اعشق عسكري ( روايات ليبية )

حلقة 1🔥

#أعشق_عسكري
لكاتبه #شهد_القنفود
حلقه اولى💢💤
.
.
.
.
انا《وتين م ٢٠٠١ نقرا شهادة ثانوية علمي📕📚 حلمي نكون مهندسة📏📐📈 ونلبس طاقية الصفراء 🙂ضحاكة وبصارة هلبا وكان زعلت من حد وبعد دقيقة حاول يرضيني نرضى بسرعة قلبي كبير وابيض ومانحبش الحسد والكره مهما صارلي او شخص قالي كلمة تجرح مستحيل نكره ...
ماما《نهى م ٧٩ ربة بيت 》
بابا 《سالم م ٧٧ يخدم موظف في مصرف》
اختي《هبه م ٢٠١٠ 》
خوي《احمد م ٢٠١٥》
.
.
هادي عيلتي وباقي الشخصيات راح نعرفوهم عبر الرواية....
.
.
انا:ماااما
ماما:صباح الخير
انا:صباح النور 😘
ماما:تعالي افطري هيا
انا:لالا متأخرة وين بابا؟
ماما:يستنى فيك
انا:دعواتك
ماما:ربي يوفقك يابنتي💛
انا بوستها وطلعت نجري لبابا يلي كان يستنى فيا في السيارة فتحت باب السيارة وركبت..
انا:صباحو يااحلى اب
بابا:صباح النور ع احلى بنت بالعالم😘
انا:صوت الضرب قوي هلبا اليوم
بابا:ايه ربي يستر
انا:هيا بسرعة تأخرت
بابا:هيا هي ..وولع السيارة ومشي واني شادة في يدي كتابي ونقرا..
.
.
في الراديو....
:الطيران يقصف مطار.... وهناك العديد من الجرحى والموتى والاسعاف لا يستطيع انقاذهم بسبب الاشتباكات العنيفة......
انا صكرت كتابي:لامتى يابابا بنقعدو هكي لين نموتو احني؟
بابا:الله اعلم يابنتي قدر الله مشاء فعل كله بيد ربك
انا:نحس فيهم مش راح يوقفو لين يمسحونا كلنا
بابا:بعيد السو معاش تقولي هكي ربي على كل شي قادير ادعي وراح يستجيب
انا تنهدت:حسبي الله ونعم الوكيل في يلي كان السبب
وفتحت كتابي واني نفكر لوين راح توصل هادي الحرب وامتى راح يكون دورنا لجبانه ...《ماتقولوش متشائمه ولا غيره بس والله هالحرب طولت هلبا وكل مرة نسمعو في المليشيات والجيش واصلين لمكان تاني ونسمعو بطيران يقصف نسمعو بناس ماتت نسمعو بصواريخ طاحت في الجبانه وصواريخ في خيمة العزي وغيره وغيره وكل مرة نسمعو بالجيش يتقدم وقريب يوصلو لمنطقنا وصوت الاشتباكات تقرب كل مرة وفي اي وقت نلقوهم عندنا يعني ماتبونيش نحس هكي ؟والله حاسة انه فيه هالحرب راح نموت مش عارفة ليش.》
وقعدت نفكر لين حسيت بالسيارة وقفت رفعت راسي لقيت روحي قدام الثانويه...
انا:وصلنا بسرعة الحمد الله
بابا:موفقه يابنتي
انا:اليوم اخر امتحان خايفة موووت
بابا:ماتخافيش انتي ركزي وافهمي السؤال كوويس وبعدين جاوبي وباذن الله من الأوئل والعام الجاي جامعة.
انا تنهدت:ان شاء لله ياارب
بابا:هيا بسرعة مزال ٥ دقايق ويبدا الامتحان
انا:تمام ..وفتحت الباب ونزلت صكرته وتلفتت لبابا قعدت نشوف فيه كويس وكأنه اخر مرة راح نشوفه..
بابا ابتسم:امشي خلاص بتتاخري
انا:بوسلي ماما وحمودي وهبوش
بابا:حاضر غير امشي بس
انا تنهدت وهزيت راسي:باي
بابا:باي..وتلفتت وتوجهت للمدرسة واني حاسة بغمة ع قلبي استغفرت ربي وخشيت واعطونا ورق الامتحان وبعد حوالي ساعتين طلعنا والحمد الله جاوبت ....
مها《انتيمتي》:شن وتينو جاوبتي ؟
انا:ايه الحمد الله وانتي؟
مها:ايه الاسئلة حلوة وبسيطة
انا:ايه واخيرا كملنا مزال النتيجة بس
مها:ايه ان شاء لله خير وننجحو ونخشو هندسة زي مانحبو
انا:ان شاء لله
مها:بابا يتصل اكيد جي
انا:ردي شوفيه
مها:تمام....وردت..
مها:الو بابا ..خيرك تعيط شن فيه؟..قول خيرها ماما تبكي وخوتي يعيطو ..من مات  ..باهي اهو طالعة خلاص طالعة...وصكرت
انا:مها خيرك من مات
مها ترعش:مش عارفة مش عارفة هيا باي..وقبل حتى مانتكلم طلعت تجري وقعدت نرعش ع مها ومن لمات ونتصل بيها وماتردش زدت انشغلت قعدت نتصل بماما وبابا مقفل عاودت للمليون مقفل قعدت نبكي وخصوصا انه الثانوية فضت ونشغلت ع عيلتي ومها ....
البواب:يابنتي تأخرت لازم نصكر
انا:بس بابا قاعد مجاش
البواب:اطلعي قدام الباب استنيه اني لازم نصكر عندي ظرف
انا هزيت راسي وطلعت وقفت قدام الباب والبواب صكر الباب وطلع بسيارته يجري وقعدت نعاود ع ماما وبابا مايردوش فقررت نمشي ع رجليا لين نوصل للحوش لانه مافيش حل غيره وخصوصا انه طالعين من الساعة ١٠ ص وتوا الظهر  قريب يأذن وبابا مجاش نشغلت وقعدت نفكر شن صاير وشن السبب ليخلي بابا مايجيش لتوا وقعدت نمشي نمشي هلباااا لانه منطقتنا بعيدة ع الثانويه وبعد حاولي ساعتين وصلت للمنطقة 《اكيد تقولو ليش ماخديت تاكسي او وقفت اي سيارة وركبت فيها لانه احني عندنا عيب البنت تركب مع حد غريب بروحها 》كانت فاااضيه هلبااا الناس كلها طالعة مافيش سيارة تمشي غير سيارات حرب لانه واضحه من الاسلحة لفيها و الاشخاص الواقفين لابسين لبس عسكري وشادين اسلحة اني خفت هلبا وقعدت نرعش ونبكي وندعي فكرت هلبا هل نكمل طريقي او نرجع بس مكان عندي حل غير انه نكمل لحوشنا واول ماوصلت لشارعنا جاني واحد يجري لابس عسكري.....
العسكري:هيييي انتي وين جايه اهني
انا نرعش:اااااا عيلتي موجودين اهني ؟
العسكري:اما عيلتك هادي مافيه حد في المنطقة كلهم طلعو
انا نصدمت:كك كيف مافيه حد اني بابا ماجاش لثانويه مش يروح بيا مستحيل يمشو ويخلوني
العسكري:والله مافيه واحد اني تأكدت من الناس اطلعي باللهي
انا نبكي:مستحيلل اكيد عيلتي قاعدة مستحيل يمشو ويخلوني اصلا لمني بنمشي
العسكري وجعه خاطره:باهي ماتبكيش وين حوشكم؟
انا:اهو في نهاية الشارع هذا
العسكري: باهي تعالي معاي بسرعة تشوفي في الوضع كيف
انا:تمام ..وقعدت نمشي وراه وكان صوت ضرب قوي وصواريخ وغيره خفت بس كان تفكيري كله في عيلتي كان حق مشو وسيبوني؟مرات من الخلعه نسوني مرات توا بابا مشي لثانويه ومالقاني  مرات ومرات ومليون فكرة في راسي لين فجأة .....
انا:
.
.
يتبع