ملاك بعيون الشيطان

الفصل الرابع عشر

ملاك بعيون شيطان
الحلقة الرابعة عشر
🌹🌹🌹🌹🌹🌹
المؤمن لا يُلدغ من جحر مرتين ولكن منى تابعت الشيطان علاء مرة آخرى ولم تحفظ ستر الله عليها وزواجها من مروان وغرتها نفسها الأمارة بالسوء .
منى بغيظ تقف لتصرخ فى وجه مروان ،،،،أنت إيه البرود ال أنت فيه ده ، مش بكلمك ومفروض ترد عليه ؟؟
مروان بهدوء أوشك على الأنفجار....عايزة إيه من الآخر يا منى ؟
منى ...طلقنى .
فوقف مروان والشر يتطاير من عينيه ،فتراجعت منى خوفا ،ولكنه أمسك بها من ذراعها ولفه بقوة خلف ظهرها ،فتألمت
منى متألمة...سيب إيدى حرام عليك.
مروان بسخرية..حرام عليه أنا ، بس أنا فعلا ال غلطان إنى سترت أنسانة زيك وسبت إنسانة مكنتش تتمنى فى الدنيا دى غيرى ودى جزاتى لما سبتها ، حسبى الله ونعم الوكيل ، روحى يا منى إنتِ طالق بالتلاتة كمان ، وأنا عارف إنك عايزة تطلقى ليه ، فيلا لمى هدومك وأجرى عليه ، بس يا بنت الناس لو كان نفعك أول مرة ،كان نفعك دلوقتى ،بس أنتِ تستهلى ال هيحصلك منه تانى ، بس ساعتها متجيش تانى وتقولى ألحقونى .
أرعبتها منى كلماته وفى لحظة كانت تود لو ترتمى على قدميه تُقبلها ويراجعها لعصمته ولكنها أبت إلا الضياع واحتلها الكبر ، وأسرعت فى جمع ملابسها لتخرج إلى مصيرها المجهول.
منى بقلب تتسارع دقاته ..الووووو يا علاء.
علاء بخبث ..قلب علاء.
منى....خلاص يا علاء أنا أطلقت وسبت البيت ، ويارب تكون المرة دى قد وعدك ليه ومندمش إنى هديت بيتى بإيدى .
علاء بضحكة محاولا كتمها...لا عمرك مهتندمى وأنتِ معايا .
ده أنا محضرلك مفاجأة ،هتبسطك على الآخر
منى ....بجد يا علاء ، وإمتى هعرفها ؟
علاء....لو تحبى النهاردة يا قلب علاء
منى...ماشى هاجى فى نفس معادنا .
وما أن أغلقت الخط حتى سارع بالأتصال برجل آخر
الرجل بجدية....إيه يا عم علاء ، بتتصل ليه ، قلتلك مفيش فلوس ،غير لما تجبلنا حد جديد ،السوق نايم والباشا غضبان علينا .
علاء...منه بكلمك عشان كده ، معايا حتة بس إيه جامدة ، وصحة ، يعنى تنفع فى كل طلباتكوا .
الرجل...بجد ، طيب أشوف وعاين ، ولو طلع صحيح ، هروشك قرشين تمام .
علاء...صحيح ، بس تملى الجيب المرة دى ، عشان تفتح نفسى ،اظبطك سبوبة جديدة.
الرجل....تمام
....قامت منى بالإتصال على صديقتها شيرين
منى ....شيرى حبيبة قلبى عاملة ايه؟ وحشانى.
شيرين...بخير حبى وأنتِ وحشانى كتير.
منى ..بقلك متيجى نخرج سوا النهاردة ، عايزة أكلم معاكِ فى موضوع كده وقلقانة .
شيرين.....خير ؟
منى......مش هينفع فى الفون ،لازم أشوفك .
شيرين...منتى عرفة أبلة نجاة ، مش بترضى تخرجنى .
منى...معلش أتحيلى عليها ونزليلك دمعتين كده ،هتلين وتوافق.
شيرين ..ماشى هجرب .
منى....خلاص هقبلك عند محل عصير القصب على أول الناصية هخدك ونتمشى شوية الساعة ستة .
شيرين...خلاص ان شاءالله لو رنيت عليك ِ الساعة خمسة ونص يبقى وفقت وهنزلك
منى..تمام ،سلام .
منى محدثة نفسها.اعمل ايه ؟ قلقانة وعايز أكلم مع أى حد يضيع الوقت  قبل مقابل علاء ، الانتظار صعب ، يا ترى محضرلى إيه مفاجأة ؟ ممكن عايز يفرجنى على  شقة ال هنجوز فيها !
شيرين مقبلة وجنتى نجاة بحنان
نجاة بأبتسامة ...خير يا أخرة صبرى ، عرفاكِ لما تعوزى حاجة ،لازم تعملى الشويتين بتوعك دول.
شيرين برجاء...هخرج ساعة بس مع صاحبتى منى ،نتمشى شوية ونرجع .
نجاة بغضب..لا مفيش خروج ، يبنتى الدنيا وحشة بره وأنتِ متعرفيش الناس ، لو عيزاكِ تجيلك هنا ،ملهوش لزمة الخروج .
شيرين بإلحاح..معلشى المرة دى بس يا نجوتى حبيبى وساعة بس مش هتأخر أوعدك ،عشان خاطرى.
وفعلا وافقت نجاة على مضض بعد تحايل شيرين المستمر عليها ونبهت عليها ألا تتأخر كثيراً وتنتبه لنفسها .
وفى المعاد قابلت منى وعناقتها بحب وأخذوا يتبادلان الحديث وهما يسيران فى الطريق حتى كادوا يصلوا إلى المكان التى ستقابل به علاء .
ولم تعلمها منى عن مقابلتها لـ علاء حتى لا تنهرها عما تفعله .
شيرين...يااه الوقت جرى وزمان أبلة نجاة قلقانة عليه ، واحنا مش هخلص لوكلووووك لوووكلوك ، كفاية كده ، يلا سلام .
ولمحهما فى هذه اللحظة علاء وكان يصاحبه رجلان .
علاء...إيه ده ؟ أهو دى ال قلتلكم عليها ،بس معاها وحدة ،معرفش فين ؟
الرجل...زيادة الخير خيرين ، ونشيل الأتنين ونقبضك أكتر
علاء بفرحة...ومالو، البحر يحب الزيادة.
فترجلا من السيارة كلا من علاء ومن يصاحبهما حتى أقتربا من منى.
علاء....منى حبى ،وحشتينى .
شيرين..مين ده يا منى ومين ال معاه
منى بتلعثم..ده .....
ولكن لم تكمل كلمتها وبدء الرجلان بنثر المخدر على وجههما فغابوا عن الوعى وبسرعة تم نقلهم إلى السيارة .
وتمت عملية الخطف بنجاح لتواجه كلا من منى وشيرين مصيرهما مع تجار الرقيق والأعضاء المتمثل  فى عدى وفراس وفواز ( مافيا )  بعد نقلهما إلى لبنان .
*********