مساء الخير
#سلاله_السكر
للـ كاتبه قطرات محمد
البارت 7
______________________
المَن متاني؟
شعَجب نومَك فِزيز ؟
المّايوَدوله رسَايّل مّو عَزيز !.
تريد تعرف شنهو هن اليوجعني ؟
آنتَ و الدنيه و شته الله
و خبصه الوآدم و حظي ..
و الضيآع المآد رجله بـ وجه عمري !
و الأمآني المدري يآهو البآك بيهن ..
و الليآلي التآخذ من الحيل من تريد تگضي !!
وا لضوه المآ يشتهيني ..
و الهوى المآ يعتنيني !
و السمه الطفت ضوآها
من طفه وجهك بـ عيني !
هن ذني اليوجعني !!
________________
نسرين..
صافنه على الملاك الكاعد كدامي هي طالعه ملاك مو عروسه صلوات على محمد و ال محمد على الجمال الشايلته مو بنيه جمال طالعه بس فرحت هل زواج مكسوره و فرحتهه هي بـ الاخص مجانت تتمنى هيج زواج و لا هذا الي تمنته زوجهه و لا الاجواء و المكان جانت تتمنى هدوء و الاهم من كل هذا العريس مو نفسه لـ رادته
لـ يوم زواج نورا من استاذ ميثم
استاذ ميثم بعد ملحه الاستاذ و روحته و ردته علينه وجان رفض نورا قطعي حتى اجتنه زوجته و هي بـ نفسه خطبته لـ زوجه بس نور مقبلت جانت تبجي دم مو دمع من يجي الليل بسبب بشار بشار اختفه و اختفت اخباره ويا و حتى اهله كطعوا
ورا فترا قريب لـ ٧ اشهر اجت امه و ابو و اخته زهراء كلنه مستغربين جيتهم جان الوحيد لـ فرحان بجيتهم رغم استغرابه نور الدنيه مشايلته بس هنه وجوهن تنكط سم و حقاره سبحان مغير الاحوال
فخريه.. كل الهلا بيكم داده زارتنه البركه
ام بشار.. بيج اكثر عيني ام حاكم
فخريه.. شعجب لـ يوم بـ بغداد صار فتره طويله مجاين
ام بشار.. اي و الله خيه حگم علينه بس تعرفين ملتهين بـ خطبه بشار خطبناله مره و اجيت ابشرج بـ بشار هو هم مثل ابنج و اكيد تفرحيله
فخريه بـ فرحه... يا الف مبروك يستاهل بشار منه المال و منهه العيال منيه خطبتيله
ام بشار.. مو غريبه خيه بنت ابو محسن حمانه لـ زغير بعدهه بنوته و حليوه تلوك لـ وجه بشار
نسرين...
ستغربت هايه شبيه تحجي و تباع لـ نور بـ حقاره غسل لفج و لف ابنج عارات اخر وكت امداكم
صدك نقهرت اباع لـ نور مصدومه محجت حرف واحد جانت ردت فعله غريبه ساكته و الاغرب من هيج ضحكت و كالت لـ ام بشار
نورا .. الف مبروك يستاهل بشار باركيله نيابه عني و كوليله فرحتله من كل كلبي منه المال و منهه العيال زواج الدهر ان شاء الله
ام بشار.. يوم الالج و نفرح بيج
نورا بـ ابتسامه .. عن قريب ان شاء الله
أنت تقرأ
سلاله السكر
Romanceنَطرقُ بابًا عراقيًا بحتًا للبحث عن حقائق مخفيه على محيط العائله فنكشف احداث جديده لا يعلم بهنا سوى ربُ العائلة
