نم بين حنايا قلبي

٥

" سنجتاز المشاعر لكننا لم و لن نستطيع اجتياز الحب ."

لمن لقيتو لسه واقف بقيت اضحك من غير احس ..

  ماهر من م اتعرفنا بستنانى و بلقاهو ف نفس الحته الخليتو فيها ..

  عمرو م زهج و عمرو م خذلنى و مشا ..

  مشيت عليهو و انا مبسوطه و من غير احس قربتا منو شديد و نسيت اننا ف الشارع زاتو ..

=لمتين ح تعمل كده!؟؟

_قصدك بعمل ف شنو!؟؟

=بتخطف قلبي اكثر

_انتى لو فضلتى قريبه كده انا ح اتهور

=لاحظتا لنفسي و زحيت منو ..

_بحبك ي مجنونه و عمرى م ح ازهج .. و ح أفضل استناك حتى و انتى بتهربى .⁦❤️⁩

=عاينتا ليهو و م رديت بس كنتا متأكده انو الفرح ظاهر ف عيونى ..

  ودعتو و مشيت و هو م كان حابب يضغط علي بعد م رخيت ..

  رجعتا البيت و ريحتو لسه فينى ٫ ملامحو ال م بقدر اطلعا من بالى ..
  انا ماشه ف خطاء و الخطاء ده حلو عشان معاهو⁦❤️⁩

غيرتا هدومى و قعدتا بحاول اصحه من الانا فيهو بس هو كان مصر ياخذنى معاهو لعالمو ..
  جاتنى منو رساله ..

" انتى البراك شلتى الامان فضيتيهو كلو فضحكتك ٫ ياخ بس أضحكى"🖤

  بقيت بعاين للرساله و ابتسم .. فجأه رشا جات داخله و بقت تضحك ..

_اخوى شكلو رومنسي معاكى و بقت تضحك

=عاينتا ليها و م رديت

  بعد م طلعت راشد ضرب لى بقيت بتكلم معاهو رشا جات داخله ..

_بصوت عالى قالت ليهو و الله كويس بترسل لمرتك كلام حلو وتخليها تتبسم اليوم كلو طيب م تعبرنا شويه

  ف اللحظه دى راشد سكت و انا طلعتا بره طوالى ..

_راشد

=قصدها شنو رشا؟!..

_قبيل شافتنى و انا بضحك و كانت قايله انى بضحك بسببك

=و انتى كنتى بتضحكى مع منو؟!..

_كنت .. كنت بشوف صور عرسنا بس!

=.سكت

_م مصدق؟!..

=معقوله م اصدقك .. انتى اخر وحده تغلط ف حق زول فما بالك راجلك!!

  كلامو نزل علي زى الصاقعه .. قلبي وجعنى شديد .. تعبتا من الحاله دى ..
  حاسه روحى بغلط ف حق نفسي و ف حق راشد و ف حق ماهر و بذات ف حق ولدى يووسف ..

  قفلتا من راشد و دخلتا الغرفه لقيت يوسف نايم بقيت بعاين ليهو و سرحانه ..

  قاطع سرحتى صوت تلفون رشا و كان جمبى من غير احس لقيت نفسي بعاين للرقم ..
 
  هنا كانت الصدمه بالنسبه لى!