عشق حمزة

الفصل الثانى عشر

‏مُر بي حُبًا،ازِل المُرّ عني ♡♡

سحبها احدهم بغتة الى ركن مظلم بعيدا عن الأعين ليكمم فمها حتى لا تصرخ وتجذب الإنتباه ..
ولم تكن سوى "ياسمين" التى قالت بخفوت :- لقيت سلم تانى فى آخر المول ... نقدر نمشى منه نروح مشوارنا من غير ما حد ياخد باله بس يلا بسرعة قبل ما يلاحظوا غيابك ..ويلحقونا

جذبتها والآخرى تهرول خلفها وهى تلتقط انفاسها
من فزعتها وقد كان بالأسفل سيارة آجرة بإنتظارهم
لتقلهم

وبعد نصف ساعة هبطوا من السيارة فى احد الأحياء الشعبية الهادئة نوعا ما ..
اوقفت "ايلين" احد الأطفال لتسأله عن احدهم وقد دلها على الشخص المنشود وبعد عدة دقائق طرقت الباب المنشود ليفتح شاب فى العقد الثانى ذو قامة قصيرة ويرتدى نظارة طبية ليعقد حاجباه بتساؤل قائلا :- اى مساعدة يا اساتذة ..؟!!

تقدمت "ايلين" لتتساءل بتعجب :- انت مش فاكرنى ولا ايه يا إسلام ..!!؟

هز رأسه بالنفى تحت تعجبه كونها تعلم اسمه ولكنها لم تهتم ودفعته لتتقدم للداخل قائلة بغيظ :- انت لسه هتسهم .. وسع كدا خلينى اريح رجلى اللى مبقتش حاسة بيها دى ..!

جلست على اول اريكة قابلتها وكذلك فعلت "ياسمين" فهو يقطن فى الطابق الآخير من البناية

وبعد ان إلتقطوا انفاسهم بادرت "ايلين" باخراج جهاز الكمبيوتر المحمول الخاص بها من الحقيبة لتضعه على تلك الطاولة الصغيرة امامها تتحرك اصابعها بخفة على الازرار وبعد عدة دقائق وصلت الى مرادها لتدير الجهاز جهة "إسلام"

لتبدأ حديثها بهدوء :- ركز معايا فى كل حرف هقوله انا محتاجاك فى شغل مهم جدا حياتى واقفة عليه

نظر لها بعدم فهم لما تتفوه به وهز رأسه بيأس لعدم تذكره من هذه ، زمت الآخرى شفتيها بغيظ تردف بتساؤل :- هو رأفت مكلمكش عن شغلك معايا ..!؟؟
مقالكش انى راجعة أعيد امجادى من تانى ..؟!!

نفى برأسه لتطرق كفيها بحسرة :- عملها رأفت ..
عملها رأفت ونسى اللى انا قولتهوله .. منك لله يا رأفت .. اشوفك مخبوط فى صباع رجلك الصغير

زفرت بقوة لتبدأ حديثها مجددا بهدوء :- نقول من الأول .. انا إيلين الجارحى .. لو مش فاكر .. من حوالى تلت سنين .. كان فى رجل اعمال مهم على القايمة ومطلوب اننا نوصله للجهات العليا .. وقتها انت ساعدتنا نقدر نوصله ومن وقتها رأفت باشا عاملك ملف للطوارئ .. او الحالات الخاصة اللى زى دى ..

اومأ لها وقد تذكر وحديثها صحيح فلا احد يعلم بذلك سوى الأقلية ،، اكملت بهدوء :- جه الوقت اللى نحتاجك فيه تانى .. ياريت تركز فى اللى هقوله
ويفضل بينا احنا التلاتة .. انا ممكن اعمل الشغل اللى هكلفك بيه بس للأسف هيكون عندى حاجات تانية أهم اعملها والهبلة اللى جمبى دى مبتفهمش اى حاجه فى الهاكر والبرمجيات .. لولا كدا مكنتش ازعجتك ..