Wala silang kapa, walang kapangyarihan
Ngunit marami na ang natulungan
Sa oras na ito, malayo sa pamilya
At kanilang buhay ay nakataya
Hindi lumilipad, wala silang pakpak
Ngunit parang mga anghel sa lupa'y tumapak
Nagsisilbi, naglilingkod ng taos-puso
Silang modernong bayani ng mundo
Ang lahat sa kanila'y sumasaludo
Mahirap man at delikado
Nagbibigay pa rin ng serbisyo
Para sa kapwang nangangailangan
Handang isugal ang kanilang buhay
Sa kalabang hindi nakikita
Sandata'y pananampalataya
Sa nag-iisang Diyos ng mundo
Sama-samang mananalo
BINABASA MO ANG
Poems of Lilaurcas
PoetrySamu't saring tulang sa puso't isipan ko nagmula. Nawa'y inyong magustuhan! Ingat!
