#أعشق_عسكري
لكاتبة #شهد_القنفود
حلقة سادسة💚
.
.
انا قعدت بروحي نضت دوشت ولبست بيجامة شورط لركبة وتيشيرت ربع كم خليت شعري مفتوح وبخيت برفاني ودرت روج ونزلت لصالون فتحت التلفزيون وقعدت نتفرج جعت ونضت للمطبخ لقيت ميلكا خديتها ورجعت لصالون نتفرج بعد حوالي ساعتين نسمع في الباب ينفتح بالشوووي خفت وقعدت نرعش لين فجأة سمعت بحاجة طاااحت ...
لقيت فازة شديتها واني نرعش وقعدت نمشي بالشوية اتجاه الباب لين فجأة نلقى محمد طايح والدم مغطيه...
انا طيحت الفازة وعيطت:محمددد..ومشيت نجري نشوف فيه لقتيه والحمد الله مزال عايش...
انا نبكي:محمد محمد خيرك شن لصارلك
محمد دايخ:سسس ساعديني نن نخش لل لداخل
انا هزيت راسي ودموعي ينزلو شديته من يده وقعدت نسااعد فيه بشوية لين واخيرا وصلنا لصالون قعمزته ع الكنبة لقيت رجله متصاوبه💔💔
انا:خخ خيرها رجلك
محمد:تصاوبت جيبلي تليفون
انا طول حطيت يدي ع تليفوني واعطيتهوله ...
محمد:ايوا عمر
عمر:اهلين شن صار ياراجل قالو تصاوبت
محمد:اييي واني في الحوش جيب معاك الدكتور
عمر:تم خلاص...وصكر الخط ومدلي التليفون..
محمد حط راسه ع ظهر الكنبة وغمض عيونه بوجه واني كنت واااقفه نشوفله ونبكي وخلاص وفجأة سمعنا صوت الباب يطق كيف مشيت بنفتح...
محمد:تعالي وين ماشية
انا: بب بنفتح الباب
محمد:ساعديني وتو نفتح اني..انا هزيت براسي وشد ع يدي بقوة وكل شوي يزيد في قبضة يده ع يدي من الوجع كنت نحس بألم بس ماقدرتش نتكلم وقعدت نساعد فيه يمشي قرب محمد راسه من راسي وقعد يشم في شعري تنهد وقعد يشوفلي بنظرات غاريبه لين وصلنا للباب لما قمت راسي وشفت نظراته تلبكت...
انا وجهي احمر:تتت تقدر توقف بروحك
محمد:اي امشي خشي..جيت بنجبد يدي بس كانت قبضته قوية ماقدرتش نجبدها بكل ..
انا عيوني لوطا ويدي بتنكسر:مم محمد يدي
محمد شاف لقبضة يده وسيب يدي...
محمد: امشي خشي...انا هزيت براسي وخشيت للمطبخ ويدي توجععع..فتح محمد الباب..
عمر:خير ياراجل معقولة بهالحالة ومروح اهني طول
محمد:أهلين دكتور تفضل
قرب عمر والدكتور قعدو يساعدو في محمد لين وصلو لغرفة محمد فوق....بدي الدكتور بعملية الجراحية مش يطلع الرصاصة من الرجل واني في المطبخ لوطا نبكي وندعي ...لين واخيرا بعد ساعتين كملو ونزل عمر والدكتور وطلعو اني طلعت نجري ركبة لغرفة محمد ولقيته راقد قربت منه وقعمزت ع طرف السرير وقعدت نشوفله ودموعي ينزلو ماعرفتش كيف تجرأت وقربت منه وحطيت يدي ع لحيته وقدت نمرر فيها ع باقي وجه حواجبه عيونه خده فمه خشمه ...
انا:مانعرفش ليش قاسي ومافيكش جو بكل😒😒😒
..........
.
.
قعدت جنب محمد الليل كله ماناضش لين نعست ع طرف السرير ورقدت .....
.
.
الساعة ٤ ص..
.
.
ناض محمد وقعد يفتح في عيونه شوي شوي يبي يشرب لقي جنبه امية حاول يقعمز واخيرا قدر وطول شافني اني راقدة ع طرف السرير قعد يشوفلي كيف راقدة وابتسم ....
محمد بصوته الرجولي:وو ووتين وتين ...انا اول ماسمعت اسمي بصوته رعشت وجيت واقفة..
انا:ااا اسفة مش بقصدي والله
محمد:ولا يهمك..
انا:كك كيفك توا يوجع فيك الجرح؟
محمد:شوي نبي امية جيبيلي
انا هزيت راسي وصبيتله في كاسة وعطيتهاله....
محمد شرب ومدهالي:شكرا ..انا خديتها وهزيت براسي..
انا:تبي شي تاني؟
محمد:لو تعطيني ملابس من الدولاب نغير بس
انا هزيت براسي وتوجهت لدولاب فتحته وخديت شورط قصير وتيشريت ومديتهمله....
محمد:شكرا...انا هزيت براسي وتوجهت للباب طلعت وصكرته وراي...
محمد تنهد وقعد يغير في لبسه بشوي لين واخيرا كمل وارتاح ...
طقيت الباب...
محمد:خشي...فتحت الباب ولقيته مكمل خشيت عطيته كاسة عصير..
محمد:مانبيش
انا:ااا اشرب انت خسرت دم هلبا
محمد شافلي ومد يده بياخده شاف اثار يديه ع يدي...
محمد عقد حواجبه:خيرها يدك
انا توثرت:ااا لا شي ...وسحبتها ورى ضهري
محمد اذكر كيف شد قبضه يده ع يدي غمض عيونه بأسف وتنهد:أسف
انا:أشرب العصير وارتاح ...وكيف جيت بنطلع سمعت اسمي بصوته اااه ياقلبي...
محمد:وتين
انا دقات قلبي متسارعة تلفتت:نعم
محمد:خليك جنبي
انا قمت راسي نشوفله نحلم اني؟
محمد:عادي ندردشو شوي
انا قلبي مداير عرس الداخل قربت وخديت كرسي الكنبة وقعمزت ووجهي احمر...
محمد مدلي كاسة العصير بعد كملها:شكرا
انا مديت يدي وخديتها وابتسمتله....
محمد:اااا افتحي الدورج
انا شبحتله واشرت ع الدورج:هذا ؟
محمد هز براسه علامة الايجاب وقربت اني وفتحته..
محمد:الصندوق هذا
انا عقدت حواجب وطلعته كان الواضح انه صندوق هدية...
محمد:افتحيه
انا بإستغراب فتحته ولقيتها كرة الثلج البلورية❤فيها ولد وبنت شادين يديهم في بعض ..
محمد:حركي هادي
انا شفتله وحركت الزر وبدي الثلج ينزل وهما يلفو وموسيقى ....
انا شفتله:محلاااااها😍😍😍😍
محمد ابتسم:المهم عجباتك
انا شفتله بإستغراب:بس لمني هادي لو كانت لجنى جهينى راح تزعل ولو كانت لجهينى جنى تزعل ضر.....
محمد:اسسسس ليك انتِ هادي
انا سكتت وبصدمة:لياااا؟
محمد ابتسم:هدية نجاحك ماعرفتش كيف نعطيهالك جاتك متأخرة
انا ابتسمت:شكرااااا شكراااا هلبااااا
محمد:عفوا
انا اختفت ابتسامتي:انت الوحيد يلي اعطيتني هدية
محمد:وشن اني مش مكفي؟
انا شفتله وابتسمت ورجعت شفت لكورة الثلج :لااا مكفي وهلبا
سكتنا شوية واني قاعدة نشوف في الهدية يلي في يدي ماعرفتش نقيم راسي تحشمت وخصوصا حسيت انه محمد قاعد يشوفلي تنهدت واني مطبسة...
انا:كنت صغيرة لما مات خوي احمد لاكبر مني كان عمري ٣ سنين وهو اكبر مني بسنتين كنت نلعب اني وياه ع الشط ولما شفت بابا يعوم الداخل خشيت نجري ليه وكان احمد ينادي فيا واني نقوله نبي بابا لين وصلت للحد وغرقت جاني احمد يجري بينقذني حذفني ع الشط وهو جبده البحر وغرق قعدت ماما تعيط وبابا لما وصل فيه كان ميت خلاص وقتها خشيت حالة نفسية سنة لا نتكلم لا نضحك لتوا نحس بذنب موته كان بسببي كان بسببي ...وبدو دموعي ينزلو...من يومها كرهت البحر ومعاش نعوم نخاف نغرق زيه ويوم لطحت في الحوض السباحة اذكرت يوم موته ...
محمد كان يشوفلي بشفقة:ااا اسف ماكان قصدي نعيط عليك
انا:لا عادي
محمد:ومعاش تحسي بذنب موته كان مكتوبله انه بيموت في الساعة هديكا وانه موته في البحر يعني انتِ مادخلك
انا:لو سمعت كلامه وماخشيت كان مامات
محمد:لو قعدتي وهو قعد ره توا مات مع عيلتك في نفس الحادثه
انا قمت راسي...
محمد:كل واحد وساعته وكيف ربي كاتبله موته ماحد دخله في موتة حد لذلك ريحي ضميرك ..
انا ابتسمت ومسحت دموعي:قولي كيف تصاوبت رجلك
محمد:شي عركة وصار فيها رصاص جت فيا رصاصة طايشة
انا:حمد الله ع سلامتك ...
محمد:الله يسلمك ...الله اكبر الله اكبر🌅
انا:الفجر يأذن تقدر تصلي؟
محمد:اييي ساعديني بس نوقف نتوضى
انا قربت منه وشدت يده وقعدت نساعد فيه بشوية لين وصلنا لباب التواليت"اكرمكم الله"دخلته وكان فيه كرسي قدام الباب دخلته وقعمزته عليه جبتله امية في سطل وقعدت نساعد فيه مش يتوضى بعد كملنا طلعنا بمساعدة مني وحطيته ع كرسي في الغرفة وخليته يصلي مشيت نجري غيرت شاراشف السرير لانهم كان فيهم الدم ....
محمد:السلام عليكم ورحمة الله السلام عليكم ورحمة الله...
انا:تقبل الله
محمد:منا ومنك صالح الاعمال
انا قربت منه وقعدت نساعد فيه لين وصلته لسرير قعمز ...
انا:معاش تبي شي؟
محمد ابتسم:شكرا
انا شفتله:يلي درته معاي ووقفتك انت وعيلتك جنبي مهما ندير مستحيل نكافيكم
محمد:معاش تقولي هكي انتِ توا من العيلة.
انا ابتسمت:ارتاح توا وارقد اني نظف الدم ونصلي
محمد:تمام
خديت الهدية وطلعت حطيتها ع السرير متاعي" لانه من اول ماجيت عمي فيصل خدالي سرير حطيته مع جنى وجهينى "وطلعت نظفت الدم يلي ع الارض وتوضيت صليت وطول لنوم....
..
.
الساعة 12 م...
.
.
نضت من النوم غسلت وجهي ونزلت للمطبخ درت سفرة فطور لمحمد وركبتله طقيت ع الباب...
محمد:خشي.
انا فتحت الباب وطبست راسي:صباح الخير
محمد مقعمز شاد كتاب في يده ابتسم:صباح النور خشي
خشيت للغرفة بسفرة الفطور ..
انا:مشاءالله شكلك نايض من انبكري
محمد:ايي نضت من انبكري ولما ماجتيش قلت اكيد راقدة
انا حطيت سفرة الفطور قدامه وجبدت الكتاب من يده...
انا:افطر وبعدين اقرا
محمد:ليش متعبة روحك
انا:لا تعب لا شي كله واتي حطيته وجيت
محمد ابتسم وبدي ياكل ..
انا شفت للكتاب يلي في يدي :في قلبي انثى عبرية؟
محمد شافلي وابتسم:ايييي رواية تحكي ع الاديان الاسلامية والمسيحية واليهودية
انا شفتله:شن معنى كلمة عبرية ؟
محمد:يعني يهودية من اتباع موسى عليه السلام
انا:وشن قصتها هي؟
محمد:هادي الرواية مقتبسة من قصة حقيقة تحكي ع شخص مسلم حب بنت يهودية
انا بإستغراب:يهودية؟بس اليهود يكرهونا احني المسلمين صح ربي حلل انه رجل المسلم يقدر يتزوج بنت من غير ديانته بس مش لدرجة يهودية
محمد:لا يقدر وفي هالرواية خلاها تسلم وخشت دين الاسلامي بإقتناع تااام بعد قرت قرآن الكريم والسيرة النبوية
انا ابتسمت:يااالله محلاااه ياريت لو نقدر ندير زيه ندخل شخص غير مسلم للاسلام
محمد:كلنا نتمنو هذا الشي
انا شفتله:لو كملت قرأته عادي ناخده نقراه؟
محمد ابتسم:اكيدددد
انا:شكرا😍
كمل محمد فطوره وقال انه تعبان بيرقد خديت السفرة وحطيتها فيالمطبخ كنت مستعجلة مش نقرا هالكتاب كنت نبي نعرف هلبا حاجات فيه ونعرف قصتهم ركبت طول للغرفة قعمزت ع سريري وفتحت الكتاب وبديت نقرا فيه.....
.
يتبع 💔💔
أنت تقرأ
اعشق عسكري ( روايات ليبية )
Romansaحب ينشئ بين بنت و عسكري عصبي غيور بلصدفة ؟ فكيف كانت قصة حبهم ؟ و ما نهايتها ؟ قصة من داخل المجتمع الليبي ؟ 🔥
