سلاله السكر

البارت 38

مساء الخير
#سلاله_السكر
للـ كاتبه قطرات محمد
البارت  38
الجزء الثاني
_________

ابتسم و كأنك لم تتاذى
كلمه جعلت من قلبي رمادا
مندثرا هائجا
متسماً مصارعاً
محارباً مناضلاً

متى ستصادفني الاقدار بك
و استرسلُ لك مُنايا

متى يَسُرُ قلبك هوايا
بـ ناضريهِ رؤياكَ

متى تقيد  يديك يدايا

متى و متى
و الامنتيات تصبحُ هُزالا

لـ قطرات محمد
______________

دارين..
اجتي فتره نص السنه كملت امتحاناتي و بدت العطله اجتني مريام كالت اهلج حيجون طرت من الفرحه احس الامل رفرف بـ كلبي من جديد ثكيله عليه الكومه و الكعده و المشيه ما اكدر اتحرك ابد

تنضيف صرت اني ما اكدر اتحرك و لا انضف احس الطفل نازل مدري اذا صدُك لو لا بس بطني كبرانه حيل و نازله ليجوه ما اعرف شنو السبب

تجي مريام تساعدني بـ البيت امانه الله البنيه متخليني اشيل الورد كُله هي تنضفه حتى الملابس هي تغسلهن مريام مو بس صديقه و بنت خال و عمه لا هي اخت حتى الاخت متسوي سوايتهه

احس راح املي من الدنيا و اهلهه مرات اكول عليش عايشه اني و بعدين استغفر رب العالمين حرام عليه هيج احجي هذا امتحان و اختبار من رب العالمين كل ما تمر الايام احس ايامي قربت اذا ما اموت اتطلك هو كلي بس تولدين اطلكج بعدلي شهرين و اتطلك الله يهنيك يا محمد ماكول غير هل كلمه و الله يسامحك على كلشي سويته بيه

كاعده فوك مااكدر انزل و لا اتحرك همزين من عدنه عطله ما احط اللكمه بـ حلكي صايره جني مومياء اخرع تجي مريام ناكل اني وياهه شكد حاولت تخليني احجيلهه شبيه تدري و حاسه عليه بيه شي بس اني طبعي كتومه من يومي ما احب اسولف مشاكلي لـ اقرب ناسي صح مريام مو اي احد بس ما احب اسولف مشاكلي طبعي اكتم و اضل اطحن بـ كلبي ما اطلع لـ بكلبي شنو مو نوبا احجيلهه شي يخصني اني و محمد حتى محمد يشلخني شلخ و حق السما محمد

كاعده بـ الغرفه فاتحه الكتاب و دراجع وين اروح حسيت على الباب من انفتح درت وجهي شفته محمد شكد متغير صارلي شكد مشايفته عيوني حجتله لهفه و شوق يكتل نضراته فاضحته مال واحد مشتاق ولهان تقرب عليه و عيونه تلمع وصل يمي كتله

دارين بـ فرحه .. محمد

احسه صحه على روحه سوده بـ وجهي من حجيت لو لاصمه حلكي و ساكته مو احسن الي

محمد بـ برود.. كومي يلا

دارين.. وين؟

محمد.. لمي شكم غرض الج حنروح لـ بيت اهلي اهلج اجوي متردين تشوفيهم؟

دارين بـ فرحه.. لا طبعا اروح

كوه كمت تحركت بس طايره من الفرحه و اخيرا حطلع من البيت صارلي شكد محبوسه بي هو كاعد على الجربايه يدخن و اني دايره وجهي الم بـ الملابس حسيت على خشمي طك دم دائما يطك دم نوبا من يطك ميطك طكه عاديه لا ينفجر بـ الدم يصير ميتلحك عليه و اني كُلش اخاف من الدم بس اشوفه لو افكر بي تموع روحي