مساء الخير
#سلاله_السكر
للـ كاتبه قطرات محمد
البارت 32
الجزء الثاني
_________
يعلويه البخت مبيوك
بس لعيونج انطيته
يعلويه لجمال لبيج
للـ حوريه امنيته
شلت من الترافه انواع
و لجدم خطيتهه
يعلويه الثكل بس يمج و ينشال
و يعبر حدود و يرجع لگيته
يالشريفيه يچنج جنه الله
و صار حلم لكل شريف
يزورهه
انه الشريفيه البگت
من الچنه سبع طيوفهه
انه حفيده سيد الخلق
لـ تتباهه بي كل البشر
لـ تركع و تبين جفوفهه
ميزان العدل يركب
ضهر الخيل و ياخذ
ليه الف من تحيه
لـ قطرات محمد
_________
دارين..
مر اسبوع على رجعتنه من العقد جان ذاك اليوم من الايام المميزه شكد حلو و ناس جدا بسيطين و دره مال الله زواج مؤمل حددوا قبل الدوام و ما ضل لـ دوام غير شهر واحد ف قرروا الزواج بعد اسبوعين كُلنه مخبوصين بـ زواجهم لان صار ركض ركض و مالحكنه نسوي شي و لا نحضر جان على محمد تأثيث غرفتهه و مصطفى السبلت و الثلاجه و خالو الاخشاب حطنه مؤمل و قسم علينه كل واحد شيجيب و هو صفه بس الذهب جابه و نشيان البنيه دفعه
عمه دك على راسهه لان بخيل مينطي رتبوا السويت مالتهه و صبغوا كُله عمه جهزت البنيه من كلشي غير الجهاز مالتهه هي اشترتلهه و خلتهه بـ غرفتهه مثل ما سوت ويانه عمتي دره مال الله اتمنى كون كل العمات مثلهه
صافنه و قطع صفنتي محمد حضني و كلي
محمد.. حبيبي وين صافن
دارين بـ ضحكه.. هيج مو يمك
محمد.. كومي بدلي نطلع
دارين.. وين حبيبي
محمد.. نزور الكاظم اريد اخذج اله ازورج
حضنته حيل و رحت ابدل طايره كلش فرحانه اريد ازور رحتله كتله
محمد.. خلي البنات يجن ويانه
محمد.. خابريهن اذا قبلن كليلهن يبدلن و نطلع كُلنه سوه
طفرت اتصلت على مريام كُتلهه كالت اني اروح و اسل و فنن اكيد يرحن بس اشوف ماما و زهراء و فنار يرحن لو لا
بيبي اكيد تروح شويه و اتصلت عليه مريام كالت كُلنه نروح حاجيت محمد
دارين.. حبيبي كُلهم يرحون
محمد.. زين لعد اني اتصل على مؤمل و مصطفى و اشوفهم يرحون لو لا
دارين.. ماشي
عمه اتصلت عليه كالت
نسرين.. امي دارين حاجي محمد كُليله اني ناذره سفره للـ كاظم خلي نخليهه اليوم فدمرا دتصل عليه مشغول
أنت تقرأ
سلاله السكر
Romanceنَطرقُ بابًا عراقيًا بحتًا للبحث عن حقائق مخفيه على محيط العائله فنكشف احداث جديده لا يعلم بهنا سوى ربُ العائلة
