مساء الخير
#سلاله_السكر
للـ كاتبه قطرات محمد
البارت 29
الجزء الثاني
__________
صديت و بالي عتب
ليش الغرور ويه النسب؟
تالينه خشبه و بلكبر
و نتوادع وداع البشر
و يكضك حزين بلا قهر
و يكولك بلايه سهر
شاكيلك ويه الكمر
و انه مثل روج النهر
لا بيه انهد و انتهي
و لا بيه اضل بمچاني
حنيت للـ ماهو الي
و انطر و اكول متاني
شمتاني؟؟
لـ قطرات محمد
___________
دارين..
اليوم نروح لـ بيت اهلي لان ديلان حتزوج ما بقالهه اله ٣ ايام و تزوج محمد ميقبل كوه قنعته اروح هسه يكلي باجر اخذج هسه شنو فرق اليوم عن باجر هو كله نفس الشي التعب الي دحس بي مو طبيعي بس مدكدر احجي حتى بـ علاقتي وي محمد خفت مو مثل قبل ما اتحمل منه كلمه ازعل على اقل شي صايره حساسه حيل واتحسس من اقل شي وهو منتبه الصعده مال الدرج دتهلكني ما اتحمل اتعب بسرعه صدري يكوم يوجعني و كلبي دكاتهه تقوه هو يحس عليهه من اعرك بس ما احجي وهو يضل ياكل بـ روحهه لان هو لح اله غرفته بلطابق الثاني مو بلارضي اندم مرات بس مو بيدي التعب يضهر عليه رغم كلشي ما مقصره ويا لا لبس لا مكياج لا طبخ لا نضافه دائما احاول اكون عند حسن ضنه
لان هو من كل عقله حاط فكره باله بعدني زغيره ما اتحمل مسؤولية زواج اريد اثبتله العكس اما الاطفال ف من اهد سالفه اطفالي الي ماتو و اني اقنع بي على الاطفال و اكُله رزق من رب العالمين و مو كُلهه نفس عمه نور شكد احاول اقنع بي و اراوي صور اطفال و فديوات كاره شكو طفل على وجه الكره الارضيه اشوف من ورا كرهه حتى الله ما يرزقنه بـ طفل كُلهه تتمنى الطفل اله هو حضي المخالف متخبل من السالفه
محمد بـ نرفزه.. يلااا دارين فضينه
دارين.. شبيك يا عيني ليش ضايج
محمد.. ما بيه يلا امشي نريد نولي
هذا طبعه من يسمع اريد اولي لـ مكان يجزعني لـ طلعه تصير زقوم عليه و سم و زقنبوت و كلشي من ورا و من ورا طبعه حتى ما يريدله بشر اي شجاك يا عيني
رحت يمه حضنته و هو مدخن من الضوجه لو بيده يفلش وجهي و اني مبتسمه بـ وجهه مزوده السالفه عليه هو ضايج و اني اضحك
الله موتي يصير رفس و محمد
محمد.. شكو تضحكين
دارين.. حرام اضحك ابطل
محمد.. اي حرام
دارين.. اي شبيك يا عيني ليش كالب الخلقه
محمد .. كالب الخلقه؟
دارين بـ توتر.. قصدي ضايج
محمد.. اول مره و اخر مره تحجين ويايه بـ هل اسلوب رجلج اني مو ابنج فتهمتي
دارين.. هسه شكتلك و سويتهه هوسه عليه بقالك بس تضربني على شنو تره متستاهل
محمد.. توليننننن لو شلون
أنت تقرأ
سلاله السكر
Romanceنَطرقُ بابًا عراقيًا بحتًا للبحث عن حقائق مخفيه على محيط العائله فنكشف احداث جديده لا يعلم بهنا سوى ربُ العائلة
