سلاله السكر

البارت 37

مساء الخير
#سلاله_السكر
للـ كاتبه قطرات محمد
البارت 37
الجزء الثاني
__________

هنه محد حاس بيهن
تزيد وناتي بـ حچيهن
ذني لچماتك بـ كلبي
بالك تسولف عليهن
__________

دارين..
مرت الايام و الاشهر و محمد على نفس موقفه شكد حاولت ابرر اله و اكُله ميحبني ترا بابا ميعرفني و ما حاجيه ويا هو معاند و مقفل تعبت اني مرت فتره نص السنه و بلشت الامتحانات و اني حيلي رايح قهر و ضيم حاجيت فنار بـ المدرسه تكول لـ مريام تجيني اجتني البنيه همزين من اجتني يمكن لو مجايتني جان طكيت و متت كامت كل فتره و الثانيه تتودد عليه و تجيني كل ما يصير عدهه مجال تجيبلي النواقص الي احتاجهه متدري بينه متعاركين و لا فتحت هل موضوع ابد عبالهه ماعدنه شي و لان حامل مااكدر اتحرك

تعبت كاعده وحدي حيصيرلي ٣ اشهر دخلت بـ شهر السابع اشوف بطني جبيره حيل حيل جبيره و فوكاهه دتأذيني هل طفل حتى ماتمتع بـ حنان اب اله شنو ذنبك يا امي انت ابوك هاجرني كل هل فتره بسبب اعجاب الي يعني الانسان معصوم لازم يصير وي ابوك

البنات مرات يجن وي مريام يشوفن حركه بطني من يضل يرفس يضلن يركصن ههههه
حيل غيرن من نفسيتي من اجن مشتاقه لـ ماما حيل حاجيت مريام تحاجيها الي اريد اشوفه اريدها تجيني هي و بيبي الي ضاله يم اهلي هناك هسه لو تقنع تجي تعيش بيتي عاد اكو نفس ويايه مترضا

دريت بـ زهراء رايحه زعلانه و تريد تطلب الطلاق و بـ الاحرى طالبته بس مصطفى ميقبل يطلك دشوف نفس المعناه دنمر بيهه اني وياهه الله يساعد كلبهه شلون تحملت اشوف مشاكلنه تصير سوه فرحتنه تصير سوه دائما حتى زواجنه صار نفس اليوم خطيه قهرتني حيل لان حبابه ما اله اذيه احبهه رغم مو ذاك التواصل بينه بس حبابه انسانه مأذتني بـ شي بس بـ الخطوبه و الانسان مو معصوم من الخطأ اني وحده من الناس اخطائي راكبه راسي بيهن

بعدلي شهرين و اولد الطفل و اني ابو صده ميصد عليه و يريد يطلگني بس اولد الطفل لو اموت  ما اخلي ياخذهه من حضني لو اموووت و اذا متت حلال عليه

هل فتره كُلهه هو نفس موقفه ما اهتز شعرهه من هل موقف عرفت محمد شنو و عرفت طبعه و شخصيته على اصولهه الي يرشه بـ مي يرشه بـ نار يمكن هو مأذاني ذاك الضرب و الحجي و الشتم بس اذاني بـ اهماله من خلاني حتى اكل ما اسويله ملابسه ممنوع عليه المسهن كد الغسل

صار شخص ثاااني مختلللف تماما عن الي اعرفه مو محمد الي اني اعرفه و لا محمد الي اني حبيته و عشت ويا اجمل ايام حياتي لا مختلف تماما ادري جذبت عليه لان هو سئلني اكثر من مرا و جذبت عليه بس ذاك ما اعتبره لا حب و لا ارتباط لان ماارتبطت بي و لا هو حبني مجرد اعجاب من طرف واحد و جان بـ النسبه الي هوس هيج حتى مو حب

زهراء..
صارلي ٣ اشهر و اني بيت اهلي اخويه حتى ايده يمدهه عليه و يضربني جارعه المر كُله عمود لا ارجع لـ مصطفى عشتو يريد يزوج عليه و يريدني ارجع بطران لو روحي من الدنيا هم ما ارجعله لو هو الهوى الاتنفسه هم ما ارجعله