مساء الخير
#سلاله_السكر
للـ كاتبه قطرات محمد
البارت 20
الجزء الثاني
______________
أقبل رجعتك بس عندي كومه شروط
أولهن تردلي سنين محسوبه
وثانيهن شبابي الهدر بين أوراق
وسهر ذيـچ الليالي المالهن حوبه
وثالثهن دموعي الصبّن بفرگـاك
على كل دمعه أفصلك فصل منهوبه
____________________
اسل..
صار عقد مصطفى بـ الامام ماقبل يعقد بيت و البنيه كالت عادي بعدين اسوي حفله ف عقدوا سيد و كملوا راحت وياهم فنن طبعا مدللة مصطفى شلون متروح
هو سحلهه و اخذهه ويا هي ماقبلت تستحي
اتصلنه على ماما كالت احنه بـ المطعم ديتغدون
ضلينه نضحك و نسولف شويه و ماما اتصلت عليه كالت
نسرين.. ماما اسو رتبن البيت بسرعه بسرعه راح يجون اهل خطيبه اخوج و خطيبته للـ بيت ابوج عزمهم و بنياتي اريد عشه يرفع الراس و اذا مدبرنهه وصن مؤمل يجيبلجن عشا جاهز و سون حلويات لو كيك
اسل.. ماما كيك عدنه مسوين و عدنه تشيز كيك و جلي نقدملهم
رحت لـ مريام طايره مريام جانت تحجي وي اسامه طلعت طايره ترتب البيت و اني و فنار الي تتلاطم لان مراحت وي ماما دخلنه نسوي حلويات مريام صاحت فنار و ضليت وحدي سويت ضيافه محلايه على سريع و عصاير و جكليت بيبي اخذته عمود تذبه عليهم من يدخلون
شكل خطيبه مصطفى حليوه هو لا فدمرا مو حلوه و لا حلوه هي معانيهه حلوه بس سمينه و سمره عيونه كبار حواجبه بس هي سمينه حيل و سمره وجهه محبب احلا شي بيهه اديهه رغم ابد متنبلع بس اديهه ينبلعن حلوات رسمه اضافرهه حلوه بس مبهذله نفسه مبهذله قُح ممرتبه نفسه
كملنه كلشي تقريبا بـ ٢ و نص ربع ساعه تقريبا و اتصلت ماما كالت حنجي انتضرناهم بـ ربع ساعه هم و اجوي احنه بدلنه و لبسنه احجبتنه و طلعنه منتضريهم بـ الصاله و بيبي كاعده تسولف هي و مريام گلتلي بيبي
فخريه.. كومي اسل يمه جيبيلي الصندوك المطرز
اسل.. بيبي ابو الذهب؟
فخريه.. اي
رحت جبتله الصندوك طلعت منه ملاوي ثنين و كلتلي رجعي رجعت الصندوك شويه و اجوي بابا فرحان طاير من الفرح لان صديقه مناسبه و مصطفى بي شبح ابتسامه مااعرف سببه و فنن مطنكره ماما مبتسمه شفت امهه وياهه و ابوهه بس و هي مرتبه نفسه لا اليوم زين بيه شوفه لو بس شويه تضعف جان صارت حلوه
رحنه سلمنه عليهم و بيبي طشت جكليت عليهم و لبسته الملاوي هي فرحانه و مبتسمه فرحت لـ فرحتهه صراحه ابتسمت بـ وجهه بوسته و بوست مصطفى بوسناهم و دخلوا
ماما اشرتلي يعني حضرن عشه لو لا اشرتلهه لسه بعدنه شنحضر دنيه الضهر وقت عشه هسه
ضلت تخوزر بيه هههههه و الله لو تدري مريام الي مقبلت نحضر عشه يمكن تهلس مريام و تطبخهه مكان الدجاج
أنت تقرأ
سلاله السكر
Romanceنَطرقُ بابًا عراقيًا بحتًا للبحث عن حقائق مخفيه على محيط العائله فنكشف احداث جديده لا يعلم بهنا سوى ربُ العائلة
