#أعشق_عسكري
لكاتبه #شهد_محمد
حلقة الثامنه ❤👻
.
.
الساعة ٩م....
.
.
كان الكل لوطا في الصالون محمد جواد جاد جنى جهينى ونورس وفيصل يهدرزو ويضحكو جيت بننزل نقعمز معاهم جتني فكرة جهنمية😈رجعت للغرفه وخديت شرشاف ابيض من ع سريري وخديت تليفوني نزلت بشوي بشوي لجيهة تحكم الضي نزلت التاكو وهووووب هرب الضي غميت روحي بالشرشاف وفتحت فلاش التليفون وطلعت لصالون....
انا:هاهاهاهاها
جاد وقف فوق الصالون:بسم الله اللهم سكنهم في مساكنهم 😨😨
جهينى تعيط:اووووووه عليا اوووووووه
جنى شاده في جهينى وتعيط:حيي عليا هذا شن
نورس يديها ع صدرها وتقرا في القرآن...
وفيصل يشوف ومصدوم....
جواد:استغفر الله استغفر الله
محمد مقعمز ع الكنبة ورجليه ع الطاولة ويشوفلي ببرود....
انا بنفتح موسيقى مرعبة جت ع فاطمة الحمصه انا قعدت ساكته وهما يشوفولي بإستغراب وجاد كان يرقص فوق الكنبة ...
انا:ارقصو ارقصو 😠😠😠..محمد وقف وقرب مني واني نرعش وهوووب يجبد الشرشاف ....
انا قعمزت لوطا وشديت الشرشاف حطيته ع شعري وقمت راسي لمحمد وضحكت ...
انا نرعش:هههههه بصارة يعني😅
محمد رافع حاجبه ....
جنى:خزززززي ياحيوااااانه😡😡😡
جاد:حيوانه نحسابك جن العاشق جايتني😒😒😒
نورس قعمزت ع الكنبة وترعش:ربي يهديك
انا:سوووووري😅
فيصل:رعشتينا الله يسامحك😒
جهينى:نحساب روحي بنموت وربي😪
جواد:ربي يهدي🙂
محمد توجه لتحكم الضي ورفع التاكو ....
......
جنى:بابا خاطرنا في البحر
جهينى:اييي وربي وقته
نورس:حتى اني خاطري فيه
فيصل:عادي مداما واخدين إجازة
جاد:لا استنو يبي شوبينق وهكي😳😳😳
جواد شافله ع الجنب:تااافهه😒
جاد:ماتاافهه غير انت ياوجه الفقر😒😒
جواد:😒😒😒
فيصل:ها شن محمد موافق؟
محمد:والله نبوها هالطلعة
فيصل:معناها الخميس نمشو
جنى نقزت:هيييييي🤗😍
جهينى:بنوض نوتي روحي من توا😍😍😍😍
انا:خودوني معاكم😍😍😍😍
........
.
.
يوم الخميس الساعة ١٠ ص....
.
.
جاد كان لابس شورط قصير ازرق وتشيرت اصفر ونظارة وسبيدرو اصفر وواقف في الجنان و شاد تليفونه ويصور:والله غزززاااال اممممممواه💋
جواد لابس شورط ابيض وتشيرت اسود وسبيدرو اسود ونظارة ويطلع في البضاعة:ره تعقل باهي😒
جاد:تعالى تعالى صور معاي😍😍😍😍
جواد:اقلب وجهك😒ومشي...
جاد يجري وراه:صورة بس صورة
جواد:لااااااااااا
محمد كان لابس شورط حلواني وتشيرت ابيض وطاقية وسبيدرو ابيض ونظارة ويحطفي البضاعة في السيارة:خيركم؟
جاد:تعالى صور معاي انت احلى اخ بالعالم 😍😍😍
محمد ضحك وصور معاه...
جاد:حيييي طالع طرف اكثر مني خزي😒
محمد ابتسم ورفع عيونه وشافني اني طالعة قعد سرحان فيا《كنت لابسة سروال وردي وعليه بلوزة بيضه وفيها رسمات صغيرة باألوان مختلفة ولابسة وشاح اسود وسبيدرو اسود ونظارة ومش مدايرة مكياج بكل 》كنت طالعة ونضحك ع جني وجهينى كيف يتعاركو ولما قمت راسي شفت محمد يشوفلي ومبتسم واول ماشافني شفتله غمزلي وصفر وجهيي بدي احمممرررر وقلبي يدق بسرعة معاش قدرت نتحرك من مكاني ....
جنى لابسة سروال جينز ازرق وبلوزة حمرا وعليها بيشت اسود عليه تخربيشات بالاحمر والابيض ولابسة وشاح ابيض فيه تخربيشات وسبيدرو ابيض:قلت اني ورا السواق😠
جهينى لابسة سروال جينز ازرق نفس جنى وبلوزة صفرة وعليها بيشت اخضر فيه تخربيشات بالاصفر والابيض ووشاح ابيض فيه تخربيشات وسبيدرو ابيض:اني قلت...وطلعت تجري خبطت فيا وهووووب ع وجهي🙂محمد جي يجري وهو يعكز ع رجله ...
انا قعمزت وحطيت يدي ع جبهتي وشفت الدم:اووووف منك ياجنى
جهينى:اني جهينى مش جنى 🙂🙂
انا شفتلها:قولي والله😒😒
محمد وصل واخيرا طبس حط يده ع جبهتي:فيك حاجة؟
انا قمت عيوني وتلاقو بعيونه قعدت هايمة فيه كيف مقرب وحاط يده ع جبهتي ...
محمد عقد حواجبه:وووتين
انا تلبكت ووقفت نجري :هااا لا فيا شي ومشيت نجري لسيارة
محمد شافلي كيف هاربة وابتسم ...
جنى قربت من جهينى :شفتي يلي شفته؟
جهينى؛محمد يجري لوتين وخايف عليها ويده ع جبهتها
جنى:تفكري في يلي نفكر فيه😼
جهينى شافتلها ع الجنب وضحكت الضحكة الشريرة...
.......
.
.
ركبنا واخيرا السيارات...
عمي فيصل وعمتي نورس وجواد في سيارة وحدة واني وجنى وجهينى وجاد في سيارة وحدة جواد هو يلي قسمنا مايبيش وجع راس منا😂😂😂وطبعا محمد قال لا جنى لا جهينى يركبو وراي لانهم يتعاركو فلذلك ركبت اني🙂🙂❤...
.
.
جنى:وتينو قربي نصورو
انا قربت من جنى وابتسمت وصورنا ولما قمت عيوني للمراية لقيت محمد عيونه فيا ابتسم نزلت عيوني طول حطيت سماعات في وذني فتحت اغاني هادية وشديت كتاب "في قلبي انثى عبرية "وقعدت نقرا فيه...
《" فضفضت إليه كأنها تحادث مرآتها حتى بات يعرف كل خبايا نفسها ، حتى المناطق الأظلم منها. أحاط بنقاط قوتها وضعفها ، حفظ كل ردود أفعالها عن ظهر قلب ..
لعله يستطيع قرآءه أفكارها حتى. هل يمكن بعد ذلك أن يقول أنه لا يعرفها ..!》اهني اذكرت اليومين لقعدت نهدرز فيهم لمحمد قمت راسي وشفت للمراية وزي ماتوقعت لقيته يشوفلي ابتسمت وطبست نكمل في القراية....
《"هل كُتِب عليها أن تعيش حداداً متواصلاً!"》تنهدت وكملت قراية...
" لست أدري إن كنت سأقدر على مواجهة حياة عادية...
《لا أتعرف إلى نفسي إلا من خلال المقاومة. لقد خلقت لأنجز هذه المهمة...
وأقضي نحبي وأنا أفعل ذلك.》ابتسمت وصكرت الكتاب وقعدت نتفرج ع الطريق ومرة مرة نشوف لمحمد من المراية واول مايقيم عيونه نلفت راسي ....
........
.
.
بعد ساعتين ...
.
.
محمد:هياا من بيعوم؟
جنى+جهينى:اني اني
محمد:باهي هيا ... حول الطاقية والنظارة وحول تيشرته واني ذاااااايبة فيه عضلات جسمه ياكبدي 😍😍
مشي محمد وجنى وجهينى وتوجهو للشط. ..
جاد:وتينو هيا خشي معاي
انا ضحكت:مستحيللللل
جاد:هيا ياباردة باللهي
انا:لا والله مانعرف امشي انت لمحمد وجنو وجهينى
جاد:مبردك😒😒😒...ومشي
نورس:خيرك مامشيتيش؟
انا:والله مانعرف نعوم
فيصل:نعلمك؟
انا؛لالا شكرا مانبيش نمسه بكل
جواد عقد حواجبه:علاش؟
انا تنهدت:هكي نكره نخشله ....ومشيت قدمت وقعمزت ع الشط قعدت نتفرج ع جنى وجهينى كيف يضحكو ويلعبو مع محمد وجاد حسدتهم الصراحة عنده خوت سند يخافو عليهم وينصحو فيهم ويهتمو بيهم💔قعدت نشوف كيف جاد يتبرد عليهم ويعرض في عضلاته ومحمد يضرب فيه قعدت نضحك وفجأة قعمز حد جنبي تلفتت لقيته جواد تلفتت تاني للبحر...
جواد:لو تبي نعلمك عادي؟
انا ابتسمت:لا شكرا
جواد هز بكتافه بالامبالة وحول نظارته وتشيرته وحطهم جنبي وخش يعوم معاهم....
......
.
.
الساعة 5 م...
.
.
جنى وجهينة وجاد مطلعوش من البحر بكل وجواد مقعمز جنب الشاليه وعمتي نورس اتبل في الدجاج والحم مش بتشويه وعمي فيصل يولع في الفحم واني مقعمزة ع الشط نغني بصوت هادي...
《لا عمري بكيت لا شفت دموعي
أنت تقرأ
اعشق عسكري ( روايات ليبية )
Romansaحب ينشئ بين بنت و عسكري عصبي غيور بلصدفة ؟ فكيف كانت قصة حبهم ؟ و ما نهايتها ؟ قصة من داخل المجتمع الليبي ؟ 🔥
