مساء الخير
#سلاله_السكر
للـ كاتبه قطرات محمد
البارت 28
الجزء الثاني
__________
قد جُلت بك قصائدي
ف انهارت بك رياحيني المقطعه
ذائقه مراره الفراق مودعه
شاكيه الم الخذلان مصدعه
باكيه انين الروح مصرخه
لـ قطرات محمد
____________
مريام..
كُلش متحمسه صراحه اروح باجر و استشكف اكتشافي الجديد بـ مكانه لو غلطانه
بليل كاعدين و فنن معتزله مصطفى طلع جايبلهه فون جديد و ماخذ هذا فونهه ناقل صورهه و برامجه بـ الفون الجديد احن واحد عليهه هو مصطفى يعني مصطفى شما اوصفه وي فنن قليل بـ حقه يموت عليهه و هي من انطاهه الفون الجديد كامت تبجي و تشهك فضحتنه الزفره
مصطفى.. شبيج ابويه انتي هو فون لو مسفرج جان شسويتي
فنن..ههههه
مصطفى.. وعد عليه اذا تخرجتي من السادس بـ معدل يرفع الراس شنو تردين اسويلج لو تطلبين لبن العصفور اجيبه الج
فنن.. الله يخليك الي
حضنهه مصطفى و يضحك روحهه متعلقه بـ شي اسمهه فنن
دارين ساكته و صافنه رحت كعدت يمهه و اسل و زهراء بـ المطبخ يغسلن الاماعين
مريام.. شبيج يروحي
دارين.. مابيه
مريام.. عليه كليلي شبيج
دارين.. احس عندي خمول صاير مو طببعي
مريام.. خاف حامل
دارين.. لا مو حامل
مريام.. ليش هيج متأكده
دارين.. هو مو حامل
مريام.. دارين ضامه عليه شي
دارين.. لا يمعوده شضامه قابل
مريام.. اكول!
دارين.. لا كلشي ماكو
مريام.. اتمنى اصدكج
دارين.. ههههه تصدكيني و غصبًا ما عليج
مريام.. شبيج گالبه الخلقه
دارين.. اشتاقيت لـ محمد
مريام.. كولي يا الله هو اليوم راح
دارين.. ادري مشتاقتله شسوي
مريام.. اتصلي عليه
دارين.. خاف عنده واجب خطيه
مريام.. اتصلي و شوفي متخسرين شي
دارين.. اكلج صدك
مريام.. كولي
دارين.. شو مؤمل ماكو
مريام.. رايح سفره وي جماعته للـ بصره
أنت تقرأ
سلاله السكر
Romanceنَطرقُ بابًا عراقيًا بحتًا للبحث عن حقائق مخفيه على محيط العائله فنكشف احداث جديده لا يعلم بهنا سوى ربُ العائلة
