" بين جميع القصص هناك واحده لا نهايه لها ٫ تكمله لعشق مجنون أو حب محروم " .
صحييت الصباح و كنتا مصدعه شدييد ٫ أستحميت و طلعتا عملتا الشاى و الفطور و مسكتا تلفونى لقيت ماهر مرسل لى ..
" صبااح الخير ي احلى حاجه ف حياتى ٫ شايفك الايامات دى زعلانه و م نون المجنونه البعرفا عشان كده بعدين عازمك احلى عشاء و ماف مجال للرفض ..
بحبك .❤️"
ابتسمتا للرساله و ختيت التلفون مسافه و بقيت افكر ح اقول لراشد انى بعدين ماشه وين ..
راشد:سرحانه وين
نون:(عاينتا ليهو بخلعه ..)خلعتنى
راشد:(باسنى ف راسى ..)صباح الخير😊
نون:صباح النور (و زحيت من جمبو ..)
راشد:(مسكنى من يدى و رجعنى ليهو تانى ..)م شايفه انك بقيتى خاته حدود بينا كتير .. انا راجلك م حبيبك عشان تتصرفى كده
نون:....
راشد:(قرب منى شديد ..)انا لى حق فيكي فاهمه؟
نون:....
راشد:(دخل غرفتو عشان يستحمى ..)
بقيت واقفه و ببكى و حرفيا راشد كلامو صح ٫ انا البديت انحرف و اعمل حاجات م شبهى😪..
مسكتا التلفون و رسلتا لماهر :
" م بقدر .. "
قلتا ليهو م بقدر ع رساله طويله كتبتا بشغف و عارفه انو رسالتى القصيره ح تكسر بخاطرو بس حتى انا خاطرى مكسور و م عارفه ح أجبرو كيف .
جهزتا الفطور و راشد جا أكل و يوسف صحا بقيت شايلاهو و بأكل فيهو ..
راشد:م ماشه الجامعه الليله؟!..
نون:لا
راشد:ليه؟
نون:تعبانه شويه
راشد:خلاص بعدين جهزى نفسك و نتعشى بره ..طيب❤️
نون:طيب ..
بعد راشد طلع مسكتا تلفونى لقيت كميه من المكالمات و كلها ماهر م اشتغلتا بيهو و ختيت التلفون ..
صليت الظهر و نظفتا البيت و كنتا لابسه لى جلباب قصيرو قاعده اقطع ف بطاطس ...
لمن م سمعتا صوت الباب قلتا اكيد وحده من الجيران و فتحته طوالى ..
نون:(بخلعه ..)ماهر😲
(دخل وجر الباب وراه وبقا جاي علي وانا إتصنمت في مكاني مقدرت اتحرك كان باين عليهو زعلان شديد وهو لما يعصب مابتفاهم عيونو بتحمر وببقا غضبان وم بتفاهم قلت ليهو: ماهر انت الجابك ...
-انتي يانون، ،انتي السبب في الانا فيه دا كلو تعرفي بقيت م بقدر انوم الليل كلو بفكر فيك وانتي حضرتك بتعملي ف شنو نايمة في حضنو صاح!؟ قرب علي ومسكني من يدي وجراني عليه وانا خلاص مابقا عندي حيل ببكي وبحاول اتفك منو وهو بتكلم بي نبرة جادة وصوتو عالي شديد قلت ليهو
=ماهر الله يخليك ابعد عني غلط،البتعمل فيه دا فكني امش ح نتلاقي ونتفاهم
-غلط!؟يداب فكرتي تعملي الصاح من الغلط م غلط لما تخليني اليوم كلو انتظر مكالمة منك وتجي تقولي لي مابقدر، ماغلط لما تتهربي مني في الجامعة وتقولي لي نسوم حتلاحظ،غيابك نسوم كانت وين لما كنت بسيب محاضراتي وبقضي اليوم كلو معاك، كانت وين لما كنا بنرجع سوا والصباح بنطلع سوا، ولا التاني المصون زوجك كان وين لما سافر خلاك براك وانتي حامل وماقادرة لنفسك مين اللي وقف معاك واستحمل معاك كل القرف والتعب، تتزكري ي نون لما كنتي تتعبي نص الليل ماكنت بعرف انوم لو م اطمنت عليك، كنت بعمل ليك فيديو كول لحد م تنومي وانا بتكلم معاك، كان وين ايام تتجرسي وتبكي من الامتحانات واسيب قرايتي واقعد اشرح ليك، نون انتي ليه ماعايزة تفهمي انو انا البستاهلك اكتر منو، انتي مفروض تكوني لي، في اللحظة دي مفروض انا الاكون في البيت دا معاك
