Sunsets and Heartbreak

Kabanata 17

Kabanata 17

Bumalik kami sa inn namin pagkatapos naming manuod ng sunset. Inaya ko rin siya na manuod sa sine rito dahil may nakita akong Island Movie Theater. Hindi siya katulad sa mga sinehan sa mga mall, pero mararamdaman mo pa ring ganoon dahil may kasama ka sa sinehan at madilim sa loob. May nagtitinda rin ng mga popcorn at ibang mga pagkain.

Bumili kami ng pagkain namin at si Greg ang nagbayad niyon. Nagpresinta akong magbayad pero hindi niya pinansin ang perang binigay ko. Ako na lang daw ang magbabayad sa kakainin namin bukas kaya pumayag ako.

Isang romance movie ang pinapanuod namin. Napanuod ko na ito pero hindi pa rin ako nagsasawang panuorin ito. Gayunman, nakokornihan ang kasama ko. Wala yatang kilig sa katawan.

"Hey boy, do you want to join us later?" Dinig kong tanong ng isang babae. Hindi ko lang alam kung sino ang kausap nito dahil hindi ko pinapansin. Malapit lang kasi sila sa amin kaya kahit magbulungan sila ay maririnig namin.

"Hey, we are talking to you!" The girl said in a flirty tone. I looked at her and she's touching Greg's arms. Kay Greg pala ito may pagnanasa at may pahawak hawak pa siya. Grabe ba ang pagkamatipuno ni Greg at hindi nila mapigilan?

Tinititigan ko ang katabi ko pero hindi niya pinapansin ang mga babaeng kumakausap sa kanya. Iniwas lang nito ang kamay niya at nilagay niya naman ang kaliwang braso sa beywang ko. Pinatong niya pa ang baba niya sa kanang balikat ko kaya nagulantang ang mga babae. Tinignan ko sila isa isa at nahihiya ang mga ito kaya umalis na lang.

Apat na lang kaming natira dito at magsyota pa yata ang dalawa. Magkaholding hands kasi at ang sweet sweet pa nila.

I removed Greg's arm because the girls already left and so we don't have any problem now. It's also awkward because I am hoping so bad to have something... on us. That, he will not think of me as his younger sister but... a lover. That, I am different and he doesn't have to compare me to the other girls in terms of beauty or body.

"Wala na 'yong mga babae. Tuwang tuwa ka naman sa pagsandal sa balikat ko. Nagsasawa na sila sa'yo," biro ko sa kanya para may matopic dahil hindi naman yata nanunuod.

"Hindi sila magsasawa sa akin. Ba't sila magsasawa sa akin? 'Yong may ari nga nito hindi..."

Inirapan ko siya sa sinabi niya.

"Bakit hindi mo pala pinaunlakan ang mga babae na 'yon? Sayang din, tiba tiba ka na sana... Tsaka iyong kanina na malapit sa inn, sayang din ang mga iyon. Ang sesexy at ang gaganda!"

Ngumisi lang ito at tumingin na sa harap na pinapanuod namin. Greg is known for being a notorious playboy. I have researched that on the internet at halos malula ako sa dami ng ex niya at mga babaeng naghahabol sa kanya. May mga babae pang nagsabunutan dahil mang aagaw raw ang isa habang sila pa ni Greg. At ang yabang, wala man lang aksyon na ginawa!

"I remember... you said that you have a girlfriend here right? Ba't hindi mo pa pinapakilala? Kaya ba sumama ka sa akin dahil kikitain mo?... At siguro naman hindi ka bibigyan ng Papa mo ng madaming trabaho para mastress ng ganyan. Stress ka lang siguro dahil LDR kayo ng girlfriend mo."

"Yes, LDR kami. I've been missing her that's why I want to go here in Siargao. She loves this place that's why I followed her here. One month is too long for us not to see each other and I've been longing to touch her even in just seconds." Nakatitig siya sa akin habang binibigkas ang mga salitang iyon.

Whoever is the girl, she is lucky. She's lucky for having Greg dahil sinundan pa siya rito sa rasong gusto niya rito. Who would do that? A rare man who loves his girlfriend. Gagawin ang lahat para sa'yo, ang peg niya. At kung gano'n, bakit pa siya nandito sa tabi ko? Hindi ba dapat nagsasama na sila ng girlfriend niya? At ano na lamang ang sasabihin ng girlfriend niya kung nakita niya kami sa ganitong posisyon? Maunawain ba ang babae kaya kahit ganito hindi siya magagalit?