نم بين حنايا قلبي

١٨

راشد اول م شاف ماهر من غير يحس مسكو و بده يضرب فيهو و ماهر كان ساكت و م حاول حتى يدافع عن نفسو !!..

  رامى لو م جا ف الوقت المناسب كان ماهر ممكن يموت ع يد راشد ..

  رامى مسك راشد و راشد بقا جايط و بصرخ ..

_انا عملتا شنو عشان تعملو فينى كده؟!..طيب انا كلو ممكن اتقبلو ..
  اختى الدمرتا ليها مستقبلا دى!!ذنبها شنو؟!..عايز اعرف اختى دى تعمل فيها كده ليه؟!..ورينى ..

  ماهر بقا ببكى لمن بتنهد و احساس الذنب ال جواهو كان ظاهر من تعابير وشو بس احساس الذنب ده م ح يغير حاجه!!

   رامى مسك راشد و رجعو البيت ..
  راشد طلع بيتو فوق و بقا بتذكر نون ف كل تفاصيل البيت ..

  لمن تقيف تعمل الاكل ف المطبخ و لمن تطلع تنظف الصاله و لمن تقرى ف المكتب ..

  بقا بكسر الحاجات ف البيت و امو تحت سامعه و بتبكى و م قادره تعمل شى !!..

  ابو نون م قدر يستحمل و دخل ل نون جوه الغرفه ..

_ليه عملتى كده؟!..انا ربيتك ع كده ي نون؟!..طول عمرى بفتخر بيك و طول عمرى بقول انك بتشبهينى بس لا ..
  انتى مستحيل تكونى بتى ال أنا تعبتا فيها و ال أنا حبيتها .. مستحييل ..

  ماهر طلع البيت و كان م قادر يمشى من الوجع ..
  وصل غرفتو بصعوبه و رقد طوالى نام من التعب ..

  صحه ع صوت كركبه ف البيت لمن قام و طلع لقا ابوهو قصادوو ..

_ابوى!!!

   ابوهو سلم عليهو و قعدو ف الصاله ..

=ماهر وشك ده مالو كده؟!..م تكون قابلتا منذر و ..

_قاطعو .. يلا انا حسي عايزك تفهمنى الحاصل .. حسي ي ابوى ..

= ....

   راشد م قدر ينوم مسك تلفونو و ضرب للمحامى بتاع الشركه صحاهو من النوم ..

_عايزك تجهز لى اوراق الطلاق .. الصباح لازم تكون جاهزه ..

   نون كانت بتبكى و بطنها واجعاها شديد و بتتذكر ف الغلط ال عملتو و تتمنى لو انها مااتت ..

  رشا امها م خلتا براها كانت خايفه انو تعمل شى ف روحها تانى ..

  و رامى قاعد ف الصاله بفكر ف حل للمشكله دى ..

  اليوم ده ماف زول نام .. و كل زول كان ف شى شاغلو ..
  ماهر و رشا و نون و راشد و رامى ..

  كلهم كانو ف حرب حاسين انها اكبر منهم !..

  عنده ماهر كان قاعد و بعاين ل أبوهو بخلعه بعد م عرف القصه ..

  يادوب كده قدر يعرف سر الحلم و يادوب يفهم الحاصل ..
  ماهر بقا خاتى يدو ف راسو و م مصدق البحصل ده ..