اعشق عسكري ( روايات ليبية )

حلقة 7🔥

#أعشق_عسكري
لكاتبة #شهد_محمد
حلقة السابعه❤❤
.
.
قعدة نقرا في الكتاب كل مرة نقرا جملة ثأثر فيا كلام رائع ولفتت جملة انتباهي بين السطور وكأنها تشفي في جرحي《إن لم يكتب لنا اللقاء مرة أخرى في الحياة الدنيا،فأسأل الله ان يجمعنا تحت ظل عرشه يوم لا ظل إلا ظله》قعدت نردد فيها هلبا تنهدت وقعدت نكمل في القراية لين وصلت 《رحلو مخلفين في صدري ألمآ وحسرة كبيرين》نزلت دمعة ع طرف عيني مسحتها وقعدت نقرا 《أحمد الله على كل حال.ولا أعترض علا قضائه.لكني ضعيفة..ضائعه..دونهم...ودونك!يارب..أعلم أن هذا امتحانك لصبري وثباتي.لكنني أسألك ألا تطفئ كل الشموع في وجهي..!يالله أترك لي بصيص أمل أعيش به باقي أيامي...فأنني قد وهنت》ابتسمت وفجأة قاطعني صوت رنة تليفوني كانت جنى قمته وفتحت الخط...
انا:ااهلين صباح الخير
جنى:اهلين ياقلبي كيف حالك
انا:الحمد الله كيف حالكم انتم
جنى:الحمد الله
انا:شن جو العرس
جنى:يهبلللللللل ياريتك معانا
انا ابتسمت:اعتبروني معاكم عادي واستمتعو
جنى:ايي بنقولك مرات نباتو حتى اليوم
انا:خودو راحتكم تشغلوش بالكم بيا
جنى:هي سلامات ديري بالك ع روحك
انا:سلام..صكرت الخط ورجعت نقرا بلهفة ..
.......
محمد راقد ع سريره ويفكر فيا يفكر في يوم حوض السباحة وكيف لصقني فيه وفي يوم الحفلة لما شافني بلبسة والمكياج يفكر لما خش متصاوب واني ببيجامة شورط وتيشيرت وفي ليلة امس وهدرزتنا...
محمد ابتسم :ياربي والله تهبل...بعدين ركز في روحه وعقد حواجبه...
محمد:شن تقول يامحمد شن تقول طلعها من رأسك خلاص...بعدين تفكر كيف فرحت لما اعطاني الهدية رجع ابتسم....
.....
.
.
الساعة 5م......
.
.
انا قاعدة نقرا اشياء جديده عرفتها ع دين الاسلامي حسيت روحي نتبع في دين الاسلامي بالفطرة بس وحاجات تعلمتها ع اليهودية والمسيحية كانت كل كلمه نقراها ليها معنى كبيرررررر ولما وصلت في الاية الكريمة{لَوْ أَنَزْلنّا هَذْا آلْقُرَآنْ عَلَى جَبْلْ لَرَأَيتْهُ خَاشِعّاً مُتَصْدِعّاً مِنْ خَشْيَةِ اللهِ وَتِلّكَ الأَمْثالُ نَضِرِبُهْاَ لِلنَّاسِ لَعْلِهُمْ يَتٌفَكَّرُونْ}....كانت هادي الاية سببآ لإسلام بطلة الرواية كانت من اليهودية بس بعد هادي الاية نزلت خاشعة على الارض الجبل يلي كان داخلها قد انهار خاشعا متصدعا من خشية الله.....اااه يارب مااعظم كلامك ❤❤❤❤تنهدت براحة وصكرت الكتاب ووقفت لبست ملاية الصلاة و نزلت و توجهت للمطبخ درت شربة لمحمد وعصير وركبت لغرفته طقيت الباب وسمحلي نخش...
انا:مساؤؤؤ
محمد ابتسم:مساء النور ..خشيت حطيت السفرة قدامه ..
انا:أسفة عطلت عليك بالغدي بس هالرواية شغلتني
محمد ابتسم:عجباتك؟
انا ابتسمت وبعفوية:ااااااييييي تهبلللللل محلاها ومحلا الكلام الموجود فيها
محمد خدي الكاشيك وبدي ياكل:فهمتيها كلها؟
انا:اييي
محمد:كويس
........
.
.
الساعة ٩ م....
..
《لا ملجأ لها إلا الدعاء تعلم أن الله يسمع نداءها،وتؤمن بأنه لن يضيعها،ولن يتركها إلى الأبد تعيش تلك الحياة يومآ ما،في يوم قريب،ستُكتب لها النجاة》حطيت الكتاب وتوجهت لروشن الغرفة فتحته وخش منه هواء باااارد انعشني غمضت عيوني ورفعت راسي شفت القمر كان ضااااوي وكانت ليلة ولا ارؤؤع السماء صافية والقمر ضاوي وهواء بارد خفيف قررت ناخد الكتاب وننزل لجنان لوطا نكمل قرايته خديت الكتاب ولبست ملاية الصلاة وفتحت الباب واني نازلة تفكرت محمد رجعت وتوجهت لغرفته طقيت الباب وبعد سمعت صوته فتحت الباب ودخلت راسي وابتسمت....
انا:مكسد؟
محمدة هلبااا مليت
انا:الجو حلو برا بنطلع نقعمز في الجنان نساعدك تنزل معاي؟
محمد:ياااريت ...انا ابتسمت وقربت منه ساعدته انه يوقف وحط يده اليمن فوق كتفي واني يدي اليمين ع يده واليسار فيها كتاب و محاوطة خصره قعدت نساعد فيه لين نزلنا كان فيه طاولة صغير جنب حوض السباحة جبدت كرسي وقعمزته وتوجهت للكرسي المقابله جبدته وقعمزت عليه وحطيت الكتاب ع الطاولة ....
محمد:تقعديش هكي ٢٤ ساعة تقري فيه راسك يوجعك وعيونك يوجعوك
انا شفتله:بس خاطري نكمله توا توا نبي نعرف في الاخير شن بيصير
محمد ابتسم:راح تكمليه وتعرفي ماتعبيش روحك 
انا طبست راسي وقعدت نقرا وصلت في سطر وقعدت نقرا فيه بصوت عالي《كيف حالك ياصغيرتي؟أنتِ بخير؟
هزت رأسها وهي تمسح وجهها بكم عباءتها،كانت مشاعر كثيرة تختلط في نفسها،مشاعر الشوق والفرح لأنه سأل عنها أخيرا وأهتم لأمرها،ومشاعر العتاب واللوم لأنه تخلى عنها ورماها في هذه الأرض الغريبة》تنهدت وقمت راسي لمحمد...
انا:نفس الاحساس يراودني توا
محمد شافلي بعصبية:توا احني بدينا أرض غريبة؟
انا:لا بس مهما يكون اني غريبة عليكم
محمد:معاش تقولي هكي ليك شهرين معانا وتأقلمتي معانا تو مع مرور الوقت تزيدي تتعودي علينا
انا:ان شاء الله  تبي حاجة نديرهالك؟
محمد:هدرزي معاي وفكينا من هالكتاب تكملي بعدين
انا ابتسمت وصكرت الكتاب:حاضر
محمد:ايي حقا ليش مامشيتي معاهم للعرس؟
انا:مخاطريش ومزال مش متعودة ع حد فيهم
محمد:اها
انا:بنسألك قريت هادي 《لا تجعلي المسلمين ينفرونك من الإسلام،فتطبيقهم لتعاليمه متفاوت...لكن انظري في خلق رسول الإسلام،وحده ضمن كل البشر خلقه القرآن》 شن معناها ؟
محمد وخر ضهره ع الكرسي:اي بمعنى ماتخليش المسلم يكرهك في الإسلام ويخوفك منه شوفي احني صغارنا من صغرهم نعلموهم الخوف من ربي بس ماعلمناهم انه الله غفور الرحيم وانه مايظلمش حد وانه يحب عبده وانهم تطبيقهم للاسلام متفاوت حده الله حرم قتل النفس بغير حق واهو بدينا نقتلو في خوتنا ومن لحمنا ودمنا حرم علينا الزنا وتوا الزنا منتشرة في الشارع وقدام عيونا حرم علينا شرب الخمر واهو يشرو ويبيعو فيه قدام عيونا يعني مسلمين ونعرفو الغلط ومع هذا تطبيقنا لدينا غلط انظري لرسول الله وحده الذي طبق دين الاسلامي زي مامذكور في القرآن الكريم....
انا ابتسمت:لا تنظر إلى مايفعل المسلمون،بل أنضر إلى ماتنص عليه تعاليم الإسلام!
محمد ابتسم:تماماً
........
.
.
سهرنا الليل في الجنان نهدرزو محلاه ومحلا ابتسامته محلا تفكيره وحكمته في الحياة محلا عصبيته وحنيته ❤❤❤
.
.
الساعة ٣ م...
.
.
انا:مش ياسرنا؟
محمد ابتسم:نوضي هيا ارقدي
انا:هيا ...وقفت وساعدت محمد وصلته لسريره صكرت الضي عليه وصكرت الباب وتوجهت لغرفتنا صكرت الباب وفتحت الكتاب وكملت قراية فيه وماحسيت بالوقت الا لما سمعت أذان الفجر نضت توضيت وصليت وخشيت لسرير رقدت طول...
.
.
بعد مرور يوم...
.
.
تم عرس هيام واخيرا وروحو العيلة كانو جنى وجهينى يهدرزو ع العرس ويقرمو في الناس ويحكو ع هيام كيف طالعة وع فيلوها وع عريسها وغيره وغيره و ماكنتش معاهم كان تفكيري في محمد معاش بنسهر معاه ونهدرز معاه؟تعودت نسهر معاه في اليومين هادم ....
جهينى:هييييي وتين وينك
انا ركزت:هاا شن
جهينى:وين سرحانه؟
انا تلبكت:لااا قاعدة معاكم
جنى:لااا واضح
جهينى:بنمشي نشوف محمد اني ...وتوجهت للباب ومنها لغرفة محمد طقت ع الباب وفتحاته...
جهيني:حمودة
محمد ابتسم:اهلين امتى روحتو؟
جهينى:توا كيف جينا خيرها رجلك؟
محمد:ااا لا شي مجرد جرح
جهينى تشوفله ع الجنب:متأكد؟
محمد عقد حواجبه:شن رايك نكذب يعني؟!
جهينى خافت:ااا لا حشاك
......
في الصالون...

جاد:وووتين ياكلبة استاحشتك
انا:درااه وحتى اني
جاد:تعالي تعالي نهدرزلك ع العرس والجو لدرته😍😍😍
نورس:اعقل ياولد😒😒
انا ضحكت ومشيت معاه قعمزنا ع الكنبة:احكي احكي😂😂😍😍
جاد:حي عليك كان تشوفي لما جابو الزكرة 😍نخش عليهم ياكبدي بالزبون ونلف هديكا الفه ونطيح فيها رقيص 😎😎😎والله البنات الداخل داخو😌
انا شبحتله ع الجنب:معاش تكذب😒😒
نورس تضحك:ياكبدي داخت بنت عمرها ١٠ سنين قال لما شافتني نرقص داخت😂😂😂
انا نضحك:هههههههه لا معناها داخو حق😂😂😂
جاد:نوضي خزي الحق مش فيك😒😒😒..ووقف ركب من الدروج...
انا نضحك:شن قلت توا😂😂😂
......
جاد:حموووووودة يابيبي
محمد:ياسر اكبر واعقل😒😒😒
جاد بصوت بنية:لااا يابيبي خيرها رجلك ياحليلي
محمد ضحك وحذف عليه وسادة....
محمد:امتى بدير عقل بس  😂😂
جاد:لما نتزوج زوجوني نعقل😍😍😍😍
......
هدرزت شوي ع عمي فيصل وعمتي نورس وقالو بيركبو يرتاحو ركبو  وركبت اني  للبنات الفوق لقيتهم راقدات مشيت لسريري ورقدت....
.
.
الساعة ٩م....
.
.
كان الكل لوطا في الصالون محمد جواد جاد جنى جهينى ونورس وفيصل يهدرزو ويضحكو جيت بننزل نقعمز معاهم جتني فكرة جهنمية😈......
.
.
يتبع ❤❤❤