اعشق عسكري ( روايات ليبية )

حلقة 3🔥

#أعشق_عسكري ❤💋
لكاتبه #شهد_القنفود
الحلقه الثالته💚💓
.
.
اولآ خلي نعرفكم ع ٢٢عيلة محمد...
محمد《م ٩٣ اكبر واحد في خوته يخدم عسكري عصبي هلبا وديما قارن حواجبه بس حنين هلبا ولو طلبتي عيونه يعطيهملك》
بوه《فيصل م ٦٦ دكتور جراحه طيب وحنين هلباا》
امه《نورس م ٦٩ دكتورة نساء حنينه هلبا》
خوه《جواد م ٩٥ دكتور اسنان في حاله ديما 》
خوه《جاد م ٩٨ يقرا سنة ٣ اقتصاد جوه يهبل ضحاك وبصار هلبا ويحب يهتم بروحه 》
خواته《جنى وجهينى م ٢٠٠١ يشبهو لبعض هلبا وماتفرقش بينهم ولا حاجة وحتى لبسهم ديما زي بعضهم جوهم عسل ضحك وبصارة ومقالب 》
....
فيصل:عظم الله اجرك يابنتي
انا:شكر الله سعيكم
فيصل:الله يرحمهم ويسكنهم فسيح جناته يارب هذا مكتوب وصار يابنتي
انا:ان شاء الله يارب ونعم بالله وكل شي من ربي يامحلاه..
فيصل:ايوا خليك مأمنه بربي وادعيلهم وهما شهداء وتوا في مكان احسن من اهني بهلبا
انا:الحمد الله
فيصل:بنسألك  عندك عم او خال او اي حد من عيلتك
انا: اااا نعرفهمش
فيصل:كيف
انا: ماما وبابا حبو بعضهم لما كانو يقرو مع بعض ولما بابا مشي طلب ماما رفضو عيلتها لانه كان من طبقة فقيرة وماما من طبقة الاغنياء  حاول بابا عدة مرات وكان الرد ديما بالرفض ماما حاولت تقنعهم بكل الطرق صكرو راسهم وجدي بو بابا تعصب كيف يرفضوهم اكثر من مرة وحلف انه معاش يطلبها ولا عاد ياخدها لولده حتى لو عيلة ماما هي لجابتها وقتله خودها فقرر بابا انه يهرب هو وماما ويتزوجو وبالفعل بعد فترة هربو وتزوجو مش يحطو عيلتهم تحت الامر الواقع بس لما عرفو عيلتهم ضربوهم وطردوهم من المنطقة ومن يومها معاش يعرفو علينا شي ولا ماما وبابا يعرفو عليهم حاجة
فيصل تنهد:ربي يهديهم وخلاص ترضي تعيشي معانا يابنتي ويكون سبرك من سبر بناتي والله
انا نزلت راسي:ااا خايفه نزعجكم او تضايقو مني
جاد:هو فيه حد يضايق من هالجمال😍😍
فيصل:تحشم يافرخ 😒ها شن قلتي
انا اذكرت كلام بابا《بس ربك بعتك لعيلة كويسة راح تحبك وتهتم بيك زينا واكثر》
انا تهدت وابتسمت:براحتك ياعمي
فيصل:خلاص من اليوم انتي بنتي الثالته في هالحوش 
انا خانقتني العبره:بارك الله فيكم
فيصل:ولو ....
:السلام عليكم
كلنا تلفتنا...
نورس:حمودة ياضي عيوني جيت ..زعرطت😍😍😍ووقفت تجري حضناته
محمد:اهلين يما كيف حالك
نورس حضناته:من شوفتك توا الحمد الله
محمد باس راس امه:ربي يخليك لينا يارب ..وبعد من امه وتوجه لبوه سلم عليه وسلم ع الكل ووصل فيا اني..
محمد  مد يده وهو مطبس راسه:عظم الله اجرك
انا مديت يدي:شكر الله سعيكم شكرا
محمد جبد يده:كيف حالك اليوم
انا:من ربي الحمد الله
محمد توجه للكنبه وقعمز:جنى جيبيلي طاسة اميه
جنى:حاضر...وتوجهت للمطبخ
فيصل:ها احكيلنا شن الوضع توا قالو تحررت طرابلس
محمد:الحمد الله ايه خلاص حررناها
نورس:الحمد الله رجعتلي سالم غانم الليل مانرقده في غيابك
محمد:ربي يطول بعمرك يارب
جنى جابت لمحمد طاسة اميه خدها من يدها وشربها..
انا تحشمت:ااا عند اذنكم..ووقفت
جنى:وتين تعالي نرفعك لغرفتنا محمد روح توا
محمد شبحلي...
انا:اا ان شاء الله
وتوجهنا اني وجنى لغرفتهم
....
محمد:ها شن سألتوها ع عيلتها
جاد:ايه وطلعت ماتعرفش حد
محمد:كيف
فيصل:............
......
نورس تنهدت:ان شاء الله نكونو لدرناه صح
فيصل:ماتخافيش هذا الصح وراح تكون في هالحوش زي جنى وجهينى ماضايقوهاش وماتحسسوها بالغربه
نورس:ان شاء الله خلي نمشي نطيب الغدي..وتوجهت للمطبخ
فيصل:وانت يافرخ جاد صياعتك فوتها البنت زي اختك من اليوم😒
جاد:حاضر يابوي حاضر😅
محمد:اني بنركب ندوش ونرتاح شوي
فيصل:خود راحتك
محمد توجه لدروج وركب لغرفته وخش دوش وطلع رقد طول من التعب...
......
جواد:اني ماشي للولاد سلام توا
فيصل:روح بكري ماتتاخرش
جواد:حاضر سلام
فيصل: في أمان الله سلام
......
طق الباب وخشت بنت منه....
هبه:جنوووو ياكلبة 😍😍
جنى:هبوووش😍😍😍😍....ووقفت وقعدت تسلم عليها بالاحضان...
هبه بإستغراب:من هادي صاحبتك؟
جنى:ااا لا قصة طويلة بعدين نحكيهالك تعالي نعرفك عليها توا
هبه:لا شكرا نعرف ع روحي بروحي🙃🙃
جنى:😒😒😒
هبه:انا هبه بنت خال الكلبة هادي م ٢٠٠٠..ومدت يدها
انا ابتسمت ومدت يدي:اهلين بيك
هبه:اييي عرفيني بيك
انا:وتين م ٢٠٠١
هبه:تشرفنا
جنى تشوفلنا:خلاص تعرفتو 🙂
هبه:اسكتي وتعالي ننزلو
جنى:هياا وتين تعتلي ننزلو
انا:ااا لالا خليني
جنى تجبد فيا:غير هيا ننزلو نوووضي
انا وقفت: ااا عادي؟
هبه:ااييي عادي هيا
مشينا نزلنا لوطا وين مالقيناهم مقعمزين ويهدرزو وصوت الضحك عاالي واول ماشافوني نازلة الكل سكت وشافولي بإستغراب....
ام هبه"مريم":نورس هادي صاحبة البنات؟
نورس:اااا....وشافت لفيصل..
فيصل تنهد:وتين تعالي سلمي
انا مطبسة راسي ونرعش قدمت ومديت يدي لمريم سلمت عليها وسلمت ع اخت هبه ومشيت  لفيصل مديت يدي لبو هبه وخوها كان مقعمز مع الشباب في المربوعة..
فيصل:هادي وتين بنتي الثالثة
كلهم تلفتو لفيصل.....
بو هبه"مسعود":هااا شن
فيصل:اييي بنتي الثالثه
انا نشوفله ودموعي ينزلو ...
جهينى:وتينو تعالي نمشو نديرو قهوة ساعديني
انا هزيت راسي ومشيت معها وتوجهنا للمطبخ....
.......
مسعود:فهمنا شن بنتك مابنتك
هبه:عمي فيصل شن متزوج من ورانا😱😱
جنى خبطتها ع راسها:كان تسكتي خير أنتِ
فيصل:..........
.........
مسعود:خير مادرت ربي يبارك فيك
فيصل:امانه وبعتهالنا ربي لازم نحافظ عليها
مريم:بس شن بيقولو عليكم الناس جايبين بنت غريبة وحلوة هكي وعندكم ولاد شباب
نورس:واني هذا الخايفة منه
فيصل:خلي يقولو لبيقولوه اني مايهمني حد المهم نرضي ربي
نورس:بس..
فيصل:لا بس لا غيره شن تبيني نلوحها بنت الناس في الشارع ونقوللها عندي شباب
مسعود:نوض خلينا نطلعو للمربوعة
وقف فيصل وطلع هو ومسعود للمربوعة....
مريم:بصراحة يانورس ربي يجيرك من لسان الناس
........
جهينى:خيرك تبكي توا خلاص ياسرك قطعتي روحك
انا ساكتة ودموعي ينزلو.....
خشو جنى وهببه.. 
جنى:شن اديروووو
جهينى:بس الله الناس تخش بالعقل
جنى:وتينو خلاص بكي
جهينى:ماتبيش تهدا بكل
جنى:هبببببه هيييييي
هبه نخلعت:بس الله خيرك
جنى:وين عقلك
هبه تنهدت:اااااه شفتو خوكم بااااارد من جيت مش عاطيني وجهه
جهينى:ع اساس ماتعرفيشي انتِ وجديد عليك
انا قعدت مهتمه بالموضوع نبي نعرف من هو يلي تحبه.....
هبه:اييي بس ليا سنين نجري وراه وهو مش مهتم ابدآ
جنى:قتلك اني اعترفيله خليك هكي لين تجي مزيته لابسة عباية ضيقه تاخده منك😒😒
هبه ضربتها:خزي بعيد السو
جهينى:هيا تعالو طلعو القهوة
هبه نقزت:هاتي اني بنرفع لرجالة
جهينى ضحكت:ره تهبلي بس
هبه قعدت تساوي في شعرها وخدت السفرة وطلعت جري للمربوعة...
جنى:هادي كان ماهبلتش معاش تهبل
انا:من تحب هي؟
جنى:تحب ......
جهينى:القهوة اثلجت هيااا
جنى:اوووف باهي
قامت جنى  سفرة القهوة وطلعنا لصالون وقعمزنا نهدرزو ونتعرفو ع بعض....
......
جنى:هيام شن كملتي بتاتك؟
هيام"اخت هبه":اييي معاش مزال شي خلاص غير كندرة الفيلو بس
جهينى:حي عليا اني القفطان قاعدة ماشريته
انا:شن عرسك توا؟
هيام:ايييي ان شاء الله بعد شهرين
انا ابتسمت:الف مبروك ربي يتمملك ع خير
هيام:تسلمي يارب والفال ليك
جنى:وليااااااا ياااااااارب
نورس:نقصي صوتك يافرخه
مريم:نوضو يابنات بوكم قال هيا
جهينى:لا عمتي مريم خليهم يباتو باللهي
مريم:لالا وين يباتو
جنى:بالله عليك عمتي مريم
مريم:شوفو خالكم
جنى:خالي خلوه عليا
مسعود قدام الباب:هياا يابنات
جنى طلعت تجري:خالي حبيبي
مسعود:البنات مافيش بيروحو
جنى:باللهي خالو وراسي
مسعود:😒😒😒😒
جنى:باللهي باللهي
مسعود:اليوم بسس ره
جنى بساته:احسن خال بالعالم انت😍😍😍
مسعود يضحك:عسلي السان زيدي
..........
الساعة ١ ص....
.
.
مقعمزين في الصالون ونتفرجو ع فيلم وقدامنا تشيبس وشوكولاته وفُشار وسمينسا وعصير ....
انا سرحانه نفكر في عيلتي💔💔اضايقت وطلعت لجنان من غير مايحسو بيا لانهم كانو مركزين في الفيلم...
..
طلعت لجنان وتوجهت لحوض السباحه وقمت سروالي شوية وحطيت رجليا فيه...
كنت سرحان وفجأة حسيت بيد ع كتفي....
.....
.
.
هادي حلقة الثالثة ان شاء الله تكون عجبتكم اعطوني رايكم وتوقعاتكم 💛💔