نم بين حنايا قلبي

١٢

فتح علبه صغيرة واخد حبة للاسف ماقدر يقاوم الوحدة الحاسي بيها، ،الم الصداع الماعايز يخليهو من ساعات اخد حبة وغمض عيونو شديد واطلق تنهيدة طويلة ……

   فجاه نسى كل الوعود القطعه ل نون .. فجأه ماهر رجع ل ماهر القديم .. ماهر المدمن ..

  رقد ف السرير و م قادر يستوعب حاجه .. حسه نفسو مرتاح ..

  فجأه سمع صوت من الصاله وقف ع حيلو عشان يطلع رشا جات داخله ..

  ماهر ف البدايه شافه رشا بس بعدين فجأه بقت نون ..

  قرب منها شديد و حضنه عليهو و هو ببكي ..

_انا بحبك ٫ بحبك شديد😭

  م كان حاسى بحاجه و لا حتى حاسى انو بغلط غلط كبير ..
  غلط ح يدمر رشا و يدمرو هو كمان و اهم شى ح يدمر نون ..

  رشا استسلمت ل ماهر بكل بساطه ٫ ضعفت قدام كلماتو و لمسه يدو ..
  ضعفت و خسرت اهم شي عندها ..

  ع اذان الفجر ماهر صحا و عاين جمبو و لقا رشا ..

  قام من السرير مخلوع و بقا م مستوعب حاجه ..

  بحاول يتذكر بس نهائ م قادر ٫ راسو واجعو شديد و دموعو بقت تنزل من غير يحس ..

_نون .. كيف عملتا كده ف نون💔(و خته يدو ف راسو و بقا قاعد ف الارض ..)

  رشا صحت شافتو ب منظرو ده و بقت تبكي و يادوب حست بالمصيبه العملتا ..

  طلعت بتجر رجلينا خطوة خطوة و ماهر نهائ م رفع راسو عاين ليها ..

  وصلت البيت و دخلت غرفتا و بقت تبكي لمن بتتنهد ٫ كانت تعبانه شديد رقدت ف السرير و بقت بتتذكر الحصل و تبكي زياده ..

  نون م كانت قادره تنوم نهائ ٫ من جهة بتفكر في ماهر و من جهة في  راشد ..

  قلبها كان حاسسا انو ف شى م كويس بيحصل ..

  مسكت تلفونا و ضربت ل ماهر .. تقريبا دي اول مره تضرب ليهو زي المواعيد دي ..

  ماهر كان سامع التلفون بس م قادر يقوم ..

  م قادر يعمل شى غير انو يبكي ..

  نون استغفرت ربها و حاولت تنوم ..

  الصباح عنده راشد :

  جاهو المحامي ف السجن ..

_وضعك صعب شديد ي راشد

=اعمل شنو طيب؟!..

_م عندك حل غير تدفع القروش .. لو الموضوع وصل للمحاكم انت ال ح تخسر

=استغفر الله ..

  راشد وافق ع كلام المحامي و دفع القروش الفي حسابو كلها واضطر ياخد من حساب رامي وكان عندو قروش احتياطية برضو دخل فيها … طلع طوالى و كان زعلان شديد من الحاصل و قرر انو لازم يعرف الحصل ..