غيبه الأهل دي بتقتل جوانا حاجات كتيييره ٫ و حرفيا الليله بعد قعدتا معاهم حسيت قدر شنو كنتا فاقده الفرح ف حياتي ..
اتونسنا كتير و زي م بقولو الأم دايما بتحس ..
و انا داخله الغرفه امي جات وراي و قعدت جمبي ..
_نون يابتي ..
=اي ي امي .. ف حاجه؟!..
_حاسه انو ف حاجه .. انتى كويسه؟!..
=اي كويسه شديد .. الحمد لله
_ي بتي .. لو ف حاجه وريني
=سمعتا صوت يوسف ببكى .. ماشه اشوف يوسف ي امي .. و طلعتا طوالى ..
انا ممكن اكذب قدام كل الناس الا أمي ..
من انا صغيره و هيا بتعرفني من عيوني ..
متأكده لو حكيت ليها ح توقف ضدى و ح تقول لي انو البعملو غلط ٫ عشان كده ح اسكت !!..
مشيت ليوسف و نومتو و بقيت بضرب ل راشد م برد ..
راشد كان قاعد و متوتر و جا واحد مسؤل من الحسابات ..
_م عارف اقول ليكم شنو بس م دخل و لا جنيه الحساب
راشد انفعل شديد و بقا بصرخ ..
_كيف يعني انا بيدي دي اديت القروش للسكرتيره !!
=السكرتيره نكرت كلامك ده كلو و قالت انها م شافتك اصلا
راشد خته يدو ف راسو و بقا قاعد ف الكرسي و م عارف يقول شنو و لا يعمل شنو ف المشكله دي ..
_انا آسف بس انتا حسي لازم تمشي معانا القسم .. لمن م ترجع القروش و بعدها بتطلع !!!
راشد عمرو م اتوقع نفسو يتخته ف موقف زي ده ..
حسه الدنيا وقفت فجأه و م عارف يتكلم و لا يتصرف و لا منو العمل فيهو كده!..
في جهة تانية: -
-ساعات وح أخد حقي منو
=لو انكشفنا ي ناصر…
-ماتخافي ي لونة انا مخطط كويس وانتي حتطلعي منها زي الشعرة من العجين„„
=حاسة بتأنيب ضمير … بس يلا يستاهل عامل فيها المميز في التيم حتي مابفتح خشمو مع البنات…
-تعرفي انو كان مفروض انا اكون ف مكانو بس هو …اخد مني كل شي
=هو ود خالتك صاح!؟؟
-للاسف،،،والولد المحبوب والمحظوظ في العائلة … من قمنا صغار جدو وحبوبة بميزو عننا،،،لما كنا ممتحنين تالتة … عندي خالي في لندن قالينا البجيب درجة كويسة ح اتوسط،ليهو بي منحة يجي يدرس في هارفاد،„„،كان امنيتي اسافر واشوف العالم بس كنت بكره الدراسة شديد „„ مع ذلك اجتهدت بعد دا كلو ولما طلعت النتيجة بقا هو درجتو أعلي مني „„ متخيلة انو فايتني بي 3% وخالي فضلو علي وسفرو وانا … انا حصل لي شنو فضلت في السودان الفقر دا عشان كدا يستاهل الحصل معاه وانا م ندمان ابدا
