اعشق عسكري ( روايات ليبية )

حلقة 9🔥

#أعشق_عسكري
لكاتبة #شهد_محمد
حلقة التاسعة💋💞
.
.
محمد:انحبك
انافتحت عيوني بصدمة وتلاقو عيوني بعيونه كان قرررريبب هلباااااااا قلبي يدق بسرعة كبيررررة محمد رجع باسني بوسه ساريعة جنب فمي تحشمت وبعدت عليه وجهييي احمررررررر محمد شافلي وابتسم وحط يده ع شعري ومسح عليه من فوق للوطا اني مطبسة راسي ونرعش كان جرئيي هلبا اليوم ....
انا متحشمة بس مانبيش نسيبه ونوض كانت ليلة ولا ارؤؤؤع واخيرا سمعت هالكلمة ومن محمد خفت نكون نحلم وان كان حلم نبيش انوض منه  قعدت اني مطبسة ومحمد يشوفلي ومبتسم ....
محمد:حتى وانتِ متحشمة تجنني❤
انا زدت تحشمت اكثررررر بهلبااا ....
محمد ضحك:ههههههه خلاص سكتت ...شفتله اني وغمزلي ابتسمت ع جماله وحركاته اليوم كان يجنن ياحليلي ....
محمد تنهد وشاف للبحر:حبيتك من اول مرة شفتك فيها وانتِ جاية لحوشكم، حبيتك اكثر لما شفتك صبورة وقوية ،يوم لشفتك ع الحوض السباحة  عجبتيني بحشمتك وحتى في الساعة متأخرة  بحجابك تعمدت نلصقك ع صدري كنت نبي نقربك مني وحصلت الفرصة ، يوم الحفلة لما شفتك ادوري في سنسلتك كيف كان شكلك بالبسة والتسريحة والمكياج لما قربت منك ندور معاك ريحتك سحرتني عيونك الحمر من البكي كان جمالك يومها يسكر من غير مشروب كنت شاريلك هدية بس ماعرفتش كيف نعطيهالك لما شفت لهفتك ع هدية بوك والبكي هذا كله حسيت قيمة هديتي مش راح تسوا شي ولا راح تهمك، يوم لروحت متصاوب وطلعتلي بالبيجامه والشعر مبلول ومفتوح شوفتك كان العلاج ليا نسيت وجعي من شفتك وزدت تعلقت بيك لما خفتي وبكيتي عليا لما اهتميتي بيا وقت لطلبت منك تسهري معاي تهدرزي كان خاطري تفضفضي ونشبع من شوفتك ونحس بقربك، هبالك ،حبك الكبير لعيلتي ،ضحكتك تسحر، حبيتك في كل دقيقة، في كل تصرف، في كل تفصيل، ماعمري اهتميت لبنت ولا فكرت في بنت ولا حسيت بهالشي مع اي بنت، كنت نسهر مع صحابي ونفكر فيك نفكر في كل شي يخصك حبيتك والله ...
انا كنت نشوفله ودموعي ينزلو كل كلمة يقول فيها نحس فيها جرعةة مخدارات لجسمي، ياربي نحلم اني،يارب لو كنت نحلم خليني في هالحلم لين تاخد امانتك يارب،تلفت محمد وقام حاجبه اليمين ااااه ياقلبي....
محمد:خيرك تبكي؟
انا طبست راسي وقعدت نمسح في دموعي:لا شي
محمد عدل تقعميزته وشد راسي بيديه الزوز وكأني بنته الصغيرة...
محمد:هالدموع معاش نبي نشوفهم لا في فرح لا في حزن ديما نبيك تضحكي ياسرنا دموع  والله لو وافقتي عليا وحبيتيني  والله راح نعوضك ع كل شي ونهتم بيك ولا عمري نخلي دمعة تنزل منك
انا ابتسمت:تعامل فيا كأني بيبي
محمد باس راسي:ايي بيبي وبنتي الصغيرونةة
انا رعشت من الكلمة الله محلااااه محلااااه ياناس ...
انا ابتسمت:شكرا
محمد عقد حواجبه:ع شن؟
انا:ع كل كلمة قلتها وع كل شي
محمد سيب راسي وشد يديا الزوز بيد وحدة ويده التانية يمسح بيها في دموعي:لو تبي تشكريني معاش نشوف دموع يابكايه😂
انا ضحكت ومديت شاربي الوطي وذبلت عيوني:اني بكايه؟☹
محمد ابتسم وغمزلي:هالحركات معاش اديرها خير ماناكلك 😉
انا ضحكت وبعدت بسرعة...محمد ضحك وقعمز تاني مقابل البحر وطلع طرف دخان وحطه في فمه وطلع ولاعة وجي بيولعه جبدته من فمه وردمته في الرمله ...
انا:معاش ادخن هلبا مش كويس لصحتك
محمد رفع حاجبه:بدينا في نفخ متع الانتايات🙂
انا شفتله بثقه:اييييييي 🙂🙂
محمد سكت شويةة وبعدين قعد يضحك وانا شفتله وقعدت نضحك معاه ....
.......
.
.
تاني يوم الساعة ٧ ص..
.
.
جهينى:ووووووتين يادراااااه نوضي ياسرك نوم
انا حاطة وسادة فوق راسي:خلينييي بنرقد😴😴
جهينى:اووووووف مبردك....وطلعت..
جاد:وين وتين ؟
جهينى:راقدة تبيش تنوض
جاد:تو نمشي انوضها هالبردة...ووقف..
محمد بصوت يخوف:قعمز هني روحك تو تنوض بروحها...جاد خاف من نبرة صوته ورجع قعمز وكأنه مصار شي😂😂
جواد طالع من الشاليه:محمد اتصل بيك عمر ..وعطاه تليفونه خداه محمد ووقف ومشي بعيد عليهم يتصل بعمر...
......
انا فتحت عيوني وقعدت نفكر في ليلة امس ابتسمت وحطيت يديا ع وجهي:يارربييي محلااااااه ...وضحكت بصوت عالي ...وخشت جنى فجأة...
جنى:بسم الله خيرك تضحكي بروحك؟
انا غمضت عيوني وتكلمت بصوت واطي:اووووبس😅..وحولت يديا..
انا:ههههه ذكرت موقف يضحك بس😅😅😅😅
جنى بشك:تمام😒...وطلعت..
انا بصوت واضح:حمارة ياوتين حمارة...ووقفت توجهت لتواليت"اكرمكم الله"غسلت وجهي وتوضيت وصليت ولبست 《سروال جينز اسود وبلوزة حلوانية لركبة ووشاح ابيض فيه تخربيشات وسبيدرو ابيض ودرت روج ولبست نضارتي وبخيت برفاني وطلعت》...
........
محمد:بوي كلمني عمر جاي هو وعيلته 《كنا واخدين شاليه كبير وييد عيلتين ومحمد كلم عمر من الاول بس قال نشاور العيلة قبل وتوا قررو يجو》
فيصل:باهي نتونسو بيهم
نورس:اييي والله خير من بروحنا
انا:صباحو ..وقربت بوست عمتي نورس وعمي فيصل ....
كلهم:صباح النور...
جاد:شن فيه طالعة صباحو وتبوسي😒😒😒
انا شفت لمحمد وابتسمت وهو ابتسم  ....
جنى وجهينى يراقبو فينا....
انا:لا شي نحبكم بس😅😅😅
جاد:اكذبي غيرها😒
انا شفتله من الجنب:باهي صكر فمك هي😒😒😒
جاد:تاااافهه😒😒
انا:مش اتفهه منك🙂🙂
فيصل:ياسر انتِ وياه تحشمو😒
......
محمد:يما اهو وصلو عيلة عمر ....
نورس طلعت تستقبل فيهم:اهلين تفضلو تفضلو انستونا
خيريه"ام عمر":الله يأنسك حبيبة ...وسلمو ع بعض وخشو خوات عمر الزوز يلمنا عليهم وقعمزنا نهدرزو...
《عيلة عمر ...فوزي"بو عمر"يخدم موظف في شركة ..
خيريه"امه"ربة بيت ....منال"اخته الكبيرة"م٩٦ مخطوبة ...ميرال "اخته الصغيرة"م ٢٠٠٠ ...
عمر م ٩٣ صاحب محمد الانتيم❤❤❤هو اخ ولد واحد بس من صغره هو ومحمد صحاب جيران وقرو مع بعض وتخرجو مع بعض وعيلتهم يعرفو بعض هلبا》....
....
.
.
الساعة ٦م...
.
.
كانو الشباب مقعمزين ع الشط يهدرزو ....
جاد:اوووووو شوفو هالطرف لطالع شوفو😍😍😍😍وبدي يغني《وقت غروب الشمس واقف ع البحر بعيد❤عم بحكيلو وبشكيلو واشرح واعيد 😢فجأة لقيتها وكنت فكرها عروسة البحر خرجة من الامية وطلتها اقوى من السحر لما شفتها قلبي دق ثلات دقاااات💞💓》....كانت البنت طالعة من البحر وتنثر في شعرها وتتمايل بخصرها وتضحك ع جاد واديرله في حركات....
جواد:قداش ماتاااافهه الهم😒😒😒
محمد:مزززيتهه الهم شن عجبك فيها😒😒
جاد يشوف للبنت ويحركلها في حواجبه....
عمر يضحك:تفاهته يبيش يفكنا منها قاعد؟🙂
محمد ضحك:وكان يموت يقعد طول حياته تاااافهه....
.......
ميرال:يابنات هيا نوضو نعومو
جنى:اييي هيا نوضو..وقفو البنات الا اني ...
منال:هيا وتين معانا
انا ضحكت:لالا شكرا برو بروحكم نعرفش نعوم
جهينى:خليك ع الشط ع الاقل تقعديش مكسدة اهني
انا:تمام...ووقفت لبست وشاحي وطلعت معاهم قربنا لشط واحني نهدرزو ونضحكو شافولنا الشباب وقربنا جيهتهم بس بعاد شوية عليهم خشو البنات وقعدت اني واقفة ع الشط نتفرج عليهم ومحمد يشوفلي ...
عمر:هادي هي البنت؟
محمد يدخن:اييي
.....
قعدت ع الشط نتفرج عليهم ونضحك عليهم كيف يلعبو في الامية وفجأة نشوف فيهم طالعين يضحكو قربو مني...
انا:خيركم ماعطلتوش؟
جنى غمزت لميرال وضحكو بعدين شدوني الاربعة وبدو يدخلو فيا للبحر واني نعيط وهمي يدخلو فيا ويضحكو كان محمد يهدرز ع عمر لين سمع عياط تلفت ولقاهم مدخليني...
محمد:يانعن$#@&* ...ووقف يجري خشلهم وصل فيهم وجبدني منهم كبشت فيه طول واني نعيط بطريقة هستيرية ونبكي .....
محمد الشر من عيونه:كيف اديرو هكي شن جو المفرخ لديرو في اهوا😠😠😠😠...كلهم خافو من شكله وهو معصب...
جنى ترعش :ااااا كنا نبو ندخلوها بس..
الشباب وقفو يشوفو .....
محمد:يانعن&^$#@! مزال تمسوها نذبحكم جو العوويل الصغار فكونا منه....اني قاعدة مكبشة في رقبة محمد ونبكي بالعبرة...جبدني معاه وطلعني ع الشط وقعمزني وشدني من راسي...
محمد:اسسسسس خلاص خلاص مصار شي اهو طلعتك ....انا قعدة نبكي بطريقة هستيريه...طلعو البنات ووقفو عليا وقربو الشباب يشوفو فيا خيرني....
محمد بحركة غير أرادية حضني وقعد يمسحلي ع راسي:اسسسس خلاص مصار شي ..اني شديت في تشيرته وقعدت نبكي ....كلهم يشوفولنا بإستغراب محمد وحاضن بنت ويهدي فيها؟لا مستحيل...فاتحين فمهم بصدمه ومفنصين عيونهم....
انا هديت شوية وبديت نهدااا لين خلاص هديت واخيرا محمد بعدني ع حضنه وشافاي ومسحلي دموعي....
محمد:هدينا؟
انا هزيت راسي بعلامة الايجاب:شكرا.
محمد تلفت للبنات:اقلبو وجهكم لشاليه مزال نشوفكم في البحر تعومو تو نوري امكم اني...البنات خافو وطول لشاليه يجرو ...
جاد قرب مني:وتينو انتِ بخير؟
انا شفتله وابتسمت:اييي
جاد بعلامات الأستغراب:علاش العياط هذا كله ؟
انا شفت لمحمد وسكتت...
محمد:بري خشي لشاليه غيري وارتاحي
انا هزيت راسي ووقفت توجهت لشاليه....
محمد وقف وقام عيونه فيهم لقاهم التلاثة يشوفوله بشبحة فهمنا شن صاير؟
محمد تنهد ومشي وخلاهم ....
جاد:تعااااااالى فهمنااااا
عمر يجري وراه:وربي الليلة لما نفهم الموضوع
جواد واقف :يحبهااااااااااا
........
انا اول ماخشيت لشاليه استلموني البنات خيرك عيطي هكي شن فيه بينك وبين محمد تحبو بعض؟وغيره وغيره من الاسئلة انا تجاهلتهم وخشيت دوشت وغيرت وخشيت رقدت كنت تعبانه ونايضة بكري....
.
.
الساعة ٩م...
.
.
فتحت عيوني لقيت الساعة ٩ نضت غسلت وجهي ولبست سروال جينز ازرق وبلوزة سماوية ووشاح وسبيدرو وطلعت لقيتهم مقعمزين قدام الشاليه يشو كان الجو يهبلللل الشباب يشو عمي فوزي وعمي فيصل مقعمزين يلعبو في كارطة عمتي نورس وعمتي خيريه يهدرزو ويقرمو البنات كانو مهناش سألت عليهم وقالولي مشو يتمشو قعمزت جنب عمتي نورس وعمتي خيريه نسمع فيهم بس بجد مليت كل هدرزتهم هديكا اطلقت هديكا تزوجت هديكا طيحت هديكا حملت وغيره وغيره واني مانعرفش حد لذلك مش فاهمه شي ....وقفت وتأففت مشيت لعمي فيصل وعمي فوزي....
انا:نلعب معاكم😅
فيصل قام راسه وشافلي:تعرفي؟
انا بحماااس:ايييييي كنت نلعب مع بابا هلباااا
فيصل:قعمزي هيي...قعمزت واني فرحانه وقعدت نلعب معاهم والشباب وقفو يتفرجو كنت نغلب فيهم لانه من صغري نحب نلعبها مع بابا....
فوزي:نوضي من عليا كرهتيني في روحي
انا نضحك:لكن والله ماتوقعتكم هكي😂😂😂😂
جاد:لااااا ياوتين مش هكي الانوثه🙀
انا:برا وشع عليا غادي انت😒
محمد يضحك:اما بعد وقت تغلبكم بنت🙂
فيصل:فكوني تحرقوليش دمي😒
انا نضت بوسته:لاااا كله الا انت 💋
فيصل يضحك:ايوااا عسلي لسانك توا😂😂😂
انا ضحكت ووقفت قعدت نوتي في حاجات العشي وجو البنات تعشينا وقعدنا نهدرزو ....
.....
.
.
عمر:معاها الحق تعيط هكي اماله البنت صارتلها حالة نفسية
محمد:اييي
عمر تلفت شافلنا وبعدين شاف لمحمد:تحبها؟
محمد شافلة وشاف للبحر:......
.
.
يتبع 💔💔💔