اعشق عسكري ( روايات ليبية )

حلقة 17🔥 النهاية 🔥

#أعشق_عسكري
لكاتبهه #شهد_محمد
حلقهه السابعهه عشر💚
الأخيررررررهه❤❤
.
.
💛💛💛💛
.
.
.......
منى تعيط:ياحليلي ايمان ايمان الحقيني
ايمان ركبت تجري:خيرك ياماما شن فيهه...؟؟..وشافت بوها طايح ع الارض قربت منهه تجري تعيط.....
إيمان:باباا بااااابا خيرك شن فيهه؟
مصطفى كان طايح ع الارض ومغمي عليهه.....
منى تبكي:انزلي للبواب يجي يقيمهه اجري
ايمان تعيط:خيره شن فيهه شن صارلهه؟بابا بابا رد عليا
منى تعيط:قتلك انزلي للبواب اني مش وقت الاسئلهه
إيمان تبكي وقفت تجري هزت براسها وتلفتت توجهت للباب وهي تجري ونزلت للبواب كلماتهه ركب معاها كلمو الاسعاف وساعدهم مش ينزلوه ماهي الا دقائق والاسعاف عندهم ركبوه للاسعاف وركبت منى معاه وايمان مع السواق في السيارة....
.........
.
.
الساعهه ٨م...
.
.
محمد:يماا يماا وينك؟
نورس:ها وليدي خيرك
محمد:تعالي نبيك انتِ وبوي شويهه
نورس:ان شاء الله خير شن فيهه
محمد:خير خير تو تعرفي .....وتوجهه هو ونورس لصالون وين ماكان بوه مقعمز....
فيصل:شن فيهه خشتكم مش طبيعيهه
نورس:ولدك يبينا ...وقعمزت ع الكنبهه جنب فيصل...
فيصل شاف لمحمد:ان شاء الله خير شن فيهه؟
محمد تنفس بعمق :نبي نخطب وتين
فيصل وقف بفرحهه:جديات؟
محمد ابتسم:اييي لينا سنهه نبو بعض
نورس شافتلهه ع الجنب:وكيف احني ماحسينا؟
محمد حك شعره:نعرفش المهم شن قلتو
فيصل:حالياً لو تبي
نورس:العفو خيرك فرحان لهدرجهه؟
فيصل:من اول ماجت وتين وتعرفت عليها تمنيتها تكون لواحد من ولادي لانها ماتتعوضش ابداً ونبي نشوف احفادي قبل ماربي ياخد امانتهه
نورس:بطولةة عمرك يارب
محمد:هاا شن قلتي يما
نورس وقفت:وتين بنت ناس وكويسهه واكيد مش راح نضيعها من بين يديا
محمد فرح وقرب باس راس امهه وبوه وطلع يجري....
فيصل ابتسم:هادي مرتي الحلوه لنعرفها😉
نورس ضحكت:ريح روحك خير مايسمعنا واحد من الصغار
انا:احمممم سمعناكم وخلاص😂😂😂...وخشيت اني في يدي التورتا ومعاي جنى وجهينى بالصحون والعصير وجاد بالكاسات ومحمد وجواد .....
نورس وفيصل شافولنا بصدمهه:مذكرين؟
جنى:ونقدرو ننسو احلى يوم بحياتكم
انا قربت وحطيت التورتا ع الطاولهه وجنى وجهينى وجاد حطو باقي الحاجات .....
انا:هياااا تمنو حاجهه وانفخو ع الشمعع بسرررعهه
فيصل ونورس شافو لبعض وابتسمو وشدو في يد بعض وغمضو عيونهم تمنو ونزلو نفخو ع الشمع....
احني نصفقو:هييييي العمر كلهه يارررب💛💛
نورس&فيصل:يسلم عمركم ...وخدو السكين وقصو التورتا ...
انا خديت شوييههه من الكريم ولبزتهم بيها....
فيصل:خزي عليك يافرخهه وتين
انا ضحكت وقربت منهم بوستهم :العمر كلهه يارب وربي يخليكم لبعض ❤
نورس&فيصل:ويخليك لينا ياررب❤❤
انا بعدت وقعدت نقص في التورتا وهما يسلمو ع بعض ويدعولهم بطولة العمر .....
.........
الدكتور طلع من العنايةة وقفت ايمان ومنى وإلهام بعد سمعو ببوها جت تجري ....
منى:طمنا يادكتور...
الدكتور:الحمد الله جلطهه بسيطهه وبإذن الله فترة ويرجع احسن من الاول
منى قعمزت ع الكرسي وتنهدت:الحمد الله ياربي
الدكتور تلفت ومشي لمكتبهه ...
إيمان كانت واقفهه تفكر 《ياربي مايكونش هذا كلهه من يلي درناه في وتين؟》
.......
.
.
الساعهه ٢م...
.
.
كنت راقده رن تليفوني قمتهه وانا عين مغمضهه وعين مفتوحهه لقيتهه محمد فتحت الخط ...
انا بصوت ناعس:الووو
محمد تنهد:توا بهالصوت تبيني نجيك ناكلك؟
انا ناعسهه:اممم ياااسر
محمد ضحك:انزلي لجنان نبيك
انا:خلي غدوا توا تعبانهه
محمد:قتلك تعالي اني ولا نركب نتفاهم معاك توا
انا قعمزت نتأفأف:اوووف اهو دقيقهه ونجيك ...وصكرت الخط وقفت وتوجهت للباب وقبل مانطلع اذكرت حاجهه رجعت خديتها ونزلت بشويهه لقيتهه مقعمز في الجنان ع الطاولهه ...
انا:اهو جيت شن تبي مني نص الليل
محمد قام حاجبهه:اسلوبك هذا غيريهه والاوف متع قبل شويهه مزال نسمعهاا نقتلك اني
انا خفت من اسلوبهه:باهي حاضر
محمد ابتسم:تعالي قعمزي نبيك في موضوع
انا قربت مستغربهه شن ممكن يكون هالموضوع في هالوقت ....
......
ايمان:نوضي ياماما نروحو للحوش ارتاحي والصبح نرجعو
منى:لالا خليني بنقعد اهني اني لين ينوض بوك
ايمان شافت لامها بشفقهه وتنهدت قعمزت جنبها:ألهام جاها راجلها قاللها روحي امي تاعبهه
منى هزت براسها وهي ساكتهه ....
ايمان ترددت قبل ماتتكلم:ماما ااا مايكونش يلي يصير معانا هذا كلهه بسبب يلي فعلناه مع وتين ؟
منى تلفتت شافت لإيمان:صكري فمك
ايمان:والله ياماما هذا عقاب من ربي بسبب يلي درناه فيها هي ارتاحت في حياتها واحني من مصيبهه لمصيبهه اهو منير شهور ليهه ماروحش ومانعرفوش حتى وين مكانهه عماد ابصر وين توا بابا اهو في العنايهه والهام تعاني مع راجلها واهو شوفي حالتي اني وياك
منى كانت تسمع في ايمان وساكتهه تفكر هل الكلام صح او غلط وتبي تقنع نفسها انهه هذا غلط بس ماقدرتش......
........
انا تنهدت:معقولهه يامحمد قريب شهرين حابسهه تعذب فيهه
محمد:يلي يمسك او يضرك حتى شعره مانرحماش اني  انتِ ملكي وبس
انا حطيت يدي ع يده وابتسمت:شكرا هلبا انت الوحيد يلي مخليني قويهه بعد كل لصار معاي انت سندي الوحيد في هالدنيا كلهاا
محمد ضغط ع يدي:وراح نكون السند ليك لاخر العمر
انا :توا طلعهه خلاص خدي اعتباره وماراح يفكر يتعرضلي مرة تانيةة
محمد:مش قبل مانرجعلك حقك
انا:نبيش منهم شي المهم نكون جنبك بس وربي راح ياخدلي حقي منهم
محمد ابتسم:نحبك ❤
انا:نعشقك❤
محمد:انبكري كلمت امي وبوي عليك
انا فتحت عيوني بصدمهه:كيف شن قلتهم ؟
محمد ابتسم:قتلهم نحبها ونبي نخطبهااا
انا نرعش:شن كانت ردت فعلهم وردهم؟
محمد:كيف بتكون ردت فعلهم وهما يحبوك اكثر مني اكيد فرحو وقالو حتى توا لو تبو
انا فرحت:قول والله 😍😍
محمد ابتسم:والله
انا وقفت وقربت منهه حضنتهه وقعدت نبكي....
محمد حضني بقوهه:توا ليش البكي
انا نبكي:نعرفش
محمد ضحك وبعدني عليهه شويهه قعد يمسحلي في دموعي...
محمد:شن قتلك ع الدموع اني وربي دموعك مانتحملهم
انا ابتسمت:نحبك
محمد:نموت فيك اني
انا وقفت ومديت يدي ع دفتري:هذا الدفتر لقتلي كل ماتضايقي اكتبي فيهه كتبت فيهه كل شي يخطر في بالي وكل مانستاحشك خوده اقراه
محمد ابتسم ومد يده خداه:راح نقراه كلهه وعد
انا ابتسمت:تصبح ع خير
محمد:وانتِ من اهلي💚
انا شفتلهه وتنهدت بعدين تلفتت توجهت للفيلا وركبت جري للغرفة...
محمد شاف لدفتر لبين يديهه وفتح اول صفحهه....
《ايها القدر المكتوب رفقاً بقلب متعب انهكهه التمني وأتعبهه الأنتظار🙁💔》
محمد حس بغصهه في قلبهه تنهد وفتح الصفحهه التانية...
《" افتقدك جدا أيضاً ... أكثر من أي وقت مضى. لذلك سأكتب إليك كل يوم ، عسى أن تصلك رسائلي يوماً ما.》
الصفحهه الثالثهه...
《" أعلم أن هذا امتحانك لصبري و ثباتي ,
لكنني أسألك ألا تطفئ كل الشموع في وجهي !
يا الله ,
اترك لي بصيص أمل أعيش به باقي أيامي ...
فإنني قد وهنت . "》
ووصل في الأيهه القرأنيهه....
《وأصبر لحكم ربك فإنك بأعيننا..》
قعد يقرا ويقرا وكل مره يكره روحهه لانهه سيبني وخلاني نعيش الألم هذا كلهه ونحارب بروحي .....
قعد يقرا فيهه وبعد كملهه وقف وخدي ولاعهه وولعع فيهه النار  وقعدت يشوفلهه كيف تاكل فيهه النار《هالذكرايات حرقتها راح نخلي حياتك كلها سعاده وانسيك في كل حزن مريتي بيهه وعد مني ياوتين》....
.......
منى كانت سهرانهه وجنبها ايمان مغمضهه عيونها وراقده قعدت تفكر في كلام ايمان الليل كلهه هي معها حق لانهه اكيد عقاب من ربي هذا ربي ذكر في القرأن ع الظالم والمظلوم احني ظلمناها وخدينا حقها برغم من البنت يتيمهه وربي وصى باليتيم طول الليل وهي تفكر لين وقفت توجهت لتواليت"أكرمكم الله"توضت وطلعت صلت ركعتين وهي تبكي وتستغفر في ربي
......
.
.
تاني يوم الساعهه ٨ ص....
.
.
محمد:عمر عمر
عمر خش للمكتب:نعم
محمد:طلع الكلب منير بعد ضربتين خليهم عبره
عمر:حاضر...وتلفت ووصل للباب ورجع تلفت لمحمد...
محمد شافلهه بإستغراب:خيرك شن فيهه؟
عمر متلبك:اااا مش عارف شن بنقولك
محمد قرب من عمر وحط يده ع كتفهه:احكي عمر شن فيهه؟
عمر:الصراحهه من لما مشينا للبحر مع بعض واني اختك جهينى عجبتني ماقدرتش نكلمك في الظروف لعشتوها وقت وتين خداها عمها كنت في حالهه ماتسمحش نحكي معاك في موضوع زي هذا واهو توا جي الوقت
محمد شافلهه وابتسم:طلبك مرفوض ..وتلفت توجهه لمكتبهه
عمر شافلهه بإستغراب:علاش شن شايف مني مش ترفضني؟
محمد:نعرف يلي بيطلب البنت يجي لحوش اماليها ويطلبها مش في مقر جيش يطلب
عمر حذف عليهه وساده يلي كانت ع الكنبهه المقابلهه المكتب:حرام عليك ياراجل خوفتني الهم
محمد ضحك:امشي دير لقتلك عليهه
عمر بفرحهه:تم والعشيهه جايب امي ...وطلع يجري
محمد ضحك وقام تليفونهه اتصل بيا:صباحو ياحلو
انا ابتسمت:صباح الورد
محمد:شن وصلتو للجامعهه؟
انا:ايي كيف وصلنا ربع ساعهه وبتبدا محاضرتي
محمد:رفعكم جاد؟
انا:ايي عنده محاضره حتى هو
محمد:تتسهوكي انتِ وياه وتضحكو قدام الناس نذبحك
انا ضحكت:حاضررر
.......
منى:إيمان إيمان
إيمان ناضت مخلوعهه:هاا بابا صارتلهه حاجهه شن فيه؟
منى تنهدت:لا مصار شي نوضي نروحو نغيرو لبسنا ونجيبو لبوك كم حاجهه ونجو
إيمان تنهدت براحهه ووقفت توجهت هي وامها لخارج المستشفى لقو البواب جاي وجايب السيارة ركبو معاه وتوجهو للفيلا نزلو خشو داخل الفيلا دوشو وفطرو ووتو كم حاجهه لمصطفى في شنطهه صغيره وهما طالعين سافو منير واقف قدام الباب بحالهه غريبهه كان مضروب بطريقهه شانيعهه وكلهه دم ضعيف وملابس مهتريهه منى مشتلهه تجري تعيط ....
منى:ولدي منير منير ياحليلي ولدي
منير يتكلم بالشويهه:يما مافيني شي عادي
إيمان تشوفلهه ودموعها ينزلو....
منى:خلينا نرفعوك للمستشفى تعالى
منير:مش ضروري المستشفى مافيني شي
منى:اصلا بنمشو لبوك هيا تعالى معانا
منير بخوف:علاش بوي خيره
منى تبكي:جاتهه الجلطهه امس
منير تنهد :كلهه عقاب من ربي هذا
ايمان:هيا خلونا نمشو تأخرنا
منير:وين معاد؟
منى شافتلهه بأسف وتنهدت.....
........
في الجامعهه...
كنت اني وجنى وجهينى وراويهه وعُلا مقعمزين ع كرسي تحت شجرة ونغنو بالشويهه.....
جنى:مافيكم عقيده خوانين مافيكم عقيده خوانين مافيكم عقيده يانا يانا خوانين مافيكم عقيده كل خميس مع وحده جديده خوانين مافيكم عقيده يانا يانا خوانين
انا:قالو زوجوها نور العين قالو زوجوها نور العين قالو زوجوها يانا يانا نور العين وقالو زوجوها قلت الروح عني باعدوها نور العين قالو زوجوها يانا يانا نور العين
:عفوا لو سمحتي ...
احني تلفتنا لقيناه الولد متع الكافتيريا ....
جهينى:تفضل؟
الولد:لو سمحتي انتِ نبيك شويهه
جنى شافتلهه بإستغراب:اني؟
الولد:ايي لو عادي يعني
جنى:تفضل احكي
الولد:بروحنا هكي
جهينى:لا بروحكم لا شي تكلم هكي
الولد تحشم:لا خلاص شي اسف ع الازعاج...ومشي
انا نضحك:حشمتيهه خزي
جهينى:مصح وجهه شن بروحهم هادي
عُلا:شكلهه معجب ياكبدي
جنى ضحكت:حي عليهه ظلمني حي عليهه ظلمني حي عليه ظلمني سبعهه ايام وماكلمني
احني:حيييي 👏👏
جهينى:حبي ماهو لعبهه حبي ماهو لعبهه حبي ماهو لعبهه على فراقهه والله ماتعبي
انا:حي عليهه رخيتهه حي عليهه رخيتهه حي عليهه رخيتهه في الاسود يلبس خليتهه😌😌
احني:اوووه اوووه😂😂👏👏💃💃
.......
في المستشفى....
اول ماوصل منير دخلوه للاسعاف طول ولقو مصطفى حالتهه اجسن وطلعوه لغرفهه عاديهه .....
منى تبكي:حمد الله ع سلامتك
إيمان:حمد الله ع سلامتك بابا
مصطفى هز براسهه وبس..
منى:منير روح للحوش
مصطفى نزلت دمعهه من عينهه مش قادر يتكلم...
ايمان تبكي:يابابا لازم ترجع حق وتين هذا من ظلمنا ليها يصير معانا هكي
مصطفى دموعهه ينزلو هز براسهه بعلامة الايجاب ....
ايمان فرحت وتنهدت براحهه تلفتت وتوجهت خارج الغرفهه مشت لمنير ....
ايمان:شن كيف حالك توا؟
منير:الحمد الله كيف حال بوي؟
ايمان:احسن الحمد الله طلعوه من العنايهه
منير هز براسهه وسكت....
.......
.
.
الساعهه 5 م....
.
.
جهينى ترعش:ياحليلي خايفهه
انا ضربتها ع كتفها بشويهه:صكري فمك بنديرلك المسكارا
جهينى:اووووف باهي
جنى :اسمعو نلبس هادي ولا هادي
جهينى:الهم تقولي انتِ لبيخطبوك😒😒
جنى:مصح وجهك تبيني نطلع متشرده😒
انا:خليها تطرح بالك عندهم عريس تاني ياخدوكم الزوز 😂😂
جنى:قوليلهاا قوليهاا غباء تفهمش
انا:البسي الزرقهه احلى
جنى:تم
جهينى:وانا شن بنلبس
انا:البسي قفطان بسيط انتِ
جهينى وقفت:تم ...ومشت تجري لدولاب....
انا:ننزل نجهز الضيافهه اني ...وطلعت نزلت للمطبخ ...
:بس بس
انا تلفتت:اهليننن وين مغيب اليوم
جاد:مش عارف مصكره النيهه في كل شي تعرفي
انا بإستغراب:خيرك؟
جاد:والله ماعارف شفرتي كسرتها كرهت البنات معاش عندي نيهه نهدرز ع حد
انا بصدمهه:قصدك عقلت خلاص😱😱
جاد :مبردك😒😒
انا ضحكت:اصلا معروفهه الانسان يجي يوم وبيتغير بس مش هكي من الكساد اكيد يكون سبب هالتغير شخص تاني
جاد جبد كرسي وقعمز:نعرفش شفت بنت من فتره ياوتين وربي غير الكل هاديهه ودمها عسل ع قد ماحاولت معها ماعطتنيش وجهه ابدا محترمهه لابعد الحدود تخليك تحترميها غصبا عنك اسلوبها وضحكتها كل شي فيها يسحر وربي
انا ابتسمت:اووووو وينها هالبنت الاسطورة لقدرت تغيرك بس
جاد ضحك:تقرا معاي في الجامعهه
انا:نكلمهالك اني؟
جاد فرح:يااااااريت بالك تقنعيها 😍😍
انا ضحكت:من عيوني بس لو قنعتها؟
جاد:تاخدي لتبيهه والله😍😍
انا:تم...
......
خيريهه:والله اليوم جينا نطلبو يد بنتك جهينى لولدي عمر وان شاء الله توافقو
نورس ابتسمت:لينا الشرف اناسبوكم والله وعمر زي ولدي من هو صغير نعرفهه اكيد مانلقى احسن منهه لبنتي
خيريهه:ربي يقدم لفيهه الخير
سميره"اخت خيريهه":ان شاء الله ربي يتمم ع خير
نورس&خيريه:ان شاء الله
.....
انا:يادراه شدي السفرة وطلعيها عيب الناس تستنى
جهينى ترعش:خايفهه
جنى:مبرد وجهك الهم شديها واطلعي
جهينى شدت السفرة وتنهدت :شن كيف شكلي
انا:تهبلي عسل غير اطلعي بس
جهينى تنفست بعمق وطلعت بخطوات خفيفهه وخشت لصالون مبتسمهه....
خيريهه:مشاءالله ع كنتي مشاءالله
جهينى ترعش  قربت وضيفتهم القهوه وبعدين قعمزت جنب نورس....
سميره:تبارك الرحمن ع الجمال والله ياخيريهه حظك واصل لسابع سمي
خيريهه ضحكت:اهو عندها اخت توأم خوديها انتِ لأحمد
سميره بفرحهه:والله؟ياريت ليا هلبا ندورلهه
خيريهه:شن رايك يانورس؟
نورس:والله الشور شور البنت وبوها
سميره:ياريت والله تجيبها نشوفها
نورس وقفت:من عيوني ..وطلعت للمطبخ ...
نورس:جنى تعالي معاي
جنى بإستغراب:ليش شن فيهه؟
نورس:تعالي بعدين تعرفي...مشت نورس ولحقتها جنى وعلامات الاستغراب ع وجها واول ماخست لصالون ابتسمت ...
سميره:يامشاءالله والله نسخ لصق 😂😂
نورس ضحكت وقربت جنى سلمت عليهم وقعمزت جنب جهينى تنخص فيها تبي تفهم شن فيهه....
......
انا قعدت في المطبخ ندير في قهوة لعمر ومحمد في المربوعهه خش محمد من باب الكوجينهه ليطل لجنان ...
محمد:شن وين جهينى؟
انا:قاعده جنب النساوين ليش؟
محمد:المقابلهه الشرعيهه ع اساس والله مانبيهه هالسريب
انا ضحكت:عادي بيتعرفو ع بعض وبيقولو شروطهم
محمد قرب مني وقام حاجبهه:وانتِ عندكش شروط؟
انا تلبكت:ااا محمد ابعد خير مايشوفنا حد
محمد قايم حاجبهه ومزال يقرب مني:اممم بس انا عندي شروط بنقولهم
انا نوخر:وشن هما؟
محمد:خيمار وقرايهه لا
انا بصدمهه:شننننن شن قلت؟
محمد:زي ماسمعتي...ولصق فيا..
انا:احلم نتزوجك امالهه
محمد يهمسلي في وذني:غصبا عنك بنقراها الفاتحهه ان كان تبي او لا
انا ذبتتت:محمد ابعد خير مايشوفنا حد
محمد:هااا شن قلتي ع شروطي؟
انا:لاااا
محمد همسلي في وذني:زي ماتحبي بس بشرط
انا خلاااص سخنت:هاا
محمد:انهه كل محاضره نحضرها معاك اني
انا:ايي عادي المهم قرايتي نسيبهاش
محمد بعد شويهه:والخيمار؟
انا:عادي راضيهه
محمد ابتسم:كلمي جهينى تجي
انا تلفتت وطلعت نجري وقفت فدام الصالون قعدت نمروح ع وجهي وابتسمت خشيت ...
انا:السلام عليكم
كلهم:وعليكم السلام
انا:جهينى قالك محمد تعالي
جهينى وقفت وابتسمت:عن اذنكم ...وطلعت وطلعت وراها ....
جهينى:احممم خيرك محمد
محمد:البسي عبايهه وتعالي معاي
انا:محمد شن عبايه😒😒😒
محمد قام حاجبهه:امالهه تطلعلهه هكي؟
انا:لاا بس تلبس سروال وبلوزهه مش عبايهه
محمد:قلت عبايهه الولد برا وامسحي يلي في وجهك هذا
جهينى:محمدددد شن تقول خاشهه ع منظمة داعش
محمد :صكري فمك وبري خير مانقولهه ماعندناش بنت لزواج توا
انا:تلفتت لجهينى:غير بري ديري لقالك عليهه..وغمزتلها...
جهينى تأفأفت وطلعت...
انا:محمد خيرك هكي خلي تطلعلهه متأنقهه تعجبهه مش تطلعلهه تقول فلبنيهه تخدم عندنا
محمد:كلمهه وقلتها اني
انا قربت منهه:وراس حمودي ...ومديت شاربي الوطي وذبلت عيوني...
محمد شافلي:كم مره كلمتك ع هالحركات
انا:هيا وراس عيوني
محمد ابتسم وقرب وجهه واشر ع خده:بوسهه قبل
انا وخرت ووجهي احمر:بلا براده
محمد ربع يديهه:قوليلهاا عبايهه سوده
انا تنهدت وقربت بوستهه بسرعهه ع خده ووخرت وجهي احمرررر....
محمد ابتسم:سروال وبلوزه طويلهه ووشاح
انا ابتسمت واشرت ع عيوني:من عيوني..وتلفتت طلعت نجري ركبت لجهينى...
انا:البسي سروال وبلوزه بسرعهه
جهينى تنقز:احلى وحده بالعالم انتِ
.........
جهينى:السلام عليكم ...
عمر مطبس راسهه:وعليكم السلام
جهينى خاشهه ترعش وماتشوف في شي وبوووووم اطيح وتتبزع القهوه ع عمر ....
عمر وقف ينقز:ااااه سخونههه
جهينى تخبط ع وجهاا:بالله عليك اسكت كان يسمع محمد يذبحني
عمر شاد سروالهه ويلف:اووووه حرقتيني
جهينى قعمزت ربعت رجليها وتبكي:سوري والله مابقصدي
عمر وقف وشاف لجهينى كيف مقعمزه ع الارض ومربعهه وتبكي سكت شويهه وبعدين قعد يضحكك....
جهينى شافتلهه بإستغراب وبعدين قعدت تضحك معاه ....
عمر سكت:وين التواليت ؟
جهينى:اهو من هني
عمر:دقيقهه...ومشي توجهه لتواليت "اكرمكم الله"...
جهينى وقفت قامت السفرةوالمرش وقعمزت ع الكنبهه قريب تموت من الحشمهه......
.......
.
.
بعد مرور شهرين ....
.
.
درنا بيان انا وجنى وجهينى مع بعض واحمد ولد خالة عمر طلع نفسهه يلي يخدم في الكافتيريا متع الجامعهه جنى تعودت ع احمد هلبا وبدت تحبهه وجهينى وعمر عسللل جهينى كل مره بمقلب جديد ومهبلهه عمر انا ومحمد وياحليلي من محمد عسللل ياناس مدلعني ع الاخر ومش مخلي شي ينقصني وقبل مانتكلم نلقى الشي عندي جواد لا جديد غير انهه هبهه بعتتلهه طلب صداقهه ع الفيس وبدو يهدرزو يومياً وجواد تعود عليهاا جاد واخيراً قنعتلهه البنت انهه تكلمهه وتعرفت عليها بالفعل بنت عسلللل وتخش للقلب طول بدينا انا وجهينى وجنى نجهزو في روحنا لعرسنا مدايرينهه في نفس اليوم في قاعهه كبيرة.....
..
.
.
يوم الحفلهه......
.
.
خاشهه انا وجنى وجهينى انا في النص وع يساري محمد وع يميني جنى وع يسار محمد جهينى خاشين ع اسماء الله الحسنى وعيون الناس كلها علينا ٣ عرايس مع بعض بمكياجنا البسيط وتسريحتنا البسيطهه بفيلواتنا وكأنهه اميراات ....
انا شفت لمحمد ومحمد شافلي ابتسملي وانا ابتسمتلهه كانت فرحتي بيهه لا توصف واخيرا اليوم اسمي راح يرتبط بأسمهه الفرحهه بأنهه يكون حبيبك ملكك لا توصف《ان شاء الله كل بنت تحب راجل تعيش هاللحظهه ❤❤》 بعد كل هالحزن ربي فرحني بيهه
بس كانت فيهه غصهه في قلبي تمنيت لو انهه ماما جنبي وفرحانهه بيا تمنيت لو بابا معاي ومساندني ويزصي محمد عليا يقولهه رد بالك من بنتي ره ضي عيوني تمنيت نعيش هاللحظهه مع عيلتي بس قعدت نردد في داخلي "الحمد الله وعسى ان تكرهو شيئاً وهو خيراً لكم"حسيت بقبضة يد محمد زادت ع يدي شفتلهه كانت نظرة عيونهه الامان والراحهه ليا وكأنهه جرعةة تخدير لقلبي وصلنا للكوشهه ووقفنا واحني الاربعهه الابتسامهه ع وجوهنا من الفرحهه جت المصورة وخدت كم لقطةة لينا مع محمد وقبل مامحمد يطلع قرب همسلي في وذني...
محمد:انا امك وبوك وخوك وراجلك وحبيبك وصديقك وكل شي في هالدنيا خلي الضحكهه ع وجهك وماتحسيش باولا نقص
انا شديت ع يده بقوه وابتسمت:انحبكك
محمد:نعشقككك❤❤
محمد بعد هالكلمات بعد وباس جنى وجهينى وباركلهم وطلع قعمزنا ع الكوشهه والناس بدت تباركلنا فتحو الاغاني والمنشطهه معها وبدت الناس ترقص وهبهه قايمهه بالواجب وكأنهه اخت العروس ونورس فرحتها مش عاطيتها لحد 《طبعا مرام بعد فسخ منها محمد مرضت نفسياً ومعاش تطلع نهائي ديما حابسهه روحها》
نضت انا وجنى وجهينى نرقصو ونضحكو والمصوره تصور فينا وفجأة شفت منى وايمان والهام واقفين وراي شفتلهم بصدمهه وخوف وقفت وانا نرعش قعدت نفكر شن يبو؟جو بياخدوني؟معقولهه انا قاعده عندهم وهادي الشهور كلها وانا نحلم؟ساكتهه ونفكر في مليون الف حاجهه
......
انا نبكي وساكتهه ...
مصطفى ع كرسي المتحرك:سامحيني يابنتي كان معمي ع قلبي وشوفي ربك كيف جزاني
محمد يشوفلهه ومربع يديهه....
انا قربت منهه وحضنتهه:مسمحاتك ياعمي والله
مصطفى حضني وقعد يبكي.....
ايمان تبكي:وتين ..انا وقفت وشفتلها....
ايمان قربت مني:وانا اسفهه ع يلي درتهه معاك كانت الفلوس معميهه عيوني وغرت منك لانك افضل مني في كل شي
انا ابتسمت:عادي حصل خير
منى تبكي:ربي يهنيك ويسعدك يابنتي اهو ربي رزقك براجل يخاف عليك وعيلهه احسن منا بهلبا واحني عاقبنا وخدي مني ولدي الصغير
انا بصدمهه:كيفف؟
ايمان:كان ياخد في المخدارات وخدي جرعهه زايده من شهر مات
انا بأسف:الله يرحمهه عظم الله اجركم
كلهم:شكر الله سعيكم
مصطفى مدلي ملف:وهذا حقك رجعلك
انا:مانبي شي مش حقي كان حق بابا لانهه من بوه بس بابا مشي وتوا هذا حقكم مش حقي
مصطفى:بس .....
انا:مش راح ناخد شي
مصطفى تنهد:ربي يسعدك يارب...وشاف لمحمد
مصطفى:رد بالك عليها والله جوهرة وماتتعوض
محمد شافلهه:عارف هذا الشي من غير ماتحكي
انا شفتلهه وابتسمت:نمشو ؟
محمد شدني من يدي:هياا
انا لبست الكاب وطلعت مع محمد بفرحهه ركبت السيارة ....
عمر:الهم انت روح بمرتك واحني نستنو
محمد ضحك:ههه خديتها بروحي خش خودها حتى انت
عمر وقف:هذا لبيصير ...وتوجهه لباب القاعهه وخش..
عمر:يمااا يمااا
خيريهه طلعلتلهه:هاا خيرك تعيط العفو
عمر بصوت عالي:طلعولي مرتي خير مانخش ناخدها برووووحي
خيريهه تضرب في وجها:ياحشمهه اقلب وجهك اهو تو نجيبهالك
المنشطهه سمعاتهه:صبر بالك ياعريس لاحقين 😂😂😂
القاعهه كلها تضحك وجهينى تتحلف فيهه ووجها احمر ...
عمر:طلعوهاالي ياسركم
جهينى وجنى وقفو ولبسوهم كباتهم وطلعو ركبو كل وحده مع راجلها وطلعنا ورا بعض تبيب واغاني وتسطريب وصحاب محمد قايمين بالواجب وصلنا للهوتيل كنا حاجزين مع بعض في نفس الهوتيل نزلنا وكل حد خش لغرفتهه ونزلو الشباب لصحابهم ....
........
انا كنت نستنى في محمد تأخر وقفت وخشيت للمطبخ فتحت الثلاجهه وطلعت منها شوكولاتهه وقعمزت ع الكنبهه ناكل فيهاا لين سمعت باب الغرفهه نفتح تلفتت ولقيتهه محمد ....
انا:واخيررررا خيرك تأخرت
محمد صكر الباب وخش مبتسم:اووووو كأنهه محلوه صح
انا وقفت وضحكت:مش بنصلو؟
محمد:ذكرتيني هي تعالي هني نصلو
انا ابتسمت شربت اميهه ولبست الكاب ووقفت وراه وقعد يكبر وبعدين بدي يقرا في القران محلاااه هالشعور انهه واقفهه ورا راجلك يصلي بيك وبصوتهه ليجنن يقرا قران كنت في قمة السعاده كملنا الصلاهه ووقفت نحول في الكاب  محمد تلفت وشافلي ...
انا:خيرك؟
محمد يقرب:خيرني؟
انا ابتسمت وهربت نجري ...
محمد يجري وراي:وينن بتهربي مني بس
انا نجري ونضحك:كان شديتني
محمد يجري وهووووب شدني:اهو شديتك توا
انا نضحك:اااه حول بنغير القفطان
محمد يبوس فيا:لااا
انا:وربي متعب حول نحولهه بعدين ساهل
محمد قامني ودخلني الدار النوم وصكرو الباب عليكممم خلاص😂😂🙈🙈🚫❌
.......
عند جنى....
صلت هي واحمد وخشت لدار النوم حولت الفيلو ولبست الروب وقعد يساعد احمد فيها تحول التسريحهه وحول اخر توكهه ونزل شعرها كلههه للوطاااا ...
احمد قرب وجهه وحطهه ع كتف جنى قعد يشم في شعرها:اااه محلاااك
جنى ترعش ومتحشمه...
احمد قرب وباسها🙊🙊🔥
ونطلعو منهم نمشو لجهينى❌🔥
.........
جهينى:عمرررر
عمر خش يجري مخلوع:خيرك شن فيهه
جهينى تبكي:الفيلو يبيش يتحول😭😭
عمر ضحك وقرب منها:مجنونهه انتِ تبكي ع حاجهه زي هادي؟
جهينى تبكي:معاش تضحك نحرق دمي منهه وربيي
عمر قرب وفتح خيوط الفيلو ❌❌🙊🙊
........
.
..
بعد مرور ٤ سنوات...
.
.
محمد:يززززن تعالى يافرخ جاي
يزن جي يجري:خيرك بابا
محمد:ليشش ضارب اختك يافرخ
يزن:تلعب مع الولاد قتلها العبي مع البنات تفهمش
محمد شده من وذنهه:مزال تضربها نقتلك فاهم
يزين فك وذنهه وهرب يجري:تلعب مع البنات معاش تلعب مع الولاد
محمد بصوت عالي:والله لما نوريك يافرخ ...وبعدين ضحك...
فيصل يضحك:نسخهه منك وانت صغير 😂😂
نورس:تذكر يافيصل لما ضرب جهينى لما لقاها تلعب مع عمر
فيصل:كان شرير زي يزن توا
انا حطيت العصير ع الطاولهه وقعمزت نضحك:كل شي زي بوه اسلوبهه وضحكتهه وعقدة حواجبهه تهديده مشيتهه كل شي فيهه
محمد قرب مني يضحك:زي ما اريام تشبهلك في كل شي
انا اشرت ع بطني:وهذا لمن بيطلع؟
محمد:يجي ونشوفو
جنى:احمددد كلم ولدك شيبلي راسي ره
احمد قرب قام سند:تعالى يابابا فكنا من امك الشريرة
جنى:انا شريرة توا ولا ولدك😒😒😒
احمد شاف لسند:من الشرير ؟
يزن يلعب ببطم سورية احمد:ماماا
احمد ضحك:ايووواااا
جنى طرمت شواربها :باهي كويس😒😒😒
احمد قرب من جنى وضحك وهمسلها في وذنها :انحبك ❤
جنى شافتلهه وابتسمت وهمستلهه:نموووت فيك❤
جهينى تجري ورا بنتها:تعالي يافرخهه جاي والله لما نوريك
ايهه تجري لبوها:بابااااا
عمر واقف وفاتح يديهه:تعااالي اجري اجري
ايهه وصلت في عمر وعمر قامها وقعد يجري وجهينى تجري وراهم .....
جاد:قلبيييي
ميار:هااا شن تبي
جاد:امتى بنكون اب زيهمممم
ميار تحشمت:اسكت عيب
جاد بصوت عالي:تو انا قلت حاجهه عيب قلت نبي نكون اب بس
ميار حطت يدها ع راسها وهزاتهه ومشت وخلاتهه جاد لحقها :غير قوليلي كم مزال
ميار تضحك:شهر بس وتكون اب ارتاح
جاد وصل فيها وحضنها :نحبككك
ميار تضحك....
هبهه:مراد تعالى
مراد جاها يمرد ويضحك وهي كيف بتقيمهه قامهه جواد وباسهه ...
جواد:انتِ تقيميشي
هبهه ضحكت وشدتلهه خده:سلملي لخايف عليا ياربي
جواد ضحك وشدلها يدها وقربو قعمزو معانا انا ومحمد ونورس وفيصل ع الطاولهه وبعدين جو كلهم وقعمزو معانا.....
جاد:وتينوووو
انا شفتلهه:هاااا
جاد:شييي
انا:خزززززي 😒😒
محمد:يزن تعالى كول واهفت
يزن حذف الكورهه وجي قعمز عند فيصل ....
انا قعدت نشوفلهم كلهم يالله قبل 5 سنين ماكنت نحلم بهذا الشي الحمد الله ياربي لرزقتني بهالعيلةة وتلفتت وراي شفت خيال ماما وبابا واحمد خوي وهبهه لقيتهم مبتسمين ابتسمتلهم وتلفتت لمحمد شافلي ابتسم ....
انا:نحبك ❤❤
محمد:نعشقك❤❤❤
.
.
وهادي كانت نهاية الراويةة درتها طوووويللهههههه زي ماطلبتو ودرت النهايةة سعيده زي ماتبو توا اعطوني رايكم زي مانطلب😂😂😂عطوني شن العبره لخديتوها من هالروايهه وشن اكثر شي عجبكم فيها واما اكثر شخصيهه حبيتوها 💚💚💚
رأيكم