اعشق عسكري ( روايات ليبية )

حلقة 5🔥

#أعشق_عسكري❤
لكاتبة #شهد_القنفود
الحلقة الخامسه❤
.
.
جاد :م ...طلعتلي طلعتلي 😍😍😍
انا ساكتة ومغمضه عيوني...
جاد:لاااااااااااااا
انا فتحت عيوني ودموعي نزلو...
جاد:وتين ٩٧.١٤% 😍😍😍😍😍😍《واني شهادة ثانوية ادعولي ننجح حي عليا مش فلتوزة زي وتين اني😂😂😂💔💔💔》
محمد شافلي وابتسم...
انا طحت ع ركابي وقعدت نحمد في ربي ونبكي:الحمد الله يارب الحمد الله يارب❤❤
نورس تزغرط:لولولولولولي
جنى فاتحة فمها:ششش شن شن ٩٧.١٤% حرام عليك يابنت😂😂😂😂😂
جهينى:وااااااو الصراحة
فيصل يضحك:مشاءالله تبارك الرحمن
جواد:تستاهلي هدية وربي
انا قاعدة نبكي ونذكر في بابا وماما كيف تعبو وحلمو انه نوصل لهالمستوى وتكون نسبتي قوية هكي تمنيتهم معاي وفرحو لنجاحي بس الحمد الله حققت حلمهم حتى وهما مش معاي💔
جاد:حيييي قصدكم فيه زردة كبيرة في الموضوع😍😍😍
فيصل: والله لما نخلي الكل يسمع كيف بناتي الثالثة نجحو وبتفوق
نورس تبكي:الحمد الله يارب الحمد الله ❤
.........
.
.
يوم الزردة .....
.
.
عمي فيصل قرر يدير زردة كبيرة وذبح جمل وعزم اقاربه واقارب عمتي نورس والجيران وجاد وجواد ومحمد عزمو صحابهم لانه مدايرين عشي كبيرر....
.
.
انا:جنوووو يادراااه هيا نبي الرووووج
جنى:ديري من واحد تاني الهم عجبك غير لعندي😒😒😒
انا:اييي عجبني هذا هاتي😒😒😒
جهينى تبكي:الكندررة رااااااحت ياهوووو
انا تلفتت:غبااارتك وين راحت😱😱
جهينى:نعرفش ياحليلي 😭😭😭😭
جنى:ايوااالا ناقصين لانه🙂🙂🙂
انا:غير تعالي دوري معانا ...قعدنا ندورو وندورو لين واخيرا لقيناها كملنا لبس《لبست اني لبسة قونة زي يلي في الصورة لوطا درت شعري كعكة فووق ونزلت خصلات من الجنب ومكياج خفيف وبخيت برفاني👇وجنى وجهينى لبسو نفس القفطان بس باالوان مختلفة جنى ازرق وجهينى مشماشي دارو شعرهم فير ومكياج خفيف》
.
.
نزلنا مع بعض وكانت الحفلة في الجنان لانه كبير كانت العيون كلها عليا مايعرفني حد من هادي من تكون وليش اهني معاهم والف سؤال وسؤال وبعد شوية وقت فهمو القصة فيه يلي وجعه حالي وفيه يلي يقول كيف بنت غريبة تقعد مع ٣ شباب ....
مرام"بنت عمة محمد":ااايييي من زيها مع ٣ شباب طروف
مودة"بنت عم محمد":ايييي ابصر تو من بطيح
مرام:لا اطيح لا هم محمد ليا ومعروفة هادي
مودة ضحكت:من عقلك انتِ معروفة من يومنا محمد يكرهك
مرام تعصبت:قلت ليا يعني ليا ...ومشت وخلتها
مودة ضحكت ....
.......
جنى:هببوش شوفي الكلبة مرام جاية
هبه:اوووف نفخ
انا:خيركم تأففو عليهم؟
جهينى:تو تعرفي😂😂
مرام:هااي بنات مبروك النجاح
احني:الله يبارك فيك
مرام:احمم جنو وين حمودي؟
انا فنصت عيوني وحسيت بشعور مش حلو بكل....
جنى قلبت عيونها:اهو برا مع الرجالة اطلعيله
مرام:لا يغار يقتلني بعدين ...ومشت وخلتنا
انا: اااا قصدكم يحبو بعض؟
هبه:عينها هي تتصلق عليه وهو يكرها
انا:ايي وانتِ من تحبي؟
هبه ضحكت:جواااد😍😍😍ياحليلي😍😍
انا ارتحت نوعآ ما:ربي يجمعكم يارب
هبه تنهدت:يارب المشكلة هو برووود وماعنداش في جو البنات ماعمره اعطاني وجه ولا اي شي
انا ابتسمت:لو من نصيبك راح يكون ليك مهما يصير
هبه ابتسمت:يااااااارب
جنى:قتلتينا بيه جواد جواد اعترفيله وريحينا
هبه:لالا نخااف💔
انا:ضروري تعترفيله بس جهزي روحك قبل ولما تعرفي روحك مستعدة اعترفيله
هبه:هكي تقولو
جهينى:اكيدددددد
.......
احتفلنا وطبعآ كانت كل الهدايا لجنى وجهينى وبس يعني اكيد مش راح يكونو فيه هدايا ليا فتحنا اغاني ورقصنا وكان كلام الناس عليا وبس كملنا الحفلة والشغالات غسلو الماعين ونظفو وروحو بعد روحو الناس ركبنا لغرفتنا مش بنغيرو لبسنا وفجأة نشوف رقبتي مالقيتش سنسلة متاعي يلي كانت اخر هدية من بابا في عيد ميلادي قعدت ندور فيها في الغرفة مالقيتهاش قعدت نبكي ...
جنى:انزلي شوفي في الجنان اكيد طاحت منك وانتِ ترقصي
انا طول من غير كلام نزلت نجري لجنان كانت الاضوية مصكرة فتحت فلاش تليفوني وقعدت ندور فيها ونبكي ....
:احمممم
انا تلفتت كان ظلام مانشوف في شي وجهت فلاش تليفوني عليه لقيته محمد ونسيت روحي اني من غير حجاب وقاعدو ماغيرتش لبسي 🙂💔
محمد شافلي:خيرك ع شن ادوري
انا نبكي:سنسلة متااعي معاش لقيتها
محمد عرفني نبكي من صوتي:باهي خيرك تبكي تو تلقيه
انا:هادي كانت هدية من بابا واخر هدية في عيد ميلادي💔
محمد:باهي اهو تو ندورو عليها ماتبكيش
انا هزيت براسي وطبست قعدت ندور وجي محمد يدور معاي ....وفجأة الاضوية تنفتح كلها وتجي عيني في عين محمد ....
محمد قعد ساااارح فيا كيف طالعة وكيف عيوني حمر من البكي اني نسيت روحيي نهائي وقعدت سارحة فيه وفي ريحته يلي مخطلتة بالدخان💔وفجأة ...
جنى:وتينو لقيتها؟
انا ركزت تلبكت:ااااا لالا
جنى بإستغراب:محمد شن ادير اهني
محمد وجهه احمرر:لا كنت ندور معها بس واهو لقيتها
انا ضحكت:حيييي شكرا شكرا هلباااااا❤
محمد:تلفت صكرو الاضوية وخشو ارقدو ومعاش تطلعي وانتِ هكي
انا تحشمممممت:ححح حاضر💔
جنى:هيا تعالي غيري وارقدي
انا:ان شاء الله....وتوجهنا اني وجنى للداخل صكرنا الاضوية والباب وركبنا لغرفتنا فوق..
جهينى:شن لقيتيها؟
انا:ايي الحمد الله ...مشيت خديت بيجامة وطلعت لتواليت غيرت ومسحت المكياخ وفكيت شعري وفتحت الباب بنطلع قابلني محمد اول ماشافلي صكرت الباب في وجهه....
محمد ابتسم وتوجه لغرفته....
.......
بعد مرور شهر....عرس هيام ...
.
.
الساعة 5م
...
جنى:هيااا باللهي بري معانا
انا:جنو والله ماخاطري هي بنت خالكم شن ماشية ندير اني
جهينى:مبردك نوضي هيا وهي بنت خالك
انا:لالا برو انتم واستمتعو خلوني والله
جنى:بابا مش راح يخليك
انا:قولوله مريضة باللهي والله ماعندي نية💔
جهينى:خلاص براحتك
جنى:باهي ناخد قفطانك الاسود عادي؟
انا:خودي لتبيه
جنى:عسللل ياحليلي💋💋
.....
بعد ساعتين من إزعاج جنى وجهينى وعراكهم واخيرآ كملو وطلعو .....
فيصل:وين وتين؟
جهينى:مريضه شوي مش قادرة تتحرك
نورس:بسم الله عليها خيرها
جهينى بشوية:ماما مريضة مريضة
نورس فهمت:باهي خلوها ترتاح.
......
انا قعدت بروحي نضت دوشت ولبست بيجامة شورط لركبة وتيشيرت ربع كم خليت شعري مفتوح وبخيت برفاني ودرت روج ونزلت لصالون فتحت التلفزيون وقعدت نتفرج جعت ونضت للمطبخ لقيت ميلكا خديتها ورجعت لصالون نتفرج بعد حوالي ساعتين نسمع في الباب ينفتح بالشوووي خفت وقعدت نرعش لين فجأة سمعت بحاجة طاااحت ...

.
.

يتبع ؟؟