بقيت واقفه و قلبي بدق سريع و م عارفه اعمل شنو ..
ادخل و لا م ادخل!..
مسكتا الباب عايزه ادخل لقيت ماهر طلع و حالتو كعبه شديييد ..
عيونو وارمه و وشو احمر و يدو مجروحه ..
_ماهر !! ده شنو و ف شنو و ليه انت كده؟!..
=عاين ل نون و م قدر يرد ب حرف ..
_ماهر حبيبي ف شنو م تخوفني عليك
=ماف شى ..
_مسكتو من يدو و قعدتا ف السرير ٫ مشيت جبتا معقم و جيت مسحتا ليهو يدو ..احكي لي ف شنو
=ماهر اتذكر ال عملو ف رشا و بقا بعاين ل نون و عيونو كلها دموع ..
_ماهر انت عملتا شنو؟!..
=و لا شى ي نون بس بلعتا حبه تانى ..
_عاينت ليهو مسافه .. ليه ي ماهر تعمل كده مش اتفقنا ح نسيب العاده دي ؟!..
=انا بحبك ..
_و بقا ببكي .. دي اول مره ف حياتي اشوف ماهر ببكى ..ماهر💔حضنتو و بقيت بحاول اهديهو ..
=نون م تسيبيني .. بموت انا ..
_م ح اسيبك .. انا بموت قبلك و الله ..
حاولتا اهديهو و شلتا باقي الحبوب رميته ..
نزلتا تحت جهزتا ليهو اكل وجيت لقيتو برتب غرفتو رغم اني حاولت رفض لي بي جروحو رتبا رتبت معاه باقي البيت و طلعتا لقيتو نايم ف الارض ..
حاولتا اصحيهو عشان ينوم فوق ..
بس ابا و طلع نام ف الغرفه التانيه ..
م عرفتا اعمل شنو بس كان لازم اطلع ..
بعد اتأكدتا انوو نام طلعتا من البيت و قلبي بضرب سريع ..
خايفه عليهو شدييد ..
ف الوقت ده رامي كان ف شباك بيت نون ..
شافا و هي طالعه و هنا اتأكد انو ف حاجه غلط ..
مسك تلفونو و ضرب ل راشد ..
_راشد كيفك ..
=م تمام و الله
_ليه ف شنو؟!..
=حكه ليهو كل حاجه
_لا حول و لا قوه الا بالله .. و ليه م كلمتني من بدري ..
=كدي خلينا من ده حسي .. م تجيب سيره ل زول انا ح احل الموضوع و بجي
_ح تعمل شنو يعني ..
=حكه ليهو خطتو
_اي ممكن .. ان شااء لله تقدر توقعو الوسخ ده
=انتو كويسين؟!.و نون و يوسف كيف ..
_سكت مسافه .. كويسين كويسين ..
