مساء الخير
#سلاله_السكر
للـ كاتبه قطرات محمد
البارت 35
الجزء الثاني
__________
انه وحده
چانت احلامي
على كدي
و ضيعتهن!
________
دارين..
محمد تغير عليه فد مره صار ميطيق يشوفني و لا يشوف وجهي كام ينزل ينام جوه و اني انام فوك هو ينام بـ الصاله صار يعوفني وحدي افتقدته و افتقدت حضنه تعامله ويايه كلش بارد يكلك غريبه كدامه مو مرته حتى الغريبه يمكن يحن عليهه بـ نضره اني ابد مر شهر على هل حال و اني نفس حالي اتمنى محمد يرجعلي يرجع لـ احضاني اشتاقيتله و اشتاقيت لـ كلشي بي اكعد بليل اضل ابجي و املخ وجهي بس شيفيد هو هذا محمد اذا قفل بعد هاي هي علمني على حنانه و هسه ديعلمني على قسوته ميصخرني ابد هو يقوم بـ واجبه بـ نفسه يتخبل اذا اني اسويله شي ابد ميرضه حتى غدا و عشا مو يمي حتى من يروح لـ دوام ميخليني اروح لـ بيت خالو يخليني وحدي بـلبيت لـ صبح ما انام اضل كاعده اخاف صح بيتي بس ممتعوده مرات احس بـ وجع بطني بس شسوي قابل بطني برزت
محمد الجفه مالته ذبحني جان عقابه الي الاهمال اهملني فد مره اذا اريد شي اسئله يجاوبني كد السؤال المسواك يوميه يسوك ميخلي نقص بـ البيت ابد حتى اذا اني ما اكله مرات تمر فتره اسبوع احنه منتحاجه ابد و منلتقي يجي من الدوام كبل يسبح جوه و يبدل و يطلع ما اشوفه حد ١٢ بـ ليل من يريد ينام يجي للـ بيت
اشوف لحيته طولانه ضعفان مسومر بس شبيدي عليه ديرفضني ميتقبلني بـ حياته ابد متوقعت محمد لـ هل درجه قاسي كاعده و اتذكر مصايبي ويا سمعت الباب مال البيت نطبكت عرفت اجه
كوه نزلت جوه جريت روحي جر مابيه اصعد و انزل رحت لگيته كاعد على التخم بـ الصاله رحت يمه
دارين.. الله يساعدك
مجاوبني و كأنو ميسمعني نهائيًا كُتله
دارين.. اصبلك غده جوعان؟
رفع وجهه الي باعلي اخذله نضره بـ وجهي ينضرلي كأنو شي مقزز كدامه و خزرني و دنك
تمنيت الموت بـ هل لحظه و لا هايه نضرته صدُك نقهرت عيوني كامت تكت وحدهه
دارين بـ بچي.. حباب محمد مو كافي تعبت ارحمني
محمد بـ هدوء.. اششش هايه دموع التماسيح امسحيهه و ولي من خلقتي يلا
ضليت صافنه عليه و على قسوته ويايه درت وجهي و صعدت بـ غرفتي بجيت لمن كال الله بس
بس شيفيد البجي غمضت عيوني و نمت بـ الكاع على الكاشي بارد و اني احتاج بروده صارت نومتي على الكاشي بدون فراش بس مخده و انام حتى اذا سبلت معلوك
اخذتني النومه و حسيت على محمد من طبك باب الكنتور ضليت بـ مكاني ماتحركت فتحت تك عيني شفته اجه عليه جاب الغطه و غطاني تقرب عليه حسيت عليه راد يبوس كصتي بس دار وجه و راح
أنت تقرأ
سلاله السكر
Romanceنَطرقُ بابًا عراقيًا بحتًا للبحث عن حقائق مخفيه على محيط العائله فنكشف احداث جديده لا يعلم بهنا سوى ربُ العائلة
