اعشق عسكري ( روايات ليبية )

حلقة 15🔥

#أعشق_عسكري
لكاتبهه#شهد_محمد
الحلقهه خامسهه عشر💤🍂
.
.
جاد:خلاص وتينو بنبكي رااه...
انا شفتلهه:هههههه خلاص كملت😂😂
محمد:وربي لما نوريهه نجوم في عز الظهر
فيصل:ريحنا من المشاكل
محمد:بهه ان شاء الله..ووقف توجهه لغرفتهه
فيصل:بإذن الله راح ندير المستحيل لنرجعلك حقكك يابنتي
انا شفتلهه وابتسمت:مانبي شي غير نكون معاكم
نورس:خلاص توا معاش تفكري اهو رجعتي بين عيلتك ومستحيل مزال نعطوك لغيرنا
انا ابتسمت:شكرا
جاد ضربني ع راسي:لا شكرا لا شي
انا حطيت يدي ع راسي:خزي عليك يابارد
فيصل:هيا نوضي توا دوشي وارتاحي
انا وقفت:تصبحو ع خير
الكل:وانتِ بخير...وتوجهت لدروج وركبت خشيت لغرفةة جنى وجهينى لقيت سريري قاعد زي ماخليتهه حطيت الكره البلوريهه والدفتر وتوجهت لدولاب لقيت بيجامهه ليا مخليتها من قبل خديتها وتوجهت لتواليت"أكرمكم الله"دوشت وطلعت وانا خاشهه للغرفهه وقفت وتلفتت لباب غرفةة محمد ابتسمت وتلفتت وراي مالقيت حد مشيت نجري وانا كيف بنطق الباب سمعت محمد يعيط قربت وذني للباب وقعدت نسمع....
محمد:انتِ بشن تفهمي كم مره نقولك معاش تتصلي بيا لين توصلي لعندي .....لا خطيبتي لا هم الجو الانتيات هذا فكيني من امهه...وصكر الخط...
انا واقفهه مصدومهه خطيبتي؟توصلي لعندي؟محمد خاطب؟كيف صار؟مش كان يقولي انتِ حلالي؟مش توا قالي وتيني؟قعدت مصدومهه ودموعي ينزلو رجعت للغرفهه جري لقيت جنى وجهينى مقعمزين يهدرزو ...
جنى بإستغراب:وتين خيرك؟
انا:اا لا شي 
جهينى وقفت وقربت مني:كيف شي وانتِ تبكي
انا حضنتها طول وقعدت نبكي .....
جنى قربت بخوف وحطت يدها ع كتفي:وتين خيرك ؟
انا ركزت وبعدت قعدت نمسح في دموعي:لا شي غير تفكرت منير خايفهه يكون مات
جنى:تخافيش لو مات اكيد سمعنا
انا ابتسمت بين دموعي وهزيت راسي قربت لسريري ورقدت وغمضت عيوني ودموعي ينزلو جنى وجهينى شافولي بشفقهه وشافو لبعض وصكرو الضي ورقدو....
..........
انا طول الليل مارقدت نفكر هل يلي سمعتهه حق او نتخايل؟قلبي محروووق معاش قادره نتحمل ولا صدمهه تعبت تعبت من كل شي مزال صغيره ع كل هالهم ...وقفت بالشويهه وحطيت وشاح ع راسي وخديت دفتري وتوجهت للباب فتحتهه بشويهه وطلعت وصكرتهه ونزلت بالشويهه وتوجهت لجنان وقعمزت ع الكرسي وحطيت الدفتر ع الطاولهه وفتحتهه قعدت نكتب.......
:شن اديري هالوقت اهني؟
انا اول ماسمعت صوتهه قلبي وجعني ونزلت دمعهه ع طرف عيني مسحتها طول وقعدت مطبسهه ماقدرتش نقيم راسي ونحط عيني في عينهه...
محمد قرب بإستغراب وقعمز ع الكرسي:نكلم فيك سمعتيني؟
انا قمت راسي وابتسمت بغصب:أهلين لا سمعتكش
محمد شاف لدفتر وابتسم:قاعد عندك؟
انا هزيت براسي:ايي ودرت زي ماقتلي كل مانضايق نكتب فيهه
محمد ابتسم وشاف لرقبتي لقي السنسال لعطهولي اخر يوم سهرنا فيهه مع بعض:ومزال محافظهه ع هالسنسال
انا حطيت يدي ع رقبتي وشديت السنسال وابتسمت:كانت اخر هديهه منك وكان طلبك نخليهه في الرقبتي لين.....وحسيت بغصهه في قلبي وسكتت
محمد:خيرك؟
انا شفتلهه وعيوني معبين دموع:لا شي .
محمد بخوف:خيرك تبكي شن فيهه؟
انا:لا ولا شي ....ووقفت نجري توجهت لباب الفيلا وتوجهت لغرفةة جنى وجهينى فتحت الباب وخشيت رقدت ع سريري طووول .....
.......
كان محمد مقعمز في الجنان مستغرب من تصرفاتي رن تليفونهه وصكر الخط وتأفأف من اتصالاتها المزعجهه ولا خطر عليهه ١% انهه ممكن انهه انا عرفت بموضوع خطوبتهه....
.......
.
.
تاني يوم الساعهه ٧ ص....
.
.
نضت مخلوعهه ووقفت نجري واول ماركزت اذكرت بيلي صار امس وانهه اني في حوش محمد قعمزت ع السرير وتنهدت براحهه تلفتت لجنى وجهينى لقيتهم راقدين في سابعهه نومهه ابتسمت ع رقدتهم ووقفت توجهت للتواليت"اكرمكم الله"غسلت وجهي وتوضيت وصليت ونزلت للمطبخ ندير في فطور....
:صباح الخير
انا تلفتت وابتسمت:صباح الورد
جاد:شن منوضك هالوقت؟
انا:تعودت انوض هالساعهه خلاص😂😂
جاد:لا حوش عمك بالفعل مجرمين كيف تنوضي من ٧ الصبح اني وقت الجامعهه ويومين في الاسبوع انوض بالغصب كيف انتِ مش عارف...
انا ضحكت:ههههه نام بكير اصحى بكير وشوف الصحهه كيف بتصير😂😂😂
جاد ضحك وضربني ع راسي بشويهه:ديري الفطور بسرعهه جعان وبنمشي للكليهه
انا شفتلهه:مش كنت تطلع من غير فطور😒😒😒
جاد:وتوا نبي ديري واسكتي😒😒😒
........
منى:سلم وليدي كول
منير راقد ع السرير وساكت.....
منى تبكي:حتى شويهه بس سلم ولدي ليك ايام وانت ماتاكلش
منير يعيط:خلاااص قلت مانبيش
منى نخلعت:بسم الله عليك باهي خلاص براحتك
منير لفت راسهه لجيهةة التانيهه وساكت مصطفى كان واقف ع الباب يسمع فيهه بعدين تنهد وطلع .....
........
فيصل:الله الله ياصباح الورد
انا حطيت الاميهه ع طاولةة الفطور وتلفتت ابتسمتلهه:صباح الجوري
فيصل قرب وباس راسي:سلم بنتي الحلوه الناشطهه لطيب في فطور بوها قبل مايمشي للخدمهه
نورس خشت:والله واني ماكنتش نديرلك في فطور؟😒😒😒
فيصل شافلها وضحك:لاا واحلى فطور من يديك😂😂
انا ضحكت:خاااف منك😂😂😂😂😂
نورس ضحكت:صباح الخير...وشافت الطاولهه..لا بالفعل سلم بنتهه ياكبدي
احني ضحكنا:😂😂😂😂
جاد مقعمز ع الطاولةة وياكل:هيا قعمزو وقت ع المحاضره
فيصل ونورس قعمزو ع الطاولةة يفطرو .....
جواد:اوووووووو وتين واني نقول ليش فيهه حركهه غريبهه في الحوش...وقرب سلم عليا ...
انا ابتسمت:حركهه حلوة ولا إزعاج؟😅
جواد شاف لطاولةة وعيونهه قلوب قلوب:لااا حلوه عسل...وجبد كرسي وقعمز ياكل
انا ضحكت وتلفتت طفيت النار ع الشاهي وحطيتهه ع الطاولهه وقعمزت نفطر معاهم ونضحكو بصوت عالي وجواد سأل ع سبب غيابي وحكيتلهه 《محلاهم محلا عيلتهم قلبهم كبير طيبين ونحس بالامان ودفئ العيلهه بينهم وكأنهه عيلتي ماعمرهم حسسوني اني غريبهه عليهم 》...
انا كنت سارحهه في هدرزتهم وضحكهم ونفكر في منير وشن صار فيهه لين سمعت صوت محمد...
محمد شعره متلخبط:صباح الخير شن هالأزعاج ع الصبح؟
الكل:صباح النور ...
انا اول ماشفت شكلهه كيف شعره متلخبط وعين مغمضهه وعين مفتوحهه كيف لابس بيجامهه سروال رمادي وتيشريت ازرق كحلي ويتاوب وصوتهه الناعس ليذوب قلبي بدي يدق بسرعهههه محلاه حتى وهو هكي يجنن بكل حالاتهه يهبل سرحت فيهه ونسيت الكل انهم  جنبنا.....
جاد:هييييي وتين؟
انا ركزت:ها خيرك شن فيهه اني وين؟
كلهم شافو لبعض  وضحكو....
انا ركزت ووجهي بدي احمررررررر :اااا خيرك كنت نفكر في .....
جاد شافلي ع الجنب:اي اي صدقت
انا اذكرت محمد وشفت طول ليده اليمين كان لابس دبلهه💔💔قعدت مركزه ع يده حسيت بغصهه في قلبي وقفت وتوجهت للمغسلهه نغسل في يديا وعيون محمد اتبع فيا.....
......
.
.
الساعهه ٢م....
.
.
كانو فيصل ونورس في العيادة يخدمو وجاد في الجامعهه وجواد يخدم ومحمد برا الحوش وجنى وجهينى راقدين قعدت مقعمزة في الصالون بعد مااتصلت نورس وقتلي راح يشرو الغدي من المطعم قعدت فاتحهه التلفزيون ونتفرج لين سمعت صوت الباب نفتح حطيت الوشاح ع راسي ....
محمد:السلام عليكم
انا وقفت :عليكم السلام ...وكيف بنطلع من الصالون شدني من يدي...
محمد:خيرك انتِ من امس تصرفاتك غاريبه؟
انا مطبسه راسي لوطا وشاده دموعي.....
محمد عقد حواجبهه:وتين نكلم فيك خيرك ساكتهه؟
• انا خديت شهيق وزفير وجبدت يدي:لا شي غير اماليك وعيب....وقبل مايتكلم طلعت نجري من الصالون ركبت ع الدروج وخشيت لغرفةة جاد لانها فاضيهه وطحت ع الارض نبكي وحاطهه يدي ع فمي مش مايسمعني حد بكيت بعبرتي وقلبي واجعني يارب الا محمد تمتحنيش فيهه لو بعد عليا نموت هو شخص الوحيد لقعدلي في هالدنيا وعايشهه ع امل منهه وبسببهه تبعدش محمد مني يارب ....قعدت نبكي ونبكي لين جفو دموعي سمعت صوت حركهه برا عرفت انهه نورس وفيصل روحو وقفت بسرعهه مسحت دموعي وتنهدت فتحت الباب بشويهه وقعدت نشوف هل فيهه حد او لا وجري لغرفةة البنات لقيتهم مزال راقدين قربت منهم وقعدت انوض فيهم......
انا:جنى جهينى يادراهات نوضو
جنى:امممممم خلينا
انا نجبد في الورغان:نوضو ياسركم الساعهه ٣ الظهر
جنى:اوووووف منك ...وقعمزت تقيم في شعرها
انا تلفتت وتوجهت لباب الغرفةة:يالله ياسركم امكم وبوكم روحو وبنتغدو ....وفتحت الباب ونزلت لقيت فيصل ونورس راكبين لغرفتهم يغيرو في لبسهم خشيت للمطبخ قعدت نجهز في طاولةة الغدي ....
........
منى:يامصطفى ولدك متغير هلبا ديرلي ليهه حلل
مصطفى يتفرج ع التلفزيون:ولدك بعد الخبطهه لحصلها هبل
معاد:دورو ع عقلهه في دار الغفير بالك تلقوه طايح😂😂😂😂
منى:مش وقت برادتك
معاد وقف:اصلا انتم في هالحوش معاش تنطاقو ...وطلع من الفيلا...
إيمان خاشهه تجري:يابابا اطلع اجري فيهه رجالهه بياخدو منير ....
مصطفى ومنى وقفو مخلوعين وطلعو يجرو ووراهم ايمان وقفو ايمان ومنى في الجنان وطلع مصطفى يجري .....
مصطفى:خيرك ياولدي شن فيهه؟
عمر:ولدك مطلوب عندنا
معاد:اما مطلوب متاعكم هادي
عمر شافلهه بتفنيصهه معاد وخر وسكت خاف .....
عمر:حطوه في السيارة...وركب السيارة ...
مصطفى:غير فهمني شن فيهه بس ...الرجالهه قامو منير وحطوه في السيارة وهو سااااكت وبرووود ....
.......
نورس: خالكم مسعود بيجينا نوضو ديرو حاجهه حلوه لقهوة العشيهه
جهينى وجنى طول شافولي ...
انا شفتلهم وضحكت:تو نديره عادي😂😋😂
جنى:ايي ايي وتين تطيبها عسللل
جهينى ضربتها بالوساده:خزي ع التحطيم
انا ضحكت:عادي بس بالفعل نطيب احسن منكك
جهينى:خززززززي باهيي ...ووقفت توجهت للغرفهه
نورس:اني بنركب نرتاح شويهه للعصر
انا:نوم العوافي
.....
.
.
الساعهه 6م....
.
.
انا كنت واخده طاسة اميه لفيصل في الصالون .....
.
هبهه:هيييييييييييي وتين 😍😍😍😍😍😍😍
انا تلفتت شفتلها:هبوووووووووش😍😍😍😍😍😍ومشيتلها نجري حضنتها ...
هبهه:استاحشتككك
انا:حتى اني وربي...وبعدت عليها...
هبهه:وينك غيبتي لا حس لا خبر لشاف حبابو نسى صحابو
انا ضحكت:أحباااااب هلباااا
مريم:السلام عليكم
انا:وعليكم السلام تفضلو تفضلو
مريم:اخرتها ناس غاريبهه تقولنا تفضلو
انا شفتلها بصدمهه ....
هبه:ماماا !!!
مريم:😒😒😒
نورس:ياأهلين ياأهلين تفضلو
مريم:يزيد فضلك يارب ....وسلمو وخشو وانا قاعده مصدومهه من كلمتها حسيت روحي متطرفهه ع العيلهه اخيييه الموقف 💔💔💔تنهدت وتوجهت للمطبخ درت سفرة عصير وشوكولاتهه وناديت ع جنى ترفعها....
جنى:خيرك ماطلعتيش؟
انا:خليني اهني احسن
جنى بإستغراب:خيرك؟
انا:لا شي صداع بس
جنى:خودي بنادولهه صندوق الإسعافات اهو اهني
انا هزيت راسي:تمام غير ارفعي العصير
جنى خدت السفرة وطلعت انا قعمزت ع الطاولهه وغصهه في قلبي ....
..........
جهينى:جنى وين وتين؟
جنى:في المطبخ قالت راسي يوجع فيا
هبه:اكيد زعلت من ماما
جنى شافتلها:علاش شن فيهه؟
هبه:.......
......
جاد خش من باب المطبخ ليطلع لجنان:هااي
انا ابتسمت:هايات
جاد:جعااااان شن تغديتو؟
انا:زيد دور وقول شن تغديتو
جاد قرب فتح الثلاجهه وخدي المشروب:بلا نفخ وربي جعان
انا عطيتهه غداه:قعمز كول
جاد:اووو شكرا ...وقعمز ع الطاولهه قعد ياكل واني متلفتهه للمغسلهه ونغسل في الماعين ...
جاد:تعرفي يامتعرفلك ع وحده طرف😍😍😍
انا تلفتت وابتسمت:وغيرهم كلهم وجوها مليح وكيوت
جاد شافلي:مبردك
انا ضحكت جاد شافلي وقعد يضحك معاي ع خشةة محمد....
محمد خش من باب المطبخ ليطلع ع الجنان:السلام عليكم
انا شفتلهه وتلفتت طول قعدت ندير في قهوه....
جاد:عليكم السلام
محمد:من عندنا؟
جاد:مش عارف
انا:خالكم مسعود وبتجي عمتكم منيره اسمها يمكن
محمد:شنننن من بيجي؟
انا بإستغراب:عمتك منيره
محمد شد ع قبضةة يده وطلع من الباب ليطلع لجنان وركب سيارتهه وسطرب وطلع .....
انا شفت لجاد:خيره؟
جاد نغص:ااا نعرفش ..ووقف جي بيطلع..
انا:خطب بنت عمتهه؟
جاد وقف وفنص عيونهه ....
انا ضحكت:ههههه يعني بنت عمتهه باهي كويس بنت يعرفها وقريبتهه
جاد تلفتلي:كيف عرفتي؟
انا شديت دمعتي :من اول يوم جيت فيهه سمعتهه يكلم فيها
جاد:اا..........
هبهه:هاااي
جاد:اهلين
انا ابتسمت:اهلين
هبهه:خيرك طلعتيش بكل ياباردة
انا :راسي صداع الحق
هبهه قربت:زعلتي من ماما صح؟
انا شفت لجاد وشفتلها:لالا مصار شي
جاد:علاش شن فيهه؟
هبهه:اا......
انا قطعت عليها:لا شي
جاد بشك:تمام ...وتلفت طلع من المطبخ
جنى خشت:اوووف عمتي جت
انا حسيت بغصهه وتلفتت نكمل في القهوة...
هبهه:فكيني عنديش نيهه نطلع نقابل فرخهه مرام
جهينى خشت:النفخ جي اوووووه
هبهه:بكل بنت عمتكم هادي مش عارفهه كيف بتتحملوها كنهه
جنى وجهينى شبحولي طول....
انا نزلت دمعهه من عيني ومسحتها بسرعهه وقعدت نصب في القهوة في الفناجين ...
انا:هيا ارفعو القهوة
هبهه:باللهي اطلعي هدرزي معانا تحملي النفخ
انا ضحكت غصب:عنديش نيهه والله
جنى شدتني تجبد فيا:غير هيا هيا ..وطلعنا لصالون...
انا:السلام عليكم
منيره شافتلي:شن رجعتي انتِ ؟
انا:ايي...وقربت سلمت عليها وسلمت ع مرام سلمت عليا بطرف صوابعها كانت مزيتهه بمعنى الكلمهه شعرها اصفر ومكياج اوفر ومستكهه في فمها وظوافر طوال ولبس لاصق شفتلها بقرف من شكلها وشفت ليدها لقيتها لابسهه دبلهه ضحكت ضحكة هزوه هادي لفضلها عليا؟هادي مستواه؟هادي لشافها مستقبلهه وحلالهه؟بعدت وقعمزت جنب هبهه وانا عيوني عليها ...
.......
مرام تتكلم بدلع:ايي خلاااص كملت بتاااتي كلهه مزال نحددو بس
هبه:ان شاء الله ع خير😒😒
مرام:حمودي تعبنييي بكل يقولي نبيهه توا العرس واني نقولهه خيرك مستعجل يقولي مستعجل عليك ياحببييي
جنى:محمددد خوي يقولك هكي انتِ؟
مرام:ايي امالهه من محمد
جهينى:باللهي ياسر من حتى خطيبي قرفتينا
مرام شافتلها بصدمهه...
وهبهه وجنى يضحكو وانا نفكر في كلامها....
مرام:خيرك غرتي العفو تو كان عندك نصيب ربي يبعتهولك
جهينى:باللهي وسعي عليا غادي ...ووقفت توجهت للمطبخ... نضت لحقتها...
......
انا:نفاخهه بنت عمتكم
جهينى تلفتت:خطبها محمد لانهه.....
انا قطعت عليها:شن سجلتو في الجامعهه؟
جهينى شافتلي شويهه وبعدين تكلمت:لالا قلنا نرتاحو شويهه وبعدين نسجلو وانتِ؟
انا ضحكت:ههههه عمي بيخليني نسجل؟قالي لا وماعندناش بنت تقرا جامعهه ومش عارفهه شن
جهينى:عمك طبيعي هذا؟
انا اكتفيت ببتسامهه وبس...
جهينى:يالله حظ تو نسجلو مع بعض
انا:ان شاء الله
.........

كنت خاشهه لصالون وسمعتهم يهدرزو...
.
.
منيره:تو معقولهه خوي فيصل يرضى يخلي هالبنت الغريبهه بينكم؟
نورس:بنتنا مش غاريبهه هادي
مريم:حق يانورس انتِ عندك ٣ شباب كبار والبنت قنينهه تخافيش ع ولادك منها تغريهم ولا اديرلهم سحر؟
منيره:اييه ياوخيتي هالوقت يخوف
مرام:لا حلوه لا شي كلهه مكياج ووهم
ضحكت ع روحي بهزوه بديت حديثهم وياريت حتى بالخير لاا اني بنت نغري ونسحر ويعبو في راس نورس عليا مش يخلوني في الشارع لهدرجةة الناس قلبها اسود؟معقولهه ماحسوش بأي رحمهه اتجاهي مش المفروض انهم بدل مايديرو هكي يساعدوني؟تنهدت ورجعت ركبت لغرفة البنات وقعمزت ع السرير شديت دفتري وقعدت نكتب اي شي يخطر ع بالي ...
.........
.
.
الساعهه ١٠م...
.
.
محمد:السلام عليكم
كلهم:وعليكم السلام
محمد:امتى روحو؟
نورس:قبل شويهه
جنى:مابعدك جديات ع المزيتهه لعندك
محمد تلفت:تفتحوش سيرتها ...وطلع
نورس:تحشمي يابنت هادي بنت عمتك ومرت خوك في المستقبل
جنى:لا مرت خوي لا بنت عمتي نعترفش بوحده هكي اني
جهينى:تتحشمي حتى تقولي دمنا واحد الهم حرام حتى تتشاركي معاها في قطرة دم
......
.
.
تاني يوم الساعهه ٨ص...
.
.
محمد يضرب في منير....
منير مسلم روحهه وساكت....
محمد:يلي درتوه في وتين كلهه راح نردهولك والله وحقها يوصللها لعندها
منير شافلهه وقاعد ساكت....
محمد ضربهه ع وجهه:تكلم ولا خايف ؟اصلا لو راجل ماديريش في بنت عمك يلي من لحمك ودمك هكي
منير يمسح في الدم ع فمهه وساكت...
محمد ضربهه برجلهه ع بطنهه وطلع وصكر الباب....
.........
.
.
نورس:نوضي يابنتي بري معانا
انا:لالا والله ماخاطري خلوني اهني افضل
فيصل:خلاص خلوها براحتها
نورس:تمام ديري بالك ع روحك بس
انا هزيت راسي وابتسمت...
كلعو نورس وفيصل وجنى وجهينى لحوش جدهم وقعدت اني في الحوش بروحي جواد وجاد ومحمد طالعين قعمزت ع التلفزيون نتفرج لين سمعت باب الحوش فتح تلفتت لقيتهه محمد ....
محمد:السلام عليكم
انا عيوني ع التلفزيون:وعليكم السلام
محمد:اماليا وين امالهه؟
انا:مشو لحوش جدك عندهم عيد ميلاد بنت خالتك
محمد:وخيره مامشيتيش؟
انا:عنديش نيهه...ووقفت جيت بنطلع من الصالون محمد عيط عليا ....
محمد بصوت عالي:فهميني خيرك من اول ماجيتي تعاملي فيا هكي شن درتلك اني ؟
انا شفتلهه وجبدت يدي:المفروض يلي خاطب مايكلمش غير خطيبتهه
محمد:والمفروض يلي متزوجهه ماتكلمش غير راجلها......
......
.
.
يتبع ❤❤❤