اعشق عسكري ( روايات ليبية )

حلقة 2🔥

#أعشق_عسكري
لكاتبه #شهد_القنفود
الحلقه التانية🍂⚰
.
.
💔

.
.
وفجأة نشوف في الحوش طايح كله  نصعقت تجمدت في مكاني عقلي وقف شن فيه ؟خيره طايح؟ عيلتي الداخل؟ماتو؟او هربو قبل مايطيح؟باهي لو هما قاعدين فيه بيكونو ماتو صح؟باهي اني وين بنمشي؟كيف بنعيش من غيرهم؟مليوووون فكرة وفكرة في راسي ومليون سؤال وماعرفتش نتحرك بصراحه خفت خفت نتحرك ونقرب نلقاهم ميتين وقعدت واقفة ومصدومة وبس لين سمعت صوت العسكري ...
العسكري يحرك فيا:هيييي وينك انتي ؟
انا لفتت راسي:..........
العسكري:هذا حوشكم؟
انا هزيت براسي ...
العسكري:ماتخافيش مرات يكونو طلعو قبل مايطيح
انا ساكته وقعدت ندعي في خاطري انه يكونو طالعين قبل مايطيح الحوش بالصاروخ  .....
العسكري جبدني من يدي وقربنا من الحوش ونلقى الدم وراس خوي احمد متنطر بروحه طحت ع ركابي ومعاش قدرت نتكلم او نعيط معاش قدرت نبكي نشوف لوجه خوي الصغير كيف ملوح بدمه وفجأة اغمى عليا....
العسكري تلفت لقاني طايحة جاني يجري يحرك فيا:يابنت انتي؟
انا:..........
العسكري تلفت شاف وجه احمد خوي نصعق ومعاش عرف شن يدير وتلفت وشافلي بشفقه ....
العسكري يحرك فيا ومافيش ردة فعل مني وشاف وضع الضرب قامني في حضنه وطلع يجري بيا ووصل لسيارات جماعته.....
صاحبه:محمد من هادي وخيرها بروحها وخيرها هكي؟
محمد:غير افتح السيارة توا وتو نحكيلك مش وقته
صاحبه"عمر":فتح باب السيارة ومحمد حطني ومشي يجري لمكان السواق وركب ..
محمد:نمشي نحطها في حوشنا ونجي
عمر:وعلاش وين عيلتها؟
محمد:قتلك مش وقته تو نحكيلك بعدين ..وولع السيارة وطار بيا واني طول الطريق مغمي عليا ومحمد كل مرة يتلفت يلقاني في نفس الوضعيه وبعد حوالي ساعة وقف السيارة قدام فيلا ونزل وجي فتح الباب وقامني ونزلني من السيارة وصكر الباب برجله ومشي توجه للفيلا فتح الباب وصكره وخش لصالون....
ام محمد"نورس":حيييييي وليدي الغالي جي😍😍😍😍لولولولولولولولولي
جنى"اخته" طلعت تجري:شن فيه م........ هييييي من هادي لجايبها؟
نورس ركزت:حييييي عليا من هادي
محمد:غير خلوني نحطها ونحكيلكم جنى جيبي اميه لغرفتي بسرعه
جنى:حاضر..وخشت للكوجينه
نورس:ياحليلي اني من هادي لجايبها في غمرك ودايخه؟
محمد تجاهل اسئلة امه وتوجه لدور التاني وفتح باب غرفته وحطني ع السرير مشي لزيانه وخدي برفانه  بخ في يده وحطها ع خشمي انا بديت نرجع لوعي عقدت حواجبي ونفتح في عيوني شوي شوي  الرؤيه مضببه وبعدين بدت توضح شفت العسكري واقف قدامي نخلعت وقعمزت...
انا:من انت واني وين ؟
محمد:اهدي ا......
جنى:محمد الميه
محمد:تعالي شربيها
انا نشوفلهم بإستغراب من هادم؟وشن اندير اهني؟ومن جابني؟وفجأة جت صورة راس حمودي خوي بين عيوني وبديت نبكي  ونعيط ونخبط في وجهي...
انا:حمودي خوي حمودي مااات مات معاش بنشوفه ياربي بابا ماما حمودي هبوشه وين مشيتو وين وخليتوني بروحي لمني خلتوني لا ياربي لااااا ...
جنى:شش شن تقول هادي خيرها؟
محمد:اطلعي وخلينا
جنى:بس...
محمد بصوت عالي:لا بس لا غيره اطلللعي قتلك ..جنى نخلعت حطت طاسة الميه ع الطاولة وطلعت تجري....
........
نورس:جني خيرها البنت تعيط ياحليلي محمد شن مداير معها يامصيبتي هييييي
جنى:ماما محمد مامداير شي معها تعرفيه ماعنده في وجيج البناات بس ع حسب مافهمت من كلامها انه عيلتها ماتت
نورس نخلعت:بسم الله كيف ماتو
جنى:وين نعرف اني محمد قالي اطلعي..وتجهت للمطبخ...
نورس:ان شاء الله خير يارب...
جهينى"توأم جنى":خيركم تعيطو ماتخلو حد يرقد في هالحوش
نورس:نومة اهل كهف يارب ونرتاح من وجهك ان شاء الله
جهينى:ان شاء الله يارب 😍😍
نورس حذفت عليها الوسادة:اقلبي وجهك من قدامي نقصاتك لانه
جهينى:ههههههه اعصابك يانبع الحنان..وهربت
......
جهينى:جنو خيركم ومن ليعيط فوق؟
جنى:وحدة جايبها محمد شكلها عيلتها ماتت
جهينى:الله؟حي مسكينه
جنى:تعالي ساعديني في الغدي هيا
جهينى:باهي هي...
.......
انا نبكي ونخبط في وجهي.....
محمد قرب وشد يديا ووقفني:خلاااااص خلاااص اهدي ياسر تعذبي فيهم هكي المفروض تدعيلهم مش تعيطي وتخبطي
انا نعيط:خليني ماه مش حاسس بالنار يلي في قلبي عيلتي ماتت كلها فاهم شن معنها ماتت كلها؟يعني توا لا اب لا ام لا اخ لا اخت فاهم؟هههه كيف بتفهم وانت مش مجربها اااه؟ وقعدت نضحك ونبكي  ...
محمد ضربني كف...
انا سكتت وبدو دموع بس ينزلو  كنت محتاجه لحضن اي حد صدر نبكي عليه ومحمد كان قدامي ومن غير مانحس حضنته وقعدت نبكي بشهقات عاليه  ...
محمد تجمد لما حضنته يديه لوطا واني مكبشه في جاكيته متع العسكريه ونبكي كان طويل وراسي واصل لصدره بكيت بكيت بصوت عالي نار في قلبي نااار ومن بيطفيها عيلتي كلها ماتت واني مزال ماصكرت ١٨ صغيرة ع هالجرح  والله صغيره وقعدت نبكي هلبا ومحمد محاولش يبعدني يمكن لانه شفق عليا وماحبش يجرحني وكان متأكد من انه حضنته من دون وعي وانه كنت محتاجه لأي حضن بعد مابكيت لين ارتحت ركزت اني في حضن شخص غريب وراجل بعدت بسرعه من عليه ودموعي مزال ينزلو..
انا:اااا اسفه مش بقصد.
محمد:ولا يهمك توا ارقدي وارتاحي
انا:بس من انت؟ووين اني؟وليش جبتني اهني؟
محمد:ارتاحي وبعدين نحكو
انا هزيت راسي بعلامة الايجاب وقعمزت ع السرير وحطيت راسي ع الوسادة وغمضت عيوني ودموعي ينزلو شافلي محمد بشفقه وتوجه للباب طلع وصكر الباب وراه ونزل لصالون وين ماكانت امه تستنى فيه على نار واول ماشفاته وقفت محمد تنهد ومشي قعمز ع الصالون لجنبها..
نورس:هيا احكيلي من هادي وخيرها
محمد:مانعرفش
نورس:شن ماتعرفش وجايبها لحوشي وفي غمرك؟
محمد:وين بوي؟
نورس:في العيادة
محمد:جاد وجواد؟
نورس:اووووف في المحل هيا احكي الدم وقف في عروقي
محمد تنهد:لما كنت مع الشباب شفتها جايه من بعيد................وقعد يحكيلها في القصه...
جنى+جهينى:يامسكيننننه💔
محمد تلفت لقاهم واقفين قام حاجبه:مشاءالله واقفين تتسمعو علينا
جنى خافت:جهينى هادي جبدتني ره
جهينى:هييي ياكذابه انتِ قتيلي تعالي نسمعوهم
جنى فنصت عيونها:حييي ا....قطع عليهم محمد
محمد بصوت عالي:اقلبي وجهك انتِ وياها خير مانوض نخربلكم خريطة وجهكم كلها
جنى وجهيني جري للمطبخ ....
محمد تلفت لامه:ربيهم كويس بناتك هادم
نورس:خلينا منهم توا والبنت شن بيصير فيها توا؟
محمد:خلي تهدا توا  يومين وبعدين نشوفو خوالها ولا عمامها ونوصلوها ليهم
نورس تنهدت:ان شاء الله خير
محمد:اني توا بنرجع لجماعة كان جي بوي احكيله وفهميه
نورس:خليك تغداء ع الاقل
محمد:والله مانقدر تأخرت خلاص اهتمو بالبنت وماتزعجوها
نورس:ان شاء الله دير بالك ع روحك انت وماتشغلش بالك بينا
محمد وقف باس راس امه:ان شاء الله دعواتك بس
نورس وقفت:ربي يكون معاكم وينصركم وترجعلي بخير وسلامه يارب
محمد:الله يسلمك هي سلام ..وطلع
نورس:سلام..
جنى وجهينى طلعو من المطبخ...
جهينى:ماما كيف بيصير في البنت توا؟
نورس:قال محمد خلوها تهدا يومين  وبعدين نسألوها ع عمامها او خوالها نوصلوها ليهم
جنى:والله حرام وجعتني
نورس:ايه والله ربي يكون في عونها شكلها صغيرة واضح من زي المدرسي تقرا ثانوي
جهينى:شكلها شهادة زينا لانه توا فترة امتحاناتنا احني وبس
جنى:ايه والله
نورس:هيا انتِ وياها بوكم وخوتكم قريب يروحو جهزو الغدي
جنى:حاضر...وتوجهت هي وجهينى للمطبخ...
.........
ع الغدي...
.
.
نورس:فيصل بنقولك محمد جي انبكري
فيصل:ليش جي؟
نورس:جاب معه بنيه
فيصل:بنيه شن ؟
نورس:.........وقعدت تحكيله في القصة
جاد:مسكينه صدمة قويه
جواد:وعلاش مارفعها لعمامها ولا خوالها؟
جنى:ماه جابها مغمي عليها كيف يسألها
جواد:اها..وقعد يكمل في اكله
فيصل:البنت امانه عندنا لامتى نلقو حد من عيلتها اهتمو بيها كويس
نورس:ان شاء الله حاضر
.
.
عند محمد....
قعد تفكيري كله فيها من لما طلعت من الحوش كيف كانت تعيط وتبكي وجعتني هي صغيرة وهالجرح كبير مايتحمله حتى راجل ...وصلت لجماعة ولقيتهم مقدمين واخيرا وصلنا لنهاية مزال شوي ونحررو طرابلس خلاص ونرجعو لحياشنا وفي امن والامان والراحة المهم يكون فيه شرطة وجيش ....
عمر:واخيرا ياراجل جيت
محمد:شن مقدمين هلبا؟
عمر:ايه خلاص المليشيات هربو معاش مزال شي نخشو لباقي المناطق وتمت
محمد:باهي مليح
عمر:ايه احكيلي شن قصة البنت من انبكري بالي عندك
محمد:.......
.
بعد مرور ٣ ايام من الحزن والدموع والعسكري معاش شفته من اول يوم وعيلته ماحد خشلي غير بنت وحدة   تحاول تكلمني او تعطيني اكل وتفشل محاولاتها ...
.
.
الساعه 5 الفجر...
.
كنت واقفه في بالكونة الغرفة نتفرج ع حديقة الفيلا ونبكي فجأة شفت بابا وماما قدامي مبتسمين ...
انا :ماما بابا استحشتكم وين مشيتو وخليتوني بروحي
ماما ابتسمت:يابنتي احني معاك وجنبك امسحي دموعك ومعاش تعذبينا
انا:بس اني صغيرة خليتوني بروحي ومشيتو كلكم
بابا:يابنتي ربك خدي امانته ولكل شي ليه حكمة خليك قوية وصبورة زي مانعرفك ومربيك واكيد ربي هايعوضك خير
انا دموعي ينزلو:مانبيش يعوضني الا بيكم
بابا:بس ربك بعتك لعيلة كويسة وراح تحبك وتحافظ عليك زينا واكثر
انا بإستغراب:اي عيلة ؟
بابا ابتسم :راح تعرفي بس امسحي دموعك واضحكي وخليك صبورة وارجعي وتين الاولى احني جنبك ومستحيل نسيبوك
ماما:ربي يقويك يابنتي.....وفجأة اختفو من قدامي
انا قمت راسي لفوق وشادة دموعي:يارب قويني يارب يارب اشفي جرحي يارب ....الله اكبر الله اكبر🌅سمعت صوت اذان الفجر تنهدت بإرتياح وخشيت توضيت وفتحت الدولاب ع امل انه نلقى شي نصلي بيه وفعلا لقيت سورية محمد طويلة لبستها وصليت وقعدت ندعي ونبكي ع السجادة وبعد الصلاة حسيت براحة كبيررررة حولت سورية محمد ورجعتها في الدولاب ومشيت لسرير ورقدت....

الساعة ١٢ م...
الباب يطق...

انا:تفضل ..نفتح الباب وخشت منه وحدة في عمر ٥٠ سنه..
نورس:كيف حالك يابنتي توا؟
انا طبست راسي ؛الحمد الله
نورس قربت مني وحطت يدها ع كتفي:ادعيلهم يابنتي ماتو شهداء طول للجنه ع الاقل انتي عارفه انهم في مكان احسن من اهني وراح يكونو مرتاحين وفرحانين في مكانهم الجديد
انا:بس خلوني بروحي ومزال صغيرة اني ع هالحمل جرح كبير والله عيلتي كلها مشت في نفس اليوم ..وبدو دموعي ينزلو ......
نورس حضنتني ووجعها حالي وقعدو دموعها ينزلو :اهدي يابنتي
انا نبكي وبس....
نورس قعدت تهدي فيا لين هديت شوية وبعدت من عليها ...
نورس؛توا احسن؟
انا نمسح في دموعي:ايه شكرا
نورس:ولو واجبي ...طق الباب وتلفتت اني ونورس ليه...
جهينى:نخشو عادي؟
انا:تفضلو ...وعلامات الاستغراب ع وجهي البنت لنشوف فيها كل يوم فيه اتنين منها
جنى+جهينى:عظم الله اجرك
انا:شكر الله سعيكم توأم انتم؟
جنى ابتسمت: ايه
انا:ربي يحفظكم
جنى:ويحفظك يارب ❤
جهينى:كيف حالك توا احسن؟
انا:الحمد الله 
جهينى:عرفينا بيك شن اسمك ؟
انا:وتين
جنى:عاشت الاسامي💛
انا ابتسمت :شكرا
نورس:تقري شهادة ثانويه صح؟
انا:ايه
جنى+جهينى:هيي زينا
انا ابتسمت بالغصب:ان شاء الله بالنجاح يارب
جنى+جهينى:ان شاء الله يااارب
نورس:وبالنجاح ليك حتى انتِ
انا:تسلمي يارب
نورس:جيبولها بيجامة وحاجة تاكلها
انا:لالا شكرا مانبيش ناكل بيجامة بس لو ممكن بندوش
جنى:ان شاء الله ..وطلعت توجهت لغرفتهم
نورس:لا ضروري تاكلي مش تحافظي ع صحتك ليك ٣ ايام ماتاكليش
انا:والله ياعمتي ماخاطري  ماتغصبينيش لو جعت تو ناكل
نورس:وعد؟
انا:وعد
نورس:تمام اني بنطلع  مانبيش نغصب عليك خليك مع البنات تعرفو على بعض
انا:شكرا
نورس:ولو واجبي يابنتي ..وطلعت .
جهينى:خلي نعرفك بيا انا جهينى توأم جنى الباردة لطلعت توا
جنى:سمعتك سمعتك مابارد كان انتي 😒
جهينى:بسم الله من وين جيتي
جنى:حسابك بعدين😒وتين هادي البيجامة وهادي ملاية الصلاة دوشي وانزلي بابا يبيك
انا:ان شاء الله شكرا
جنى:ولو ..وطلعت هي وجهينى .وخشيت اني للحمام"اكرمكم الله"وخشيت تحت الميه  دوشت ولبست البيجامه طلعت ع مقاسي بااظبط توضيت وطلعت صليت ركعتين وبعد كملت وقفت ونزلت بملاية الصلاة لقيت جنى وجهينى وامهم وبوهم وخوتهم الولاد الزوز ..
انا مطبسه راسي:السلام عليكم
الكل:وعليكم السلام
فيصل:قعمزي يابنتي
انا مشيت قعمزت جنب جنى وجهينى وراسي لوطا...
فيصل:.......
انا.....
.
.
هادي حلقة التانية 💛💛اعطوني رايكم❤