه دي اللى قلقاني
إبراهيم.....غيبوبه ازاي مش فاهم
الدكتور....انت متعرفش ان الضربه جامده ونزفت دم كتير وتقريبا مجتش اول ما اتخبطت
انت متعرفش اضربت بإيه
إبراهيم....بماسورة ميه جديد
الدكتور ايوه...ادعيلها ويتركه ويرحل
إبراهيم.....أنا مش فاهم حاجه
ليقف....أحمد يا معلم إبراهيم انا لقتها غرقانه في دمها في الحاره بليل وعلى ما جه الاسعاف فات شويه كمان ربنا يلطف بيها ممكن امشي
عشان اغير هدومي وهرجع لك تاني ورقمي معاك لو في اي حاجه
ابراهيم...ربنا يلطف بينا
ويرحل أحمد ويظل ابراهيم لحاله ينظر عليها من وراء الزجاج بتاع غرفة العنايه
ليجد الهاتف يرن ليخرجه من جيبه ولم ينظر بل رد علطول
بدريه.... فينك ياقلبي وحشتني خالص
إبراهيم..... مصيبه يابدريه وحطت علينا
بدريه..... ينقبض صدرها خير يارب
إبراهيم....حسنات طلع عليها حرامي خطف الشنطه منها بليل وضربها بحديده في دمغها وهي في غيبوبه
بدريه.....بخوف ولما هي في غيبوبه عرفت كل ده إزاي
إبراهيم......من الفيديو الي على الكاميرات في المحل بتعها
بدريه.... يا نصبتي
إبراهيم..... في أي
بدريه...... سريعا تلملم نفسها قصدي يا عيني عليك يا حسنات
إبراهيم...... اه والله حالتها صعبه ومش عارف أعمل اية
بدريه.....اجيلك
إبراهيم.....لاء انا هسيب رقمي هنا واروح أبلغ وأسلم الفيديو للحكومه
بدريه.....اه وماله صح بردوا
إبراهيم.....واجي اجبلك العيال من عند ام اسماعيل
بدريه....وايه اللى وداهم هناك مجبتهمش ليه هنا
إبراهيم....بعدين اقلك كل حاجه سلام الوقتي
ويذهب للمرضة ممكن تأخذي رقمي عشان وراي مشوار ولو حصل أي حاجه تبلغيني
الممرضة.....حاضر وتأخذ الرقم
إبراهيم....انتو محتاجين لها حاجه قبل ما امشي
الممرضة..... هتتاخر يعني
إبراهيم.....لا هحاول اخلص بسرعه وٱجي
الممرضة....خلاص لو في اي حاجه هتصل عليك
ليذهب إبراهيم. للقسم ويبلغ عما حدث ويسلم الضابط الفلاشه
الضابط.....المفروض احنا اللى كنا فرغنا الكاميرات بس مش مشكله عشان السرعة
ويرحل للحي ليأخذ الأولاد ويتركهم عند بدريه
اما بدريه....تجلس تضرب يدها على رأسها يارب استرها من عندك وتمسك الهاتف وتتصل
ليرد عليها الطرف الثاني خلاص ارفاني اتصال ليه منا عملتلك اللى انتي عيزاه خلاص
بدريه....الله يخربيتك مبتردش ليه في كاميرا صورتك وهتروح في داهيه
الطرف الآخر....نعم ياختي هو انتي فاكره لو وقعت هقع لوحدي دنتي السبب
بدريه....مش وقته الرغي ده...اختفي شويه لغاية منشوف هترسى على ايه
الطرف الآخر.....وأصرف منين إن شاء الله
بدريه....هبعتلك فلوس بس اختفي خالص
وعند هذه الكلمه تجد من يفتح الباب لتغلق الهاتف سريعا وتضعه من يدها
إبراهيم....العيال اهم خلي بالك منهم وهبقى اجبلكم لهم هدوم من البيت عشان تغيرلهم
بدريه.....حسنات عامله ايه
إبراهيم.... ينظر لها فهو لا يريد الاولاد يعرفوا فيحزنوا.... دخليهم اوضتهم وتعالي
بدريه.... حاضر وتذهب بهم لغرفه كانت معده مسبقا للأطفال.....
وتتركهم وتذهب لإبراهيم هو في إيه
إبراهيم.....العيال بلاش يعرفوا الوقتي
لغاية ما نشوف اللى هيحصل
بدريه.....ولما يسألوا هقلهم ايه
إبراهيم....هنقول مسافره تجيب بضاعه
أوعي تنسي وشفيهم كلوا ولا لاء
بدريه...مش هتاكل لقمه
إبراهيم...أكل إيه بس الوقتي خلي بالك من العيال
بدريه....حاضر
ويذهب إبراهيم للمستشفى ولكن في طريقه يقابل سعديه
سعديه.... هي حسنات مفتحتش المحل ليه
إبراهيم... ووجهه عابث حزين
حسنات في المستشفى بين الحيا والموت
سعديه..... يا ساتر يارب ليه
إبراهيم.... مش وقته لازم اروح لها الوقتي
هي لوحدها
سعديه.....خدني معاك ابص عليها وبعدين اروح شغلي
إبراهيم.....تمام تعالي وانا احكيلك في الطريق
على اللى حصل
ويقص عليها ما حدث بالطريق
سعديه.....لا حول ولا قوة إلا بالله ربنا ينتقم منه البعيد تلاقيه حرامي
إبراهيم..... مش عارف ويدخلون المستشفى لتذهب سعديه للممرضات لتعرف منهم حاله حسنات
الممرضات عند معرفتهم بسعديه ومعرفه انها ممرضه مثلهم بصراحه الحاله مطمنش ويشرحون لها كل شيء
سعديه...ياريت تخلوا بالكم منها لغاية ما اجي ليها تاني
الممرضات...عنينا من غير ما تقولي
سعديه.... تتركهم وترحل وهي حزينة على حسنات وتطمئن إبراهيم انها ستأتي له مرة أخرى
لتذهب للمستشفى حيث عملها
لتقول لنفسها اقول لدكتور عماد هو بيساعد الناس يشفها بدل ما تروح في خبر كان
وتذهب لتسأل هل هو موجود أم لا ومن حظها عرفت إن في عمليات وهو متأخر عشانها
لتبدل ملابسها وتذهب للعمليات لتجده
في وجهها
لينظر لها ويبتسم
د/عماد.....إيه اللى جيبك هنا ياسعديه انتي مش في الباطنه
سعديه.....يانهاري ده عرفني وفاكرني
د/عماد....إيه ياسعديه روحتي فين
سعديه....تنتبه له سريعا
انا جايه لحضرتك
د/عماد......ليه حد مديقك ولا إيه
سعديه.....لاء فاكر حضرتك حسنات الدلاله اللى بتبيع الهدوم
عماد......ايوه ما لها
سعديه وتقص عليه ما حدث لها
عماد......وهي فين الوقتي
سعديه....في المستشفى العام قسم العنايه
عماد......خلاص روحي شغلك انتي وأنا هتصرف ويتركها ويذهب لمكتبه ويتصل
بمدير المستشفى العام ويعلمه بالحالة
مدير المستشفى.....عشان خاطرك اديني دقائق وانا هعرف الحاله ايه واطمنك
عماد.....بس بلاش تتأخر على لأني منتظر في المكتب ولسه مروحتش
مدير المستشفى....دقايق بس وهرد عليك
لينتظر عماد.....وبعد وقت قليل يأتيه اتصال
فيرد ليجده مدير المستشفى....ويعلمه بحالتها ومستجداتها
عماد.....هبعت عربية اسعاف من عندي تخادها لعندي في المستشفى
مدير المستشفى......اللى تشوفوا انت تقمر مع ان الدكاتره عندي مقصروش
عماد....عارف بس عشان اتبعها لأني مش فاضي اروح واجي
مدير المستشفى......تحت أمرك
عماد....الأمر لله وحده ويغلق معه ويأمر عربة اسعاف تذهب للمستشفى وتحضر حسنات
وينتظرها بنفسه ويكلم الاطباء ليجهزون غرفة العنايه ويطلعهم على الحاله كما قال له مدير المستشفى
وبالفعل بعد وقت ليس بقليل يحضرونها مع استغراب إبراهيم. من الذي نقلها لمستشفى خاص ومن سيتكفل بعلاجها فهم محدودي الدخل
لتاتي سعديه لتخرجه من حيرته
سعديه.... تعالى يا ابراهيم مراتك هنا في امان انا كلمت لها صاحب المستشفى وهو متأخرش
بقلم...امل الملواني....مولي
إبراهيم.... بس احنا منقدرش على تكاليف المستشفى دي
سعديه.....ومين قالك هتدفع حاجه صاحب المستشفى ده طيب وخير جدا ولما قلتله وعرف الحاله متأخرش متشلش هم خالص
ابراهيم.....الله المستعان الحمدلله
اما في مكان آخر
يجلس شاب ومعه بعض الشباب
الشاب.......والله يا جماعه منا عارف اعمل
ايه
شاب أخر...... بصراحه ياصاحبي انت غلطان حد يعمل مصيبه زي دي بالفلوس دي كنت طلبت مبلغ محترم يستاهل لو اتمسكت
الشاب الاول......فال الله ولافالك يا اخي
ومين قالك إني هسبها وربي وما أعبد لأخد منها اللي أنا عايزه وزياده بس اصبروا علي
في بيت بدريه
بدريه.....تطعم الأولاد ثم تدخلهم الغرفه يناموا ثم تخرج
وتجلس في غرفتها خايفه مرعوبه
ليأتيها تليفون فتمسكه بخوف لتجده إبراهيم
إبراهيم.... العيال عاملين ايه طمنيني
بدريه..... كويسين لسه منيماهم الوقتي بس كل شويه يسألوا على امهم
إبراهيم....أوعي تكوني قلتي لهم حاجه
بدريه....هو أنا هبله بردوا
إبراهيم....كويس
بدريه....حسنات عامله ايه وعرفتوا حاجه عن اللى ضربها
إبراهيم.....للأسف هي لسه في غيبوبه. . انا بلغت وهما هيقوموا باللازم وأكيد هيمسكوه
بدريه.....سترك يارب
إبراهيم.....بتقولي إيه
بدريه...بقول ربنا يسترها علينا ويقوم حسنات بالسلامه
إبراهيم...الست سعديه جارتنا طلعت طيبه أوي
بدريه.....ليه
إبراهيم.....كلمت الدكتور اللى هي شغاله معاه في المستشفى الخاصه ونقل حسنات فيها
بدريه....هي محظوظه حتى وهي مريضه
إبراهيم.....بتقولي حاجه يابدريه
بدريه.....بقول تقوم بالسلامه
إبراهيم.....اسيبك واروح اطمن عليها سعديه بتنادي علي
بدريه...ابقى طمني
إبراهيم.....حاضر
سعديه....تعالي حسنات بتفوق والدكاتره عندها جوه
إبراهيم.....بجد ياسعديه الحمدلله
نتركهم قليلا ونعود لهم ثانية
بدريه....يابنت المحظوظه رجل ولا كل الرجاله اولاد زي الفل حتى اما تعبتي اتنقلتي مستشفى خاصه حظ ده ولا بخت ياله الحمدلله
ليرن الهاتف. فتنزعج بدريه أكيد إبراهيم نسى حاجه
لترد دون ان تنظر لتجده
انت بترن ليه الوقتي اتجننت افرض جوزي هنا
الطرف الآخر.... لا منا عارف انه في المستشفى متابع انا متقلقيش.... طبعا عرفتوا هو مين
بدريه .....عايز ايه يازفت
الطرف الآخر....الوقتي بقيت زفت ما علينا حضرتي فلوس
بدريه....لسه هو انا لحقت والعيال عندي مش هاعرف اخرج اصبر على
الطرف التاني.....نستني وماله بس مش كتير ياحلوه
بدريه.....خلاص خلصنا ومتتصلش أما احضر الفلوس هتصل عليك أنا وتغلق معه
وهي تفكر كيف تتخلص من هذا الوغد
عوده للمستشفى
بدأت حسنات....تفتح عينيها ببطيء
الطبيب...سمعاني طب شيفاني
حسنات....لا تجيب وتغلق عينها سريعا
فيحاول معها الطبيب ثانية لتستجيب له
هذه المره
الطبيب....لو سمعاني افتحي عينك واقفليها براحه
لتفتح حسنات عينها وتغلقها
الطبيب....بلغوا دكتور عماد فورا
لتذهب طبيبه من الموجودين وتتصل بدكتور عماد
عماد....خير يارب
يسرا...خير ياعماد متصلين بيك ليه الوقتي
عماد....حالا هنعرف الصبر ياقلبي
عماد....الو مين
الدكتوره....انا دكتوره مني من العنايه المريضه حسنات بتفوق يافندم وحضرتك قلت بلغوني لو في جديد واسفه اني ازعجت حضرتك الوقتي
عماد ولا يهمك شوفي ايه اللى هيحصل وطمنيني أنا صاحي عشان لو احتجتوني أحضر علطول ويغلق معها
يسرا.....خير ياعماد
عماد.....حسنات فاقت
يسرا....فاقت من ايه
عماد....صحيح نسيت اقلك اصل ياستي ويجلس يقص عليها ما حدث
عوده للمستشفى
حسنات...تستجيب للأطباء وتبدأ في الافاقة من الغيبوبه
ليسعد الاطباء بذلك ويؤمرون بنقلها لغرفه عاديه واخراجها من العناية المركزة
إبراهيم.....اللهم لك الحمد والشكر يارب
سعديه....الحمدلله ربك كريم
وينتهي اليوم على هذا النحو ماذا سيحدث وهل سيتعرفون على من فعل ذلك وما رد فعل حسنات كل هذا سنعرفه في الحلقة القادمة
انتظروا الجديد والمثير مع حسنات الدلاله
بقلم أمل الملواني....مولي.....اسفه على التأخير.......🌺🌺🌺🌺💔💔💔💔🌹🌹🌹🌹
