مساء الخير
#سلاله_السكر
للـ كاتبه قطرات محمد
البارت 39
الجزء الثاني
_________
ي فرحه هور و مسلطن
من يسمع طواري الناي
يكول بـ كل فخر للـ ناس
هاي الكصبه ترباتي و تعب يمناي!
___________________
دارين..
مره فتره نصف السنه من اجمل ايام حياتي بـ النسبه الي لان ضليت يم عيالي و اهي ضلو اسبوع و رواحو و محمد مدري شعجب بقاني هناك و راح لـ دوام ضليت بين البنات خلصت نصف السنه و رجعت لـ بيتي اول مطبيتله اختنكت روحي طلعت دخلت اني و محمد بدلت ملابسي و كعدت انضف بي كُله رغم ثكيله عليه الحركه بس قابل يضل وصخ صح البنيه مريام كالت عوفي اني اجي انضفه الج بس لا اني الي انضفه خطيه انسكمت ويايه
نضفت الطابق الفوك كُله و عفت الطابق الجوه على ثاني يوم لان مااكدر اتحرك اكثر من هيج
محمد طلع يم جماعته ما اجه غير وقت النومه هو نام بـ الصاله و اني فوك شوكت يحن ما ادري
ثاني يوم كعدت نضفت الجوه كُله و هو نايم كعد من النوم كوه مفتح عيونه كال
محمد.. شدسوين؟؟؟
دارين.. دنضف
محمد.. وينج وين عوفي كلشي من ايدج مو دتجي مريام اتنضف عوفي انتي يلا
دارين.. كملت مابقالي شي
محمد.. كوتلج عوفيي يلااااا
عفته و كعدت و سكتت اني وصلت للـ مطبخ للـ ضهر كاعده اني وين اولي وين اولي كُلت انضف البنكات طبعا اني مابيه اتحرك مو مال انضف البنكات رحت جبت الوصله و الجلافه و رحت اله
دارين.. محمد
التفت عليه بـ معنى شتردين
دارين.. كوم نضف البنكات
محمد.. منو ينضفهن؟؟؟
دارين.. انت!
محمد.. خدام عد الخلفج و انضفهن
دارين.. لعد تهون بيه اني تريد اوكع و اموت
اني حجيت هيج هو تأفأف و كام نضف البنكات كلهن مال البيت الطابق الفوك و الجوه طلع هو للـ حديقه نضفه و كصكص الورد و نضف الطارمه و اني مابيه اشيل روحي و لو بيه ما اخلي هو ينضف بس مابيه
كمل هو دخل للـ حمام يسبح و اني حضرت العشه توقعته حيجي يتعشا بس كـ العاده عافني و طلع
انسدت نفسي عن الاكل لفيت راسي و انطمرت عساهه اخر طمراتي
اسل..
كعدت من الصبح كُلي نشاط و حيويه مو طبيعيه اليوم اشوف احمد عزززا يا عمري بدلت بسرعه بسرعه و نزلت جوه منتضره مريام و فنن يجن لكيت ماما كاعده و بابا كذلك و نيران تسوي ريوك
بوستهم و كعدت عيوني تضحك من الفرحه ماما اشرتلي شبيج
نسرين بـ ضحكه.. عيونج تسولف شكو
أنت تقرأ
سلاله السكر
Romanceنَطرقُ بابًا عراقيًا بحتًا للبحث عن حقائق مخفيه على محيط العائله فنكشف احداث جديده لا يعلم بهنا سوى ربُ العائلة
