سلاله السكر

البارت 36

مساء الخير
#سلاله_السكر
للـ كاتبه قطرات محمد
البارت 36
الجزء الثاني
__________

لا تحاربي النساء على رجل
احببته انتي
ان لم يضع هو حدٌ لهن
ف لا حاجه لك به
_________

اسل..
من طلعت زهراء من البيت مصطفى فلش غرفه ماما تفليش
ادري هسه غرفه ماما شعليهه كسر الجام و الطبله ماما تهدي بي و هو ثاير فد مره مؤمل لازمه و هو عروكه ناطه  من الاعصاب اخذه مؤمل و صعده فوك طلع مؤمل ضل هو وحده بـ الغرفه كاعد سد الباب و كعد

ماما تبجي على مصطفى و على زهراء و كعدت تتحسب على مريم الي خربتلهه عائله متخاف الله هي لبنيه صح غلطانه بي صوج اخوي نطاهه مجال لو مينطيهه مجال متدخل حياته وتخربهه بس صوج مصطفى ما توقع هيج رده فعل زهراء عباله هم يدمغهه وتسكت ميدري كُلشي تتحمل المره اله المره

گالت لـ فنن اصعدي يم اخوج صعدت فنن و اني و مريام صعدنه فوك و نيران و فنار يحضرن العشه هو منو اله نفس ياكل بعد الصار

دخلت للـ غرفه نمت على الجربايه اجتي مريام نامت يمي

مريام.. خطيه

اسل.. اني كاسره خاطري شلون سكتت و تحملت كل هل مده ما ادري شنو من طاقه و صبر ربي منطيهه

مريام.. لو اني اطك و اموت اول شي اموته هو و وياهه و نوبه اني اموت

اسل.. عكسج اركعه نعل و اعوفه و اروح شنو قابل احنه عيشتنه على الزلم ضاله عشتو المره اله كيانهه الخاص بيهه هي تصنع حياتهه بـ نفسه مو الرجال يصنعه الهه المرأة عضيمه و مو كُلهه تقدر عضمتهه بس الي يخاف رب العالمين و الواعي يقدرهه

مريام.. ما اكول غير الله يهديهم ثنينهم لج خاف صدوك يجيب هل حيه لـ بيتنه

اسل.. مريم؟

مريام.. شدراني هايه الي جان يحبهه

اسل.. اي مريم ميتزوجه ابويه ميقبل اكيد

مريام.. شكد بطران انت ولد متزوج تروح دور على مرتك شكو بعدين هي ممقصره وياك ما خفت ربك ما كُلت عندي ٤ اخوات لسه و لا وحده بيهن متزوجه و حيجي يوم يصير عندك بنات ما خفت علينه

اسل.. الگلب و ما هوه متكدرين تتحكمين بـ كلبج لو شمهما يكون مدام هي حبه الاول ميكدر يتخلا عنهه و بلاخص اذا جانت عنده هيج فرصه انو يرجعه لـ احضانه

مريام.. و هايه الحاطهه يمه شنو اذا انت هيج تحبه ليش ما اخذتهه شكو اتزوجت غيرهه

اسل.. مسمعتي زهراء كالت مطلقه يعني البنيه جانت متزوجه

مريام.. يا سبحان الله خوش اكتشاف مكتشفته اسو و اني ما ادري
شايفتني ثوله كدامج سمعتهه

اسل.. دولي تعبتيني

مريام.. اني كاسرين خاطري

اسل.. لحي لحي بعد بـ موضوعهم بابا ناس متزوجين بينهن يحلوهه و لـتصدكين مصطفى يطلگهه مستحيل يحبه شنو