و لربما هناك قصه غير متكمله ؛ قصه لم تولد من رحم الحب بل رحم الوهم ..
قصه كاذبه ستكسرنا ثم تبنى لنا ف ضفاف العشق قصه اخرى لربما تنجح و لربما الفشل هنا يرافق قلبينا ي عزيزي ..
نون:(كنتا بعاين للناس و الجوطه .. كلهم فرحانين بس ف حاجه ناقصه .. م ح انكر اني فرحانه شديد و انو اخيرا ح اعقد ع الولد الطول عمري بحلم بيهو ؛ بس ف شى .. ف حته جواي بتقول لي اهربي و انا "اتجاهلتا" ..)
فجأه صوت الزغاريد ف كل مكان ..
و صوت عالي بقول " ي جماعه عقدووو ..."❤️
كنتا قاعده ف الغرفه و متوتره شديد فجأه دخل سيد الرجال❤️
لابس الجلابيه البيضه و عيونو بتلمع من الفرح ..
نون:(وقفتا و كنتا ببكي ..)
راشد:(جا حضني قوي و همس لي ..)اخيرا بقيتي حقتي و لى ❤️بت عمي و اختي و حبيبتي و مرتي❤️ربنا يخليكي لي ي احلى نون ف حياتي .❤️
بعد 3 سنين :
نون:راشد .. ي راشد .. قوم الاكل ياخ انا ح اتأخر ع الجامعه
راشد:(دخل المطبخ ..)صبااح الخير ي حلاوه
نون:صباح الخيرات❤️
راشد:الليله ح ترجعي كم
نون:3 كده ..
راشد:تمام
نون:(سمعت صوت يوسف ببكي ..)اهو ولدك صحا زاتو ..(و مشت غرفتو شالتو و بقت تلعب معاهو ؛ راشد دخل باسهم الاتنين و طلع ..)
نون:يلا ي يوسف حبيبي خليني ألبسك عشان تمشي تقعد مع حبوبه و انا امشي الجامعه ؛ ح تسمع الكلام صح❤️(فعلا لبستو سريع سريع و جهزت ليهو حاجاتو و مشت لبست ليها عبايه عاديه و طلعت طوالي ..)
نزلت تحت لأم راشد ، دخلت سلمت عليهم و طلعت طوالى تلحق محاضرتا ..❤️
في الجامعة: -
نون: صباحو حبيبي 😘❤️
نسمة: كأنك اتاخرتي الليلة 😐
ماهر: يامزة شنو لكن مستنينك من قبيل
معلش معلش بس عارفين شغلة البيت وراشد ويوسف اووف بس... 🙂💔
ماهر: "غير مكانو وجا قعد باتجاها" مالك ي انا انتي كويسة!؟
"نسمة وهي بتعاين لي نون نظرة مليانة توبيخ "
نون:" اخدت تنهيدة" وردت ولايهمك كويسة شديد لما اكون معاكم ❤️
نسمة "قامت "وقالت ليهم: يلا زمن اللاب جا والدكتور م ح يدخلنا
ماهر" عاين لساعتو" وقال لسة 10دقايق خليني أطلب ليها نسكافي تروق باين من عيونا إنها تعبانة شوية
نون : لا م مشكلة شاربة الشاي يلا نمش ع اللاب عشان م نتأخر
نسمة "اتقدمت لينا "
ونحن فضلنا ماشين شال مني الكوت ومد يدو علشان يمسك يدي بس إتراجع عاينت ليهو جوة عيونو وأخدت تنهيدة طويلة ومديت يدي شلت منو الكوت وودعتو ومشيت علي اللاب.
أعرفكم عليها:-
نون بت عمرها 18 سنة وحيدة أمها وأبوها دلوعة وحساسة شديد قبل تلاتة سنة نزلو السودان عشان أبوها عايزا تمتحن شهادة سودانية نقل كل أشغالو هنا ووفر ليها كل سبل الراحة رغم إنو هي م كانت مبسوطة أبدا بالقعدة في السودان بس شوية شوية مع أهلا وكدا إتأقلمت مع الوضع راشد كان خريج هندسة لما هي جات وقف معاها وساعدا كتير وكان أغلب وقتو بطلعا من جو النفسنة وحتي في تالتة بجي يسوقا اماكن هادية ويشرح ليها حسب انو م كان عندها زول غيرو اتعلقت بيهو جدا لما خلصت تالتة بدون أي مقدمات اتقدم ليها ووافقت وأسي بتدرس في كلية خاصة تانية صيدلة وعندها منو ولد عمرو سنتين إسمو يوسف.
أصحابا تلاتة نسمة دي صحبتا شديد وماهر إتعرفت بيه في الكلية لما نزلو يداب برلومة هو بدرس في رابعة ومعاها صحبة تانية إسمها أمل دي مقربة ليها شديد أول بت إتعرفت بيها ماعندها شغلة بباقي الدفعة كتير أغلب وقتها بتقضي مع أمل ونسمة وأحيانا لما ماهر يكون فاضي بتطلع معاه.
علاقتا حلوة مع راشد رغم النقاشات والعنادة هو بتحملا عشان عارف طبعها وعشان خاطر يوسف..❤️
بعد اللاب اتصلت لأمل عشان م كانت معانا في نفس اللاب اتلاقينا فطرنا وكان مفروض اتصل لماهر عشان نتلاقي بس عندي محاضرة مشيت حضرتها وطلعت هم مشو الاستراحة وانا اتصلت ليه
-حبيبي
= تعالي لي في الباركن
مشيت ليهو لقيتو في العربية اول م دخلت لقيتو متكئ ومشغل أغنية إنجليزية هادية مديت يدي أقفلا مسكني وقال لي خليها برتاح جدا لما أسمعا بتوصف شعوري وإحساسي في كل حرف إتقال
" I,well daie by your love "
عاين لي مسافة وقال لي مالك أمس م رديتي علي تعرفي كنت محتاج أسمع صوتك قدر شنو، إنتي ليه بتحبي تعذبيني، ليه يانون، علشان عارفة إني مابقدر بدونك
بدون أحس لقيت نفسي ببكي أيوة ماعارفة أرد عليه إذا أنا ماعارفة أشرح لنفسي الحاصل كيف أفهمو قدر شنو أنا بحتاجو ساعات كتيرة ومابقدر، بحس يوم الجمعة والسبت دي دهر كامل وأنا بعيدة عنو.
"سحب منديل مداه لي وقفل الموسيقا قال لي بس بس كفاية " قرب مني وتاني إتراجع.
حسيت إني مخنوقة شديد حتي ماقادرة أتكلم معاه ولا حرف قشيت دموعي وقلت ليه أنا ماشة نسوم أسي حتلاحظ غيابي.
إكتفي بي إنو رجع راسو وراء وقال لي طيب نتلاقي متين تاني
-ما……
=ماعارفة ولا ماقادرة! ؟
-معلش ياماهر بس إنت عارف الوضع
=طيب ح أستني منك مكالمة ماتخذليني المرة دي برضو
-حاضر.
"نزلت ومشيت إشتريت لي موية "
إتصلت لراشد قبيل لقيت مكالمة منو وم رجعت ليه طمنتو إني وصلت وإتصلت لامو إطمنت علي يوسف وخلصت محاضراتي ورجعت البيت.
عديت اليوم عادي لحد م جا راشد وقعدنا شوية وقلت ليه تعبانة ماشة أنوم خليتو عندو شغل بخلص فيه.
ماقدرت اتصل لماهر بس رسلت ليه مسج وكان زعلان بس راضيتو قفلت تلفوني وعاينت ليوسف مسافة حضنتو ورقدت نمت …
(ليك ولزمانك القرارات المصيرية م بتسرعو فيها فكري الف مرة قبل تتخذي قرار ممكن يجوط حياتك 🖤)
#يتبع
#بقلـم:نوودين&نرمين طه
