نون كان حالته صعبه شدييد و بتصحه و تقع تانى و اهلها م قادرين يتصرفو نهائ و لا قادرين يسألوها من الحاصل !...
رشا ب هناك قاعده ف الارض و تبكى و امها تبكى معاها و رامى بس واقف يعاين ليهم ..
فضلو ع الحاله دى ساعتين امكن لمن م راشد جا و اول م شاف حالتم بقا ماسك ف الحيطه و ماشي اتجاهه رشا ..
_رشا حبيبتي الحاصل شنو؟!..انتى عارفه انى عمرى م قصرتا معاكى و عمرى م خليتك تبكى بالطريقه دى!!!ورينى الحقيقه انا عارف تربيتى م بتضيع ساى .. رشا اتكلمى و قولى انو ف شى غلط !..
رشا كانت ساكته و بعد كلام راشد بقت تبكى اكتر و م قادره ترفع راسا تعاين ليهو ..
رامى بقا جايط و بصرخ ..
=دى نهايه دلعنا .. و نهايه ثقتك ب مرتك .. اصلا كلو بسببا هيا العملت كده و دخلت الغريب داك بيناتنا ..
راشد من غير يحس قام و بقا بضرب ف رامى و امو بقت بتصرخ و ف النهايه قعدت تبكى و هو اول م سمعه بتبكى وقف و بقا يعاين ليها ..
م كان قادر يستحمل المنظر و لا الكلام الحاصل ٫ من غير يتكلم مع رشا كلمه تانيه طلع و قعد يبكى ف العربيه ..
كان متمنى ده كلو يكون كذب ٫ رشا اختو ال رباها بيدو و كبره و علمه الصح من الغلط تعمل كده؟!..
نون حب حياتو و مرتو و احلى شى ف دنيتو معقوله يطلع منها تصرف زى ده؟!..
راشد مشا ع بيت اهل نون طوالى و اول م ابو نون شافو دخلو البيت و استقبلو بس الاتنين علامات وشهم م كانت خير ..
_نون وين؟!..
=و الله ي ولدى بعد سبتها ف المستشفى جبناها ..
_مستشفى؟!..ده كلام شنو انا اصلا يادوب جاى من الخرطوم
=الدكتور قال انو راجله وقع على ..
_ع شنو؟!..
=سكت و نزل راسو
_ع شنو ي عمى قول .. نون حصل ليها شنو
=أجهضت للأسف💔
راشد لمن سمع الكلمه دى قلبو وجعو و بقا بتذكر لمن قال ل نون انو عايز اخو ل يووسف ..
راشد من غير يرد ع كلام ابو نون دخل الغرفه و لقا نون راقده و حالته صعبه و امها جمبها ..
ام نون اول م شافتو قامت و م قدرت تتكلم معاهو بعد شافت تعابير وشو طوالى طلعت بره ..
نون حبه حبه بدت تصحه و اول م شافت راشد بقت تبكى ..
_نون عملتى شنو انتى؟!..مستحيل كلامم يكون صح .. حبيبي ورينى الحقيقه ف شنو؟!..
نون كانت ساكته و ماسكه بطنها و بتبكى ..
_نون .. ورينى ف شنو .. انتى م كده!!!انتى م كعبه .. انتى حييبتى ال م بتغلط ..
=بقت بتصرخ و تبكى .. اعفى لي ي راشد .. و الله م كان قصدى انا بس حبيتو .. راشد اعفى لى و خلينى افهمك الحصل ..😭
