اعشق عسكري ( روايات ليبية )

حلقة 4🔥

#أعشق_عسكري
لكاتبة#شهد_القنفود
الحلقة الرابعة 💛💤
.
.
وفجأة حسيت بيد ع كتفي تلفتت وشفت جهينى..
جهينى:خيرك مقعمزة اهني بروحك
انا:شي مليت الداخل طلعت
جهينى:أنتِ كويسة؟
انا ابتسمت:اييي
جهينى قعمزت جنبي وحطت رجليها في الحوض...
جهينى:حولي الملاية مافيش حد نايض كلهم راقدين تخافيش
انا:هكي خير مرتاحه
جهينى هزيت بكتافها:براحتك
انا بتوثر:ااا انتِ جنى ولا جهينى؟
جهينى ضحكت:هههه جهينى
انا:بنسألك لما كنت في الغرفة بروحي من كان يخشلي انتِ ولا جنى؟
جهينى ضحكت:ماعرفتيش تميزي بينا صح 😂😂مرة اني ومرة هي
انا ابتسمت:اهاا والله صعب التميزز بينكم
جهينى:اييي
انا تنهدت....
جهينى حطت يدها ع يدي:ثقي وتأكدي هذا اختبار من ربي كوني قد هالاختبار وراح يعوضك والله
انا ابتسمت:ونعم بالله الحمد الله ع كل شي بس والله صعبة موتتهم راس حمودي لتوا بين عيوني💔اني صغيرة ع هذا كله
جهينى:ربي يصبرك
انا:شكرا
جهينى:هيا نوضي خلي نخشو نرقدو
انا:خشي انتِ اني شوية ونلحقك
جهينى وقفت:تم تعطليش ليل
انا:ان شاء الله...توجهت جهينى للباب وخشت...
انا دموعي ع طرف عيني واذكرت كلمة ماما امسحي دموعك ومعاش تعذبينا قمت راسي فوق وشديت دموعي ....
انا:ياااارب يااارب اجبر بخاطري واشفي جرحي ياااارب صبرني على ماابتليتني كلهم يقولولي ربي راح يعوضك يارب هل فيه من يعوض حنان الام وعزة الاب وسند الاخ والاخت يااارب ....《يمكن أصعب شعور بالدنيآ إنك توصل لمرحله يآرب ، أنا صآبر بس مش قآدر 💔😔.!  》
سمعت صوت الباب نفتح قمت راسي وشفت محمد خاش وقفت بسرعة بنخش عفست ع طرف الملاية وطحت في الحوض ومن حسن الحظ مانعرفش نعوم 💔💔قعدت نعيط ونقز شافلي محمد بعصبية ..
محمد:نقصي صوتك😠😠
انا نسمعش فيه نبكي ونعيط :ساعدوني ساااعدوني بنمووووت
محمد تنهد:استغفر الله ياربي ...حول تشيرته ونقزلي حط يده ع خصري والتانية ع فمي ولصقني في صدره...
انا معاش عرفت شن ندير شن قول كان جسمه عضلات واني ضعيفة محاوطني بيده مش قادرة نتحرك ولا نبعد عيوني في عيونه ودقااات قلبي عاااالية شفت في عيونه حنية وقسوة حاجبه اليمين رافعه .....
محمد:ع ماأظن نص لليل والكل راقد ليش هالعياط
انا نزلت عيوني ونرعش:ااا اسفة مش بقصدي
محمد جبدني وطلعني من الحوض وطلع حتى هو قام شعره فوق وخدي تشيرته لبسه ...
محمد:حوض سباحة هذا مش بير مش تعيطي كل هالعياط
انا نرعش ونبكي:شكرا....وخشيت نجري وركب فوق وخشيت لتواليت "اكرمكم الله "وطحت قعدت نبكي رجع بيا الزمن من ١٥ سنة كان وقتها عمري ٣ سنوات وكنت اني وعيلتي في البحر كان عندي اخ اكبر مني بسنتين وكنت نلعب اني وياه ع الشط ولما شفت بابا يعوم الداخل خشيت نجري ليه وكان احمد"خوي الاكبر"ينادي فيا بس ماسمعتله ولما خشيت اكثر غرقت جاني احمد يجري بينقذني حذفني ع الشط وغرق هو قعدت ماما تعيط وطلعله بابا يجري بس للاسف مالحقناش عليه ومات💔💔💔لتوا قاعدة نحس بالذنب اتجاه💔💔💔فجاة سمعت صوت الباب يطق...
انا غسلت وجهي وفتحت الباب...
محمد شافلي وعرفني كنت نبكي .....
انا طبست راسي :اا اسفة .
محمد:ا ....انا قبل مايتكلم طلعت نجري لغرفة البنات ..
محمد تنهد وخش لتواليت"اكرمكم الله"...
........
هبه:هيييي خيرك هكي؟
انا: اا لا شي طحت في الحوض بس
جنى ضحكت:مصارش جو رومانسي ونقذك واحد من خوتي وقربك ليه وباسك😂😂😂😂😂
انا شفتلها وسكتت تفكرت كيف لصقني ع صدره...
جهينى:تعالي نعطيك بيجامه فوتها هالبنت..
انا:ياريت والله
جنى:فرخه هيام ياسرك من الصياعة وتعالي هدرزي معانا
هيام:بيبي بنهدرز ع البنات بعدين نتصل بيك تمام..
.......
.
.
تاني يوم ..الساعة ١٢ م..
هبه وهيام جاهم بوهم بكري روح بيهم...
.
.
ع طاولة الفطور...
.
.
انا:صص صباح الخير
الكل:صباح النور
فيصل:هيا تعالي افطري
انا متحشمه:لا عادي تو نفطر في المطبخ
فيصل:لا قعمزي افطري معانا خلاص احني عيلتك لازم تتعودي علينا
انا:بس ...
نورس:لا بس لا شي هيا قعمزي افطري معانا
انا ابتسمت:حاضر..جبدت كرسي وقعمزت جنب جنى وبالصدفة جيت مقابلة محمد....
قعدت نفطر بالشوي والكل كان يهدرز ويضحك الا اني ساكتة وناكل بهدوء ومحمد نفس الشي ساكت وعيونه ع صحن متاعه ومرة مرة يقيم عيونه عليا...
جنى:بابا نبو السوق عرس هيام قريب
فيصل:شوفو خوتكم
جاد قام راسه:اسمعو من توا اني تفكروش فيا عندي طلعة
جنى:نديرلك بسبوسة😍😍😍
جاد عيونه قلوب:اصلا حتى اني كنت نبصر عليكم😍
انا ضحكت:ههه قصدك تحب البسبوسة؟
جاد:ايييي هلباااا😍😍😍
جهينى:انت تحب كل شي مش غير بسبوسه🙂🙂🙂
جاد:خزي😒😒
انا ضحكت:لو تبي نديرهالك كل يوم عادي ره
جاد:قولي والله😍😍😍😍
انا ابتسمت:والله
جاد:انتِ اركبي من القدام بعدين😍😍😍
انا ضحكت:مش ماشية اني
جنى:لاااا وين مش ماشية ماعندك شي تلبسيه وعرس وغيره انتِ اكثر وحدة لازم تمشي
انا تحشمت:لالا مانبي شي والله
فيصل:خلاص امشي واشري ليعجبك ماتهتمي بشي
انا حسيتها مش حلوة بكل:شكرا..ووقفت توجهت للمطبخ
محمد شافلي ونزل عيونه....
......
الساعة 5 م....
.
.
جنى: اهو خودي ليعجبك والبسيه
انا:عادي نلبس عباية
جهينى:اهو عبايتي خوديها
انا خديتها:شكرا هلباااا
جهينى :معاش تشكرينا خواتك احني
انا ابتسمت:ربي يخليكم ليا❤
....
لبست عباية سودة خليجية واسعة وعليها وشاح اسود وسبيدرو عنابي ....
....
جاد:هيااااا نمشي ونخليكم ره
جنى تجري:لاااا وين تمشي اهو جينا
انا طلعت...
جاد:اوووو شن هالحلاوة دي
انا ابتسمت:شكرا
جاد:الحلو مخطوب ولا يراجي في المكتوب 😉
انا ضحكت:نراجي فيك شن واتي؟😂😂
جاد قرب:لا واتي واتي😍😍😍😍
جهينى:ايوااااا كملت علينا جي من يتفاهم معه🙂🙂🙂
جاد:اييي هادي الاخت مش انتم نفاخات واااك😒😒
جنى:اطلع اطلع بلا صياعة
جاد طالع:ياحلوة نستنى فيك في السيارة😉😉
انا ضحكت:اهو جااايه😂😂
جهينى:اطلعي اطلعي واحني لنحسابوك هادية وتتحشمي
انا ابتسمت وطلعت وجاد قالي انتِ اركبي من القدام ركبت ومشينا لسوق....
جاد:اوووووووو هذا زين ولا رضي الوالدين😍😍😍😍
البنت تلفتت:عليك ترباية والله ...ومشت
جاد تلفتلي ومد شاربه الوطي :قلبي تفترش💔
جنى تضحك:تستاااااهل 😂😂😂😂😂
جاد:اقلبي وجهك خشي للمحل😒😒😒
جهينى:مززززيته الهم شن عجبك فيها بس😂😂😂
جاد:ع الاقل احلى منكم😍😍😍
انا ضحكت:لا حق احلى ره😂😂😂
جنى فنصت عيونها:هييييي خزي💔
جاد:تعالي تعالي انتِ احسن وحدة بالعالم 😍😍😍
.......
تسوقنا وشرينا هلبا حاجات واني ماخلو شي ماشرهولي بيجامات طرحات عبايات اوشحة برفانات وغيره وغيره ....
جنى:جاااد ياقلبي خوي العسل😍😍😍
جاد شدها من يدها :اللهم سكنهم في مساكنهم بسم الله جيبو شيخ يقرا عليها البنت ملبوسة😖
جنى جبدت يدها:خزززي عليك هذا جازتي لانه ندلع فيك😒😒
انا نضحك:هههههه
جنى:غير هيا وراس جاد خلينا نتعشو في مطعم🙁🙁🙁
جاد:بري قدامي بري 😒😒😒
جنى:خزي😒😒😒
.....
كملنا واخيرا وركبنا السيارة وجنى وجهينى نفخو راس جاد مش يرفعنا للمطعم ورفض روحنا ....
.....
بعد مرور شهر....
.
.
خلاص اعتبارآ جرحي بدي يشفى تعودت ع عيلة محمد هلبا رجعتلي ضحكتي بديت اني وجنى وجهينى هلبااااا صاحبات اني وجاد هلباااا اصدقاء نبصرو ونتسهوكو هلبا مع بعض وكان عجباته بنت يقولي ساعديني ناخد رقمها 🙂🙂🙂جواد في حاله ديما واغلب وقته برا الحوش ياخدمة يامع صحابه عمتي نورس وعمي فيصل يحاولو يعوضني ع الاب والام بس مع هذا الفراغ مزال موجود💔💔💔محمد تعودت عليه نحب نشوفه برغم مانهدرزش عليه بكل ولتوا ماسمعت اسمي من فمه بس مع هذا نحب نشوفه ليا شهر معاهم ولتوا ماشفته يضحك او يبصر نحس فيه شخص باااااارد وماعنداش جو🙂💔اليوم بتطلع نتيجة الشهادة 💔اييي نسيت مهاا من اخر يوم امتحانات معاش قدرت نوصل فيها نتصل مقفل مقفل💔💔
.
.
الساعة 5 م...
.
.
مقعمزين في الصالون كلنا فيصل نورس محمد جاد جواد جنى وجهينى واني  وشادين تليفوناتنا نرعش وقلبي يدق بسرعة ...
جنى تبكي:ياحليلي ياحليلي 😭😭😭😭
جهينى:صكري فمك معاش توثريني😠😠
جواد:جهينى ٨٨%
جهينى نقزت اوووووووه😍😍😍😍😍😍😍😍😍
نورس:الحمد الله الحمد الله الف مبروك يابنتي😍😍😍😍
جنى تبكي:واني واني؟
محمد:٨٧% جنى
جنى تنقز:لولولولولولولي😍😍😍😍😍
نورس تحضن فيهم وتبكي ...
فيصل لمعة الفرح في عيونه ...
انا يدي ع قلبي وندعي ونرعش...
جهينى:وتين ووتين شن هيا
جاد :م ...طلعتلي طلعتلي 😍😍😍
انا ساكتة ومغمضه عيوني...
جاد:لاااااااااااااا
انا فتحت عيوني ودموعي نزلو...
جاد:وتين .....
.
.
هادي حلقة الرابعة اعكوني توقعاتكم ورايكم بالحلقة 😭😭😢😢💔💔