اعشق عسكري ( روايات ليبية )

حلقة 12🔥

#أعشق_عسكري
لكاتبه #شهد_محمد
حلقهه أثنى عشر💔😿
.
.
الراجل:باللهي تتأخرش عليا غدوا راجع
فيصل مهموم:ان شاء لله...وسلم عليه وطلع الراجل وعمي فيصل خش لصالون كان من تعابير وجهه واضح انهه فيه شي ...
محمد:بوي فهمنا من هذا وشن يبي؟
فيصل قعمز وتنهد....
جهينى:بابا شن فيه ؟
فيصل:الراجل قال انهه عم وتين
انا بصدمهه:شششش شن ؟😳😳😳
محمد:شن عمها ماعمها من وين طلع😠😠😠😠😠😠😠
فيصل:قال انهه وصللهم خبر موت عيلتها وقعدو يدورو عليهاا لين وصلو فينا
جواد:وقصدكم بتمشي معهه؟
جاد:لا باللهي يابوي تعودنا عليها
انا مصدووومههه ماعمري شفتهم ولا سمعت عليهم حاجهه وبهالبساطهه توا طلعو زعمك عمي فيصل بيخليني نمشي محمد بيخليني بيسيبوني ليهم؟
محمد:شن بتمشي ماتمشي وتين تطلعش من هذا الحوش
فيصل:شن هالكلام هذا عمها وبنتهم يبوها
محمد وجهه احمر وعروقهه بارزات:ع جتثي تطلع من هالحوش 😡
فيصل:صكر فمك ياولد 😠
انا سرحااااانهه ونفكر مش معاهمم بكلل....
جنى:يابابا تعودنا عليها كيف بهالبساطهه جاين يطالبو فيها
جهينى:لا باللهي ارفض يابابا
نورس:شن حننهم عليها هما توا؟
فيصل تنهد وشافلي:وتين بنتي شن رايك انتِ؟
كلهم شافولي واني كنت سرحانهه....
فيصل:وتين ؟
انا ركزت:ها عمي؟
فيصل:شن رايك بالموضوع ؟
انا قعدت نفكر مهما يكون هذا عمي اكيد راح يكون حنين عليا وقداش ليا كنت نحلم بأنهه يكون عندي عم وخال وبنات خال وبنات عم وفي الاخر هادي العيلهه غريبهه عليا لامتى راح يتحملوني ويتحلمو كلام الناس ع خاطري ....وقطع تفكيري صوت جاد..
جاد:لا وتين باللهي ..
انا ابتسمت غصب:اني موافقهه نمشي مع عمي
محمد وقف:شن موافقهه ماموافقهه هادي مداما اني حي ماتطلعيش من الحوش
فيصل بصوت عالي:قعمز واسكت البنت حرهه
جواد:بس تعودنا عليك احني
انا شفتله وابتسمت:واني تعودت عليكم وحبيتكم والله وشكرا ع كل يلي درتوه معاي بس مهما يكون هذا عمي وهو عنده الحق انهه ياخدني
محمد يشوفلي وجهه احمررر من الاعصاب وتلفت خبط الفازه من ع الطاولهه وتكسرت وطلع من الحوش وهو متعصب بيتفجر ولع سيارته وسطررب وطلع ....
........
محمد قعد يسوق بسرعهه وتوجهه للبحر درس السياره ونزل قعمز ع الشط .....
.....
انا وقفت بعد ماطلع محمد وركبت للغرفهه صكرت الباب وطحت ع السرير قعدت نبكي كيف بنقدر نعيش من غير محمد تعودت عليهه كل يوم نشوفهه نسمع صوتهه عصبيته حنيته كل شي بنستاحشه جاد وبرادة جاد وتفاهةة جاد جهينى وجنى وعراكهم وضحكهم وهبالهم جواد وهدوء جواد عمتي نورس يلي دارت جهدها مش تعوض مكان الام وعمي فيصل وحنيته عليا راح نستاحشهم ونستاحش اهتماهم ماكنتش نفكر لا في عمي ولا في عيلته لا كيف راح تكون حياتي عندهم كل تفكيري في هالعيلهه يلي وقفت جنبي وقوتني وقت كنت بحاجهه هذا الشي من اقرب الناس ليا قعدت نبكي لين نغست ورقدت.....
..
.
.
الساعهه ١ م...
.
.
كنت مقعمزة في الجنان ع حوض السباحهه نستى في محمد بعد ماوتيت شنطةة ملابسي....
.
.
:شن اديري اهني؟
انا تلفتت لقيته جاد:انا نستنى في محمد تاخر ومشغول بالي عليهه
جاد قرب وقعمز جنبي:اكيد زعلان بتمشي وتخليهه..
انا شفتلهه:راح نستاحشتك وربي
جاد:وحق ربي اني اكثرر بهلباا
انا:راح نقول لعمي يجيبني كل فترةة ليكم
جاد:اييي وكان عندك بنت عم طرف جيبيلي رقمها😍😍
انا ضحكت:تااافهه😂😂😂
جاد ضحك:مش زي تفاهتك لكن....وفجأه سمعنا صوت الباب نفتح تلفتت اني وجاد وخشت سيارة محمد درسها وقرب منا....
انا نشوفلهه وساكتهه وهو يشوفلنا وساكت...
جاد:ااا اني بنخش بنرقد هي تصبحو على خير..
انا:قدامك كل خير...محمد ساااكت...خش جاد وصكر الباب قرب محمد وقعمز جنبي....
انا:اسفهه
محمد شافلي كان الواضح انهه كان يبكي💔💔...
انا حضنته وقعدت نبكي:وربي راح نستاحشك مش قاردة نمشي ونخليك والله
محمد حط يديه ع ضهري وحضني بقوةة وقعد يبكي اول مرهه نشوف محمد ضعيف هكي كان قلبي واجعني عليهه هلبااااااااا .....
محمد:خليك معاي ماتمشيش
انا نبكي:ضروري نمشي
محمد:بس مش قادر نخليك
انا:راح نجيكم كل فترةة وعد
محمد:تعودت عليك كل يوم
انا بعدت ومسحتله دموعهه:اول مرهه نشوف دموعك 💔
محمد:.......
انا:تو فوت فترهه وتعالى اخطبني شن مش ناوي تخطب😒😒😒
محمد ابتسم:نخطبك من غدوا اني
انا ابتسمت ودموعي ع خدي:خلاص خلينا نستاحشو شويهه بعضنا وتعالى اخطبني من عمي ونديرو عرس كبيرر
محمد شدلي راسي بيديهه الزوز وباسلي جبيني.....
انا ابتسمت وشديت يديهه:معاش نبي نشوفك ضعيف هكي
محمد:ضعيف لما ماتكوني جنبي
انا:جنبك وع قلبك مش راح ترتاح مني 😌
محمد ضحك وحط يده في جيبه وطلع منهه سنسال وفيهه نص قلب مكسور مكتوب فيها اسمهه ....
محمد:حولي الغطاء شويهه ..انا قمت طرحهه الصلاة ولفيت لبسهالي محمد وتلفتت شفتله ....
انا ابتسمت:محلاااها
محمد:ماتحوليهاش من رقبتك ابدا زي هادي..وحط ايده ع سنسال بابا ..
انا ابتسمت:حاااضر...وحط يده في جيبه تاني وطلع منهه نص قلب التاني وكان مكتوب عليهه اسمي ❤
محمد:راح يقعد عندي هالنص ليوم نتزوجو فيهه راح نكملو هالقلب...
انا ابتسمت:ان شاء لله
محمد شدلي يديا بقوهه:لو احتجتي اي شي او ماعجبك الجو اتصلي بيا بس نكون عندك والله ونجيبك عندي....
انا ابتسمت وشديت ع يديهه اكثر:ربي يخليك ليا❤
.....
قعدنا الليل كلهه واحني نهدرزو وحاضنين بعض كان الكل راقد وماحس بينا حد لين اذن الفجر نضنا خشينا وصلينا وكل واحد رقد ....
.......
.
.
تاني يوم الساعهه 5م....
.
.
كنا مقعمزين في الصالون نهدرزو ونضحكو الا محمد كان في غرفتهه ويبيش ينزل لين سمعنا الباب يطق قلبي قعد يدق بسرعهه كبيرةة ناض عمي فيصل وفتح الباب....
فيصل:اهلين اهلين تفضل
مصطفى"عمي":يزيد فضلك والله مستعجل خلي وتين تطلع
فيصل:طاسهه قهوةة ع الاقل
مصطفى:بارك الله فيك والله مستعجل
فيصل:براحتك....وخش لصالون ..
فيصل:وتين عمك يستنى برا
انا نرعش وعيوني ع الدروج نبي نشوف محمد قبل مانطلع💔💔💔هزيت راسي ووقفت حضنت عمتي نورس وقعدنا نبكو وحضنت جنى وجهينى وسلمت ع جاد وجواد وسلمت ع عمي فيصل وحضني واني بالي مزال مع محمد....
انا:شكرا ع كل شي درتوه معاي وكان نقعد عمري كلهه نشكرا فيكم مانوفيش حتى شوي
جاد:بري بلا برادهه
نورس:اذكري انهه عندك عيلهه تانيهه وفي اي وقت احني موجودين
انا ابتسمت وطالعهه كل مانقدم خطوة نتلفت لدروج ع امل نلقى محمد وصلت لقدام الباب تنهدت وتلفتت لدروج لقيتهه واقف وعيونهه حمر وشعر منثور ع وجهه بأهمال كانت حالتهه سيئهه بمعنى الكلمهه وجعني قلبي عليهه كان خاطري نحضنهه بقوةة كان خاطري نقوللهم خلاص معاش ماشيهه نبي نقعد بس ماقدرتش قعدت نشوف لمحمد ودموعي ينزلو وهو يشوفولي .....
فيصل:هيا يابنتي عطلتي ع عمك ...انا هزيت براسي ومسحت دموعي ابتسمت لمحمد وتلفتت طلعت من الحوش طلعت ولقيت عمي برا واقف جي يجري حضني ماحسيتش بأي شعور اتجاهه برووووود...
مصطفى دموع تماسيح:اهلين ببنت خوي الغالي الله يرحمهم يابنتي ....انا ضحكت .. خوي الغالي؟من يلي تبرا منهه ؟من يلي لزه من المنطقةة؟.....بعدت من عليهه...
انا:نمشو؟
مصطفى:اي هيا...وسلم ع عمي فيصل وركبنا السيارهه وولعها ومشي كانت عيوني ع الفيلا لين اختفت من قدامي تنهدت ومسحت دموعي وقعدت نشوف لطريق كان عمي طول الطريق يهدرز ع عيلتهه ومبتسم واني نسمعش فيهه نهائي .....
......
محمد اول ماطلعت طلع وراي ولع سيارتهه ومشي وراي.....
.......
.
.
وصلنا لحوش عمي كان فيلا وحلو ضحكت بستهزاء كيف هو عايش وكيف احني كنا عايشين كان حوسنا عااااادي مش من الاثاث الفخمهه كان بابا موظف عادي ومعاشه يالله يكفينا لاخر الشهر تنهدت وخشينا لقينا العيلهه تستنى فينا في الصالون خشيت ببرووووود وبديت نسلم عليهم الصراحهه كانو اوفررررر مكياج اخر صيحهه ولبس وغيره ومدايرين دموع تماسيح ويعيطو ويعزو فيا اني ولاا دمعهه بروووود ولا حسيت بأي شعور اتجاهم.....
《عمي"مصطفى" كان يخدم في شركةة استيرااد وتصدير سيارات......
مرته"منى" ربةة منزل ....ولدهم"منير"م ٩٠ يخدم مع بوه وصايع هلباااا.....بنتهم "إلهام"م ٩٤ متزوجةة وعندها ولد....ولدهم"معاد"م ٩٧ يقرا سنهه رابعهه اقتصاد...بنتهم "إيمان"م ٢٠٠٣ تقرا تانيةة ثانوي 》....
بعد كملنا سلام ودراما قعمزنا عرفوني عليهم وكان منير نضراتهه غااااريبهه وواضح من شكلهه انهه نسونجي حاط في فمهه مستكهه ويطربق فيها انا نشوفلهم بستهزاااء كيف منير لبسهه سناسل ومستكهه وخواتم إلهام مكياج عروس وياريت حتى حلو وجسمها مش حلو ابداااا ذوقهاا في البس مش حلو💔ولدهم معاد كيف يتكلم تقول بنت وإيمان يلي لابسه لبسةة مش حلوة بكللل مكياج اوفر وكأنها متزوجهه شعرها منتف امهم لتحساب روحها بنت عشرين مكياج ولبس لاصق وقصير كان منظرهم مقررررف لدرجهه قعدو يديرو في الدراما كان بوك وكانت امك وغيرهه وغيرهه استأذنت منهم واعطوني غرفهه كبيرهه ويهبل اثاثها ركبت حطيت شنطي وحولت عبايتي وقعمزت ع السرير نفكر هل ممكن نعيش مع عيلهه هكي؟مقرررررفين لدرجهه خطر ع بالي محمد طلعت تليفوني اتصلت بيهه رن رن واخيرا رد كان صوتهه مبحوح وواضح انهه كان يبكي.....
انا:حبيبي
محمد تنهد:ياروح حبيبك
انا:استاحشتك
محمد:اني اكثر والله
انا:معاش تبكي كلهه كم شهر وتجي تخطبني ونكون عندك بأسمك
محمد:شن كيف عيلةة عمك؟
انا تنهدت:باهي كويسين
محمد:كان حد ضايقك او ازعجك قوليلي بس
انا ابتسمت:انحبك
محمد:نموت فيك ياوتيني❤
.......
.
.
بعد مرور ٣ شهور...
..
.
عيلةة عمي ماحبيتهمش ابداااااا منير خلال الثلاثهه الشهور هادم يشوفلي بنظرات غاريبهه ومقرفهه إيمان ديما نشوف فيها شادهه التليفون وتهدرز ع الشباب إلهام كانت ديما عراك هي وراجلها ..محمد وياحليلي من محمد خلاص هالثلاثهه شهور كل يوم يتصل بيا ونهدرزو لصبح كان يهبللل اسلوبهه عصبيته حنيتهه كلامهه كل شي هو الوحيد يلي مخليني نحب هالحياهه لعايشتها وكل مانجي بنحكيلهه ع منير نتراجع نبيش نشغلهه او يدير مشكلهه من تحت راسي هالثلاثهه شهور عيلة عمي عادين معاي زي اي يوم بس بعد الثلاثهه شهور هادم بدي اسلوبهم وتعاملهم معاي يتغير كل مرةة نطلب من عمي يرفعني لحوش عمي فيصل يدير عذرر مش مايرفعني طول هالفترهه ماشفتهم.........
.
.
منى:نوضي يابنت ديري الغدي
انا بإستغراب:وين الشغالات؟
منى:عندهم مايفعلو نوضي قتلك
انا سكتت ووقفت توجهت للمطبخ نطيب في الغدي وفجأة نسمع في الباب تصكر تلفتت وكان منير...
انا:شن ادير اهني وليش صكرت الباب؟
منير ابتسم:هكي جاي بنساعدك ...وبدي يقرب واني نوخر...
انا خايفهه:شن تقرب خليك بعيد
منير ضحك وقعد يقرب كانت نظرتهه ماتبشرش بالخير تلفتت ع يميني لقيت سكين طول خديتهه ووجهته عليهه.....
انا:خليك بعيد والله نخربلك خريطةة وجهكك...
منير خاف:باهي تمام بس راجع...وغمزلي وتوجهه للباب فتحهه وطلع تنهدت وحطيت السكين وكملت تطيب الغدي  وتيت السفرهه وحطيتها وجيت ماشيهه...
إيمان:شن هالغدي ناكلش في الكسكسي اني اععع ...
انا شفتلها بإستغراب:نعمهه مايقولوش اعععع واني شن عرفني انك ماتاكليش فيهه طول هالثلاثهه الشهور وانتِ تاكلي ليجي ...
إيمان رفعت حاجبهاا:والله؟مصح  وجهكك
انا تعصب:هذا الغدي عجبكك باهي عجبكش نوضي ديري ليعجبك...
منير:نقصي صوتك واحترمي نفسك فوق مااحني جايبينك عندنا زايدهه تعلي في صوتك
انا شفتلهه بصدمهه وساااكتهه....
مصطفى:امشي ديري لإيمان شن تبي واسكتي
انا مصدومهه..كيف صار مش كانو يهتمو ويحترمو فيا؟مش ع اساس هذا حوش عميي وكأنهه حوشي؟مش ع اساس من لحمي ودمي؟قعدت نشوفلهم مصدومهه نراجي فيهم يقولو نبصرو ويضحكو .بس كلهم يشوفولي بنظرات غاريبهه وتخوف...
منى بصوت عالي:سمعتي شن قالك عمك؟امشي وديري حاجهه تانيهه...انا نخلعت وهزيت راسي وتلفتت مشيت...
إيمان:نبي بيتزاا😌...انا ماشيهه وساكتهه مصدومهه خشيت للمطبخ وقعدت نعجن وندير في بيتزا وتفكيري كلهه انهه كيف تغيرو هكي؟تعاملهم معاي؟كلامهم؟كل شي فيهم تغير....قطع تفكيري صوت إيمان....
إيمان؛ها شن مزااااال؟😒
انا شفتلها:دقيقهه وتجهز ...إيمان شافتلي بستحقار وطلعت.....
..........
كملت البيتزا وعطيتهالها قالولي اغسلي الماعين غسلتهم وجيت بنركب لداري....
منى:ملابسك برا في غرفهه الخارجيهه من اليوم مكانك غادي
انا شفتلها بإستغراب:كيف؟
منى:غرفتك بدت برا اطلعي ومن غير كلام
انا:بس..... ....تجاهلتني منى وناضت ركبت لغرفتها قعدت نفكرر وبعدين تنهدت وطلعت للغرفهه الخارجيهه اول مافتحتها فنصت عيوني وفتحت فمي هادي غرفتي من اليوم؟اهني بنرقد؟شن هذا القرف؟كانت غرفهه كلهاا غبرهه فيها دولاب قديمم وفراش بس لا سرير لا مرايهه لا شي الروشن مكسرر تواليت "اكرمكم الله" في نهايةة الدار صغيررررر وكانت ريحتهه مقرفهه وفجأه نشوف فار يجري تحتي عيطت وهو هرب قعدت واقفهه نشوف في الغرفهه وبعدين قعدت نبكي هذا عمي لجي يطالب فيا؟هذا يلي من لحمي ودمي؟هذا يلي قلت راح نحس بالأمان معه؟قعدت نبكي ونبكي وبعدين قعدت نفكر ياوتين انتِ قويهه راح نتصل بمحمد خلاص يجي ياخدني  ووقفت توجهت لشنطتي يلي محذوفهه بإهمال فتحتها  كانت ملابس قليلهه بس موجودهه مش كل ملابسي ماهتميتش وقعدت ندور في تليفوني بش مالقيتاش وقفت وطلعت من الغرفهه توجهت لباب الفيلا وخشيت واني راكبهه من الدروج وقفني صوت وراي تلفتت لباب المطبخ لقيت منى واقفهه..
منى:لوين ماشيهه
انا:تليفوني مالقيتاش راكبهه بنشوفهه
منى ضحكت:انا خديتهه معاش فيهه لا تليفون لا غيرهه
انا بصدمهه:تليفوني هذا كيف تاخديهه؟
منى:خديتهه وتم انزلي انزلي واطلعي نبيش نشوف وجهكك
انا:بهه ملابسي مالقيتهم كلهم
منى:إيمان عجبوها خدتهم
انا بصدمهه :كيف تاخدهم هادم ليا
منى بصوت عالي:قتلك اطلعي اني😠😠😠
انا نزلت والدمعهه في عيني طلعت خشيت لغرفتي او بالأصح غرفهه الفأرن لانه كانت متجمعهه بطريقهه غريبهه في هالغرفهه سلمت امري لله وقعدت نضم في بالشوي لين واخيرا بعد ٣ ساعات متواصلهه من التنظيف كملتها بدت مريحهه نوعاً ما  دوشت وطلعت قعمزت في فراشي شفت لهديةة محمد شديتها بيدي وحركةة الزر بدت الموسيقى قعدت نشوفلها ونفكر فيهه توا كيف حالتك زعمك اتصلت بيا ؟زعمك بتعرف انهه اني في هالمشكلهه؟يارب ساعدني يارب ....حطيت الكورهه البلوريهه ع الارض وحركت الزر سكتت حطيت راسي ع الوسادهه وخداني النوم من التعب......
.
.

يتبع ❤❤❤