رشا رجعت البيت فرحانه شديد و أول م شفتها فرحانه كده قلبي وجعني و بقيت م عارفه اتصرف كيف!!
فجأه جاتني فكره و طلعتا بيتي فوق نظام عايزه اجيب حاجه ..
ضربتا لماهر و غيرتا صوتي و خليتو مبحووح شويه ..
_نون!!!مالك انتى كويسه
=بقيت ببكي .. ي ماهر
_نون ف شنو بسم الله .. بتبكي ليه؟!..ف زول ضايقك .. وريني حبيبي انا جمبك
=حاسه انك بقيت م بتحبني و انو ف وحده تانيه ف حياتك و بقيت ببكي زياده و بتنهد
_سكت مسافه و بقا مخلوع ٫٫ نون ده كلام شنو ده .. كيف يعني م احبك؟!..انتى حياتي ي بت و أنو أسيبك ده شى مستحيل .. انا اصلا م بعاين لغيرك خليك من انو دخل زول حياتى
=ضربتا ليك و م بترد!
_يعنى عشان م برد يبقا بحب غيرك!؟؟
=اصلا انتا اكيد كنتا مع وحده ..و بقيت ببكى زياده و هو ساكت
_نون اول مره تعملى كده م عارف اتصرف و الله
=لانو اول مره تحسسنى بالاحساس ده!!!
_نون و الله بحبك و عمرى م شفتا غيرك و م ح اشوف غيرك .. انتى حبيبتى و اختى و كل الناس ف عيونى ٫ كنت مشغول شويه لكن وعد م تتكرر ٫ حقك علي ي ستى خلاص ممكن م تبكى عشان انا كده قلبي بتحرق معاكى
=حاضر
_نون م تفكرى كده تانى ممكن؟!..
=طيب
_رأيك ايه بليل نطلع!؟
=م عايزه
_نون ..
=قبل يتم كلامو قاطعتو .. م عايزه بس ي ماهر .. خلاص .. و قفلتا الخط ..
كنتا متعمده اعمل كده عشان يعرف اني لسه زعلانه و هو هناك اتوتر شديد و بقا م قادر يقعد ..
بضرب لي لقا تلفوني مقفول و رشا بتضرب ليهو بتلقا تلفونو مشغوول ..
رشا بقت قاعده ف السرير و بتستغفر و م عايزه تظلمو لكن كان كل مره بثبت ليها حاجات عكس تماما الحاجات البقولا ليها ..
بقت بتذكر اول مره شافتو ..
↩️باك فلاش ↪️:
رشا كان راجعه من الدرس و داخله العماره لقت ماهر ف وشها ماشي سريع ..
ماهر اول م شافها اتخلع بقا واقف و بعاين ليها ..
_انت كنتا عنده منو هنا؟!..
=انا .. كنتا عايزه اسأل من بيت عارضنو للبيع .. و اظن ضيعتا الطريق
_اها قصدك الفيله دي ..(و أشرت علي الفله القصاد العماره ..)
=دي هيا المعروضه للبيع؟!..
_اي
=ماهر م كان عارف انو ف فله اصلا معروضه للبيع بس دي كان اول كذبه جات ف بالو و منها جاتو فكره انو يجي يعيش هنا و كمان فكره انو يعلق رشا فيهو !..
