مساء الخير
#سلاله السكر
للـ كاتبه قطرات محمد
البارت 13
الجزء الثاني
________
شاهده ايامي و ذبولي
الچنت اسهرلك بچي
شاهده دموعي عليه
لـ نزلن بـ عز الحچي
غمضت جفني و لگيتك
بعدك بنص كلبي غالي
ياحبيبي و يانضر عيني
و فرحتي
يا ضحكتي و يا دمعتي
و يا وجنتي
يا جنتي كم كانت الاقمار بك جميلا
كم كنت اباهي بك الخلق تجميلا
امسيت لك قربانا زهيا
ازهِيَتْ بك الخلقُ عليا
حبيتك و من صدگ
و بگلبي ضميتك
و هل ناس لاموني شكثر
من صار الگلب بيتك
كالولي بعدك محب؟
و بعده الگلب بيته
كتلهم شما قسه
يضل النفس ريته
لـ قطرات محمد
_________________
دارين..
كاعده بيبي تحجي وي محمد و اني صافنه على اسل الي تاكل بـ روحه على مريام حسيت بـ مؤمل من دمغني شلون بـ هذا طبعه و لا يبطله
دارين بـ نرفزه...هاا
مؤمل.. وجع وين شارده
دارين.. وين غير يمكم
مؤمل.. دنجبي عود صايره مره و متتحاجه تذكرين من جنتي تبجين مصطفى يكتلج و اني ادافعلج
دارين.. و الله ذليتني ساعه السوده لـ اجيتك بيه ابجي من ذاك لـ يوم للـ يوم انته تعيد و تسقل بـ هل سالفه
مؤمل.. دنجبي مو زين ادافعلج و اذكرج خاف تنسين الطيب و العشره
دارين.. يا عشره يول
مؤمل.. عشرتنه مال اللواكه من تجين تتلوكين كله عمود المصصاصه ام الديج
دارين.. شو ما اذكر هههه
مؤمل.. مريام تذكر لان تجين انتي و مريام جنجن سعالو تتبجبجن
فخريه.. جا وين مريام
دارين..راحت نامت بيبي
احجي و اباع لـ اسامه الي ما انطه اي رده فعل جامد
شجاك
فخريه.. تعاي يبعد هلي تعاي يمي نويره
رحت كعدت بـصف بيبي طبعا انام يم بيبي حتى ملابسي نصهن يمهه مكابلته و كاعده اكثر وحده احبهه بيبي روحي بيه و هي روحهه بيه لان اشبه عمه نور جانت دائما تكول منايه ازوجج من البالي يا هو الباله ما اعرف
أنت تقرأ
سلاله السكر
Любовные романыنَطرقُ بابًا عراقيًا بحتًا للبحث عن حقائق مخفيه على محيط العائله فنكشف احداث جديده لا يعلم بهنا سوى ربُ العائلة
