سلاله السكر

البارت 23

مساء الخير
#سلاله_السكر
للـ كاتبه قطرات محمد
البارت  23
الجزء الثاني
______________

ضحك و الحچي فز بيه يرثي
سمارك ماخذ من الثوره ثوره
ضحكتك ضحكه السبعين غنوه
فدوه  نروحلك كل احنه فدوه

لـ قطرات محمد
__________

بعد مرور شهرين..

مريام..
بـ هل شهرين شبعت ضيم القرايه هل شهر حمتحن و اخلص ما اصدك مبتعده عن البيت و حابسه روحي بـ غرفتي و اقره حتى اسامه مبتعده عنه و ما ادري بي وين ما وين كل يومين لو ٣ احاجي شويه و اسده مو مال اطول ويا لاحكه عليه اله مستقبلي بس هل ايام كدامي وراهه يضيع مستقبلي اذا ما شديت حيلي هنا هل ايام و تخلص

زهراء حاطه كورهه و كور فنن منتبهتله بس مو مال احاجيهه مالي خلكهه ابد بس من تزودهه فد مرا اروح اعيط بيه هي تخنس هي هم مسترجله لان لا ماما تحاسبهه و لا اني فوك راسهه بس اسل و فنن و ذن ثنينهن يخافن ميحجن اسل تخاف من المشاكل و فنن فقيره و فنار متكدر تدناله زهراء لان فنار خط احمر بـ البيت تفضحهه فضيحه و الله

جانت زهراء تشتغل لـ مصطفى اختك هيج و اختك هيج ادري بيهه بس مغلسه عنهه بس و القران اذا صار شي لـ فنن اله اكطع زهراء تكطع

فنن..
هل شهرين كلبي انشلع كلساع و زهراء طالعتلي بـ سالفه صفح جنت كاعده يم بيبي جوه مصطفى اجه من الدوام صاحني لـ غرفته كمت ورا ستوني اريد اطب اسمع زهراء تكله

زهراء .. اختك ما اريدهه تطب غرفتي

مصطفى .. شنووو؟؟

زهراء ... اختكك متطب غرفتي

ما هيس غير مصطفى مكطعه تكطع طبيت للـ غرفه اريد اوخرهه عنهه ميتوخر ملخهه تملخ و هي غير تسكت

زهراء.. قرد حيوان كدرتك عليه ابو البنات

جانت وي كل كلمه مصطفى يزود عليهه يملخهه تملخ

صعدت ماما تركض بيبي ما بيهه تصعد تصيح من جوهه

فخريه.. ولك يمه عوفهه راح تموت البنيه بين اديك عوفه

اني و ماما نجر بـ مصطفى و هو ميتوخر شكو شي بيده يضربهه بي

اسل و مريام واكفات على صفحه ماما صاحت بيهن يوخرن زهراء

مريام.. عوفي يأدبهه هايه ممتربايه بيت اهله

زهراء.. تربيتي تشرفج

مريام.. استلمي يمه
مصطفى خاف تعبت اني مكانك

خاف جنه بـ واحد صرنه بـ ثنين ماما طلعت اسل و مريام و سحبت زهراء من مصطفى و زهراء تعد و تصف حد ما ماما صاحت بيهه

نسرين.. ادبسززز ما خليتيلي قيمه
كدامج و تغلطين على ابني

زهراء.. هو ما محترم نفسه