مساء الخير
#سلاله_السكر
للـ كاتبه قطرات محمد
البارت 17
الجزء الثاني
____________
انا اسف ي رب الكون
امس وازاني شيطاني
امس للـ غيم واصل صوت كفراني
انا امس!!!
جبت الكاس لـ حضاني
امس حتى الحبيبه تكلي ما ريدك
چي ما امشي مثل الناس
لك راحت دورت ثاني
انا امس امس!!
عافوني صحباني
_________________
اسل..
اسمع ماما تصيح من جوه علينه
اسل..ولج مريام استعجلي ماما خبصتنه مسمعين طرمه
مريام.. وجع مو دشوفين دحضر بالملابس تعالي ساعديني لو عايفته كوله عليه عليج بس تكشخين
اسل.. لا تمنين عليه ديلا فضينه
مريام بـ عصبيه..تعالي انتي لمي الملابس ويايه لا ونبي اشمرهن كلهن عليج فهمتي لو لا يلاااا
رحت طايره وياهه نلملم بـ الملابس بسرعه بسرعه لـ يوم عقد محمد و دارين صدمه صارت للبنات احنه لان كلنه ندري بيهه راح ترفض و حتى خفنه من اهلي يتقدمون خفنه من رده فعلهه شنو و ماردنه محمد ينجرح
لان محمد اذا نجرح يحقد و شخصيته متحزر رده فعله و الي كتشفته من اصراره و الحاحه عليهه هو يحبهه و احس بس بيبي و ماما و عمه جيهان يعرف السبب الي يخلي متمسك بيها هلكد احنه مندري
بابا حاچه خالو سعيد و خالو كله احاجي جيهان و اخليهه تسئلهه اذا قبلت يزوجون على بركه الله و تم السالفه و اذا ما قبلت هو كلشي قسمه نصيب
بيبي راحت وي دارين عزيزه كلبهه شلون متروح وياهه و ماما خابرت بيبي و كلتله و بيبي رحبت بـ الفكره كلش بس طبعا بـ موافقه دارين اذا دارين مموافقه ممنوع يصير شي
هذا جان قرار بيبي الي ستغربنا انو اول ما حجو اهلي ورا يومين اجانه الرد بـ الموافقه اني و مريام و فنن جنه متاكدات على الرفض حتى ديلان و نورا
نورا تكول ليش حابين تفشلون نفسكم اختي و اعرفه و هذا جان مخوفنه بس بـ ردهه بـ الموافقه صدمتنه كلنه
اتصلت عليهه و حاولت افهم منهه ليش قبلت و هي جان ردهه انو عادي ابن خالو و ابن عمتي بـ نفس الوقت ما الكه احسن من هيج نصيب
نسرين.. اسل و مريام و الله و الله اذا ما نزلتن هسه لـ عوفجن و اروح تعبتتتتني انزللننننن فضني يلااااااا
عزا ماما تصيح مريام شالت الجنطه و طارت و اني وراهه لزمت كعبي بيدي لان هسه انجبح بي اذا البسه فوك و اركض الدرج لا اصير فلم صيني مو بس هندي
نزلنه لكيناهم صاعدين بـ سيارات و منتضرينه لبست حذائي بـ السياره و مريام تعيب عليه
صارت كعدتنه اني و بابا و ماما و مريام و فنار سوا
أنت تقرأ
سلاله السكر
Romanceنَطرقُ بابًا عراقيًا بحتًا للبحث عن حقائق مخفيه على محيط العائله فنكشف احداث جديده لا يعلم بهنا سوى ربُ العائلة
