اعشق عسكري ( روايات ليبية )

حلقة 14🔥

#أعشق_عسكري
لكاتبهه #شهد_محمد & #فاطمة_رحومة
حلقهه رابعهه عشر💋
.
الساعهه ١٠ م...
.
.
كالعاده كملت وتوجهت لغرفتي دوشت وطلعت ....
.
.
الباب يطق...
انا بإستغراب قربت وفتحتهه:منير؟
منير خش يجري وصكر الباب وراه:اييي اني
انا :خيرك شن ادير اهني؟
منير:جاي نبي نهدرزو شوي
انا ابتسمت بالغصب:ايي عادي
منير قعمز وقعد يشوف للغرفهه:قدرتي تغيرها هالغرفهه
انا:المكان يلي بنعيشو فيهه ضروري نخلوه مناسب لينا مش نقدرو نتأقلمو فيهه
منير شافلي:بالفعل بس اهو اني نعيش في فيلا وكل سبل الراحهه والسعاده عندي بس ماعمري حسيت بالراحهه فيهه
انا:لانهه انت طبيعتكك شي تاني راحتك مش فيها
منير ابتسم:بالفعل نحب المكان الموجود فيها بنات
انا شفتلهه بتقزز .....
منير:احمممم اسف ع كلام امي انبكري و....
انا قصيت عليهه:لا عادي تعودت انهه كل الناس تهزبني وتحط الحق عليا وتو كان تحس انكك موجود عندي راح يفهمو غلط
منير:خلي يفهمو لبيفهموه مش مهتم بحد
انا:كويس
وقعدت نساير فيه لين قلب خليقته تمرقد "مرقد جدي"...
.
.
.
تاني يوم الساعة7ص...
.
.
نضت زي اي يوم غسلت وجهي وتوضيت وصليت الصبح..
ومشيت ضميت وطيبت الغدي...
منى:شن طيبتي غدي
انا:درت رز مسقي
منى خدت الغدي وصباته فالقمامة (أكرمكم الله):احني اليوم مش جاي ع بالنا المسقي جيتي سألتي شن تبو الغدي اطيبي من راسك؟ توا ديريلنا بيتزا وكباب وشيش تواا تواااا ..
انا:نعمةة ربي 🙂
منى متعصبهه:لاا تعالي علميني توا
انا شفتلها ع الجنب وتوجهت للفريز نطلع في الحم والخضرهه....طلعت منى بإبتسامةة انتصار...
وقعدت نطيب فالغدي كملت وغسلت اماعين الغدي ومشيت بدلت لبسي ورجعت...
منير:وتيني وين ماشيهه
أنا بتقزز:بنخدم امك واختك يلي مش راحميني🙂
منير قعد سارح معاي...
انا بصوت دلع وشوية دموع :ترضى اللي قاعد يصيرلي يا منير😢
منير:لا والله واني مستعد ندير المستحيل ع خاطرك..
انا:والله؟☺
منير قرب:والله 😍..وشد يدي وباسها اني بتقزز جبدت يدي ....
منير:اا اسف
انا ابتسمت:لا عادي☺...
منير تلفت وتوجهه للباب وهو يفكر"كان وتين نردلها اعتبارها هكي بنكبر ف عينها وبتعطيني اللي نبيه😌😍"
.
.
.
الساعة7م....
.
.
منير طلع لصالون...
منير يعيط:يماااا إيمان تعالو اهني توا...منى وايمان جو يجرو وهما مستغربين...
منى:خير بلاك تعيط انت
وانا كنت في المطبخ لما سمعتهه حسيت يلي نبييهه راح يصير....
.......
منى: معقولة هالحيوانهه تغيرك علينا؟
إيمان: أصلا احني متحملينها بالسيف بابا قال خلوها خدامة باش متفضحناش
منير:اني قلت لعندي من اليوم معاش تخدمكم هي بنت عمي مش خدامهه ...ع خشةة مصطفى وهو راجع من القهوه...
مصطفى:شن في عياطكم للشارع؟
إيمان:تعالى يابابا اسمع ولدك شن يبي
مصطفى بإستغراب:شن يبي؟
منى:يبي الانسهه وتين معاش اضم ومعاش تمس شي
مصطفى شاف لمنير:شن حسك تبي؟
منير شافلهه:البنت بنت عمنا ومن لحمنا ودمنا عندك فلوس جيب خدمات يخدموكم
مصطفى:صكر فمك وبلا طولة السان
منير:مش بنت خوك ومن لحمك ودمك ؟شن بنت خوك غير لما فكرت تاخد الورث؟
مصطفى ضربهه كف....
منير شافلهه متعصب وطلع من الفيلا يجري وركب سيارتهه وسطرب وطلع من الفيلا ....
منى تبكي:ليش ضربتهه وهو كبير بطولك
مصطفى ركب لغرفتتهه من غير ولا كلمهه...
منى تبكي:ياحليلي اني عيلتي بدت تتفرق
إيمان اطربق في المستكهه:كلهه من الفعهه هديكا لجبتوها...
.....
انا ضحكت بإنتصار وخشيت نكمل لكنت ندير فيهه....
......
منى وقفت وجتني تجري شدتني من شعري:ريتي حتى منير مقدرش يغير راينا انتي مجرد خدامة وبس
وطيحتني عالأرض...
انا:أصبرو علياا بسس
منى رجعت للمطبخ: شن قلتي
اناا:شيييي 😒😒
منى:إحترمي نفسك ياخير منطلق عليك جنوني😠
أنا ف خاطري 《جن يركبكك》
منى شافتلي وطلعت من المطبخ انا وقفت وضحكت واخيرا العيلهه بدت تخش بعضها وقدرت نكسب منير ...
.
.
.
فاتت الساعة 4فالليل ومنير ما روحش خديت دفتري وقعدت نكتب كالعاده 《هذا الكَسر الذي يملأ أركان قلبك ، وتأبى عيناك أن تُظهره ،أبقيهِ كما هوَ ..سيُجبرهُ الله ...   الله وحـدُه   ☝️》
......
.
.
.
تاني يوم الساعه ٧ص ....
...
.
نضت غسلت وجهي وتوضيت وصليت وطلعت توجهت للفيلا  لقيتهم كلهم في الصالون ....
انا:صباح الخير
منى:اهو جت السحاره ....ووقفت شدتني من شعري..
انا:ااااااه خيرك؟
إيمان:خوي بسببك من امس طلع ولتوا ولا خبر عليهه
انا ف خاطري《 إنشاء الله ماعاد يروح.....🙂》
منى قعدت تضرب فيا:ياحيوانهه سحرتي ولدي وفرقتي عيلتي
انا ابتسمت:ولدك مش من نوعي المفضل مش نسحره🙂...وتلفتت شفت لعمي درت دموع التماسيح..
انا:يرضيك ياعمي يلي يصير توا؟
مصطفى شافلي وطلع...
منى:اقلبي وجهك خير مانرتكب فيكك جريمهه😠
.......
الساعهه ١٠ م....
.
.
منير مزال مختفي وتليفونهه مصكر العيلهه مشغولهه عليهه وكل شويهه ايمان ومنى يخشو يهزبوني ويطلعو كملت واني طالعهه من المطبخ لقيت ع طاولهه الصالون مصحف يالله ليا فتره ماقريت فيهه مشيت خديتهه وتوجهت لغرفتي دوشت وقعمزت شديت المصحف وفتحتهه وبديت نقرا فيهه 《بسم الله الرحمن الرحيم
(ألم نشرح لك صدرك و وضعنا عنك وزرك الذي انقض ظهرك ورفعنا لك ذكرك فإن مع العسر يسـراً وان مع العسر يسراً فإذا فرغت فانصب والى ربك فأرغب)❤👌》محلاه كلام اللهه راحهه نفسيهه وربي❤❤
《الذين إذا أصابتهم مصيبة قالو إنّ لله وإنّ إليه راجعون أولئك عليهم صلوات من ربهم ورحمه وأولئك هم المهتدون❤》
انا تنهدت وقمت راسي فوق وغمضت عيوني إنّ لله وإنّ إليهه راجعون💛💛صكرت المصحف وحطيتهه جنب راسي ورقدت....
.
.
.
الساعهه 12م...
.
.
كنت راقدهه نصت مخلوعهه ع صوت الباب يطق ...
وقفت فتحتهه لقيتهه منير ريحتهه مقرفهه وقويهه ووقفتهه مش متزنهه وعيونهه حمرر ومبتسم حسيتهه مش طبيعي وشارب...
انا:منير خيرك ؟
منير مبتسم:ياحلو انت
انا خفت من اسلوبهه وجيت بنصكر الباب منير شده الباب بيده...
انا:منير ابعد يدك
منير مبتسم:لااا
انا بخوف قعدت نحاول نصكره الباب بس للاسف منير دفهه بالقوه لدرجةة طحت وخش وصكر الباب..
انا نرعش:ممم منير خيرك شن فيهه؟
منير مبتسم ويقرب وهو يميل يمين ويسار  ...
انا جيت بنوقف حط  رجلهه ع يدي بالقوووه..
انا:اااااه منير يدي
منير طبس وهو رجلهه قاعده فوق يدي :سوري ياقلبي
انا لفتت رسي وحكيت يدي التاني ع خشمي :أبعد ريحتك مقررفهه
منير زاد ع عفسةة رجلهه:شن قلتي؟
انا بوجع:شن تبي مني؟
منير وبصوت سكران: نبيك انتي..
اناا:بعد منير
منير  قرب مني وباسني من خدي وريحته مقرفه شرب وانا ندف فيه وهو مزال يبوس لفتت راسي لقيت شيشةة اميةة زجاج قمتها وخبطتهه ع راسهه ..
منير وخر وحط يده ع راسهه وشافها لقاها دم واني نرعش وهو كيف بيتكلم طاح مغمي عليهه..
انا:منير منير؟قعدت نحرك فيهه وهو ولا حركهه وقفت واني نرعش توجهت للباب وفجاه وقفت تلفتت لمنير شفتلهه بتمعن ورجعتلهه نجري قربت منهه واني نرعش ودموعي ينزلو قعدت نفتش في جيوبهه ع أمل نلقى تليفونهه وبالفعل كان في جيبهه فرحت وجبدتهه من جيبهه ومن حسن حظي من غير باسورد فتحت ع الاتصالات وقعدت نذكر في رقم محمد كتبتهه ودرت اتصال رن مره اتنين ثلاثهه واخيرا في الرنهه الرابعهه رد.....
محمد:السلام عليكم
انا اول ماسمعت صوتهه طحت ع ركابي وبديت نبكي بشهاقات عاليهه...
محمد بإستغراب:ألو من معاي؟
انا نبكي حاولت نتكلم بس ماطلعش مني ولا حرف ...
محمد:ألو ياأختي ردي
انا واخيرا نطقت:مممم محح مد اااا انا انا ...ورجعت نبكي تاني
محمد وقف:وتين؟
انا نبكي :ااا اي
محمد:الو وتين اهدي واحكي خيرك؟
انا نبكي وبس ...
محمد:وتين وتيني اهدي اهدي وفهميني خيرك؟
انا:ممم محمد تعالالي وين مخليني وين
محمد:اهدي ليش تبكي عمك دارلك شي؟
انا:محمد الحقني لحوش عمي باللهي بنموت اهني وربي
محمد ركب سيارتهه وولعها وسطرب :اهدي اهو جايك شويةة وقت بس
انا:تعطلش عليا باللهي ماتخلنيش اهني
محمد:حاضر والله اهو دقايق ونكون عندك...وفصل الرصيد...
انا لوحت التليفون وطحت نبكي ياربي واخيرا واخيرا وصلت فيهه قعدت نبكي ونبكي لوقت طويل ...
.......
.
.
.
محمد يخبط ع باب الفيلا:مصطفى مصطفى  ياكلب افتح الباب والله الليلهه انا ذبحكك
مصطفى سمع الصوت من الصالون وطلع مخلوع يجري أمر البواب بفتح الباب....
محمد خش يجري شد رقبةة مصطفى:وين وتين وينهااا
مصطفى يكح:كح كح ارخي يدك وتين في غرفتها
محمد:وين غرفتها ..وشد قبضة يده ع رقبتهه.
مصطفى عيونهه بيطلعو:اهو هادي ..وأشر ع غرفتي..
محمد تلفت وشاف للغرفهه كان واضحهه عليها غرفهه غفير ...
محمد :بنت خوك وحاطها اهني؟...وحذفهه ع الأرض ومشي يجري لغرفتي فتح الباب ولقاني طايحهه نبكي وجنبي منير بدمهه...
محمد قرب مني يجري وحط يده ع ظهري:وتيني
انا لما سمعت صوتهه وحسيت بيده حسيت برعشهه في جسمي ماقدرتش نقيم راسي خفت خفت نكون نحلم قعدت نبكي بصوت عالي وشهقاتي ترتفع اكثر واكثر محمد نزل ع ركابهه وقامني ....
انا شفتلهه ونبكي ...
محمد حضني بدون مقدمات:اششششش اهدي اهدي
انا شديت في تشيرتهه ونبكي:ااااااه اااااه وين خليتني وين
محمد زاد حضني اكثر ودمعتهه نزلت:والله معاد نخليك والله
......
بعد حوالي ربع ساعهه....
.
.
بعدت شويهه من محمد وقعدت نمسح في دموعي...
محمد شافلي:هدينا؟
انا شفتلهه وهزيت براسي...
محمد:خيره هذا هكي؟
انا:ضربتهه بالشيشهه مات؟
محمد بإستغراب:ليش ضربتيه؟
انا:حاول يقرب مني
محمد وقف وهو عيونهه نار:شن؟
انا :محمد اهداء
ع خشةة مصطفى شاف منير نخلع وجي يجري....
مصطفى:منير منير ولدي خيرك؟
محمد:ولدك يبي التربايهه واني يلي بنربيهه بس مش توا
مصطفى يبكي:منير منير من لدار فيكك هكي
محمد شد يدي وجي بيطلع انا وقفت محمد تلفتلي..
محمد:خيرك؟
انا:شويهه..رجعت خديت الدفتر والكره البلوريهه وحطيت ع راسي وشاح ورجعتلهه محمد شافلي وابتسم وشد يدي وطلعنا ركبنا السيارهه .....
.
.
.
واخيرا وصلنا لحوش محمد واخيرا نزلت واني شاده في يد محمد بقوه خايفهه خايفهه نكون نحلم ونرجع لنفس العذاب والقرف خشينا وقابلني عمي فيصل لا إراديآ طلقت يد محمد ومشيت لعمي فيصل جري حضنتهه واني نبكيي...
فيصل:وتين؟بنتي خيرك؟كيف جيتي؟
انا نبكي وخلاص اااااه استاحشتهه محلاه ومحلا حضنهه الراحهه فيهه وكأنهه حاضنهه بابا واخيرا رجعتلهم واخيرا..
نورس نزلت من الدروج شافتني جت تجري...
نورس:وتين؟
انا لما سمعت صوتها مشيتلها نجري حضنتها....
نورس:بنتي وتين واخيرا
انا حاضنتها بقوهه كان حضنا كلهه حنيهه وحب...
نورس:خلاص حبيبتي اهدي ...
انا بعدت ومسحت دموعي...
نورس:احسن؟
انا:معاادش تفرطو فياا فاهمين انتم عيلتي انتم بس ما في حد غيركم
نورس ابتسمت بحب:حاضر والله معاد نخلوك ارتاحي بس...
انا رجعت حضنتها:استاحشتكم
نورس:والله حتى احني .
فيصل:خيرك يابنتي هكي ضعفتي ووجهك شاحب
انا بعدت من نورس وشفتلهه:اااااه ااااه يلي خداني ماكانش عمي كان عدو ليا
فيصل بإستغراب:كيف؟
انا:ااا......
جاد:وتينووووووووووو😍😍😍😍😍😍😍😍
انا تلفتت وشفتلهه ضحكت:جااااااااد 😍😍😍
جاد قرب يجري:يادرااااااااه استاحشتككك وينك وين كنتي
انا:وانا استاحشتك يابارد واهو رجعتلكم
جنى&جهينى:وتينوووووووووووو😍😍😍😍😍😍😍
انا مشيتلهم نجري حضنتهم:اووووووه استاحشتكم وربي
جنى:خزي ياكلبهه معاش جيتي بكل بكل
انا بعدت وتنهدت:لو تعرفو شن لصار معاي بس
نورس:احكي يابنتي
محمد:ارتاحي توا وبعدين احكيلنا
انا:لالا خليني بنحكي بنطربق كان نقعد ساكتهه اكثر
فيصل:احكي يابنتي شغلتيني
انا تنهدت وبديت نحكيلهم ع كل شي من اول ماخشيت لحوش عمي ....
.......
جاد:خلاص وتينو بنبكي رااه...
انا شفتلهه:هههههه خلاص كملت😂😂
محمد:وربي لما نوريهه نجوم في عز الظهر
فيصل:ريحنا من المشاكل
محمد:بهه ان شاء الله..ووقف توجهه لغرفتهه
فيصل:بإذن الله رتح ندير المستحيل لنرجعلك حقكك يابنتي
انا شفتلهه وابتسمت:مانبي شي غير نكون معاكم
........

يتبع 💛