سلاله السكر

البارت 5

مساء الخير
#سلاله السكر
البارت 5
للكاتبه قطرات محمد
____________

طَشيتهن و تلَملمَن
ولَميتهن وأتطشّرَن
يوم الردتهن مَ لِفَن
ويوم العِفتهِن چودرَن
يَمي وعَليةة تراشدَن
شنهو السَبب ؟
بَس مَ حِچن
جروحي حيل استهتِرن
رِگصن رَگص مِثل الغَجر
هَزن خِصر لا مستحن
مِن چودرَن مَتكترن
صعدن على أَچتافي وَزن
ومَدن على أَفادي غِصن
ودَبچن دَبچ لا مستحَن
حَد الشَجن حَد الحِزن
معدان مِن تحزن بعَد
أَتسودنن وأَتهَسترن '
______________

نسرين..
ثاني يوم من الصبح عمه يمنه اجت ع ماما عمود يتفاهمن ع الزواج اني بقيتها وراهن ميهمني عسى ما يزفوني هسه

الي افتهمته حاكم مستعجل ويريد بسرعه لعقد و لزواج
كالت هذا لخميس لزواج مضلي غر اربعه ايام مااعندي شي مااروح صالون وشي يطلعني قرقوز بلبيت اتمكيج رتبنه لـ وضعيه بسرعه بسرعة طلعت شتريت ملابس وخيطت هم قررت البس للـ عقد فستان سمائي و كاعد وزن ع الجسم يجنن كلش حلو  مرت لايام ركض ركض

ليوم العقد مالتي رتبت نفسي تمكيجت اني مكياج بسيط حيل وشعري عفتا مفتوح لبست الفستان جانت ميسون تساعدني اجتي جيهان و نور صلوات على محمد طالعات يخبلن

نزلت كلهه تصلي و تبارك على محمد عليه افضل الصلا و السلام جيش المهدي كله جاي ضليت صافنه شكثرهن اسم الله

اباع لجيهان متكابله هي و ميسون  و طايحات ردح ركصهن مو بعقل بخبال و الله ذن مو صاحيات حتى حركاتهن بهلوانيه مدري شلون يركصن

شويه و اجت ماما لبستني ايزار صلا و كعدت ورا لـ باب و ميسون فوك راسي لازمه لـ ياس و لـ شكر و غيرهن بعد و تقرا ايات الشيخ يحجي و اني اردد ورا سئلني اذا اقبل لولا كتله نعم احس كلبي طير طاير شعور يجنن انو صرت لـ حبيبي اني هسه صرت ملك حاكم شعور محد يحس بي غير لـ مجربه حلو من تصير باسم شخص طول عمرك تتمنى لو تضل دقيقه وحده يمه كدام الكل و بدون عوارض لو تتمنى نضره منه لو من يزعل تخاف يروح لغيرك لان انت ممسجل باسمه رسمي حلو انو اني ملك حاكم و هو ملكي محد ياخذه مني و لا احذ ياخذني  منه اسمع صوت حاكم لرجولي صوت لخشن احس فراشات كلبي كامت تتراكص احسهن يعزفن و يلحنن بكيفهن و يركصن بداخلي من الفرحه صوت لهز لديوان بي كلمه نعم منه هزت كياني اني صرت اله لحاكم و بس

كلها اجت تباركلي احلا شي باقاربنه ما بيهن عين ضيكه عيونهن مليانه ميكولن  يا اخذهه يا هي احلا منه لو هو احلا منه يا هنيالهم حبه و حصله مااعدهن هل شي

فرحتي ماكملت بـ لحضه لاجت بيه عمه تريد تلبسني ذهب وجه مو ع بعضه ستغربت لعد حاكم شنو؟؟
وين ليش مو هو يلبنسي ليش عمه
فخريه ..عمه لـ ولد عنده شغله ضروريه و طلع ماكدر يلبسج كال انتي لبسيه

نسرين احس امالي كلها تفلشت عرفت جذب لا شغله و لا شي ديعلن الحرب حاكم
اتحملك  حاكم شعندي قابل
لبستني عمه لذهب بس لـ حلقه كالت هو بليل يجي يلبسجياهه محجيت شي