#أعشق_عسكري
لكاتبهه #شهد_محمد
حلقهه السادسهه عشر❤ ما قبل الاخيرة
.
.
محمد بصوت عالي:فهميني خيرك من اول ماجيتي تعاملي فيا هكي شن درتلك اني ؟
انا شفتلهه وجبدت يدي:المفروض يلي خاطب مايكلمش غير خطيبتهه
محمد:والمفروض يلي متزوجهه ماتكلمش غير راجلها
انا شفتلهه بصدمه:اا شن قصدك بمتزوجهه؟
محمد بصوت عالي:ااايييي متزوجهه وع ذمةة راجل مش هكي قالي عمك؟
انا:كيف عمي كيف متزوجهه فهمني؟مش ع اساس انت يلي بتتزوجني مش انت اخر يوم سهرنا فيهه مع بعض قتلي بنجي نخطبك من عمك؟استنيتك وماجيت مش انت قتلي حلالي؟كيف بنكون متزوجهه غيرك فهمني؟
محمد :جيتك مشيت لعمك وكلمتهه قالي بنت خوي ولدي بيقرا عليها الفاتحهه وقالي هي راضيهه
انا:بعقلك انت؟معقولهه بنرضى نتزوج هذاكا المقرف؟معقولهه يخطرلك لو 1% انهه ممكن نرضى بغيرك ؟واصلا لو متزوجهه كيف نتصل بيك ونقولك تعالالي كيف نضربهه ع راسهه بمجرد انهه حاول يلمسني مش كان متزوجني ره من حقهه؟فكر باللهي فكر شوي
محمد شافلي:شن يعرفني اني نعميت بعد كلام عمك
انا شفتلهه ودموعي ينزلو:حرام عليك وربي
محمد حضني انا بعدت.......
انا:خليك مع خطيبتك حبيبة قلبك
محمد:وربي مانبيها ولا نحبها بس لما قالي عمك انهه بتتزوجي ولده قلت لامي تخطبلي اي وحده وخطبتلي غير هادي
انا:وعادي تحرقني؟
محمد:زي ماحرقتيني
انا بصوت عالي:ماحرقتكش ماحرقتكش اني نندريش حتى انك جيت اصلا وتعرف عمي كيف يعامل فيا و.......
وقطع عليا حضن محمد حضني وبقوووه كنت نحاول نبعد عليهه ونخبط ع صدره وهو حاضني بقوه ....
انا نبكي: ابعد ماتمسنيش نكرهكك نكرهكك
محمد زاد ضغط عليا:واني نحبك ونموت فيك وربي
انا قعدت نحاول نبعد بس ماقدرتش وفشلت خلاص خليت محمد حاضني واني نبكي.....
انا:كل شي الا انت وربي لو تسيبني نموت وربي
محمد ضحك:ههههه مجنونهه انتِ بعد مارجعتيلي مزال بنسيبك؟
انا نبكي:معااش تضحك الوضع حزين
محمد بعد وهو يضحك:ههههههههه بنضحك شن دخلك...وقعد يمسحلي في دموعي ..
محمد:شن قتلك ع الدموع يابكايهه؟
انا مديت شاربي اللوطي وذبلت عيوني:اليوم تفسخ خطوبتكك 🙁🙁😢
محمد رفع حاجبهه:عادي وكان خديت زوز الشرع حلل ليا اربعهه
انا ضربتهه ع صدره:اقلب وجهك خود اربعهه امالهه ..وتلفتت بنمشي محمد حضني من تالي ...
محمد:لو ربي حلل ١٠٠ والله ماناخد غيرك انا ليك وبسسس ...وباسني ع خدي ..
انا بعدت من عليهه:لما تفسخ خطوبتك من هديكا المزيتهه بعدين احضني
محمد ابتسم:بديتي بايخهه بكل ع فكره
انا شفتلهه:مصح وجهك😒😒😒
محمد:بايخهه بس تقعدي عسلللل
انا وجهي بدي احمر وهربت نجري.....
محمد يضحك:هههههه سيورك بطيحي بين يديا
انا تلفتت ومديتلهه لساني وركبت نجري لغرفةة البنات طحت ع السرير بفرحهه فرحانهه انهه محمد بيرجع ليا وبس ......
.......
منى تبكي:ياحليلي ولدي ضاااع ضاااع
مصطفى:اسكتي خلاص
منى تعيط:كللهه منك ومن بنت خوك السحاره هديكا مشت وخلت لعنتها علينا الله يلعنها
مصطفى:صكري فمكك قتلك ياسر
إيمان:ياماما خلاص اسكتي فكينا
منى:بس.........
وقطع عليهم معاد خاش عليهم سكران....
معاد يضحك:مسساااء الخيررر ياحلوين
منى تشوفلهه بإستغراب:معااد خيرك هكي؟
معاد يغني ويرقص ويضحك......
مصطفى وقف:جايني سكران ياولد#$@& بدل ماتكون واقف معاي مش نطلعو خوك انت تتصيع وتسكر ....
معاد يضحك ويغني.....
مصطفى قرب منهه وضربهه كف:اطلع من حوشي اطلع
منى وقفت ترعش:الله يربحك يامصطفى لاا
مصطفى:كلمتي وقلتهااا اطلع من الحوش
معاد يشوفلهه ويضحك:خيرك هههه يابوي متعصب؟
منى مشتلهه:الله يهديك يامعاد اركب لغرفتك
مصطفى بصوت عالي:قلت يطلع من الحوش اني ....وشد معاد من رقبة تيشرتهه وقعد يجبد فيهه برا الفيلا ومنى وايمان يبكو ويلقحو في بوهم يهدو فيهه
مصطفى امر البواب بفتح الباب وحذف معاد برا الباب معاد طاح لوطا وقاعد يضحك...
مصطفى:لا مزال ولدي لا نعرفك اقلب وجهك من اهني....وتلفتت وقال للبواب يصكر الباب ...
منى تبكي:يامصطفى ولدك حرام عليك
مصطفى متوجهه لداخل الفيلا:لا ولدي لا نعرفهه ...وركب لغرفتهه....
..........
.
.
الساعهه ٧م....
.
.
جنى:وتينووووو جينااا
انا شفتلها:اهليننن بيكم
جهينى:شن كسدتي؟
انا:شوي عادي
جنى:تعرفي جووووو فاتكك يهبل
انا ابتسمت:المهم غيرتو جوكم
جنى:هلباااا
خليتهم يغيرو في لبسهم ووقفت نزلت لصالون لقيت فيصل وجواد وجاد ومحمد مقعمزين ....
انا:هاااي
جاد:هايااااات
محمد شافلي وابتسم ...
فيصل:الناس تقول السلام عليكم مش هاي😒😒
انا:هااااي لاحلى اب بالدنيا😘😘
فيصل ضحك:عليك جيييل😂😂
انا ضحكت:ههههه وين عمتي نورس؟
فيصل:ركبت تغير في لبسها
انا :اها تشربو قهوه؟
جواد:لبيدير الخير يسألش
انا:تمم....وتلفتت توجهت للمطبخ قعدت ندير في قهوه صبيتها في الفناجين وحطيت معاها حلو وطلعت لصالون لقيت جنى وجهينى ونورس مقعمزين معاهم قعدت نوزع عليهم في القهوه ووصلت عند محمد قام راسهه وتلاقو عيونهه بعيونهه سرحنا في بعض ونسينا وين احني ومن جنبنا وقعدنا نشوفو لبعضنا وبسس وهما مش مركزين فينا يهدرزو ويضحكو ...
جاد:احمم وتين علاش مامشيتيش معاهم لعيد الميلاد ؟
انا ومحمد فقنا ع روحنا وتلبكت:اااا لا هكي ماخاطريش بس ...وحطيت السفرة ع الطاولهه وخديت فنجاني وقعدت نهدرز معاهم وقاطع هدرزتنا صوت محمد ....
محمد:ااا يما بنقولك
نورس:ان شاء الله خير شن فيهه؟
محمد:نبي نفسخخ من مرام معاش نبيها
نورس:هييي علاش شن فيهه؟
جنى:واخيرااااا وحق ربي خير مادير ريحنا منها باللهي
جهينى:مبردها واخيرا رجعت لعقلك
انا نتابع بصمت ....
فيصل:قتلك من الاول فكنا من بنات العيلهه وفكنا من هالسريب هذا
محمد:خلاص اصلا نفختهم ومعاش نبيها
نورس:ياولدي بنت عمتك عيب عليك شن بنقول لامها وين بنحط وجهي توا؟
جواد:ليش الجو هذا عادي الزواج نصيب
جاد:وحق ربي من الاول قتلك خويمره ولصقهه وكلها مصطنعهه قررررف
فيصل:تحشم ياولد 😒😒
جنى:معهه الحق🙂🙂
محمد:هاا شن قلتي ؟
نورس:مداما انت تبي هكي ماعندي مانقول
انا ابتسمت وتنهدت براحهه ...
محمد وقف باس راس امهه :ربي يخليك لينا
نورس:ويخليك ليا💋...محمد رجع قعمز وشافلي غمزلي وابتسم انا وجهيي احمر خوفاً من انهه حد يشك فينا ...
......
.
.
بعد مرور شهر .....
.
.
الايام تمشي عاديهه سجلت اني وجنى وجهينى بالجامعهه انا تخصصت هندسهه وجنى وجهينى طب بدينا نقرو لينا اسبوع واغلب وقتنا في الجامعهه ومحمد فسخ من مرام وعي قريب ماتت ودارت العار جاد لا جديد غير انهه يتعرف ويسيب بنات😂😂😂جواد كما هو في حالهه ديما وخلاص.....
.
.
الساعهه ٨ ص.....
.
.
انا:جنى جهينى هيااا طلعت اني ره
جنى:اناا جيييت
جهينى:حتى انا جيت هيا ...طلعنا لقينا محمد يستنى فينا في السيارة ركبنا وركبت انا ورا محمد طول الطريق وهو يشوفلي ونشوفلهه ....
محمد:وتين مدايره حاجهه ع وجهك؟
انا:لااا شي
محمد قام حاجبهه:وشواربك؟
انا ابتسمت:روج بس😁😁
محمد عقد حواجبهه:امسحي امهه
انا طرمت شواربي:ليش مش حلو؟🙁
محمد :قتلك امسحيهه
جنى:عادي محمد خيرك روج خفيف مش واضح
محمد:صكري فمك انتِ
انا شفتلهه ع الجنب وخديت منديل وقعدت نمسح في الروج .....
......
وصلنا للجامعهه ونزلو جنى وجهينى وانا قعدت حاصلهه نقيم في حاجاتي ...
محمد:مزال نلقاك مدايرتهه نتفاهمو
انا شفتلهه:مبردك
محمد قام حاجبهه:شن قلتي؟
انا خفت:ااا محلااك...وفتحت الباب ونزلت نجري
محمد بصوت عالي:والله لما نوريك اجري توا...وسكت شويهه بعدين ضحك ..ضغظ ع البنزينهه ومشي......
انا:خلااص المحاضره بتبدا ياحليلي
جنى:طيررري
انا:سلاام..وقعدت نمشي بسرعهه لين وصلت للقاعهه.....
انا:السلام عليكم
الدكتور:وعليكم السلام اخر مرة تتاخري مرة تانيهه اي واحد بعدي معاش يخش
انا:اسفهه دكتور
الدكتور:تفضلي
انا:شكرا...وخشيت لقيت كرسي فاضي قعزت فيهه وطلعت الشيت وقعدت منتبهه مع الدكتور...
.......
البنت١:اوووف نفخهم اكتور هذا شن
بنت٢:بكلل تعبت خلاص
انا شفتلهم وابتسمت:مزال ريع ساعهه واتم خلاص
البنت١:صحهه ليك تستوعبي
انا:حلم حياتي نكون مهندسهه اكيد ضروري نتعب مش نحقق حلمي
الدكتور:خلاص اليوم كملنا
البنت ٢:اووووف واخيراااا
انا وقفت وابتسمتلها:اهو كملنا
البنت١:عرفوني بيكم
انا:وتين
البنت١:محلااااه اسمكك
البنت٢:انا عُلا
انا ابتسمت:من ذوقك❤وانتِ عرفينا بيك
البنت١:انا راويهه
انا:تشرفت بيكم
راويهه:بيك زاد الششرف
عُلا:تعالو نمشو للكافتيريا نفطرو ونهدرزو
راويهه:ايي هيا
مشينا وتوجهنا للكافتيريا وقعمزنا طلبنا فطور وقعدنا نهدرزو ونتعرفو ع بعض كانو بنات يجننو محترمات وجوهم حلو بسيطات وينحبو قعدنا نهدرزو لوقت طويل وقاطع هدرزتنا صوت تليفوني يرن لقيتها جنى رديت طول....
جنى:وينكك كملتي ولا مزال؟
انا:اهو في الكافتيريا تعالو اهني
جنى:تم..وصكرت الخط
انا:هادي صاحبتي تسأل
راويهه:شن تقرا؟
انا:هي واختها التوأم طب
راويهه:اهااا
جهينى&جنى:السلام عليكم
احني:عليكم السلام
جنى:خاينهه صاحبات من ورانا وجو
انا:اييي
جهينى قعمزت تاكل طول:جعاااانههه
راويهه تضحك:صحهه 😂😂
جنى:نمشي نطلب فطور ونجي ...ومشت تطلب...
جنى:عفوا لو سمحت نبي اتنين كريب واتنين نسكافي
الولد شافلها:ااا حاضر ثواني بس
جنى وقفت قعدت تلعب بتليفونها ......
الولد:تفضلي
جنى ابتسمت:شكرااا
الولد:عفوااا....جنى خدتهم وتوجهت لطاولهه قعمزت معانا وعيون اتبع فيهااا وتفصل فيها ....
جهينى:محمد اتصل قال جاي
انا هزيت براسي....
عُلا بإستغراب:تقربو لبعض؟
انا تلبكت:ااا ايي جيران
عُلا:اهااا
قعدنا نهدرزو لين وصل محمد وقفنا وتوجهنا للبركيدجو لقينهه يستنى ركبنا السياره وقعدنا نهدرزو لين وصلنا للحوش نزلنا وخشينا....
فيصل:اهلين اهلين كيف كان يومكم؟
انا:عسللل تعرفت ع بنات يهبلو
فيصل:كوويس هلبا
.......
منى تعيط:ياحليلي ايمان ايمان الحقيني
ايمان ركبت تجري:خيرك ياماما شن فيهه...؟؟
.
.
يتبع
أنت تقرأ
اعشق عسكري ( روايات ليبية )
Romanceحب ينشئ بين بنت و عسكري عصبي غيور بلصدفة ؟ فكيف كانت قصة حبهم ؟ و ما نهايتها ؟ قصة من داخل المجتمع الليبي ؟ 🔥
