مساء الخير
البارت ٣
#سلاله السكر
للكاتبه قطرات محمد
___________
أجيتيني وبنفسج أنتِ عفتيني
أكثر شيء صعب لمن توادعنا
أحسج ما تعرفيني
أنا تمنيت مثل عطرج التخلي
على أهدومج تخليني
مكسوره من غير أنسان جا المن كسرتيني ؟
جا المن وكل هذا الدمع سويتي يم رمشي
أنتِ البارده بكل الايام وياي
وأني اليحترك دمي على أصغر شيء
أعرفج بعتي عشرتنا
وحزني هواي طول جنه ثورتنا
- أحمد ملآذ
___________
نسرين..
من رفضت حاكم تندمت حيل
اهلي زعلو مني بلاخص ماما كلش تحبه تكول ماكو احسن منه الج ابن حموله ويتحملج
بابا راضيته مااتحمل زعله رجعت حياتنه طبيعي
كلهم رجعت حياتهم طبيعي عدايه احس شي ناقصني مااتحمل بعده معبالي احبه هيج اخر توقعاتي اطلع احبه وبلاخص من دريت عمه دورله على مره متت بيومه الي عرفته هو موصيه على مره يكول تخرجت وتعينت هم يلا اتزوج واستقر متت من القهر يتزوج واني؟؟
صح خذلته اعترف بس مااكدر مااتحمل ياخذ غيري اموت والله بيومه خلصتهه لطم لصبح معقوله يتزوج ياخذ غيري يهونله يشوف غيري لو يعامله مثل ماجان يعاملني لو يصير عندا طفل منه انتحر قبل ليجي هل يوم
كملت امتحاناتي وطلعلي معدل ٨٦
قدمت انقبل اي شي بان ادبي حتى قانون وتربيه E اني اكره لقانون رحت تربيه
ليوم لعقد مال سعيد على جيهان فرحتلهم من كل كلبي يستاهلون كل خير ثنينهم واحد لايگ لثاني
لبست فستان حور البحر قصير يجنن بدون ردن وخليت مكياج خفيف اول مرا اخلي مكياج اكره لمكياج بس حبيت اجرب وشعري عفتا مفتوح على طوله بس رفعته من كدام
اني سافره كلنه سافرات اصلا من دخلنه جامعه يلا تحجبنه كمنا نلبس حجاب مجان اجباري الحجاب بلاخص بغداد عادي تلبسين متلبسين اي ديانه انتي عادي عَلَويه عمريه كلنا اخوه وعادي
حضرت لعقد وكله تصلي على محمد لان طالعه شكل ثاني
اباع لجيهان عيني البارده عليه طالعه تجننن بمعنى الكلمه
نورا جانت لابسه كوستم ازرك بلون عيونه طالعه احلى وحدا بينا كسرت علينا كلنه وبارمه شعره اشكر طويل ممخليه قطره مكياج بس مرطب لشفته وجاره عينه بكحل فقط بس طالعه ملاك هنيال لياخذهه احسده على الجمال والاخلاق والهدوء لشايلته نورا رغم هدوئهه احسه اكثر وحدا راح تعاني بينه ما اعرف ليش
أنت تقرأ
سلاله السكر
Romanceنَطرقُ بابًا عراقيًا بحتًا للبحث عن حقائق مخفيه على محيط العائله فنكشف احداث جديده لا يعلم بهنا سوى ربُ العائلة
