عشق حمزة

الفصل السادس

قد تتسم بعض الافعال بالتهور و الجنون و بعضها لا يحق لنا ان نفعله ولكنها ايضا تكون كقطعة الشيكولاتة التي تذوب في فم لا تنقطع مرارته

"اسامة منير"

_ عاااااااااااااااا ماااااااااماااااااا عااااااااااااااا

انتفضت الام وهرولت للداخل فزعة آثر صراخ "ايلين" المفاجئ وقد خيل لها انها اصابها مكروه
ليسقط قلبها من موضعه هلعا ...

وسرعان ما ادارت مقبض الباب لتفتحه بقلب وجل ولكنها توقف بموضعها تلتقط انفاسها يحاول عقلها فهم ما يدور حولها وقد وجدت "ايلين" تتمد على الفراش بخير ليس بها مكروه وقد ناظرتها بهدوء تام

ورغم ذلك هرولت الام تجاهها تتفحصها بريبة لتهتف بقلق :- مالك يا ايلين .. !! دراعك بيوجعك .. حصلك حاجه ..!!

نفت "ايلين" برأسها بهدوء وكأن شئ لم يحدث للتساءل والدتها بشك :- لما هو مفيش حاجه وجعاكى ولا حصلك حاجه كنتى بتصوتى ليه .. عندك فراغ قولتى اصوت شويه مثلا ..

القت كلماتها الاخيره بضيق من صراخ ابنتها المفاجئ دون سبب ولكن "ايلين" ابتسمت بالمقابل لتعتدل قليلا تجذب انتباه والدتها تجاه الهاتف عندما هتفت بحماس وابتسامة واسعة :- معاكى حق انا فعلا عندى فراغ وكنت زهقانة ... بس من حظى القمر لقست لعبه جاااامده ... اللعبة دى تندرج تحت عنوان كل لما تصرخى اكتر تكسبى اكتر ههههههه والله بجد حلوة اوووى وكنت بجربها وكسبت اول ليفل فيها
تاخدى تجربى ..!!اهو تطلعى الكبت اللى جواكى فيها ههههههههه

( اللعبة اسمها ScreamGoHero وهى عبارة عن كائن صغير بيتحرك بالصريخ او الصوت العالى عامة ،، حملهوها بأمانة مسخرة وفيها كمية ضحك للركب وحاجه آخر تفاهة 😂😂 مع تنبيه بسيط لأى حد يجربها هتتهان من اهلك زيى بالظبط 😂😂)

اعادة "ايلين" تشغيل اللعبة مرة آخرى تحت انظار والدتها المتعجبة لتصرخ الاخرى عدة مرات متتالية ليتحرك ذلك الكائن الصغير ذو العصبة الحمراء فوق رأسه وكأنه احدى مقاتلى النينجا ،، ولكنه بالنهاية وقع فى الفراغ لتصرخ "ايلين" بشكل اعلى حتى يقفز ذلك الكائن لينجو لكنه وقع ليموت

لتنهرها والدتها بضيق وغضب طفيف من تصرفات تلك الحمقاء ،، لتهتف بضيق :- انتى يا بت مش هتبطلى تنكشى عالمصايب مش كفاية وقعتى وكسرتى دراعك من يومين بس ..!! و دلوقتى بدل ما ترتاحى وتتعظى من اللى حصل وتبطلى جنان ..
قاعدة تلعبى وتصوتى عالفاضى .. !!! يا شيخة اعمل فيكى ايه .. !!

تمتمت "ايلين" بتفكير قليلا ولكن بصوت مسموع :- بصى انا اقولك عالحل ... انتى تتبرى منى وترمينى فى الشارع .. امممم لا بلاش الشارع انا مش وش بهدلة ... انتى تحطينى فى ملجأ لالالا ملجأ ايه بس اكلهم وحش .. باااااس لقيتها انتى تجوزينى ... اه اسمعى منى انتى تشوفيلى عريس كدا زى بتاع الروايات ...طويل كدا ولا اجدعها نخلة .. وعريض المنكبين .. وعنده عضلات ومز ممزمز فنفسه كدا وليه هيبته وياا سلام بقى لو عيون ملونة يااااه يأاخى تبا لأحلام البسطاء ههههههه