مساء الخير
#سلاله_السكر
للـ كاتبه قطرات محمد
البارت 31
الجزء الثاني
__________
_____________
(غيرت الغلاف حلو لو لا)
دارين..
كعدت من الصبح ما اعرف انام و محمد مو يمي و هو مموجود بايت هناك ليل كله اتكلب و لا كدرت انام مرتاحه شلون بيه ما ادري شوكت اتعود
اول ماكعدت اتصلت عليه لكيته متصل عليه ٣ مكالمات فائته اتصلت عليه رفضه و اتصل عليه
دارين.. الو ها حبيبي
محمد.. ها دارين
عرفت يمهه مؤمل لو عمه لو خالو
دارين.. وين صرت؟
محمد.. اجينه راجعين بـ الطريق
دارين بـ فرحه.. توصل بـ سلامه يروحي
سديته من عنده و طايره من الفرح يكُلك جاي من مصر مو البصره كعدت مريام و نزلنه جوه تريكنه بس اني و مريام نايمات كُلهن كاعدات
لكيت زهراء تحضر بـ الغده كملت ريوك غسلت الاماعين و حضرت وياهه الغده و البنات ينضفن تغدينه و كملنه بس احنه البنات كعدنه نسولف
كاعدين قريب لـ ٣ و نص اني و مريام بـ غرفتي الي حاطيهه النه اني و محمد بيهه ملابس الي و لـ محمد هم حتى مكياج بيهه يعني غرفه كامله بس اللبس كله مستور اجتي اسل تضحك فتحت الباب
اسل.. اجوووي اجوي
مريام.. اهلي؟؟؟
اسل بـ ضحكه.. اي
ثنينه طافرنه اني و مريام نركض على الدرج اني عمود محمد و مريام عمود مؤمل تريد تعرف شنو سالفته حسيت دوخه صارت عندي ماهتميت لان ركضت
نزلت جوه لگيتهم كلهم بـ الصاله هو فتحلي حضنه حضنته كدامهم عزا يروحي مشتاقتله افيششش يا ريحته
محمد بـ صوت ناصي.. اشتاقيتلج
دارين.. اني الي مشتاقتلكككك
محمد.. شويه و نروح لـ بيتنه تعبان حيل مكسر من الطريق
دارين.. اي حبيبي
كعدت يم محمد و هو حاضن اصابعي بـ اصابعه و يلعب بيهن و هم يسولفون
مريام.. ماما شلونهه البنيه
مؤمل.. سولفيلهه سولفيلهه
نسرين.. و الله يا ماما ماتوقعتهه هيج عبالي متخلفه فكريا طلعت بنيه عاقله و راكزه و ثكيله تحطيهه على الجرح يطيب و مبينه تخاف الله
مؤمل.. الحمد الله سمعت مرتي نضيفه
مريام.. دينطوك اول
مؤمل.. منو كلج ما انطوني
نسرين.. كلولك كبع و اخذ مو معناهه انطوك
مؤمل.. لعد شنو اسم الله
أنت تقرأ
سلاله السكر
Romanceنَطرقُ بابًا عراقيًا بحتًا للبحث عن حقائق مخفيه على محيط العائله فنكشف احداث جديده لا يعلم بهنا سوى ربُ العائلة
